ສຸພາສິດ 24:1-34
24 ຢ່າອິດສາຄົນຊົ່ວແລະຢ່າຢາກໄປຢູ່ນຳເຂົາເຈົ້າ+
2 ຍ້ອນໃຈຂອງເຂົາເຈົ້າຄິດແຕ່ເລື່ອງຮຸນແຮງແລະປາກຂອງເຂົາເຈົ້າກໍເວົ້າເຖິງແຕ່ວິທີທີ່ຈະທຳຮ້າຍຄົນອື່ນ.
3 ສະຕິປັນຍາເຮັດໃຫ້ເຮືອນ*ແຂງແຮງ+ແລະຄວາມເຂົ້າໃຈເຮັດໃຫ້ເຮືອນໝັ້ນຄົງ.
4 ຄວາມຮູ້ເຮັດໃຫ້ຫ້ອງຕ່າງໆໃນເຮືອນເຕັມແຕ່ສິ່ງທີ່ມີຄ່າແລະຊັບສົມບັດທີ່ງາມໆ.+
5 ຄົນສະຫຼາດມີອຳນາດຫຼາຍ+ແລະຄົນທີ່ມີຄວາມຮູ້ກໍເຮັດໃຫ້ໂຕເອງມີອຳນາດຫຼາຍຂຶ້ນ.
6 ຖ້າມີຄຳແນະນຳຈາກຄົນທີ່ເກັ່ງໆ* ລູກຈະຊະນະສົງຄາມ+ແລະຖ້າມີທີ່ປຶກສາຫຼາຍຄົນກໍຈະໄດ້ໄຊຊະນະ.*+
7 ຄົນໂງ່ບໍ່ມີທາງໄດ້ສະຕິປັນຍາແທ້.+ຢູ່ປະຕູເມືອງ ລາວບໍ່ຮູ້ຊິເວົ້າຫຍັງ.
8 ຄົນທີ່ວາງແຜນຮ້າຍຈະຖືກເອີ້ນວ່ານັກວາງແຜນຮ້າຍ.+
9 ແຜນຮ້າຍໂງ່ໆ*ເປັນບາບແລະຄົນທີ່ມັກເຍາະເຍີ້ຍມັກຖືກກຽດຊັງ.+
10 ຖ້າລູກໝົດກຳລັງໃຈໃນຍາມທີ່ຍາກລຳບາກ*ລູກກໍຈະບໍ່ມີເຫື່ອບໍ່ມີແຮງ.
11 ໃຫ້ຊ່ວຍຊີວິດຄົນທີ່ກຳລັງຖືກພາໄປຫາຄວາມຕາຍແລະຊ່ວຍຄົນທີ່ກຳລັງຕົກຢູ່ໃນອັນຕະລາຍຍ້ອນຈະຖືກຂ້າ.+
12 ຖ້າລູກເວົ້າວ່າ “ແຕ່ພວກເຮົາບໍ່ຮູ້ຫຍັງກ່ຽວກັບເລື່ອງນີ້ເລີຍ”
ພະເຈົ້າຜູ້ທີ່ກວດເບິ່ງຫົວໃຈ*ກໍເຂົ້າໃຈບໍ່ແມ່ນບໍ?+
ພະເຈົ້າຜູ້ທີ່ເຝົ້າເບິ່ງລູກຈະຮູ້ແລະຈະຕອບແທນແຕ່ລະຄົນຕາມການກະທຳຂອງລາວ.+
13 ລູກເອີ້ຍ ກິນນ້ຳເຜີ້ງແມ້ ຍ້ອນມັນດີແລະມີປະໂຫຍດ.ນ້ຳເຜີ້ງຈາກຮັງເຜີ້ງກໍມີລົດຫວານ
14 ຄ້າຍຄືກັນ ສະຕິປັນຍາກໍດີສຳລັບລູກ.+
ຖ້າລູກພົບສະຕິປັນຍາ ລູກຈະມີອະນາຄົດທີ່ດີແລະມີຄວາມຫວັງຢູ່ສະເໝີ.+
15 ຢ່າໄປດັກຊຸ້ມຢູ່ໃກ້ເຮືອນຂອງຄົນທີ່ເຮັດສິ່ງທີ່ຖືກຕ້ອງດ້ວຍເຈຕະນາຊົ່ວ.ຢ່າໄປທຳລາຍບ່ອນພັກຂອງລາວ.
16 ເຖິງວ່າຄົນທີ່ເຮັດສິ່ງທີ່ຖືກຕ້ອງຈະລົ້ມລົງ 7 ເທື່ອ ລາວກໍຈະລຸກຂຶ້ນໄດ້ອີກ+ແຕ່ຄົນຊົ່ວຈະຕ້ອງເຈິກັບຄວາມຈິບຫາຍແລະລົ້ມລົງ.+
17 ຢ່າດີໃຈເມື່ອເຫັນສັດຕູຂອງລູກລົ້ມແລະຢ່າມີຄວາມສຸກເມື່ອເຫັນລາວສະດຸດ.+
18 ຄັນບໍ່ຊັ້ນ ເມື່ອພະເຢໂຫວາເຫັນ ເພິ່ນຈະບໍ່ພໍໃຈແລະເພິ່ນກໍຈະເຊົາໃຈຮ້າຍໃຫ້ສັດຕູຂອງລູກ.+
19 ຢ່າໃຈຮ້າຍ*ຍ້ອນຄົນບໍ່ດີ.ຢ່າອິດສາຄົນຊົ່ວ
20 ເພາະຄົນຊົ່ວບໍ່ມີອະນາຄົດ.+ຄົນຊົ່ວເປັນຄືກັບຕະກຽງທີ່ຈະຖືກມອດ.+
21 ລູກເອີ້ຍ ໃຫ້ຢ້ານຢຳພະເຢໂຫວາແລະກະສັດ+
ແລະຢ່າໄປຄົບຫາກັບພວກກະບົດ*+
22 ຍ້ອນເຂົາເຈົ້າຈະເຈິກັບຄວາມຈິບຫາຍແບບກະທັນຫັນ.+
ບໍ່ມີໃຜຮູ້ວ່າເພິ່ນທັງສອງ*ຈະເຮັດໃຫ້ເກີດຫຍັງຂຶ້ນກັບເຂົາເຈົ້າ.+
23 ຄົນສະຫຼາດເວົ້າໄວ້ອີກວ່າ
ການຕັດສິນແບບບໍ່ຍຸຕິທຳເປັນສິ່ງທີ່ບໍ່ດີ.+
24 ຄົນທີ່ເວົ້າກັບຄົນຊົ່ວວ່າ: “ເຈົ້າເປັນຄົນດີ”+
ຄົນນັ້ນຈະຖືກຊາດຕ່າງໆສາບແຊ່ງແລະຈະຖືກປະເທດຕ່າງໆປະຈານ
25 ແຕ່ຄົນທີ່ຕຳໜິຄົນຊົ່ວຈະໄດ້ຮັບການຍ້ອງຍໍ+ແລະຈະໄດ້ຮັບພອນຫຼາຍຢ່າງ.+
26 ຜູ້ຄົນຈະນັບຖືຄົນທີ່ຕອບຢ່າງສັດຊື່.*+
27 ໃຫ້ເຈົ້າເຮັດວຽກໜັກໃນທົ່ງນາຂອງເຈົ້າແລະກຽມດິນໄວ້ຈາກນັ້ນກໍປຸກເຮືອນ.*
28 ຢ່າເປັນພະຍານກ່າວຫາເພື່ອນບ້ານແບບບໍ່ມີຫຼັກຖານ.+
ຫ້າມເວົ້າຕົວະຫຼອກລວງຄົນອື່ນ.+
29 ຢ່າເວົ້າວ່າ: “ລາວເຮັດແນວໃດກັບຂ້ອຍ ຂ້ອຍກໍຈະເຮັດແນວນັ້ນກັບລາວ.ຂ້ອຍຈະເອົາຄືນລາວໃຫ້ສົມກັບທີ່ລາວໄດ້ເຮັດກັບຂ້ອຍ.”+
30 ພໍ່ຍ່າງຜ່ານທົ່ງນາຂອງຄົນຂີ້ຄ້ານ+ແລະຍ່າງຜ່ານສວນໝາກລະແຊັງຂອງຄົນທີ່ບໍ່ຮູ້ຈັກຄິດ
31 ພໍ່ເຫັນວ່າມີແຕ່ຫຍ້າຮົກເຕັມໄປໝົດດິນກໍມີແຕ່ປ່າຫຍ້າຂຶ້ນເຕັມແລະກຳແພງຫີນກໍເປ່ເພໝົດແລ້ວ.+
32 ພໍ່ສັງເກດເລື່ອງນີ້ແລະກໍໄດ້ຄິດຄັກໆ.ພໍ່ເຫັນສິ່ງທີ່ເກີດຂຶ້ນແລະໄດ້ບົດຮຽນວ່າ
33 ນອນອີກຈັກບຶດ ຫຼັບອີກຈັກໜ້ອຍພັບແຂນແລະນອນອີກໜ້ອຍໜຶ່ງ
34 ແລ້ວເຈົ້າກໍຈະກາຍເປັນຄົນທຸກຢ່າງໄວວາຄືກັບຖືກໂຈນປຸ້ນ.ມັນຈະເປັນຄືກັບວ່າມີຄົນຈັບອາວຸດມາຍຶດເອົາເຄື່ອງຂອງຂອງເຈົ້າໄປ.+
ຂໍ
^ ຫຼື “ຄອບຄົວ”
^ ຫຼື “ການຊີ້ນຳທີ່ສະຫຼາດ”
^ ຫຼື “ຄວາມສຳເລັດ; ຄວາມລອດ”
^ ຫຼື “ແຜນຮ້າຍຂອງຄົນໂງ່”
^ ຫຼື “ໃນຍາມທີ່ມີບັນຫາ”
^ ຫຼື “ເຈຕະນາແທ້ໆ”
^ ຫຼື “ຢ່າເຮັດໃຫ້ເຫັນວ່າລູກອາລົມບໍ່ດີ”
^ ຫຼື “ຄົນທີ່ສະໜັບສະໜູນການປ່ຽນແປງ”
^ ໝາຍເຖິງພະເຢໂຫວາແລະກະສັດ
^ ຫຼືອາດແປວ່າ “ຕອບໃນວິທີກົງໆຄືກັບການຈູບ”
^ ຫຼື “ສ້າງຄອບຄົວ”
