ອາໂມດ 3:1-15
3 “ຟັງເດີ້ ພວກອິດສະຣາເອນເອີ້ຍ! ນີ້ແມ່ນສິ່ງທີ່ພະເຢໂຫວາບອກພວກເຈົ້າເຊິ່ງເປັນຊາດທີ່ເພິ່ນພາອອກມາຈາກເອຢິບ.
2 ‘ເຖິງວ່າໃນໂລກຈະມີຄົນຫຼາຍ ແຕ່ມີແຕ່ພວກເຈົ້າເທົ່ານັ້ນທີ່ເຮົາໄດ້ເລືອກໃຫ້ເປັນຄົນຂອງເຮົາ.+
ຍ້ອນແນວນີ້ ເຮົາຈະລົງໂທດພວກເຈົ້າເພາະຄວາມຜິດທີ່ພວກເຈົ້າໄດ້ເຮັດ.+
3 ຄົນສອງຄົນຈະຍ່າງໄປນຳກັນໄດ້ບໍ ຖ້າບໍ່ໄດ້ນັດກັນກ່ອນ?
4 ໂຕສິງຈະແຜດສຽງຮ້ອງຢູ່ໃນປ່າບໍ ຖ້າມັນບໍ່ມີເຫຍື່ອ?
ໂຕສິງທີ່ຢູ່ໃນຖ້ຳຈະຮ້ອງສຽງດັງບໍ ຖ້າມັນຄຸບຫຍັງບໍ່ໄດ້?
5 ນົກມັນຈະຖືກແຮ້ວບໍ ຖ້າບໍ່ມີໃຜຫ້າງແຮ້ວໄວ້?*
ແລະແຮ້ວມັນຈະລັ່ນບໍ ຖ້າບໍ່ມີຫຍັງໄປຕ້ອງມັນ?
6 ຖ້າເປົ່າແກຢູ່ໃນເມືອງ ຄົນຢູ່ຫັ້ນຊິບໍ່ແຕກຕື່ນບໍ?
ແລະຖ້າເມືອງໜຶ່ງຖືກໄພພິບັດ ກໍບໍ່ແມ່ນຍ້ອນພະເຢໂຫວາບໍທີ່ເປັນຜູ້ເຮັດ?
7 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈະບໍ່ເຮັດຫຍັງເທື່ອຖ້າເພິ່ນບໍ່ໄດ້ບອກສິ່ງທີ່ເພິ່ນຕ້ອງການເຮັດ*ໃຫ້ຜູ້ພະຍາກອນຂອງເພິ່ນຮູ້ກ່ອນ.+
8 ຄັນໂຕສິງມັນແຜດສຽງຮ້ອງ+ ໃຜຈະບໍ່ຢ້ານ?
ຄັນພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າໄວ້ແລ້ວ ໃຜຈະບໍ່ພະຍາກອນ?+
9 ໃຫ້ປະກາດເລື່ອງນີ້ຢູ່ເທິງປ້ອມສູງຕ່າງໆຂອງເມືອງອາຊະໂດດແລະຢູ່ເທິງປ້ອມສູງຕ່າງໆໃນແຜ່ນດິນເອຢິບ.
ໃຫ້ບອກວ່າ “ໄປ໋ ພາກັນຂຶ້ນໄປເທິງພູຕ່າງໆໃນຊາມາເຣຍ.+ໄປເບິ່ງສິ່ງທີ່ເກີດຂຶ້ນຢູ່ຫັ້ນ.ຢູ່ບ່ອນນັ້ນມີແຕ່ຄວາມວຸ່ນວາຍແລະການສໍ້ໂກງກັນ.+
10 ເຂົາເຈົ້າບໍ່ຮູ້ຈັກເຮັດແນວດີໆ. ເຂົາເຈົ້າຕີແລະທຳຮ້າຍຄົນອື່ນເພື່ອປຸ້ນເອົາເຄື່ອງຂອງທີ່ມີຄ່າມາໄວ້ຢູ່ປ້ອມສູງຕ່າງໆຂອງເຂົາເຈົ້າ.”’ພະເຢໂຫວາເວົ້າໄວ້ແນວນີ້.
11 ຍ້ອນແນວນີ້ ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈຶ່ງບອກວ່າ‘ສັດຕູຈະມາລ້ອມແຜ່ນດິນຂອງພວກເຈົ້າ.+ເຂົາເຈົ້າຈະເຮັດໃຫ້ພວກເຈົ້າໝົດແຮງແລະປຸ້ນເອົາເຄື່ອງຂອງທີ່ຢູ່ໃນປ້ອມສູງຕ່າງໆຂອງພວກເຈົ້າ.’+
12 ພະເຢໂຫວາເວົ້າວ່າ‘ຄືກັບຜູ້ລ້ຽງແກະທີ່ດຶງແກະອອກຈາກປາກສິງໄດ້ແຕ່ສອງຂາກັບຫູເບື້ອງດຽວຂອງມັນເທົ່ານັ້ນພວກອິດສະຣາເອນທີ່ນອນຢູ່ເທິງຕຽງງາມໆແລະນັ່ງຢູ່ເທິງຕັ່ງທີ່ຫຼູຫຼາ*ໃນຊາມາເຣຍ+ກໍຈະເປັນແນວນັ້ນແຫຼະ. ເຂົາເຈົ້າຈະລອດບໍ່ຈັກຄົນ.’
13 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດ ຜູ້ບັນຊາການກອງທັບເວົ້າວ່າ ‘ໃຫ້ຟັງຄວາມເຮົາແລະໃຫ້ໄປເຕືອນລູກຫຼານຢາໂຄບ
14 ເພາະໃນມື້ທີ່ເຮົາຈະລົງໂທດພວກອິດສະຣາເອນຍ້ອນການກະບົດຂອງເຂົາເຈົ້າ+ເຮົາຈະທຳລາຍແທ່ນບູຊາຕ່າງໆໃນເບເທນ+ແລະຕັດເຂົາທີ່ຢູ່ແທ່ນບູຊາເຫຼົ່ານັ້ນຖິ້ມລົງດິນ.+
15 ເຮົາຈະພັງເຮືອນສຳລັບລະດູໜາວກັບເຮືອນສຳລັບລະດູຮ້ອນ.
ເຮົາຈະທຳລາຍເຮືອນທີ່ຕົກແຕ່ງດ້ວຍງາຊ້າງ+ແລະເຮືອນຫຼັງໃຫຍ່ໆ*ກໍຈະບໍ່ເຫຼືອ.’+ ພະເຢໂຫວາເວົ້າໄວ້ແນວນີ້.”
ຂໍ
^ ຫຼືອາດແປວ່າ “ຖ້າບໍ່ມີເຫຍື່ອລໍ້ຢູ່ໃນແຮ້ວ”
^ ຫຼື “ຄວາມລັບຂອງເພິ່ນ”
^ ຫຼື “ຕັ່ງແບບດາມາເຊ”
^ ຫຼືອາດແປວ່າ “ເຮືອນຫຼາຍຫຼັງ”
