ມີກາ 4:1-13
4 ໃນສະໄໝສຸດທ້າຍພູທີ່ມີວິຫານຂອງພະເຢໂຫວາຕັ້ງຢູ່+ຈະຕັ້ງຢ່າງໝັ້ນຄົງແລະສູງກວ່າພູທຸກໜ່ວຍ.ພູໜ່ວຍນີ້ຈະສູງກວ່າໂນນພູທຸກໂນນແລະຄົນຈາກທຸກຊາດຈະໄປຫັ້ນ.+
2 ຄົນຈາກຊາດຕ່າງໆຈະພາກັນເວົ້າວ່າ:
“ໄປ໋ ໃຫ້ພວກເຮົາຂຶ້ນໄປເທິງພູຂອງພະເຢໂຫວາແລະໄປວິຫານພະເຈົ້າຂອງຢາໂຄບ.+
ເພິ່ນຈະສອນພວກເຮົາໃຫ້ຮູ້ຈັກແນວທາງຂອງເພິ່ນແລະພວກເຮົາຈະໃຊ້ຊີວິດຕາມທີ່ເພິ່ນຕ້ອງການ.”
ກົດໝາຍ*ຂອງເພິ່ນຈະມາຈາກເມືອງຊີໂອນແລະຄຳສອນຂອງພະເຢໂຫວາຈະມາຈາກເມືອງເຢຣູຊາເລັມ.
3 ເພິ່ນຈະເປັນຜູ້ຕັດສິນຊາດຕ່າງໆ+ແລະເພິ່ນຈະແກ້ໄຂເລື່ອງທີ່ບໍ່ຖືກຕ້ອງຂອງຫຼາຍຊາດທີ່ຢູ່ໄກໆ.
ເຂົາເຈົ້າຈະເອົາດາບມາຕີເປັນໝາກສົບໄຖ*ເພື່ອໃຊ້ໄຖນາ+ແລະເອົາຫອກມາຕີເປັນກ່ຽວ.*
ຊາດຕ່າງໆຈະບໍ່ຕໍ່ສູ້ກັນແລະຈະບໍ່ມີໃຜຝຶກເຮັດສົງຄາມອີກເລີຍ.+
4 ທຸກຄົນຈະນັ່ງ*ຢູ່ກ້ອງເຄືອໝາກລະແຊັງແລະນັ່ງຢູ່ກ້ອງຕົ້ນໝາກເດື່ອຂອງໂຕເອງ+ແລະຈະບໍ່ມີໃຜເຮັດໃຫ້ເຂົາເຈົ້າຢ້ານ.+ພະເຢໂຫວາຜູ້ບັນຊາການກອງທັບໄດ້ບອກໄວ້ແນວນີ້.
5 ຄົນຊາດອື່ນໆຈະເຊື່ອຟັງ*ພະເຈົ້າຂອງເຂົາເຈົ້າແຕ່ພວກເຮົາຈະເຊື່ອຟັງພະເຢໂຫວາພະເຈົ້າຂອງພວກເຮົາ+ຕະຫຼອດໄປ.
6 ພະເຢໂຫວາບອກວ່າ:“ໃນຕອນນັ້ນ ເຮົາຈະລວບລວມຄົນຂາເຢັກຄົນທີ່ກະຈັດກະຈາຍກັນໄປ+ແລະຄົນທີ່ເຮົາເຄີຍລົງໂທດ.
7 ເຮົາຈະຊ່ວຍຄົນຂາເຢັກທີ່ຍັງເຫຼືອຢູ່ໃຫ້ລອດ+ແລະເຮັດໃຫ້ຄົນທີ່ກະຈັດກະຈາຍກັນໄປກາຍເປັນຊາດໃຫຍ່.+ເຮົາເຢໂຫວາຈະປົກຄອງເປັນກະສັດຂອງເຂົາເຈົ້າຢູ່ພູຊີໂອນຕັ້ງແຕ່ຕອນນີ້ຈົນຕະຫຼອດໄປ.
8 ສຳລັບເຈົ້າ ປ້ອມສູງໆທີ່ເບິ່ງແຍງຝູງແກະເອີ້ຍ!ໂນນພູຂອງຄົນທີ່ຢູ່ເມືອງຊີໂອນ+ເອີ້ຍ!ແຜ່ນດິນສະໄໝແຕ່ກີ້*ທີ່ເຄີຍເປັນຂອງຄົນເຢຣູຊາເລັມ+ມັນຈະກັບຄືນມາ ມັນຈະກັບຄືນມາເປັນຂອງພວກເຈົ້າແນ່ນອນ.+
9 ເປັນຫຍັງເຈົ້າຄືຮ້ອງດັງແທ້?
ເຈົ້າບໍ່ມີກະສັດບໍ?ທີ່ປຶກສາຂອງເຈົ້າຕາຍໝົດແລ້ວບໍ?ຍ້ອນແນວນີ້ບໍເຈົ້າຈຶ່ງເຈັບປວດຄືກັບຜູ້ຍິງທີ່ໃກ້ຈະເກີດລູກ?+
10 ຄົນເມືອງຊີໂອນເອີ້ຍ ເຈົ້າຈະເຈິຄວາມເຈັບປວດຫຼາຍຄືກັບຜູ້ຍິງທີ່ເຈັບທ້ອງແຮງຕອນໃກ້ຈະເກີດລູກ.ຕັ້ງແຕ່ນີ້ໄປເຈົ້າຈະຕ້ອງອອກຈາກເມືອງນີ້ແລະໄປຢູ່ທົ່ງຫຍ້າ.
ເຈົ້າຈະໄປໄກຈົນຮອດບາບີໂລນ+ແຕ່ຢູ່ຫັ້ນຈະມີຄົນຊ່ວຍເຈົ້າ.+ຢູ່ບ່ອນນັ້ນພະເຢໂຫວາຈະໄຖ່ເຈົ້າຄືນມາຈາກພວກສັດຕູຂອງເຈົ້າ.+
11 ຊາດຕ່າງໆຈະມາລວມກັນຕໍ່ສູ້ເຈົ້າເຂົາເຈົ້າຈະເວົ້າວ່າ ‘ໄປ໋ ໄປເຮັດໃຫ້ເມືອງນີ້ເສຍກຽດໄປ໋ ໄປເບິ່ງຄວາມຈິບຫາຍຂອງຊີໂອນ.’
12 ແຕ່ເຂົາເຈົ້າບໍ່ຮູ້ວ່າພະເຢໂຫວາຄິດຫຍັງແລະບໍ່ເຂົ້າໃຈວ່າເພິ່ນຕັ້ງໃຈຈະເຮັດຫຍັງ.ເພິ່ນຈະລວບລວມເຂົາເຈົ້າຄືກັບລວບລວມມັດເຂົ້າທີ່ຫາກໍກ່ຽວແລ້ວໄປໄວ້ຢູ່ລານຟາດເຂົ້າ.
13 ຄົນເມືອງຊີໂອນເອີ້ຍ ລຸກຂຶ້ນແລະຟາດເຂົ້າແມ້.+ເຮົາຈະເຮັດໃຫ້ເຈົ້າເປັນຄືກັບງົວທີ່ມີເຂົາເປັນເຫຼັກແລະມີກີບຕີນເປັນທອງແດງ.ເຈົ້າຈະເຮັດໃຫ້ຊາດຕ່າງໆມຸ່ນອຸ້ຍປຸ້ຍ.+
ເຈົ້າຈະເອົາສິ່ງທີ່ເຂົາເຈົ້າປຸ້ນມາໄດ້ມາໃຫ້ພະເຢໂຫວາແລະຈະເອົາຊັບສົມບັດຂອງເຂົາເຈົ້າມາໃຫ້ຜູ້ເປັນນາຍສູງສຸດຂອງໂລກນີ້.”+
ຂໍ
^ ຫຼື “ຄຳສອນ”
^ ເຫຼັກທີ່ໃຊ້ປີ້ນດິນຕອນໄຖນາ
^ ຫຼື “ມີດຂໍທີ່ໃຊ້ຕັດແຕ່ງເຄືອໝາກລະແຊັງ”
^ ຫຼື “ອາໄສ”
^ ແປຕາມໂຕວ່າ “ຍ່າງໃນຊື່ຂອງ”
^ ແປຕາມໂຕວ່າ “ແຜ່ນດິນທຳອິດ”
