ສຸພາສິດ 23:1-35
23 ຕອນທີ່ລູກນັ່ງກິນເຂົ້າກັບກະສັດໃຫ້ລູກລະວັງການປະພຶດຂອງໂຕເອງ.
2 ຖ້າລູກເປັນຄົນໂລບມັກກິນຫຼາຍກໍໃຫ້ລູກຄວບຄຸມໂຕເອງ.*
3 ຢ່າໄປຢາກກິນອາຫານແຊບໆຂອງລາວເພື່ອລູກຈະບໍ່ໄດ້ຖືກຫຼອກ.
4 ຢ່າເຮັດວຽກຈົນເມື່ອຍຫຼາຍໂພດເພື່ອຈະລວຍຂຶ້ນ+
ໃຫ້ເຊົາເຮັດແນວນັ້ນແລະເຮັດໃຫ້ເຫັນວ່າເປັນຄົນສະຫຼາດຂຶ້ນ.*
5 ຢ່າໄປໝົກມຸ້ນຢູ່ແຕ່ກັບເງິນ+ເພາະເງິນຫາຍໄປໄດ້ທັນທີ. ມັນຈະມີປີກຄືກັບນົກອິນຊີແລະບິນໜີໄປ.+
6 ຢ່າໄປກິນອາຫານຂອງຄົນຂີ້ຖີ່.*ຢ່າໄປຢາກກິນອາຫານແຊບໆຂອງລາວ
7 ຍ້ອນລາວຢາກໄດ້ບາງຢ່າງຕອບແທນ.
ລາວເວົ້າກັບລູກວ່າ “ກິນໂລດເດີ້” ແຕ່ລາວບໍ່ໄດ້ໝາຍຄວາມວ່າແນວນັ້ນແທ້ໆ.
8 ລູກກິນຫຍັງເຂົ້າໄປ ລູກກໍຈະຮາກອອກມາຈົນໝົດແລະຄຳເວົ້າທີ່ລູກຍ້ອງຍໍລາວກໍຈະບໍ່ມີປະໂຫຍດຫຍັງ.
9 ຢ່າພະຍາຍາມໄປສອນຄົນໂງ່+ຍ້ອນລາວຈະຊັງຄຳເວົ້າທີ່ສະຫຼາດຂອງລູກ.+
10 ຫ້າມລູກຍ້າຍຫຼັກແດນທີ່ມີແຕ່ສະໄໝບູຮານ+ແລະຫ້າມລູກໄປບຸກລຸກທົ່ງນາຂອງລູກກຳພ້າ
11 ຍ້ອນຜູ້ທີ່ປົກປ້ອງ*ເຂົາເຈົ້າມີອຳນາດຫຼາຍ.ເພິ່ນຈະຢູ່ຂ້າງເຂົາເຈົ້າແລະມາສູ້ຄະດີກັບລູກ.+
12 ໃຫ້ລູກຕັ້ງໃຈຟັງແລະພະຍາຍາມເຮັດຕາມຄຳສອນແລະໃຫ້ສົນໃຈຟັງຄຳເວົ້າທີ່ສະຫຼາດ.
13 ຢ່າລືມສັ່ງສອນລູກຂອງລູກ+
ເຖິງວ່າລູກຕີລາວດ້ວຍໄມ້ແສ້ ລາວກໍຈະບໍ່ຕາຍດອກ.
14 ລູກຄວນຕີລາວດ້ວຍໄມ້ແສ້ເພື່ອຈະຊ່ວຍລາວໃຫ້ລອດຈາກຂຸມຝັງສົບ.*
15 ລູກເອີ້ຍ ຖ້າລູກເປັນຄົນສະຫຼາດໃຈຂອງພໍ່ກໍຈະມີຄວາມສຸກຫຼາຍ.+
16 ເມື່ອລູກເວົ້າສິ່ງທີ່ຖືກຕ້ອງສ່ວນທີ່ເລິກທີ່ສຸດໃນໂຕຂອງພໍ່*ຈະຍິນດີຫຼາຍ.
17 ຢ່າໃຫ້ໃຈຂອງລູກອິດສາຄົນເຮັດຜິດ+ແຕ່ໃຫ້ຢ້ານຢຳພະເຢໂຫວາສະເໝີ+
18 ແລ້ວລູກຈະມີອະນາຄົດທີ່ດີ+ແລະມີຄວາມຫວັງຢູ່ສະເໝີ.
19 ລູກເອີ້ຍ ໃຫ້ຟັງຄວາມພໍ່ແລະເປັນຄົນສະຫຼາດຂຶ້ນ.ໃຫ້ຊີ້ນຳໃຈຂອງລູກໄປໃນທາງທີ່ຖືກຕ້ອງ.
20 ຢ່າເປັນໜຶ່ງໃນຄົນທີ່ກິນເຫຼົ້າແວງຫຼາຍໂພດ+ແລະຢ່າໄປຄົບກັບຄົນທີ່ມັກໂລບກິນແຕ່ຕ່ອນ.+
21 ຄົນຂີ້ເມົາແລະຄົນກິນແບບໂລບມາກໂລພາຈະກາຍເປັນຄົນທຸກ.+ເຂົາເຈົ້ານອນຫຼາຍໂພດ*ແລະຈະຕ້ອງນຸ່ງເຄື່ອງເກົ່າໆຂາດໆ.
22 ໃຫ້ຟັງຄວາມພໍ່ຜູ້ໃຫ້ຊີວິດລູກແລະຢ່າດູຖູກແມ່ຍ້ອນວ່າລາວເຖົ້າແລ້ວ.+
23 ໃຫ້ຊື້ຄວາມຈິງໄວ້ແລະຢ່າຂາຍເລີຍ.+ໃຫ້ຊື້ສະຕິປັນຍາ ຄຳສັ່ງສອນ ແລະຄວາມເຂົ້າໃຈນຳ.+
24 ພໍ່ຂອງຄົນທີ່ເຮັດສິ່ງທີ່ຖືກຕ້ອງຈະມີຄວາມສຸກແນ່ນອນ.ພໍ່ທີ່ມີລູກສະຫຼາດຈະດີໃຈຫຼາຍ.
25 ພໍ່ແລະແມ່ຂອງລູກຈະມີຄວາມຍິນດີແລະແມ່ທີ່ເກີດລູກມາຈະມີຄວາມສຸກ.
26 ລູກເອີ້ຍ ໃຫ້ຕັ້ງໃຈຟັງພໍ່ດີໆແລະຂໍໃຫ້ລູກມີຄວາມສຸກກັບການເຮັດຕາມຕົວຢ່າງຂອງພໍ່.+
27 ຜູ້ຍິງຂາຍໂຕເປັນຄືກັບຂຸມເລິກແລະຜູ້ຍິງທີ່ຜິດສິນລະທຳ*ເປັນຄືກັບນ້ຳສ້າງທີ່ແຄບໆ.+
28 ລາວຊຸ້ມລໍຖ້າຢູ່ຄືກັບໂຈນ+ລາວເຮັດໃຫ້ຜູ້ຊາຍທໍລະຍົດ*ມີຫຼາຍຂຶ້ນ.
29 ໃຜມີຄວາມທຸກລຳບາກ? ໃຜມີຄວາມອຸກໃຈ?
ໃຜຜິດຖຽງກັນ? ໃຜມີເລື່ອງຢາກຈົ່ມ?
ໃຜມີບາດໂດຍບໍ່ຮູ້ສາເຫດ? ໃຜມີຕາເສົ້າໝອງ?
30 ກໍແມ່ນພວກທີ່ນັ່ງກິນເຫຼົ້າແວງດົນໆ.+ພວກທີ່ຊອກຫາເຫຼົ້າແວງທີ່ປຸກໆ.*
31 ຢ່າໄປຫຼົງໄຫຼເຫຼົ້າແວງຍ້ອນມັນມີສີແດງຍ້ອນມັນເຫຼື້ອມຍິບຍັບຢູ່ໃນຈອກແລະໄຫຼມ່ອນຄໍ
32 ເພາະໃນທີ່ສຸດມັນຈະຕອດຄືກັບງູແລະພົ່ນພິດຄືກັບງູພິດ.
33 ຕາຂອງລູກຈະເຫັນພາບຫຼອນແລະໃຈຂອງລູກຈະຄິດແຕ່ເລື່ອງຊົ່ວໆ.+
34 ລູກຈະເປັນຄືກັບຄົນທີ່ນອນຢູ່ກາງທະເລຄືກັບຄົນທີ່ນອນຢູ່ເສົາກາງເຮືອ.
35 ລູກຈະເວົ້າວ່າ: “ເຂົາເຈົ້າຕີຂ້ອຍ ແຕ່ຂ້ອຍບໍ່ຮູ້ສຶກເຈັບ.
ເຂົາເຈົ້າຟາດຂ້ອຍ ແຕ່ຂ້ອຍບໍ່ຮູ້ຫຍັງເລີຍ.
ປານໃດຂ້ອຍຊິຕື່ນ?+
ຂ້ອຍຢາກກິນເຫຼົ້າອີກເດ້!”*
ຂໍ
^ ຫຼື “ກໍໃຫ້ລູກເອົາມີດຈໍ່ຄໍໂຕເອງ”
^ ຫຼືອາດແປວ່າ “ໃຫ້ເຊົາເຮັດຕາມຄວາມເຂົ້າໃຈຂອງໂຕເອງ”
^ ຫຼື “ຄົນທີ່ມີຕາຊົ່ວ”
^ ແປຕາມໂຕວ່າ “ຜູ້ໄຖ່”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ໝາກໄຂ່ຫຼັງຂອງພໍ່”
^ ຍ້ອນເຂົາເຈົ້າກິນແລະດື່ມຫຼາຍໂພດຈົນລຸກບໍ່ໄຫວ
^ ແປຕາມໂຕວ່າ “ຢູ່ຫ່າງຈາກ.” ໃນພາສາເຮັບເຣີຄຳວ່າ “ຜິດສິນລະທຳ” ອາດໃຊ້ເພື່ອໝາຍເຖິງຄົນທີ່ຢູ່ຫ່າງຈາກພະເຈົ້າແລະບໍ່ເຮັດຕາມມາດຕະຖານດ້ານສິນລະທຳຂອງເພິ່ນ.
^ ໝາຍເຖິງຄົນທີ່ບໍ່ສັດຊື່ຕໍ່ພະເຈົ້າຫຼືບໍ່ສັດຊື່ຕໍ່ເມຍ
^ ຫຼື “ພວກທີ່ມາລວມໂຕກັນເພື່ອລອງເຫຼົ້າແວງທີ່ປຸກໆ”
^ ຫຼື “ຂ້ອຍຈະໄປຊອກຫາມັນອີກ”
