ມີກາ 5:1-15
5 “ເມືອງທີ່ຖືກໂຈມຕີເອີ້ຍເຈົ້າກຳລັງປາດໂຕເອງ.ພວກເຮົາຖືກສັດຕູລ້ອມແລ້ວ.+
ເຂົາເຈົ້າເອົາໄມ້ຕີແກ້ມຜູ້ຕັດສິນຂອງອິດສະຣາເອນ.+
2 ສຳລັບເຈົ້າ ເບັດເລເຮັມເອຟຣາທາ+ເຈົ້າເປັນເມືອງທີ່ນ້ອຍທີ່ສຸດໃນທ່າມກາງຫຼາຍພັນເມືອງ*ຂອງຢູດາແຕ່ຈະມີຜູ້ປົກຄອງຄົນໜຶ່ງອອກມາຈາກເຈົ້າເພື່ອປົກຄອງອິດສະຣາເອນແທນເຮົາ.+ລາວມີຊີວິດຢູ່ຕັ້ງແຕ່ດົນນານມາແລ້ວ.
3 ພະເຈົ້າຈະມອບປະຊາຊົນຂອງເພິ່ນໃຫ້ພວກສັດຕູຈົນຮອດເວລາທີ່ຜູ້ຍິງ*ໄດ້ເກີດລູກແລ້ວ.
ພວກອ້າຍນ້ອງທີ່ຍັງເຫຼືອຢູ່ຂອງຜູ້ປົກຄອງຄົນນີ້ຈະກັບມາຫາຄົນອິດສະຣາເອນ.
4 ລາວຈະຢືນຂຶ້ນແລະເບິ່ງແຍງຝູງແກະໂດຍອາໄສກຳລັງທີ່ມາຈາກພະເຢໂຫວາ+ແລະໂດຍອາໄສຊື່ທີ່ຍິ່ງໃຫຍ່ຂອງພະເຢໂຫວາພະເຈົ້າຂອງລາວ.
ເຂົາເຈົ້າຈະຢູ່ຢ່າງປອດໄພ+ຍ້ອນທຸກຄົນໃນໂລກຈະຮູ້ວ່າລາວຍິ່ງໃຫຍ່ແທ້ໆ.+
5 ລາວຈະເຮັດໃຫ້ເກີດຄວາມສະຫງົບສຸກ.+
ຖ້າພວກອັດຊີເຣຍມາໂຈມຕີແຜ່ນດິນຂອງພວກເຮົາແລະທຳລາຍປ້ອມຕ່າງໆຂອງພວກເຮົາ+ພວກເຮົາຈະຕັ້ງຜູ້ລ້ຽງແກະເຈັດຄົນກັບພວກເຈົ້ານາຍ*ແປດຄົນເພື່ອຕໍ່ສູ້ກັບພວກນີ້.
6 ເຂົາເຈົ້າຈະລົງໂທດພວກອັດຊີເຣຍດ້ວຍດາບ+ແລະລົງໂທດພວກນີ້ຢູ່ທາງເຂົ້າແຜ່ນດິນຂອງນິມໂຣດ.+
ຜູ້ປົກຄອງຄົນນີ້ຈະຊ່ວຍພວກເຮົາໃຫ້ລອດຈາກພວກອັດຊີເຣຍ+ຕອນທີ່ພວກອັດຊີເຣຍມາໂຈມຕີແຜ່ນດິນຂອງພວກເຮົາ.
7 ພວກລູກຫຼານຂອງຢາໂຄບທີ່ເຫຼືອຈະຢູ່ທ່າມກາງປະເທດຕ່າງໆ.ເຂົາເຈົ້າຈະເປັນຄືກັບນ້ຳຄ້າງທີ່ມາຈາກພະເຢໂຫວາແລະເປັນຄືກັບນ້ຳຝົນທີ່ຕົກໃສ່ພືດຜັກໂດຍທີ່ບໍ່ຕ້ອງເພິ່ງມະນຸດຫຼືລໍຖ້າໃຫ້ມະນຸດຫົດ.
8 ພວກລູກຫຼານຂອງຢາໂຄບທີ່ເຫຼືອຈະຢູ່ທ່າມກາງປະເທດຕ່າງໆຢູ່ທ່າມກາງຊາດຕ່າງໆ.ເຂົາເຈົ້າຈະເປັນຄືກັບໂຕສິງທີ່ຢູ່ທ່າມກາງສັດປ່າເປັນຄືກັບສິງໂຕຜູ້ທີ່ຢູ່ທ່າມກາງຝູງແກະ.ພວກມັນໂດດຄຸບເຫຍື່ອແລະຈີກເຫຍື່ອເປັນຕ່ອນໆແລະບໍ່ມີໃຜຈະຊ່ວຍເຫຍື່ອນັ້ນໄດ້.
9 ພວກເຈົ້າຈະຊະນະພວກສັດຕູແລະພວກສັດຕູທັງໝົດຈະຖືກທຳລາຍ.”
10 ພະເຢໂຫວາເວົ້າວ່າ:“ໃນມື້ນັ້ນເຮົາຈະຂ້າມ້າແລະທຳລາຍລົດຮົບຂອງພວກເຈົ້າ.
11 ເຮົາຈະທຳລາຍເມືອງຕ່າງໆໃນແຜ່ນດິນຂອງພວກເຈົ້າແລະທຳລາຍປ້ອມທັງໝົດຂອງພວກເຈົ້າ.
12 ເຮົາຈະເຮັດໃຫ້ພວກເຈົ້າເຊົາຫຼິ້ນຄາຖາອາຄົມແລະຈະບໍ່ມີໃຜໃນພວກເຈົ້າຫຼິ້ນມົນ.+
13 ເຮົາຈະທຳລາຍຮູບບູຊາແລະເສົາບູຊາຕ່າງໆຂອງພວກເຈົ້າແລະພວກເຈົ້າຈະບໍ່ໄດ້ຂາບໄຫວ້ສິ່ງທີ່ພວກເຈົ້າເຮັດອີກຕໍ່ໄປ.+
14 ເຮົາຈະດຶງເສົາໄມ້ສັກສິດ*ຂອງພວກເຈົ້າອອກ+ແລະຈະທຳລາຍເມືອງຕ່າງໆຂອງພວກເຈົ້າ.
15 ເຮົາຈະລົງໂທດຊາດຕ່າງໆທີ່ບໍ່ເຊື່ອຟັງເຮົາຍ້ອນເຮົາໃຈຮ້າຍຫຼາຍ.”
ຂໍ
^ ຫຼື “ກຸ່ມຄອບຄົວຕ່າງໆ”
^ ໝາຍເຖິງຊີໂອນ
^ ຫຼື “ພວກຜູ້ນຳ”
^ ເບິ່ງສ່ວນອະທິບາຍຄຳສັບ
