ລະບຽບພວກເລວີ 2:1-16
-
ເຄື່ອງບູຊາທີ່ເຮັດຈາກເມັດເຂົ້າ (1-16)
2 “‘ຖ້າຜູ້ໃດຈະເອົາເຄື່ອງບູຊາທີ່ເຮັດຈາກເມັດເຂົ້າ+ມາໃຫ້ພະເຢໂຫວາ ເຄື່ອງບູຊານັ້ນຕ້ອງເປັນແປ້ງລະອຽດ. ລາວຕ້ອງເທນ້ຳມັນໃສ່ແປ້ງນັ້ນ ແລະເອົາກຳຍານ*ໃສ່ນຳ.+
2 ຈາກນັ້ນ ລາວຈະເອົາແປ້ງນັ້ນໃຫ້ພວກລູກຊາຍຂອງອາໂຣນທີ່ເປັນປະໂລຫິດ ແລ້ວປະໂລຫິດຈະເອົາແປ້ງລະອຽດນັ້ນ 1 ກຳມືທີ່ປະສົມນ້ຳກັບກຳຍານໄປເຜົາຢູ່ເທິງແທ່ນບູຊາ ເປັນເຄື່ອງບູຊາເພື່ອລະນຶກເຖິງ.*+ ນີ້ແມ່ນເຄື່ອງບູຊາດ້ວຍໄຟທີ່ມີກິ່ນຫອມທີ່ເຮັດໃຫ້ພະເຢໂຫວາພໍໃຈ.*
3 ສ່ວນທີ່ເຫຼືອຂອງເຄື່ອງບູຊາທີ່ເຮັດຈາກເມັດເຂົ້ານັ້ນຈະເປັນຂອງອາໂຣນກັບພວກລູກຊາຍຂອງລາວ.+ ນີ້ແມ່ນສິ່ງທີ່ບໍລິສຸດແທ້ໆ+ທີ່ເອົາມາຈາກເຄື່ອງບູຊາດ້ວຍໄຟໃຫ້ພະເຢໂຫວາ.
4 ຖ້າເຄື່ອງບູຊາທີ່ເຮັດຈາກເມັດເຂົ້າຂອງເຈົ້າເຮັດດ້ວຍວິທີການອົບ ເຄື່ອງບູຊານັ້ນຕ້ອງເຮັດຈາກແປ້ງລະອຽດ. ໃຫ້ນວດແປ້ງໃສ່ນ້ຳມັນ ແລ້ວເຮັດເປັນເຂົ້າຈີ່ບໍ່ມີເຊື້ອຮູບວົງມົນ* ຫຼືເຮັດເປັນເຂົ້າຈີ່ບໍ່ມີເຊື້ອແຜ່ນບາງໆທີ່ທານ້ຳມັນ.+
5 ຖ້າເຄື່ອງບູຊາທີ່ເຮັດຈາກເມັດເຂົ້າຂອງເຈົ້າເຮັດດ້ວຍວິທີການຂາງຢູ່ເທິງໝໍ້+ ເຄື່ອງບູຊານັ້ນຕ້ອງເຮັດຈາກແປ້ງລະອຽດບໍ່ໃສ່ເຊື້ອນວດໃສ່ນ້ຳມັນ.
6 ເຈົ້າຕ້ອງຫັກເຂົ້າຈີ່ນັ້ນເປັນປ່ຽງໆ ແລະເອົານ້ຳມັນເທໃສ່.+ ນີ້ແມ່ນເຄື່ອງບູຊາທີ່ເຮັດຈາກເມັດເຂົ້າ.
7 ຖ້າເຄື່ອງບູຊາທີ່ເຮັດຈາກເມັດເຂົ້າຂອງເຈົ້າເຮັດດ້ວຍວິທີການຈືນໃສ່ໝໍ້ ເຄື່ອງບູຊານັ້ນຕ້ອງເຮັດຈາກແປ້ງລະອຽດນວດໃສ່ນ້ຳມັນ.
8 ໃຫ້ເຈົ້າເອົາເຄື່ອງບູຊາທີ່ເຮັດຈາກເມັດເຂົ້າຂອງເຈົ້າມາໃຫ້ພະເຢໂຫວາ. ໃຫ້ເຈົ້າເອົາໃຫ້ປະໂລຫິດ ແລ້ວລາວຈະເອົາໄປໄວ້ໃກ້ໆແທ່ນບູຊາ.
9 ປະໂລຫິດຈະເອົາສ່ວນໜຶ່ງຂອງເຄື່ອງບູຊາທີ່ເຮັດຈາກເມັດເຂົ້າໄປເປັນເຄື່ອງບູຊາເພື່ອລະນຶກເຖິງ+ ແລະຈະເອົາເຄື່ອງບູຊານັ້ນໄປເຜົາເທິງແທ່ນ. ນີ້ແມ່ນເຄື່ອງບູຊາດ້ວຍໄຟທີ່ມີກິ່ນຫອມທີ່ເຮັດໃຫ້ພະເຢໂຫວາພໍໃຈ.+
10 ສ່ວນທີ່ເຫຼືອຂອງເຄື່ອງບູຊາທີ່ເຮັດຈາກເມັດເຂົ້ານັ້ນຈະເປັນຂອງອາໂຣນກັບພວກລູກຊາຍຂອງລາວ. ນີ້ແມ່ນສິ່ງທີ່ບໍລິສຸດແທ້ໆທີ່ເອົາມາຈາກເຄື່ອງບູຊາດ້ວຍໄຟໃຫ້ພະເຢໂຫວາ.+
11 ເຄື່ອງບູຊາທີ່ເຮັດຈາກເມັດເຂົ້າທີ່ເຈົ້າຈະເອົາມາໃຫ້ພະເຢໂຫວານັ້ນບໍ່ຄວນໃສ່ເຊື້ອ.+ ຫ້າມເຈົ້າເອົາແປ້ງເຮັດເຂົ້າຈີ່ທີ່ມີເຊື້ອຫຼືນ້ຳຫວານຈາກໝາກໄມ້*ມາເປັນເຄື່ອງບູຊາດ້ວຍໄຟໃຫ້ພະເຢໂຫວາ.
12 ເຈົ້າເອົາສິ່ງເຫຼົ່ານັ້ນມາເປັນເຄື່ອງບູຊາທີ່ເປັນຜົນລະປູກຊຸດທຳອິດ+ໃຫ້ພະເຢໂຫວາໄດ້ ແຕ່ຫ້າມເຜົາສິ່ງເຫຼົ່ານັ້ນເທິງແທ່ນບູຊາ ເພື່ອໃຫ້ມີກິ່ນຫອມທີ່ເຮັດໃຫ້ພະເຈົ້າພໍໃຈ.
13 ເຄື່ອງບູຊາທີ່ເຮັດຈາກເມັດເຂົ້າຕ້ອງໃສ່ເກືອ ຍ້ອນເກືອເປັນສິ່ງທີ່ເຕືອນໃຫ້ຄິດເຖິງຄຳສັນຍາຂອງພະເຈົ້າ. ຫ້າມລືມໃສ່ເກືອໃນເຄື່ອງບູຊາທີ່ເຮັດຈາກເມັດເຂົ້າ. ເຄື່ອງບູຊາທີ່ເຮັດຈາກເມັດເຂົ້າທຸກຢ່າງຂອງເຈົ້າຕ້ອງໃສ່ເກືອ.+
14 ຖ້າເຈົ້າຈະເອົາເຄື່ອງບູຊາທີ່ເຮັດຈາກເມັດເຂົ້າທີ່ເປັນຜົນລະປູກຊຸດທຳອິດມາໃຫ້ພະເຢໂຫວາ ເຈົ້າຕ້ອງເອົາເມັດເຂົ້າຈາກຮວງທີ່ຍັງບໍ່ແກ່ມາຂົ້ວ ແລ້ວຕຳພໍແຕ່ໃຫ້ເມັດເຂົ້າແຕກ. ນີ້ຈະເປັນເຄື່ອງບູຊາທີ່ເຮັດຈາກເມັດເຂົ້າທີ່ມາຈາກຜົນລະປູກຊຸດທຳອິດຂອງເຈົ້າ.+
15 ໃຫ້ເຈົ້າເທນ້ຳມັນໃສ່ເຂົ້ານັ້ນ ແລະເອົາກຳຍານໃສ່ນຳ. ນີ້ແມ່ນເຄື່ອງບູຊາທີ່ເຮັດຈາກເມັດເຂົ້າ.
16 ປະໂລຫິດຈະເອົາສ່ວນໜຶ່ງຈາກເຄື່ອງບູຊານັ້ນທີ່ມີເມັດເຂົ້າທີ່ຕຳໃຫ້ແຕກ ນ້ຳມັນ ແລະກຳຍານໄປເຜົາເປັນເຄື່ອງບູຊາເພື່ອລະນຶກເຖິງ.+ ນີ້ແມ່ນເຄື່ອງບູຊາດ້ວຍໄຟໃຫ້ພະເຢໂຫວາ.’”
ຂໍ
^ ເບິ່ງສ່ວນອະທິບາຍຄຳສັບ
^ ຫຼື “ເປັນສ່ວນທີ່ເຮັດໃຫ້ຈື່ເຄື່ອງບູຊານັ້ນ”
^ ແປຕາມໂຕວ່າ “ຜ່ອນຄາຍ”
^ ເຂົ້າຈີ່ຮູບວົງມົນທີ່ມີຮູທາງກາງ
^ ແປຕາມໂຕວ່າ “ນ້ຳເຜີ້ງ.” ອາດໝາຍເຖິງນ້ຳຫວານຈາກໝາກເດື່ອ ຈາກໝາກໄມ້ຊະນິດອື່ນ ຫຼືນ້ຳໝາກໄມ້.
