ລະບຽບພວກເລວີ 10:1-20
10 ຕໍ່ມາ ລູກຊາຍຂອງອາໂຣນທີ່ຊື່ນາດາບກັບອາບີຮູ+ກໍເອົາແນວໃສ່ເຄື່ອງຫອມ+ມາ ແລ້ວເອົາຖ່ານໄຟກັບເຄື່ອງຫອມໃສ່ໃນຫັ້ນ. ເຂົາເຈົ້າພະຍາຍາມເອົາເຄື່ອງບູຊາທີ່ບໍ່ໄດ້ຮັບອະນຸຍາດມາເຜົາຕໍ່ໜ້າພະເຢໂຫວາ+ ເຊິ່ງເພິ່ນບໍ່ໄດ້ບອກໃຫ້ເຂົາເຈົ້າເຮັດ.
2 ພະເຢໂຫວາຈຶ່ງສົ່ງໄຟລົງມາເຜົາເຂົາເຈົ້າ.+ ເຂົາເຈົ້າກໍເລີຍຕາຍຕໍ່ໜ້າພະເຢໂຫວາ.+
3 ໂມເຊເວົ້າກັບອາໂຣນວ່າ: “ພະເຢໂຫວາເວົ້າແນວນີ້ວ່າ ‘ຄົນທີ່ຢູ່ຕໍ່ໜ້າເຮົາ+ຈະຕ້ອງຈື່ວ່າເຮົາເປັນພະເຈົ້າທີ່ບໍລິສຸດ ແລະທຸກຄົນຈະຕ້ອງຍົກຍ້ອງສັນລະເສີນເຮົາ.’” ແຕ່ອາໂຣນມິດຢູ່.
4 ໂມເຊໄດ້ເອີ້ນມີຊາເອນກັບເອລີຊາຟັນ ເຊິ່ງເປັນລູກຂອງອຸດຊີເອນ+ທີ່ເປັນອາວຂອງອາໂຣນມາຫາ ແລະເວົ້າກັບເຂົາເຈົ້າວ່າ: “ໃຫ້ເອົາສົບພີ່ນ້ອງຂອງພວກເຈົ້າອອກຈາກທາງໜ້າບ່ອນບໍລິສຸດໄປໄວ້ນອກຄ້າຍພັກ.”
5 ເຂົາເຈົ້າກໍຫຍັບອອກມາ ແລ້ວເອົາສົບ 2 ຄົນນັ້ນທີ່ຍັງນຸ່ງເຄື່ອງປະໂລຫິດຢູ່ອອກໄປນອກຄ້າຍຕາມທີ່ໂມເຊບອກ.
6 ໂມເຊເວົ້າກັບອາໂຣນແລະລູກຊາຍຂອງລາວທີ່ຊື່ເອເລອາຊາກັບອີທາມາວ່າ: “ຫ້າມຈົ່ງຜົມຍາວແລະຫ້າມປ່ອຍໃຫ້ມັນຫຍຸ້ງ ຫຼືຫ້າມຈີກເຄື່ອງນຸ່ງຂອງພວກເຈົ້າ+ ເພື່ອພວກເຈົ້າຊິບໍ່ຕາຍ ແລະເພື່ອພະເຈົ້າຊິພໍໃຈຊາດອິດສະຣາເອນຕໍ່ໄປ ແຕ່ພີ່ນ້ອງຂອງເຈົ້າທີ່ເປັນຄົນອິດສະຣາເອນຈະຮ້ອງໄຫ້ໂສກເສົ້າໃຫ້ 2 ຄົນນັ້ນທີ່ພະເຢໂຫວາໄດ້ເຜົາດ້ວຍໄຟ.
7 ພວກເຈົ້າຕ້ອງຢູ່ໃກ້ໆທາງເຂົ້າເຕັ້ນສັກສິດ*ເພື່ອຈະບໍ່ຕາຍ ເພາະພະເຢໂຫວາໄດ້ແຕ່ງຕັ້ງພວກເຈົ້າດ້ວຍນ້ຳມັນແລ້ວ.”+ ເຂົາເຈົ້າກໍເຮັດຕາມທີ່ໂມເຊບອກ.
8 ພະເຢໂຫວາເວົ້າກັບອາໂຣນວ່າ:
9 “ຕອນທີ່ເຂົ້າໄປໃນເຕັ້ນສັກສິດ+ ຫ້າມເຈົ້າແລະພວກລູກຊາຍດື່ມເຫຼົ້າແວງຫຼືເຄື່ອງດື່ມທີ່ເຮັດໃຫ້ມຶນເມົາເພື່ອພວກເຈົ້າຊິບໍ່ຕາຍ. ນີ້ແມ່ນຄຳສັ່ງທີ່ພວກເຈົ້າຕ້ອງເຮັດຕາມໄປຈົນຮອດລຸ້ນລູກລຸ້ນຫຼານຕໍ່ໆໄປ.
10 ພວກເຈົ້າຈະແຍກອອກໄດ້ລະຫວ່າງສິ່ງທີ່ບໍລິສຸດກັບສິ່ງທີ່ບໍ່ບໍລິສຸດ ແລະສິ່ງທີ່ສະອາດກັບສິ່ງທີ່ບໍ່ສະອາດ+
11 ແລະເພື່ອພວກເຈົ້າຈະໄດ້ສອນພວກອິດສະຣາເອນໃຫ້ຮູ້ຈັກຂໍ້ກຳນົດທຸກຢ່າງທີ່ພະເຢໂຫວາໄດ້ສັ່ງຜ່ານທາງໂມເຊ.”+
12 ຫຼັງຈາກນັ້ນ ໂມເຊກໍເວົ້າກັບອາໂຣນແລະພວກລູກຊາຍຂອງລາວທີ່ຍັງມີຊີວິດຢູ່ທີ່ຊື່ເອເລອາຊາກັບອີທາມາວ່າ: “ໃຫ້ເອົາສ່ວນທີ່ເຫຼືອຂອງເຄື່ອງບູຊາທີ່ເຮັດຈາກເມັດເຂົ້າ ຈາກເຄື່ອງບູຊາດ້ວຍໄຟໃຫ້ພະເຢໂຫວາມາເຮັດເປັນເຂົ້າຈີ່ບໍ່ມີເຊື້ອ ແລ້ວກິນຢູ່ໃກ້ໆແທ່ນບູຊາ+ ເພາະນີ້ແມ່ນສິ່ງທີ່ບໍລິສຸດແທ້ໆ.+
13 ພວກເຈົ້າຕ້ອງກິນເຂົ້າຈີ່ນັ້ນໃນບ່ອນບໍລິສຸດ+ ເພາະນີ້ແມ່ນສ່ວນແບ່ງຂອງເຈົ້າກັບຂອງພວກລູກຊາຍຈາກເຄື່ອງບູຊາດ້ວຍໄຟໃຫ້ພະເຢໂຫວາ. ເພິ່ນສັ່ງຂ້ອຍມາແນວນີ້.
14 ນອກຈາກນັ້ນ ຊີ້ນສ່ວນເອິກຂອງເຄື່ອງບູຊາຊູໄປມາແລະຂາທີ່ເປັນສ່ວນແບ່ງສັກສິດ+ ເຈົ້າກັບພວກລູກຊາຍແລະພວກລູກສາວ+ກໍຕ້ອງກິນຢູ່ບ່ອນບໍລິສຸດຄືກັນ ເພາະນີ້ແມ່ນສ່ວນແບ່ງຂອງເຈົ້າກັບຂອງພວກລູກຊາຍຈາກເຄື່ອງບູຊາສ້າງຄວາມສະຫງົບສຸກຂອງພວກອິດສະຣາເອນ.
15 ເຂົາເຈົ້າຈະເອົາຂາທີ່ເປັນສ່ວນແບ່ງສັກສິດ ຊີ້ນສ່ວນເອິກຂອງເຄື່ອງບູຊາຊູໄປມາ ແລະນ້ຳມັນທັງໝົດທີ່ເປັນເຄື່ອງບູຊາດ້ວຍໄຟມາຊູໄປຊູມາຕໍ່ໜ້າພະເຢໂຫວາ. ນີ້ແມ່ນສ່ວນແບ່ງຂອງເຈົ້າກັບຂອງພວກລູກຊາຍ+ຕະຫຼອດໄປຕາມທີ່ພະເຢໂຫວາໄດ້ສັ່ງ.”
16 ໂມເຊໄດ້ຖາມວ່າຊີ້ນສ່ວນທີ່ເຫຼືອຂອງແບ້ທີ່ໃຊ້ເປັນເຄື່ອງບູຊາໄຖ່ບາບ+ຢູ່ໃສ ແລະມີຄົນບອກລາວວ່າເຜົາໄປໝົດແລ້ວ. ໂມເຊກໍເລີຍໃຈຮ້າຍໃຫ້ລູກຊາຍຂອງອາໂຣນທີ່ຍັງມີຊີວິດຢູ່ທີ່ຊື່ເອເລອາຊາກັບອີທາມາ ແລະເວົ້າກັບເຂົາເຈົ້າວ່າ:
17 “ເປັນຫຍັງພວກເຈົ້າຄືບໍ່ກິນຊີ້ນທີ່ເປັນສ່ວນຂອງເຄື່ອງບູຊາໄຖ່ບາບຢູ່ບ່ອນບໍລິສຸດ?+ ເພາະນັ້ນແມ່ນສິ່ງທີ່ບໍລິສຸດແທ້ໆ. ຖ້າພວກເຈົ້າກິນຊີ້ນນັ້ນ ພວກເຈົ້າກໍຈະເອົາຄວາມຜິດຂອງພວກອິດສະຣາເອນໄປ ແລະໄຖ່ໂທດໃຫ້ເຂົາເຈົ້າຕໍ່ໜ້າພະເຢໂຫວາໄດ້.
18 ເລືອດຂອງສັດທີ່ໃຊ້ເປັນເຄື່ອງບູຊາກໍຍັງບໍ່ທັນໄດ້ເອົາເຂົ້າໄປໃນບ່ອນບໍລິສຸດ.+ ພວກເຈົ້າຄວນກິນຊີ້ນນັ້ນຢູ່ບ່ອນບໍລິສຸດຕາມທີ່ເພິ່ນໄດ້ສັ່ງຂ້ອຍໃຫ້ມາບອກພວກເຈົ້າ.”
19 ອາໂຣນຕອບໂມເຊວ່າ: “ຂ້ອຍຮູ້ວ່າມື້ນີ້ພວກອິດສະຣາເອນໄດ້ເອົາເຄື່ອງບູຊາໄຖ່ບາບກັບເຄື່ອງບູຊາເຜົາມາຕໍ່ໜ້າພະເຢໂຫວາ.+ ແຕ່ຫຼັງຈາກມີເລື່ອງເກີດຂຶ້ນກັບຂ້ອຍ ເຈົ້າຄິດວ່າຖ້າຂ້ອຍກິນເຄື່ອງບູຊາໄຖ່ບາບໃນມື້ນີ້ ພະເຢໂຫວາກະຊິພໍໃຈຂ້ອຍບໍ?”
20 ເມື່ອໄດ້ຍິນແນວນັ້ນ ໂມເຊກໍເຂົ້າໃຈເຫດຜົນທີ່ເຂົາເຈົ້າບໍ່ກິນຊີ້ນນັ້ນ.
ຂໍ
^ ຫຼື “ເຕັ້ນຂໍການຊີ້ນຳ.” ເບິ່ງສ່ວນອະທິບາຍຄຳສັບ.
