ອາໂມດ 5:1-27
5 “ຟັງເດີ້ ພວກອິດສະຣາເອນເອີ້ຍ ຂ້ອຍຈະຮ້ອງເພງໄວ້ອາໄລໃຫ້ພວກເຈົ້າຟັງ.
2 ‘ພວກອິດສະຣາເອນທີ່ເປັນຜູ້ຍິງບໍລິສຸດລົ້ມລົງແລ້ວ.ລາວລຸກຂຶ້ນອີກບໍ່ໄດ້.
ລາວຖືກປະໄວ້ຢູ່ຂີ້ດິນ.ບໍ່ມີໃຜໂຈມລາວຂຶ້ນເລີຍ.’
3 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດບອກວ່າ
‘ເມືອງທີ່ສົ່ງທະຫານອອກໄປພັນຄົນຈະມີທະຫານລອດກັບມາແຕ່ຮ້ອຍຄົນ.ເມືອງທີ່ສົ່ງທະຫານອອກໄປຮ້ອຍຄົນຈະມີທະຫານລອດກັບມາແຕ່ສິບຄົນ. ພວກອິດສະຣາເອນກໍຈະເປັນແນວນັ້ນແຫຼະ.’+
4 ພະເຢໂຫວາເວົ້າກັບພວກອິດສະຣາເອນວ່າ
‘ໃຫ້ກັບມານະມັດສະການເຮົາເພື່ອຈະມີຊີວິດຢູ່ຕໍ່ໄປ.+
5 ຢ່າໄປເມືອງເບເທນເພື່ອນະມັດສະການ.+ຢ່າໄປກິນການ+ຫຼືຜ່ານເບເອເຊບາ+ເພາະກິນການຈະຕ້ອງເປັນຊະເລີຍແນ່ນອນ+ແລະເບເທນຈະບໍ່ເຫຼືອຫຍັງເລີຍ.*
6 ໃຫ້ກັບມານະມັດສະການພະເຢໂຫວາເພື່ອຈະມີຊີວິດຢູ່ຕໍ່ໄປ+ເພື່ອເພິ່ນຈະບໍ່ທຳລາຍພວກເຈົ້າທີ່ເປັນລູກຫຼານຂອງໂຢເຊັບຄືກັບສົ່ງໄຟລົງມາຈູດ.ໄຟນັ້ນຈະເຜົາເມືອງເບເທນແລະບໍ່ມີໃຜຈະມອດມັນໄດ້.
7 ພວກເຈົ້າປ່ຽນຄວາມຍຸຕິທຳໃຫ້ເປັນຕົ້ນໄມ້ຂົມ*ແລະປະຖິ້ມຄວາມຖືກຕ້ອງ.+
8 ຜູ້ທີ່ສ້າງກຸ່ມດາວຄີມາ*ແລະກຸ່ມດາວເຄຊິນ*+ຜູ້ທີ່ປ່ຽນຄວາມມືດໃຫ້ເປັນແສງສະຫວ່າງໃນຍາມເຊົ້າຜູ້ທີ່ເຮັດໃຫ້ກາງເວັນມືດຄືກັບກາງຄືນ+ຜູ້ທີ່ເອີ້ນນ້ຳທະເລຂຶ້ນໄປແລ້ວກໍເທນ້ຳນັ້ນລົງມາໃສ່ໂລກ+ຊື່ຂອງເພິ່ນແມ່ນເຢໂຫວາ.
9 ເພິ່ນຈະທຳລາຍຄົນທີ່ແຂງແຮງໃຫ້ໝົດໄປບາດດຽວແລະຈະທຳລາຍປ້ອມສູງຕ່າງໆໃຫ້ພັງລົງ.
10 ເຂົາເຈົ້າກຽດຊັງພວກຜູ້ຕັດສິນທີ່ຕັກເຕືອນຜູ້ຄົນຢູ່ປະຕູເມືອງແລະບໍ່ມັກຄົນທີ່ເວົ້າຄວາມຈິງ.+
11 ພວກເຈົ້າຂູດຮີດຄ່າເຊົ່າດິນໄຮ່ດິນນາ*ຈາກຄົນທຸກແລະຍຶດເອົາຜົນລະປູກຂອງເຂົາເຈົ້າເປັນຄ່າພາສີ.+ພວກເຈົ້າຈະບໍ່ໄດ້ຢູ່ເຮືອນທີ່ພວກເຈົ້າສ້າງດ້ວຍຫີນ*ອີກຕໍ່ໄປ+ແລະຈະບໍ່ໄດ້ກິນເຫຼົ້າແວງທີ່ເຮັດຈາກໝາກລະແຊັງຢູ່ສວນຂອງພວກເຈົ້າ.+
12 ພວກເຈົ້າກະບົດຕໍ່ເຮົາຫຼາຍເທື່ອແລ້ວແລະຄວາມຜິດຂອງພວກເຈົ້າກໍຫຼາຍແທ້ຫຼາຍວ່າ.ພວກເຈົ້າກົດຂີ່ຄົນດີແລະຮັບເອົາສິນບົນ.ພວກເຈົ້າບໍ່ໄດ້ໃຫ້ຄວາມຍຸຕິທຳກັບຄົນທຸກຢູ່ປະຕູເມືອງ.+
13 ດັ່ງນັ້ນ ເມື່ອເວລາຂອງຄວາມຈິບຫາຍມາຮອດ+ຄົນທີ່ມີຄວາມເຂົ້າໃຈຈະມິດຢູ່.
14 ໃຫ້ເຮັດແຕ່ແນວດີໆແລະເຊົາເຮັດຊົ່ວສະ+ເພື່ອພວກເຈົ້າຈະມີຊີວິດຢູ່ຕໍ່ໄປ+
ແລ້ວພະເຢໂຫວາຜູ້ບັນຊາການກອງທັບຈະຢູ່ກັບພວກເຈົ້າຄືກັບທີ່ພວກເຈົ້າບອກວ່າເພິ່ນຢູ່ກັບພວກເຈົ້າ.+
15 ໃຫ້ຮັກແນວດີໆແລະຊັງແນວຊົ່ວໆ.+ໃຫ້ພວກຜູ້ຕັດສິນທີ່ຢູ່ປະຕູເມືອງມີຄວາມຍຸຕິທຳ.+
ເມື່ອເຮັດແນວນັ້ນ ພະເຢໂຫວາພະເຈົ້າຜູ້ບັນຊາການກອງທັບອາດຈະພໍໃຈລູກຫຼານຂອງໂຢເຊັບທີ່ເຫຼືອຢູ່.’+
16 ນີ້ແມ່ນສິ່ງທີ່ພະເຢໂຫວາພະເຈົ້າຜູ້ບັນຊາການກອງທັບເວົ້າ. ພະເຢໂຫວາບອກວ່າ
‘ຈະມີສຽງຄົນຮ້ອງຄາງຢູ່ຕາມເດີ່ນຂອງເມືອງທຸກເມືອງແລະເຂົາເຈົ້າຈະຮ້ອງດ້ວຍຄວາມທຸກໂສກຢູ່ຕາມຫົນທາງຕ່າງໆ.
ເຂົາເຈົ້າຈະເອີ້ນຊາວໄຮ່ຊາວນາມາຮ້ອງໄຫ້ໄວ້ທຸກແລະຈ້າງຄົນມາຮ້ອງໄຫ້ເສຍໃຈ.
17 ຢູ່ສວນໝາກລະແຊັງທຸກບ່ອນຈະມີແຕ່ສຽງຄົນຮ້ອງໄຫ້ເສຍໃຈ+ຍ້ອນເຮົາຈະຜ່ານພວກເຈົ້າໄປເພື່ອລົງໂທດພວກເຈົ້າ.’ ພະເຢໂຫວາເວົ້າໄວ້ແນວນີ້.
18 ‘ຄົນທີ່ຢາກເຫັນວັນຂອງພະເຢໂຫວາຈະຕ້ອງຈິບຫາຍ!+
ວັນຂອງພະເຢໂຫວາຈະເປັນແນວໃດສຳລັບພວກເຈົ້າ?+
ວັນນັ້ນຈະມີແຕ່ຄວາມມືດແລະບໍ່ມີແສງສະຫວ່າງເລີຍ.+
19 ໃນມື້ນັ້ນ ພວກເຈົ້າຈະເປັນຄືກັບຜູ້ຊາຍຄົນໜຶ່ງທີ່ໜີໂຕສິງແຕ່ໄປເຈິໂຕໝີບາດມາຮອດເຮືອນແລະເອົາມືຄ້ຳຝາ ພັດຖືກງູຕອດ.
20 ວັນຂອງພະເຢໂຫວາຈະມີແຕ່ຄວາມມືດແລະບໍ່ມີແສງສະຫວ່າງເລີຍ.ມື້ນັ້ນຈະມືດຄຶ້ມແລະບໍ່ມີແສງແດດ.
21 ເຮົາຊັງເທດສະການຕ່າງໆຂອງພວກເຈົ້າ+ແລະເຮົາບໍ່ມັກກິ່ນຫອມຂອງເຄື່ອງບູຊາຕ່າງໆທີ່ພວກເຈົ້າເຜົາຢູ່ການປະຊຸມພິເສດ.
22 ເຖິງວ່າພວກເຈົ້າຈະເອົາເຄື່ອງບູຊາເຜົາແລະຂອງຂວັນຕ່າງໆມາໃຫ້ເຮົາເຮົາກໍຈະບໍ່ຍອມຮັບ.+ເຮົາຈະບໍ່ສົນໃຈແມ່ນແຕ່ສັດໂຕຕຸ້ຍພີດີງາມທີ່ເປັນເຄື່ອງບູຊາສ້າງຄວາມສະຫງົບສຸກຂອງພວກເຈົ້າ.+
23 ເຊົາຮ້ອງເພງທີ່ເປັນຕາໜ້າລຳຄານຂອງພວກເຈົ້າສະແລະຢ່າໃຫ້ເຮົາໄດ້ຍິນສຽງເຄື່ອງດົນຕີທີ່ມີສາຍຂອງພວກເຈົ້າອີກ.+
24 ໃຫ້ຄວາມຍຸຕິທຳໄຫຼມາຄືກັບແມ່ນ້ຳ+ແລະໃຫ້ຄວາມຖືກຕ້ອງເປັນຄືກັບນ້ຳທີ່ໄຫຼບໍ່ຂາດສາຍ.
25 ພວກອິດສະຣາເອນເອີ້ຍ ຕະຫຼອດ 40 ປີທີ່ຢູ່ບ່ອນກັນດານພວກເຈົ້າກໍບໍ່ໄດ້ເອົາເຄື່ອງບູຊາແລະຂອງຂວັນຕ່າງໆມາໃຫ້ເຮົາຕົ໋ວ!+
26 ຕອນທີ່ພວກເຈົ້າຖືກຈັບໄປເປັນຊະເລີຍ ພວກເຈົ້າຈະຕ້ອງແບກພະສັກກຸດກັບພະໄກວັນ*ໄປນຳເຊິ່ງເປັນພະເຈົ້າແຫ່ງດວງດາວທີ່ພວກເຈົ້າເຮັດຂຶ້ນມາ.
27 ເຮົາຈະໃຫ້ພວກເຈົ້າໄປເປັນຊະເລີຍຢູ່ແຜ່ນດິນທີ່ໄກຈາກເມືອງດາມາເຊ.’+ ພະເຈົ້າທີ່ຊື່ເຢໂຫວາຜູ້ບັນຊາການກອງທັບໄດ້ເວົ້າໄວ້ແນວນີ້.”+
ຂໍ
^ ຫຼືອາດແປວ່າ “ກາຍເປັນເມືອງທີ່ຊົ່ວຮ້າຍ”
^ ຫຼື “ສິ່ງທີ່ຂົມ”
^ ອາດໝາຍເຖິງດາວໄກ່ນ້ອຍໃນກຸ່ມດາວງົວ
^ ອາດໝາຍເຖິງກຸ່ມດາວນາຍພານ
^ ແປຕາມໂຕວ່າ “ຫີນທີ່ຕັດເປັນກ້ອນ”
^ ຫຼື “ພາສີທີ່ດິນ”
^ ທັງສອງພະນີ້ອາດໝາຍເຖິງດາວເສົາທີ່ເຂົາເຈົ້ານັບຖືເປັນພະເຈົ້າ
