ອາໂມດ 4:1-13
4 “ຟັງດີໆເດີ້ ພວກຜູ້ຍິງທີ່ເປັນຄືກັບງົວໂຕແມ່ຂອງບາຊານເຊິ່ງຢູ່ເທິງພູຂອງຊາມາເຣຍ.+ພວກເຈົ້າຫຼອກລວງຄົນຕ່ຳຕ້ອຍ+ ແລະກົດຂີ່ຄົນທຸກຍາກ.ພວກເຈົ້າເວົ້າກັບຜົວ*ວ່າ ‘ໄປເອົາເຫຼົ້າມາໃຫ້ພວກເຮົາກິນແມ້.’
2 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເປັນອົງບໍລິສຸດ. ເພິ່ນສາບານວ່າ‘ມື້ທີ່ເຮົາຈະເອົາຂໍເກາະດຶງພວກເຈົ້າຂຶ້ນມາແລະມື້ທີ່ເຮົາຈະເອົາເບັດຊິດພວກເຈົ້າຂຶ້ນມາໃກ້ມາຮອດແລ້ວ.
3 ພວກເຈົ້າແຕ່ລະຄົນຈະໝົ້ນອອກຕາມປ່ອງກຳແພງແລະຈະຖືກຂັບໄລ່ໄປຢູ່ຮາໂມນ.’ ພະເຢໂຫວາເວົ້າໄວ້ແນວນີ້.
4 ‘ຕອນນີ້ໃຫ້ພວກເຈົ້າມາເບເທນໂລດ ມາເຮັດຜິດ*ຢູ່ນີ້.+ມາເຮັດຊົ່ວຢູ່ກິນການໃຫ້ຫຼາຍໆເລີຍ.+
ຕອນເຊົ້າກໍເອົາເຄື່ອງບູຊາມາເຜົາ+ແລະເມື່ອຮອດມື້ທີສາມກໍເອົາ 1 ສ່ວນ 10 ມາໃຫ້.+
5 ໃຫ້ເຜົາເຂົ້າຈີ່ທີ່ມີເຊື້ອເປັນເຄື່ອງບູຊາສະແດງຄວາມຂອບໃຈໂລດ.+ໃຫ້ປະກາດດັງໆໂລດວ່າພວກເຈົ້າເອົາເຄື່ອງບູຊາທີ່ໃຫ້ດ້ວຍຄວາມສະໝັກໃຈມາໃຫ້.
ພວກອິດສະຣາເອນເອີ້ຍ ພວກເຈົ້າມັກເຮັດແນວນັ້ນຢູ່ແລ້ວຕົ໋ວ!’ ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າໄວ້ແນວນີ້.
6 ‘ເຮົາເຮັດໃຫ້ເມືອງທຸກເມືອງຂອງພວກເຈົ້າມີຄວາມອຶດຢາກແລະເຮັດໃຫ້ເຮືອນທຸກຫຼັງບໍ່ມີຫຍັງກິນ+ແຕ່ພວກເຈົ້າກໍຍັງບໍ່ກັບໃຈແລະບໍ່ກັບມາຫາເຮົາ.’+ ພະເຢໂຫວາເວົ້າໄວ້ແນວນີ້.
7 ‘ເຮົາບໍ່ໃຫ້ຝົນຕົກ 3 ເດືອນກ່ອນເກັບກ່ຽວຜົນລະປູກ.+ເຮົາໃຫ້ຝົນຕົກຢູ່ເມືອງໜຶ່ງ ແຕ່ຢູ່ເມືອງອື່ນເຮົາບໍ່ໃຫ້ມັນຕົກ
ແລະເຮົາໃຫ້ຝົນຕົກຢູ່ດິນຕອນໜຶ່ງແຕ່ຢູ່ບ່ອນອື່ນໆເຮົາບໍ່ໃຫ້ມີຝົນຈົນດິນແຫ້ງແລ້ງ.
8 ປະຊາຊົນທີ່ມາຈາກສອງສາມເມືອງພາກັນຍ່າງໝົດເຫື່ອໝົດແຮງໄປກິນນ້ຳຢູ່ອີກເມືອງໜຶ່ງ+ແຕ່ເຂົາເຈົ້າກໍຍັງບໍ່ເຊົາຫິວນ້ຳ.ເຖິງປານນັ້ນ ພວກເຈົ້າກໍຍັງບໍ່ກັບໃຈແລະບໍ່ກັບມາຫາເຮົາ.’+ ພະເຢໂຫວາເວົ້າໄວ້ແນວນີ້.
9 ‘ເຮົາໄດ້ໃຫ້ລົມຮ້ອນແລະພະຍາດທຳລາຍຜົນລະປູກຂອງພວກເຈົ້າ.+
ພວກເຈົ້າໄດ້ຂະຫຍາຍສວນໝາກລະແຊັງແລະສວນອື່ນໆອອກໄປແຕ່ກໍມີຕັກກະແຕນມາກິນຕົ້ນໝາກເດື່ອແລະຕົ້ນໝາກກອກຂອງພວກເຈົ້າ.+ເຖິງຈະເປັນແນວນັ້ນ ພວກເຈົ້າກໍຍັງບໍ່ກັບໃຈແລະບໍ່ກັບມາຫາເຮົາ.’+ ພະເຢໂຫວາເວົ້າໄວ້ແນວນີ້.
10 ‘ເຮົາເຮັດໃຫ້ພວກເຈົ້າເຈິໂລກລະບາດຄືກັບທີ່ເຄີຍເກີດຂຶ້ນຢູ່ເອຢິບ.+
ເຮົາຂ້າຄົນໜຸ່ມຂອງພວກເຈົ້າດ້ວຍດາບ+ແລະມ້າຂອງພວກເຈົ້າກໍຖືກປຸ້ນໄປ.+
ເຮົາເຮັດໃຫ້ຄ້າຍຂອງພວກເຈົ້າເຕັມແຕ່ກິ່ນເໝັນຂອງຊາກສົບ.+ແຕ່ພວກເຈົ້າກໍຍັງບໍ່ກັບໃຈແລະບໍ່ກັບມາຫາເຮົາ.’ ພະເຢໂຫວາເວົ້າໄວ້ແນວນີ້.
11 ‘ເຮົາທຳລາຍພວກເຈົ້າຄືກັບທຳລາຍເມືອງໂຊໂດມກັບເມືອງໂກໂມຣາ.+
ພວກເຈົ້າບາງຄົນທີ່ລອດກໍເປັນຄືກັບດົ້ນຟືນທີ່ຖືກດຶງອອກຈາກກອງໄຟ.ແຕ່ພວກເຈົ້າກໍຍັງບໍ່ກັບໃຈແລະບໍ່ກັບມາຫາເຮົາ.’+ ພະເຢໂຫວາເວົ້າໄວ້ແນວນີ້.
12 ‘ດັ່ງນັ້ນ ພວກອິດສະຣາເອນເອີ້ຍ ເຮົາຊິລົງໂທດພວກເຈົ້າອີກ.
ໃຫ້ກຽມພ້ອມມາເຈິເຮົາທີ່ເປັນພະເຈົ້າຂອງພວກເຈົ້າເພາະເຮົາກຳລັງລົງໂທດພວກເຈົ້າ ພວກອິດສະຣາເອນເອີ້ຍ.’
13 ເພິ່ນເປັນຜູ້ສ້າງພູຕ່າງໆ+ແລະສ້າງລົມ.+ເພິ່ນບອກໃຫ້ມະນຸດຮູ້ວ່າເພິ່ນຄິດແນວໃດ.ເພິ່ນປ່ຽນຟ້າທີ່ແຈ້ງໆໃຫ້ເປັນຟ້າທີ່ມືດໆ.+ເພິ່ນທຳລາຍບ່ອນສູງຕ່າງໆທີ່ຢູ່ໃນໂລກ.+ຊື່ຂອງເພິ່ນແມ່ນເຢໂຫວາ. ເພິ່ນເປັນພະເຈົ້າຜູ້ບັນຊາການກອງທັບ.”
