ມີກາ 7:1-20
7 ເປັນຕາເສົ້າໃຈແທ້ໆ!ຂ້ອຍເປັນຄືກັບຄົນທີ່ກຳລັງຊອກຫາໝາກໄມ້ຍາມຮ້ອນແລະຊອກຫາໝາກລະແຊັງທີ່ຍັງເຫຼືອຢູ່ຫຼັງຈາກເກັບກ່ຽວແລ້ວແຕ່ກໍບໍ່ເຫັນໝາກລະແຊັງຈັກພວງເລີຍແລະໝາກເດື່ອທີ່ສຸກແລ້ວ*ທີ່ຂ້ອຍຢາກກິນກໍບໍ່ມີ.
2 ຄົນທີ່ສັດຊື່ຕາຍ*ໄປຈາກໂລກນີ້ໝົດແລ້ວແລະຄົນທີ່ເຫຼືອກໍບໍ່ມີຄົນດີຈັກຄົນ.+
ເຂົາເຈົ້າໄປຖ້າລັດຂ້າຄົນອື່ນ+
ແລະເປັນຄືກັບນັກລ່າທີ່ວາງກັບດັກເພື່ອຈັບອ້າຍນ້ອງຂອງໂຕເອງ.
3 ເຂົາເຈົ້າເກັ່ງໃນການເຮັດຊົ່ວ.+ເຈົ້ານາຍຮຽກຮ້ອງເອົາສິນບົນຜູ້ຕັດສິນຖາມເອົາຄ່າຈ້າງ+ແລະຄົນທີ່ສຳຄັນຢາກໄດ້ຫຍັງກໍຂໍເອົາໂລດ.+ພວກນີ້ຮ່ວມມືກັນ.
4 ຄົນທີ່ດີທີ່ສຸດຂອງເຂົາເຈົ້າເປັນຄືກັບຕົ້ນໜາມ.ຄົນທີ່ສັດຊື່ທີ່ສຸດຂອງເຂົາເຈົ້າກໍແຮ່ງຮ້າຍກວ່າຟຸ່ມໜາມອີກ.
ມື້ທີ່ຄົນຍາມຂອງເຂົາເຈົ້າ*ເຄີຍເວົ້າໄວ້ແລະມື້ທີ່ປະຊາຊົນຈະຖືກຕັດສິນຈະເກີດຂຶ້ນແນ່ນອນ+
ແລະເຂົາເຈົ້າຈະພາກັນຢ້ານຫຼາຍ.+
5 ຢ່າໄວ້ໃຈໝູ່.ຢ່າເຊື່ອໃຈໝູ່ສະໜິດ.+
ຢ່າບອກຄວາມລັບໃຫ້ຜົວຫຼືເມຍຮູ້.
6 ລູກຊາຍດູຖູກພໍ່ລູກສາວຖຽງແມ່+ແລະລູກໃພ້ຜິດກັບແມ່ຍ່າ.+ຄົນໃນຄອບຄົວດຽວກັນເປັນສັດຕູກັນ.+
7 ແຕ່ສຳລັບຂ້ອຍ ຂ້ອຍຈະລໍຖ້າພະເຢໂຫວາດ້ວຍໃຈຈົດໃຈຈໍ່ຕໍ່ໆໄປ.+
ຂ້ອຍຈະອົດທົນລໍຖ້າໃຫ້ພະເຈົ້າຂອງຂ້ອຍມາຊ່ວຍຂ້ອຍໃຫ້ລອດ.+
ພະເຈົ້າຂອງຂ້ອຍຈະຟັງຂ້ອຍແນ່ນອນ.+
8 ສັດຕູຂອງຂ້ອຍເອີ້ຍ ຢ່າຟ້າວດີໃຈເດີ້.
ເຖິງວ່າຂ້ອຍລົ້ມລົງ ແຕ່ຂ້ອຍກໍຈະລຸກຂຶ້ນໄດ້.ເຖິງວ່າຂ້ອຍຢູ່ໃນບ່ອນມືດ ແຕ່ພະເຢໂຫວາກໍຈະເປັນແສງສະຫວ່າງໃຫ້ຂ້ອຍ.
9 ພະເຢໂຫວາໃຈຮ້າຍໃຫ້ຂ້ອຍ ແຕ່ຂ້ອຍຈະອົດທົນຍ້ອນຂ້ອຍໄດ້ເຮັດຜິດຕໍ່ເພິ່ນ.+ຂ້ອຍຈະອົດທົນຈົນກວ່າເພິ່ນຈະແກ້ຄະດີຂອງຂ້ອຍ ແລະເຮັດໃຫ້ຂ້ອຍໄດ້ຮັບຄວາມຍຸຕິທຳ.
ເພິ່ນຈະພາຂ້ອຍອອກໄປເຈິແສງສະຫວ່າງແລະຂ້ອຍຈະເຫັນຄວາມຍຸຕິທຳຂອງເພິ່ນ.
10 ສັດຕູຂອງຂ້ອຍກໍຈະເຫັນຄືກັນ.ສັດຕູທີ່ເວົ້າໃຫ້ຂ້ອຍວ່າ:
“ພະເຢໂຫວາພະເຈົ້າຂອງເຈົ້າຢູ່ໃສ?”+ ຈະຕ້ອງອັບອາຍ.
ຂ້ອຍຈະແນມເບິ່ງສະພາບທີ່ເປັນຕາອີ່ຕົນຂອງລາວ.
ລາວຈະຖືກຢຽບຄືກັບຂີ້ຕົມຢູ່ຫົນທາງ.
11 ໃນມື້ນັ້ນເຈົ້າ*ຈະສ້າງກຳແພງຫີນແລະເຂດແດນຂອງເຈົ້າຈະຂະຫຍາຍອອກໄປ.
12 ໃນມື້ນັ້ນຄົນຈະມາຫາເຈົ້າຈາກບ່ອນທີ່ໄກໆ.ເຂົາເຈົ້າຈະມາຈາກອັດຊີເຣຍແລະຈາກເມືອງຕ່າງໆຂອງເອຢິບຕັ້ງແຕ່ເອຢິບຈົນຮອດແມ່ນ້ຳເອິຟາຣາດແລະຈາກທະເລທຸກບ່ອນກັບພູທຸກໜ່ວຍ.+
13 ແຜ່ນດິນຈະຮ້າງເປົ່າຍ້ອນຄົນໃນເມືອງນີ້ມັນຮ້າງເປົ່າກໍຍ້ອນສິ່ງທີ່ເຂົາເຈົ້າໄດ້ເຮັດ.
14 ພະເຈົ້າເອີ້ຍ ຂໍໃຫ້ເບິ່ງແຍງປະຊາຊົນຂອງພະອົງດ້ວຍໄມ້ຄ້ອນເທົ້າຂອງພະອົງ. ເຂົາເຈົ້າເປັນຝູງແກະທີ່ເປັນຊັບສົມບັດຂອງພະອົງ.+ເຂົາເຈົ້າກຳລັງຢູ່ໂດດດ່ຽວໃນປ່າແລະໃນສວນໝາກໄມ້.
ຂໍໃຫ້ເຂົາເຈົ້າໄດ້ກິນອີ່ມຢູ່ບາຊານແລະຢູ່ເມືອງກິລຽດ+ຄືກັບສະໄໝແຕ່ກີ້.
15 “ເຮົາຈະເຮັດສິ່ງອັດສະຈັນຄືກັບຕອນທີ່ເຮົາພາພວກເຈົ້າອອກມາຈາກເອຢິບ.+
16 ຊາດຕ່າງໆຈະເຫັນແລະອັບອາຍຂາຍໜ້າ ເຖິງວ່າເຂົາເຈົ້າຈະມີອຳນາດຫຼາຍສ່ຳໃດກໍຕາມ.+
ເຂົາເຈົ້າຈະເອົາມືອັດປາກແລະຫູຂອງເຂົາເຈົ້າກໍຈະໜວກ.
17 ເຂົາເຈົ້າຈະເລຍຂີ້ຝຸ່ນຄືກັບງູ+ແລະຈະເລືອໂຕສັ່ນອອກມາຈາກບ່ອນລີ້ຄືກັບສັດເລືອຄານ.
ເຂົາເຈົ້າຈະຢ້ານເຮົາເຢໂຫວາ.ເຂົາເຈົ້າຈະຢ້ານເຮົາຈົນໂຕສັ່ນ.”+
18 ບໍ່ມີພະເຈົ້າອົງໃດທຽບກັບພະອົງໄດ້.ພະອົງຍົກໂທດແລະບໍ່ຈື່ຄວາມຜິດ+ຂອງປະຊາຊົນ*ຂອງພະອົງທີ່ຍັງເຫຼືອຢູ່.+
ພະອົງຈະບໍ່ໃຈຮ້າຍຕະຫຼອດໄປຍ້ອນພະອົງຢາກສະແດງຄວາມຮັກທີ່ໝັ້ນຄົງ.+
19 ພະອົງຈະອີ່ຕົນພວກເຮົາອີກເທື່ອໜຶ່ງ+ ແລະຈະເອົາຊະນະ*ຄວາມຜິດຂອງພວກເຮົາຄືກັບເອົາຊະນະສັດຕູ.
ພະອົງຈະໂຍນຄວາມຜິດທັງໝົດຂອງພວກເຮົາຖິ້ມລົງທະເລທີ່ເລິກໆ.+
20 ພະອົງຈະສັດຊື່ຕໍ່ຢາໂຄບແລະຈະສະແດງຄວາມຮັກທີ່ໝັ້ນຄົງຕໍ່ອັບຣາຮາມຄືກັບທີ່ພະອົງໄດ້ສັນຍາກັບປູ່ຍ່າຕານາຍຂອງພວກເຮົາໃນສະໄໝແຕ່ກີ້.+
ຂໍ
^ ຫຼື “ໝາກເດື່ອຊຸດທຳອິດ”
^ ຫຼື “ຫາຍສາບສູນ”
^ ແປຕາມໂຕວ່າ “ພວກເຈົ້າ”
^ ໝາຍເຖິງຊີໂອນຫຼືເຢຣູຊາເລັມ
^ ແປຕາມໂຕວ່າ “ມໍລະດົກ”
^ ຫຼື “ຢຽບ; ປາບ”
