ອາໂມດ 2:1-16
2 “ພະເຢໂຫວາເວົ້າວ່າ‘ເຮົາຈະເຮັດຕາມທີ່ໄດ້ຕັດສິນໃຈໄວ້ແລ້ວ ຍ້ອນໂມອາບກະບົດເທື່ອແລ້ວເທື່ອອີກ.*+ລາວໄດ້ຈູດກະດູກຂອງກະສັດເອໂດມຈົນເຫຼືອແຕ່ຂີ້ເທົ່າ.*
2 ດັ່ງນັ້ນ ເຮົາຈະທຳລາຍໂມອາບຄືກັບສົ່ງໄຟມາຈູດແລະໄຟນັ້ນຈະທຳລາຍປ້ອມສູງຕ່າງໆຂອງເມືອງເກຣີໂຢດ.+ໂມອາບຈະຕາຍຕອນທີ່ມີຄວາມວຸ່ນວາຍມີສຽງຮ້ອງດັງໆຂອງພວກທະຫານແລະມີສຽງແກ.+
3 ເຮົາຈະປົດຜູ້ປົກຄອງ*ຂອງໂມອາບອອກຈາກຕຳແໜ່ງແລະຈະຂ້າພວກເຈົ້າໜ້າທີ່ລະດັບສູງ*ຂອງລາວ.’+ ພະເຢໂຫວາເວົ້າໄວ້ແນວນີ້.
4 ພະເຢໂຫວາເວົ້າວ່າ‘ເຮົາຈະເຮັດຕາມທີ່ໄດ້ຕັດສິນໃຈໄວ້ແລ້ວ ຍ້ອນຢູດາກະບົດເທື່ອແລ້ວເທື່ອອີກ.+ເຂົາເຈົ້າປະຕິເສດກົດໝາຍ*ຂອງພະເຢໂຫວາແລະບໍ່ໄດ້ເຮັດຕາມຂໍ້ກຳນົດຕ່າງໆຂອງເຮົາ.+ເຂົາເຈົ້າຖືກລໍ້ລວງຄືກັບປູ່ຍ່າຕານາຍຂອງເຂົາເຈົ້າ.+
5 ດັ່ງນັ້ນ ເຮົາຈະທຳລາຍຢູດາຄືກັບສົ່ງໄຟມາຈູດແລະໄຟນັ້ນຈະທຳລາຍປ້ອມສູງຕ່າງໆຂອງເມືອງເຢຣູຊາເລັມ.’+
6 ພະເຢໂຫວາເວົ້າວ່າ‘ເຮົາຈະເຮັດຕາມທີ່ໄດ້ຕັດສິນໃຈໄວ້ແລ້ວ ຍ້ອນອິດສະຣາເອນກະບົດເທື່ອແລ້ວເທື່ອອີກ.+ເຂົາເຈົ້າຂາຍຄົນດີແລກກັບເງິນແລະຂາຍຄົນທຸກແລກກັບເກີບຄູ່ດຽວ.+
7 ເຂົາເຈົ້າຢຽບຫົວຂອງຄົນຕ່ຳຕ້ອຍຈົນຫຼິບດິນ+ແລະບໍ່ໄດ້ໃຫ້ຄວາມຍຸຕິທຳກັບຄົນຖ່ອມ.+
ພໍ່ກັບລູກຊາຍນອນນຳຜູ້ຍິງຄົນດຽວກັນເຊິ່ງເຮັດໃຫ້ຊື່ທີ່ບໍລິສຸດຂອງເຮົາຖືກດູໝິ່ນ.
8 ເຂົາເຈົ້າເອົາເຄື່ອງນຸ່ງທີ່ຄົນເອົາມາຈຳ+ໄປປູນັ່ງຢູ່ຂ້າງແທ່ນບູຊາທຸກແທ່ນ+ແລະເອົາເງິນທີ່ໄດ້ຈາກການປັບໄໝໄປຊື້ເຫຼົ້າແວງມາກິນຢູ່ວິຫານພະເຈົ້າຂອງເຂົາເຈົ້າ.
9 ເຮົານິຕົ໋ວທີ່ທຳລາຍພວກອາໂມຕໍ່ໜ້າເຂົາເຈົ້າ.+ພວກນັ້ນສູງຄືກັບຕົ້ນຊີດ້າ*ແລະແຂງແຮງຄືກັບຕົ້ນໂອກ.ເຮົາທຳລາຍເຂົາເຈົ້າຄືກັບທຳລາຍໝາກແລະຮາກຂອງຕົ້ນໄມ້.+
10 ເຮົາໄດ້ພາພວກເຈົ້າອອກມາຈາກແຜ່ນດິນເອຢິບ.+ເຮົານຳທາງພວກເຈົ້າຢູ່ບ່ອນກັນດານ 40 ປີ+ແລະເຮົາຊ່ວຍໃຫ້ພວກເຈົ້າຍຶດເອົາແຜ່ນດິນຂອງພວກອາໂມ.
11 ເຮົາໄດ້ແຕ່ງຕັ້ງລູກຫຼານບາງຄົນຂອງພວກເຈົ້າໃຫ້ເປັນຜູ້ພະຍາກອນ+ແລະເລືອກຄົນໜຸ່ມບາງຄົນໃຫ້ເປັນນາຊີຣີ.+
ເຮົາໄດ້ເຮັດຈັ່ງຊັ້ນບໍ່ແມ່ນບໍ ພວກອິດສະຣາເອນເອີ້ຍ?’ ພະເຢໂຫວາເວົ້າໄວ້ແນວນີ້.
12 ‘ແຕ່ພວກເຈົ້າພັດເອົາເຫຼົ້າແວງໃຫ້ພວກນາຊີຣີກິນ+ແລະສັ່ງພວກຜູ້ພະຍາກອນວ່າ “ຫ້າມພວກເຈົ້າພະຍາກອນ.”+
13 ດັ່ງນັ້ນ ເຮົາຈະຢຽບພວກເຈົ້າຈົນມຸ່ນຢູ່ບ່ອນທີ່ພວກເຈົ້າຢູ່ຄືກັບກົງລໍ້ຂອງກວຽນຢຽບເມັດພືດຈົນມຸ່ນຢູ່ພື້ນ.
14 ຄົນທີ່ແລ່ນໄວໆກໍບໍ່ມີບ່ອນທີ່ຈະໃຫ້ໜີໄປລີ້.+ຄົນທີ່ແຂງແຮງກໍຈະໝົດເຫື່ອໝົດແຮງແລະທະຫານທີ່ເກັ່ງໆກໍຈະໜີເອົາຊີວິດບໍ່ລອດ.
15 ທະຫານທະນູຈະທົນຢູ່ສະໜາມຮົບຕໍ່ໄປອີກບໍ່ໄດ້.ຄົນທີ່ແລ່ນໄວກໍຈະໜີບໍ່ພົ້ນແລະທະຫານມ້າຈະໜີເອົາຊີວິດບໍ່ລອດ.
16 ໃນມື້ນັ້ນ ແມ່ນແຕ່ທະຫານທີ່ກ້າຫານ*ທີ່ສຸດກໍຈະແລ່ນໜີໄປແຕ່ໂຕ.’+ ພະເຢໂຫວາເວົ້າໄວ້ແນວນີ້.”
ຂໍ
^ ແປຕາມໂຕວ່າ “ຈູດເພື່ອເຮັດປູນ.” ປູນແມ່ນຝຸ່ນຂາວໆທີ່ເຫຼືອຈາກການຈູດບາງຢ່າງ ເຊັ່ນ: ຫີນທີ່ບໍ່ແຂງ ປະກາລັງ ກະດູກ ຫຼືເປືອກຫອຍ. ໃນພາສາອັງກິດແມ່ນລ້າມ.
^ ແປຕາມໂຕວ່າ “ສຳລັບການກະບົດ 3 ເທື່ອແລະ 4 ເທື່ອ”
^ ແປຕາມໂຕວ່າ “ຜູ້ຕັດສິນ”
^ ຫຼືອາດແປວ່າ “ພວກລູກຊາຍຂອງກະສັດ”
^ ຫຼື “ຄຳສອນ”
^ ຕົ້ນແປກຊະນິດໜຶ່ງ
^ ຫຼື “ຄົນທີ່ມີຫົວໃຈເຂັ້ມແຂງ”
