ສຸພາສິດ 29:1-27
29 ຖ້າຜູ້ໃດຖືກຕັກເຕືອນຫຼາຍໆແລ້ວ ແຕ່ຍັງເປັນຄົນຫົວແຂງຢູ່+ລາວຈະເຈິກັບຄວາມຈິບຫາຍແບບກະທັນຫັນ.+
2 ເມື່ອມີຄົນທີ່ເຮັດສິ່ງທີ່ຖືກຕ້ອງຫຼາຍຄົນ ປະຊາຊົນກໍມີຄວາມສຸກແຕ່ເມື່ອຄົນຊົ່ວປົກຄອງ ປະຊາຊົນກໍທຸກໃຈ.+
3 ຄົນທີ່ຮັກສະຕິປັນຍາເຮັດໃຫ້ພໍ່ຂອງລາວມີຄວາມສຸກ+ແຕ່ຄົນທີ່ມັກໄປຢູ່ນຳພວກຜູ້ຍິງຂາຍໂຕກໍຜານສົມບັດຂອງໂຕເອງ.+
4 ກະສັດທີ່ຍຸຕິທຳເຮັດໃຫ້ແຜ່ນດິນໝັ້ນຄົງ+ແຕ່ຄົນທີ່ມັກສິນບົນເຮັດໃຫ້ແຜ່ນດິນຫຼົ້ມຈົມ.
5 ຄົນທີ່ມັກຍ້ອງຍໍເພື່ອນບ້ານກໍເປັນຄືກັບຄົນທີ່ກາງກັບດັກຕານ່າງໄວ້ສຳລັບຕີນຂອງໂຕເອງ.+
6 ຄວາມຜິດຂອງຄົນຊົ່ວເປັນກັບດັກຈັບລາວເອງ+ແຕ່ຄົນທີ່ເຮັດສິ່ງທີ່ຖືກຕ້ອງມີຄວາມສຸກແລະຮ້ອງອອກມາດ້ວຍຄວາມຍິນດີ.+
7 ຄົນທີ່ເຮັດສິ່ງທີ່ຖືກຕ້ອງເປັນຫ່ວງສິດຕາມກົດໝາຍຂອງຄົນທຸກ+ແຕ່ຄົນຊົ່ວບໍ່ສົນໃຈເລື່ອງນີ້ເລີຍ.+
8 ຄົນທີ່ມັກເວົ້າອວດເປັນຄືກັບຄົນທີ່ເອົາໄຟຈູດເມືອງ+ແຕ່ຄົນສະຫຼາດເຮັດໃຫ້ເຊົາໃຈຮ້າຍ.+
9 ຖ້າຄົນສະຫຼາດໄປຖຽງກັບຄົນໂງ່ກໍຈະມີແຕ່ການຖຽງກັນແລະເຍາະເຍີ້ຍກັນ ແຕ່ຈະບໍ່ເກີດຜົນດີຫຍັງເລີຍ.+
10 ຜູ້ທີ່ຂ້າຄົນຊັງຄົນທີ່ບໍ່ມີຄວາມຜິດ*+ແລະເຂົາເຈົ້າຊອກວິທີຂ້າຄົນທີ່ສັດຊື່.*
11 ຄົນໂງ່ລະບາຍຄວາມຮູ້ສຶກທັງໝົດຂອງລາວອອກມາ+ແຕ່ຄົນສະຫຼາດໃຈເຢັນຈົນບັນຫາຜ່ານພົ້ນໄປ.+
12 ເມື່ອຜູ້ປົກຄອງເຊື່ອຄຳຕົວະຄົນຮັບໃຊ້ທັງໝົດຂອງລາວກໍຈະກາຍເປັນຄົນຊົ່ວ.+
13 ຄົນທຸກກັບຄົນທີ່ກົດຂີ່ລາວມີຢ່າງໜຶ່ງທີ່ຄືກັນ
ນັ້ນກໍຄືພະເຢໂຫວາເປັນຜູ້ໃຫ້ຊີວິດເຂົາເຈົ້າ.
14 ຖ້າກະສັດຕັດສິນຄະດີຂອງຄົນທຸກຢ່າງຍຸຕິທຳ+ບັນລັງຂອງລາວກໍຈະໝັ້ນຄົງ.+
15 ໄມ້ແສ້*ແລະການຕັກເຕືອນເຮັດໃຫ້ມີສະຕິປັນຍາ+ແຕ່ເດັກນ້ອຍທີ່ຖືກຕາມໃຈກໍເຮັດໃຫ້ແມ່ອັບອາຍ.
16 ເມື່ອຄົນຊົ່ວຫຼາຍຂຶ້ນ ການເຮັດຜິດກໍມີຫຼາຍຂຶ້ນແຕ່ຄົນທີ່ເຮັດສິ່ງທີ່ຖືກຕ້ອງຈະໄດ້ເຫັນເຂົາເຈົ້າຖືກທຳລາຍ.+
17 ຖ້າເຈົ້າສັ່ງສອນລູກຂອງເຈົ້າ ລາວຈະເຮັດໃຫ້ເຈົ້າສົດຊື່ນແລະລາວຈະເຮັດໃຫ້ເຈົ້າມີຄວາມສຸກຫຼາຍ.+
18 ບ່ອນໃດທີ່ບໍ່ມີນິມິດຈາກຜູ້ພະຍາກອນ ຜູ້ຄົນກໍເຮັດຕາມໃຈມັກ+ແຕ່ຄົນທີ່ເຮັດຕາມກົດໝາຍ*ຈະມີຄວາມສຸກ.+
19 ຄົນຮັບໃຊ້ບໍ່ຍອມປ່ຽນແປງໂຕເອງເມື່ອຖືກແກ້ໄຂເຖິງວ່າລາວຈະເຂົ້າໃຈ ແຕ່ລາວກໍບໍ່ຍອມເຮັດຕາມ.+
20 ເຈົ້າເຄີຍເຫັນຄົນທີ່ເວົ້າແບບບໍ່ຄິດບໍ?+
ຄົນໂງ່ຍັງມີຫວັງວ່າຈະດີຂຶ້ນຫຼາຍກວ່າລາວຊ້ຳ.+
21 ຖ້າຄົນຮັບໃຊ້ຖືກເອົາໃຈຕັ້ງແຕ່ຍັງນ້ອຍລາວຈະກາຍເປັນຄົນທີ່ບໍ່ສຳນຶກບຸນຄຸນ.
22 ຄົນທີ່ໃຈຮ້າຍງ່າຍຍົວະໃຫ້ຜິດຖຽງກັນ+ຄົນທີ່ມັກໃຈຮ້າຍແຮງກໍເຮັດຜິດເລື້ອຍໆ.+
23 ຄວາມຍິ່ງຂອງມະນຸດຈະເຮັດໃຫ້ລາວຕົກຕ່ຳລົງ+ແຕ່ຄົນທີ່ຖ່ອມໂຕຈະໄດ້ຮັບກຽດ.+
24 ຄົນທີ່ເປັນຂາຄູ່ກັບໂຈນກໍຊັງໂຕເອງ.
ລາວອາດຈະຖືກຂໍໃຫ້ໄປເປັນພະຍານໃນສານ ແຕ່ລາວກໍບໍ່ເວົ້າຫຍັງ.+
25 ການຢ້ານມະນຸດເປັນກັບດັກ+ແຕ່ຄົນທີ່ໄວ້ໃຈພະເຢໂຫວາຈະໄດ້ຮັບການປົກປ້ອງ.+
26 ຫຼາຍຄົນຊອກຫາວິທີທີ່ຈະເຂົ້າພົບຜູ້ປົກຄອງ*ແຕ່ພະເຢໂຫວາເປັນຜູ້ທີ່ໃຫ້ຄວາມຍຸຕິທຳກັບມະນຸດ.+
27 ຄົນທີ່ບໍ່ຍຸຕິທຳເປັນຕາຊັງສຳລັບຄົນທີ່ເຮັດສິ່ງທີ່ຖືກຕ້ອງ+ແຕ່ຄົນທີ່ໃຊ້ຊີວິດຢ່າງສັດຊື່ກໍເປັນຕາຊັງສຳລັບຄົນຊົ່ວ.+
ຂໍ
^ ຫຼື “ຄົນທີ່ບໍ່ມີບ່ອນຕິ”
^ ຫຼືອາດແປວ່າ “ແຕ່ຄົນທີ່ສັດຊື່ຊອກຫາວິທີປົກປ້ອງຊີວິດໂຕເອງ”
^ ຫຼື “ການສັ່ງສອນ; ການລົງໂທດ”
^ ຫຼື “ກົດໝາຍຂອງພະເຈົ້າ”
^ ຫຼືອາດແປວ່າ “ຊອກຫາວິທີເຮັດໃຫ້ຜູ້ປົກຄອງພໍໃຈ”
