ລະບຽບພວກເລວີ 3:1-17
3 “‘ຖ້າຜູ້ໃດຈະເອົາງົວມາເປັນເຄື່ອງບູຊາເພື່ອສ້າງຄວາມສະຫງົບສຸກ+ ບໍ່ວ່າຈະເປັນໂຕຜູ້ຫຼືໂຕແມ່ ລາວຕ້ອງເອົາໂຕທີ່ຕຸ້ຍພີດີງາມມາຕໍ່ໜ້າພະເຢໂຫວາ.
2 ລາວຕ້ອງວາງມືເທິງຫົວສັດທີ່ຈະເປັນເຄື່ອງບູຊານັ້ນ ແລະເອົາມັນໄປຂ້າຢູ່ທາງເຂົ້າເຕັ້ນສັກສິດ* ແລ້ວພວກລູກຊາຍຂອງອາໂຣນທີ່ເປັນປະໂລຫິດຈະເອົາເລືອດຂອງມັນໄປຊິດໃສ່ແຕ່ລະຂ້າງຂອງແທ່ນບູຊາ.
3 ປະໂລຫິດຈະເອົາສ່ວນໜຶ່ງຂອງເຄື່ອງບູຊາສ້າງຄວາມສະຫງົບສຸກມາເປັນເຄື່ອງບູຊາດ້ວຍໄຟໃຫ້ພະເຢໂຫວາ+ຄື: ນ້ຳມັນ+ທີ່ປົກໄສ້ ກັບນ້ຳມັນທີ່ຕິດຢູ່ໄສ້
4 ແລະໝາກໄຂ່ຫຼັງ 2 ໜ່ວຍ ກັບນ້ຳມັນທີ່ຕິດໝາກໄຂ່ຫຼັງທີ່ຢູ່ໃກ້ໆແອວ. ລາວຕ້ອງລອກນ້ຳມັນທີ່ຕິດຢູ່ຕັບອອກໄປຈົນຮອດໝາກໄຂ່ຫຼັງ.+
5 ພວກລູກຊາຍຂອງອາໂຣນຈະເອົາສ່ວນເຫຼົ່ານີ້ໄປເຜົາເທິງແທ່ນບູຊາ ໂດຍເອົາໄປວາງເທິງເຄື່ອງບູຊາເຜົາທີ່ຢູ່ເທິງຟືນທີ່ໄໝ້+ຢູ່ເທິງແທ່ນບູຊາ. ນີ້ແມ່ນເຄື່ອງບູຊາດ້ວຍໄຟທີ່ມີກິ່ນຫອມທີ່ເຮັດໃຫ້ພະເຢໂຫວາພໍໃຈ.*+
6 ຖ້າລາວຈະເອົາແກະມາເປັນເຄື່ອງບູຊາສ້າງຄວາມສະຫງົບສຸກໃຫ້ພະເຢໂຫວາ ແກະໂຕນັ້ນຕ້ອງເປັນໂຕທີ່ຕຸ້ຍພີດີງາມ ບໍ່ວ່າຈະເປັນໂຕຜູ້ຫຼືໂຕແມ່.+
7 ຖ້າລາວຈະເອົາແກະໂຕຜູ້ມາເປັນເຄື່ອງບູຊາ ລາວຕ້ອງເອົາມາຕໍ່ໜ້າພະເຢໂຫວາ.
8 ລາວຕ້ອງວາງມືເທິງຫົວສັດທີ່ຈະເປັນເຄື່ອງບູຊານັ້ນ ແລະເອົາມັນໄປຂ້າຢູ່ທາງເຂົ້າເຕັ້ນສັກສິດ ແລ້ວພວກລູກຊາຍຂອງອາໂຣນທີ່ເປັນປະໂລຫິດຈະເອົາເລືອດຂອງມັນໄປຊິດໃສ່ແຕ່ລະຂ້າງຂອງແທ່ນບູຊາ.
9 ລາວຈະເອົານ້ຳມັນຈາກເຄື່ອງບູຊາສ້າງຄວາມສະຫງົບສຸກໄປເປັນເຄື່ອງບູຊາດ້ວຍໄຟໃຫ້ພະເຢໂຫວາ.+ ລາວຕ້ອງເອົາສ່ວນຕ່າງໆເຫຼົ່ານີ້ອອກຄື: ຫາງທີ່ມີນ້ຳມັນ*ຢູ່ໃກ້ກະດູກສັນຫຼັງ ນ້ຳມັນທີ່ປົກໄສ້ກັບນ້ຳມັນທີ່ຕິດຢູ່ໄສ້
10 ແລະໝາກໄຂ່ຫຼັງ 2 ໜ່ວຍ ກັບນ້ຳມັນທີ່ຕິດໝາກໄຂ່ຫຼັງທີ່ຢູ່ໃກ້ໆແອວ. ລາວຕ້ອງລອກນ້ຳມັນທີ່ຕິດຢູ່ຕັບອອກໄປຈົນຮອດໝາກໄຂ່ຫຼັງ.+
11 ປະໂລຫິດຈະເອົາສ່ວນຕ່າງໆເຫຼົ່ານີ້ໄປເຜົາເທິງແທ່ນບູຊາຄືກັບອາຫານ.* ນີ້ແມ່ນເຄື່ອງບູຊາດ້ວຍໄຟໃຫ້ພະເຢໂຫວາ.+
12 ຖ້າລາວຈະເອົາແບ້ມາເປັນເຄື່ອງບູຊາ ລາວຕ້ອງເອົາມາຕໍ່ໜ້າພະເຢໂຫວາ.
13 ລາວຕ້ອງວາງມືເທິງຫົວສັດທີ່ຈະເປັນເຄື່ອງບູຊານັ້ນ ແລະເອົາມັນໄປຂ້າຢູ່ທາງເຂົ້າເຕັ້ນສັກສິດ ແລ້ວພວກລູກຊາຍຂອງອາໂຣນທີ່ເປັນປະໂລຫິດຈະເອົາເລືອດຂອງມັນໄປຊິດໃສ່ແຕ່ລະຂ້າງຂອງແທ່ນບູຊາ.
14 ລາວຈະເອົານ້ຳມັນຈາກເຄື່ອງບູຊາສ້າງຄວາມສະຫງົບສຸກໄປເປັນເຄື່ອງບູຊາດ້ວຍໄຟໃຫ້ພະເຢໂຫວາ. ລາວຕ້ອງເອົາສ່ວນຕ່າງໆເຫຼົ່ານີ້ອອກຄື: ນ້ຳມັນທີ່ປົກໄສ້ກັບນ້ຳມັນທີ່ຕິດຢູ່ໄສ້+
15 ແລະໝາກໄຂ່ຫຼັງ 2 ໜ່ວຍ ກັບນ້ຳມັນທີ່ຕິດໝາກໄຂ່ຫຼັງທີ່ຢູ່ໃກ້ໆແອວ. ລາວຕ້ອງລອກນ້ຳມັນທີ່ຕິດຢູ່ຕັບອອກໄປຈົນຮອດໝາກໄຂ່ຫຼັງ.
16 ປະໂລຫິດຈະເອົາສ່ວນຕ່າງໆເຫຼົ່ານີ້ໄປເຜົາເທິງແທ່ນບູຊາຄືກັບອາຫານ. ນີ້ແມ່ນເຄື່ອງບູຊາດ້ວຍໄຟທີ່ມີກິ່ນຫອມທີ່ເຮັດໃຫ້ພະເຈົ້າພໍໃຈ. ນ້ຳມັນທັງໝົດເປັນຂອງພະເຢໂຫວາ.+
17 ຫ້າມພວກເຈົ້າກິນນ້ຳມັນຫຼືເລືອດ+ເດັດຂາດ. ນີ້ແມ່ນກົດໝາຍທີ່ພວກເຈົ້າຕ້ອງເຮັດຕາມໄປຈົນຮອດລຸ້ນລູກລຸ້ນຫຼານຕໍ່ໆໄປ ບໍ່ວ່າເຈົ້າຈະຢູ່ໃສກໍຕາມ.’”
ຂໍ
^ ຫຼື “ເຕັ້ນຂໍການຊີ້ນຳ.” ເບິ່ງສ່ວນອະທິບາຍຄຳສັບ.
^ ແປຕາມໂຕວ່າ “ຜ່ອນຄາຍ”
^ ແກະໃນສະໄໝນັ້ນມີຫາງທີ່ມີນ້ຳມັນຫຼາຍ ປົກກະຕິແລ້ວຈະໜັກບໍ່ຕ່ຳກວ່າ 5 ກິໂລກຣາມ
^ ແປຕາມໂຕວ່າ “ເຂົ້າຈີ່.” ໝາຍເຖິງສ່ວນແບ່ງຂອງເຄື່ອງບູຊາສ້າງຄວາມສະຫງົບສຸກທີ່ໃຫ້ພະເຈົ້າ.
