ມີກາ 6:1-16
6 ຂໍໃຫ້ຟັງສິ່ງທີ່ພະເຢໂຫວາເວົ້າ.
ໃຫ້ລຸກຂຶ້ນແລະມາສະເໜີຄະດີຂອງພວກເຈົ້າຕໍ່ໜ້າພູຕ່າງໆແລະໃຫ້ໂນນພູຕ່າງໆໄດ້ຍິນນຳ.+
2 ພູທັງຫຼາຍໃຫ້ຟັງຄະດີຂອງພະເຢໂຫວາແລະໃຫ້ຮາກຖານທີ່ໝັ້ນຄົງຂອງໂລກຟັງນຳ.+ພະເຢໂຫວາມີຄະດີກັບປະຊາຊົນຂອງເພິ່ນເພິ່ນຮ້ອງຟ້ອງພວກອິດສະຣາເອນວ່າ:+
3 “ປະຊາຊົນຂອງເຮົາ ເຮົາໄດ້ເຮັດຫຍັງໃຫ້ພວກເຈົ້າບໍ?
ເຮົາເຮັດໃຫ້ພວກເຈົ້າເມື່ອຍໂພດບໍ?+
ໃຫ້ພວກເຈົ້າເວົ້າມາເບິ່ງດຸ.
4 ເຮົານິຕົ໋ວທີ່ພາພວກເຈົ້າອອກມາຈາກເອຢິບ+ແລະໄຖ່ພວກເຈົ້າອອກມາຈາກການເປັນທາດ.+ເຮົານິແຫຼະທີ່ສົ່ງໂມເຊ ອາໂຣນ ແລະມີຣີອາມໄປຊ່ວຍພວກເຈົ້າ.+
5 ປະຊາຊົນຂອງເຮົາ ຂໍຢ່າລືມແຜນຮ້າຍຂອງບາລາກກະສັດຂອງໂມອາບ+ຢ່າລືມຄຳເວົ້າຂອງບາລາອາມລູກຊາຍຂອງເບໂອ+ແລະຢ່າລືມສິ່ງທີ່ເກີດຂຶ້ນຕັ້ງແຕ່ຊິດຕີມ+ຈົນຮອດກິນການ+ເພື່ອພວກເຈົ້າຈະເຫັນວ່າ ເຮົາເຢໂຫວາໄດ້ເຮັດສິ່ງທີ່ດີເພື່ອພວກເຈົ້າມາຕະຫຼອດ.”
6 ຂ້ອຍຄວນເອົາຫຍັງມາໃຫ້ພະເຢໂຫວາ?
ຂ້ອຍຄວນເອົາຫຍັງມາໃຫ້ພະເຈົ້າທີ່ຢູ່ໃນສະຫວັນຕອນທີ່ຂ້ອຍມາກົ້ມກາບເພິ່ນ?
ຂ້ອຍຄວນເອົາງົວນ້ອຍອາຍຸໜຶ່ງປີມາເປັນເຄື່ອງບູຊາເຜົາໃຫ້ເພິ່ນບໍ?+
7 ພະເຢໂຫວາຈະພໍໃຈບໍຖ້າຂ້ອຍເອົາແກະໂຕຜູ້ຫຼາຍພັນໂຕກັບນ້ຳມັນໝາກກອກຫຼາຍສິບພັນລິດໄປໃຫ້ເພິ່ນ?+
ຂ້ອຍຄວນເອົາລູກຊາຍຜູ້ທຳອິດຂອງໂຕເອງໄປໃຫ້ເພິ່ນເພື່ອໄຖ່ຄວາມຜິດຂອງຂ້ອຍບໍ?ຫຼືຄວນເອົາລູກຄີງໆໄປໃຫ້ເພິ່ນເພື່ອໄຖ່ບາບຂອງຂ້ອຍບໍ?+
8 ພະເຢໂຫວາໄດ້ບອກພວກເຈົ້າແລ້ວວ່າອັນໃດດີ
ແລະບອກພວກເຈົ້າແລ້ວວ່າເພິ່ນຕ້ອງການຫຍັງຈາກພວກເຈົ້າ.*
ເພິ່ນມີແຕ່ຂໍໃຫ້ພວກເຈົ້າເປັນຄົນຍຸຕິທຳ+ ເປັນຄົນສັດຊື່*+ແລະໃຊ້ຊີວິດແບບຈຽມໂຕ+ຕາມແນວທາງຂອງພະເຈົ້າ.+
9 ພະເຢໂຫວາເວົ້າດັງໆກັບຄົນທີ່ຢູ່ໃນເມືອງນັ້ນ.ຄົນທີ່ມີສະຕິປັນຍາຈະຢ້ານຊື່ຂອງເພິ່ນ.*
ໃຫ້ພວກເຈົ້າໃສ່ໃຈການລົງໂທດທີ່ກຳລັງຈະເກີດຂຶ້ນ* ແລະສົນໃຈຜູ້ທີ່ຈະລົງໂທດນັ້ນ.+
10 ໃນເຮືອນຂອງຄົນຊົ່ວຍັງມີຊັບສົມບັດທີ່ໄດ້ມາຈາກການເຮັດຊົ່ວບໍ?ແລະຍັງໃຊ້ແນວຜອງເອຟາ*ທີ່ບໍ່ຖືກຕ້ອງທີ່ພະເຈົ້າກຽດຊັງຢູ່ບໍ?
11 ຂ້ອຍຈະເປັນຄົນສັດຊື່*ໄດ້ບໍຖ້າຂ້ອຍໂກງຕາຊິງແລະໃຊ້ຫີນທີ່ຊັ່ງນ້ຳໜັກບໍ່ຖືກຕ້ອງ?+
12 ຄົນລວຍໃນເມືອງນີ້ໂຫດຮ້າຍຫຼາຍ.ປະຊາຊົນໃນເມືອງນີ້*ມັກເວົ້າຕົວະ.+ທຸກເທື່ອທີ່ເຂົາເຈົ້າອ້າປາກເວົ້າກໍມີແຕ່ຄຳຫຼອກລວງ.*+
13 ຍ້ອນແນວນີ້ ເຮົາຈະລົງໂທດເຈົ້າໜັກໆ+ແລະເຮັດໃຫ້ເຈົ້າບໍ່ເຫຼືອຫຍັງ ຍ້ອນເຈົ້າເຮັດຜິດຫຼາຍເທື່ອ.
14 ເຈົ້າຈະກິນ ແຕ່ບໍ່ອີ່ມ.ມັນຈະເປັນຄືກັບບໍ່ມີຫຍັງຢູ່ທ້ອງ.+
ເຈົ້າຈະຂົນຊັບສົມບັດໄປ ແຕ່ຈະເກັບໄວ້ບໍ່ໄດ້ແລະເຖິງວ່າເຈົ້າຂົນໄປໄດ້ ເຮົາກໍຈະໃຫ້ພວກສັດຕູມາທຳລາຍຊັບສົມບັດເຫຼົ່ານັ້ນ.
15 ພວກເຈົ້າຈະຫວ່ານເມັດພືດ ແຕ່ຈະບໍ່ໄດ້ເກັບກ່ຽວ.
ພວກເຈົ້າຈະອິ້ວເອົານ້ຳມັນຈາກໝາກກອກ ແຕ່ຈະບໍ່ໄດ້ໃຊ້.ພວກເຈົ້າຈະເຮັດເຫຼົ້າແວງໃໝ່ ແຕ່ຈະບໍ່ໄດ້ກິນ.+
16 ພວກເຈົ້າເຮັດຕາມກົດໝາຍຂອງອົມຣີ ແລະເຮັດຕາມຕົວຢ່າງຄົນໃນຄອບຄົວຂອງອາຮາບ+ພວກເຈົ້າເຮັດຕາມທີ່ເຂົາເຈົ້າບອກ.
ຍ້ອນແນວນີ້ ເຮົາຈະລົງໂທດພວກເຈົ້າແລ້ວຄົນອື່ນຈະຕົກໃຈເມື່ອເຫັນສິ່ງທີ່ເຮົາເຮັດກັບພວກເຈົ້າ.+ຄົນໃນເມືອງນີ້ຈະຖືກເຍາະເຍີ້ຍ*ແລະຊາດຕ່າງໆຈະດູຖູກເຂົາເຈົ້າ.+
ຂໍ
^ ຫຼື “ເພິ່ນຕ້ອງການໃຫ້ພວກເຈົ້າເຮັດຫຍັງເພື່ອຕອບແທນ”
^ ຫຼື “ເປັນຄົນເມດຕາກະລຸນາແລະມີຄວາມຮັກທີ່ໝັ້ນຄົງ.” ແປຕາມໂຕວ່າ “ເປັນຄົນທີ່ຮັກຄວາມຮັກທີ່ໝັ້ນຄົງ.”
^ ແປຕາມໂຕວ່າ “ຂອງພະອົງ”
^ ແປຕາມໂຕວ່າ “ໃຫ້ພວກເຈົ້າໃສ່ໃຈໄມ້ແສ້”
^ ເບິ່ງພາກຜະໜວກ ຂ14
^ ຫຼື “ຄົນບໍລິສຸດ”
^ ແປຕາມໂຕວ່າ “ລີ້ນຂອງເຂົາເຈົ້າກໍຫຼອກລວງ”
^ ໝາຍເຖິງຊີໂອນຫຼືເຢຣູຊາເລັມ
^ ແປຕາມໂຕວ່າ “ຜິວປາກໃສ່.” ການເຮັດແບບນີ້ໝາຍເຖິງອາການຕົກໃຈຫຼືເປັນການດູຖູກ.
