ມີກາ 2:1-13
2 “ຄວາມຈິບຫາຍຈະເກີດຂຶ້ນກັບຄົນທີ່ວາງແຜນຮ້າຍແລະຄົນທີ່ນອນຄິດແຜນຊົ່ວ.
ຕອນເຊົ້າເຂົາເຈົ້າກໍໄປເຮັດຕາມແຜນນັ້ນຍ້ອນເຂົາເຈົ້າມີອຳນາດທີ່ຈະເຮັດໄດ້.+
2 ເຂົາເຈົ້າຢາກໄດ້ນາຂອງຜູ້ໃດກໍໄປຍຶດເອົາ+ແລະຢາກໄດ້ເຮືອນຂອງໃຜກໍໄປເອົາໂລດ.ເຂົາເຈົ້າສໍ້ໂກງເອົາເຮືອນ+ແລະເອົາມູນມໍລະດົກຂອງຄົນອື່ນ.
3 ຍ້ອນແນວນີ້ ພະເຢໂຫວາຈຶ່ງເວົ້າວ່າ
‘ເຮົາກຳລັງຈະໃຫ້ພວກເຈົ້າ*ເຈິຄວາມຈິບຫາຍ+ທີ່ພວກເຈົ້າຈະໜີບໍ່ລອດ.*+
ພວກເຈົ້າຈະບໍ່ໄດ້ຍິ່ງຈອງຫອງອີກຕໍ່ໄປ+ ຍ້ອນຄວາມຈິບຫາຍມາຮອດພວກເຈົ້າແລ້ວ.+
4 ໃນຕອນນັ້ນ ຄົນຈະເວົ້າຄຳກອນກ່ຽວກັບພວກເຈົ້າ+ແລະເຂົາເຈົ້າຈະຮ້ອງຫາພວກເຈົ້າຢ່າງຂົມຂື່ນ.
ເຂົາເຈົ້າຈະເວົ້າວ່າ “ພວກເຮົາຖືກທຳລາຍຈົນບໍ່ເຫຼືອຫຍັງແລ້ວ.+
ພະເຈົ້າເອົາດິນຂອງພວກເຮົາໄປໃຫ້ຄົນອື່ນ.+
ເພິ່ນເອົາດິນຂອງພວກເຮົາໄປໃຫ້ຊາດໜຶ່ງທີ່ບໍ່ໄດ້ຮັບໃຊ້ເພິ່ນ.”
5 ຍ້ອນແນວນີ້ຈະບໍ່ມີໃຜໃນປະຊາຊົນ*ຂອງພະເຢໂຫວາທີ່ຈະໃຊ້ສາຍແທກເພື່ອແທກດິນທີ່ແບ່ງຕາມການຈົກສະຫຼາກ.
6 ແຕ່ເຂົາເຈົ້າພັດເວົ້າວ່າ: “ເຊົາພະຍາກອນແມະ!ເຈົ້າບໍ່ຄວນເວົ້າກ່ຽວກັບເລື່ອງເຫຼົ່ານີ້ອີກ.ພວກເຮົາຈະບໍ່ເຈິຄວາມອັບອາຍຂາຍໜ້າດອກ!”
7 ລູກຫຼານຂອງຢາໂຄບເອີ້ຍ ພວກເຈົ້າຖາມວ່າ:
“ພະເຢໂຫວາໝົດຄວາມອົດທົນແລ້ວບໍ?
ເພິ່ນຈະເຮັດສິ່ງເຫຼົ່ານີ້ແທ້ໆແມ່ນບໍ?”
ເຮົາເຄີຍສັນຍາໄວ້ແລ້ວແມ່ນບໍວ່າຈະໃຫ້ສິ່ງດີໆເກີດຂຶ້ນກັບຄົນທີ່ສັດຊື່?
8 ແຕ່ບໍ່ດົນມານີ້ ປະຊາຊົນຂອງເຮົາເຮັດຄືກັບເປັນສັດຕູຂອງເຮົາ.
ພວກເຈົ້າບໍ່ຮູ້ສຶກອາຍທີ່ດຶງເອົາເຄື່ອງປະດັບທີ່ແພງໆຢູ່ເຄື່ອງນຸ່ງຂອງຄົນທີ່ຍ່າງກາຍມາເຊິ່ງເປັນຄົນທີ່ກັບມາຈາກສົງຄາມ.
9 ພວກເຈົ້າໄລ່ພວກຜູ້ຍິງທີ່ເປັນປະຊາຊົນຂອງເຮົາອອກຈາກເຮືອນທີ່ເຮັດໃຫ້ເຂົາເຈົ້າມີຄວາມສຸກແລະເຮັດໃຫ້ລູກຂອງເຂົາເຈົ້າບໍ່ໄດ້ຮັບພອນຈາກເຮົາຕະຫຼອດໄປ.
10 ໃຫ້ລຸກຂຶ້ນແລະໜີໄປ. ແຜ່ນດິນນີ້ບໍ່ແມ່ນບ້ານຂອງພວກເຈົ້າອີກແລ້ວ.
ຍ້ອນເມືອງນີ້ບໍ່ສະອາດ+ ມັນຈະຖືກທຳລາຍ. ມັນຈະຖືກທຳລາຍຈົນບໍ່ເຫຼືອຫຍັງ.+
11 ຖ້າມີຄົນເຮັດໂຕບໍ່ເປັນປະໂຫຍດ ຫຼອກລວງ ແລະເວົ້າຕົວະວ່າ:
“ຂ້ອຍຈະພະຍາກອນໃຫ້ເຈົ້າຟັງເລື່ອງເຫຼົ້າແລະເຫຼົ້າແວງ”
ລາວກໍເປັນແຕ່ຜູ້ພະຍາກອນທີ່ເວົ້າໃຫ້ຄົນເຫຼົ່ານີ້ພໍໃຈເທົ່ານັ້ນ.+
12 ຢາໂຄບເອີ້ຍ ເຮົາຈະລວບລວມພວກເຈົ້າທັງໝົດໃຫ້ເຂົ້າມາ.ເຮົາຈະລວບລວມພວກອິດສະຣາເອນທີ່ເຫຼືອໃຫ້ມາຢູ່ນຳກັນ.+
ເຮົາຈະໃຫ້ເຂົາເຈົ້າຢູ່ນຳກັນຢ່າງສະຫງົບສຸກຄືກັບແກະທີ່ຢູ່ໃນຄອກ+ຄືກັບຝູງແກະທີ່ຢູ່ທົ່ງຫຍ້າ.ບ່ອນນັ້ນຈະມີສຽງດັງຍ້ອນມີຄົນຫຼາຍ.+
13 ຈະມີຜູ້ໜຶ່ງເຈາະກຳແພງໃຫ້ເປັນປ່ອງແລະຍ່າງອອກໜ້າເຂົາເຈົ້າ.ເຂົາເຈົ້າຈະເຮັດໃຫ້ປ່ອງນັ້ນກວ້າງອອກເພື່ອຈະຍ່າງອອກໄປໄດ້.+
ກະສັດຂອງເຂົາເຈົ້າຈະຍ່າງອອກໜ້າເຂົາເຈົ້າແລະພະເຢໂຫວາຈະຢູ່ທາງໜ້າສຸດຂອງທຸກຄົນ.”+
ຂໍ
^ ແປຕາມໂຕວ່າ “ຄອບຄົວນີ້”
^ ແປຕາມໂຕວ່າ “ພວກເຈົ້າຈະເອົາຄໍຂອງພວກເຈົ້າຫຼົບໄປບໍ່ໄດ້”
^ ແປຕາມໂຕວ່າ “ປະຊາຄົມ”
