ອາໂມດ 9:1-15
9 ຂ້ອຍເຫັນພະເຢໂຫວາ+ຢູ່ທາງເທິງແທ່ນບູຊາ ເພິ່ນບອກວ່າ: “ໃຫ້ຕີຫົວເສົາຈົນເຮັດໃຫ້ຕີນເສົາຄອນ ແລ້ວຕັດຫົວເສົາອອກ. ເຮົາຈະເອົາດາບຂ້າຄົນທີ່ຍັງເຫຼືອ. ໃນພວກເຂົາເຈົ້າຈະບໍ່ມີຈັກຄົນທີ່ລັກໜີຫຼືລອດໄປໄດ້.+
2 ຖ້າເຂົາເຈົ້າຂຸດຂຸມລົງໄປລີ້ຢູ່ບ່ອນຝັງສົບ*ເຮົາກໍຈະດຶງເຂົາເຈົ້າຂຶ້ນມາແລະຖ້າເຂົາເຈົ້າປີນຂຶ້ນໄປຮອດຟ້າເຮົາກໍຈະດຶງເຂົາເຈົ້າລົງມາ.
3 ຖ້າເຂົາເຈົ້າໄປລີ້ຢູ່ເທິງຈອມພູກາເມນເຮົາກໍຈະໄປຊອກຫາເຂົາເຈົ້າແລະຈັບເຂົາເຈົ້າຢູ່ຫັ້ນ.+
ຖ້າເຂົາເຈົ້າໄປລີ້ຢູ່ພື້ນທະເລເຮົາກໍຈະໃຊ້ງູໄປຕອດເຂົາເຈົ້າ.
4 ຖ້າເຂົາເຈົ້າຖືກຈັບໄປເປັນຊະເລີຍຢູ່ແຜ່ນດິນຂອງພວກສັດຕູເຮົາກໍຈະສັ່ງຄົນຢູ່ຫັ້ນໃຫ້ເອົາດາບຂ້າເຂົາເຈົ້າ.+ເຮົາຈະເຮັດໃຫ້ເຂົາເຈົ້າເຈິແຕ່ແນວບໍ່ດີແລະບໍ່ໄດ້ແນວດີໆເລີຍ.+
5 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດ ຜູ້ບັນຊາການກອງທັບເປັນຜູ້ທີ່ບາຍແຜ່ນດິນແລ້ວແຜ່ນດິນ*ກໍເປື່ອຍ.+ ທຸກຄົນທີ່ຢູ່ຫັ້ນກໍຈະໂສກເສົ້າ.+ແຜ່ນດິນຈະວຸ່ນວາຍຫຼາຍຄືກັບນ້ຳໃນແມ່ນ້ຳນິນຂອງເອຢິບທີ່ສູງຂຶ້ນ ລົ້ນຕາຝັ່ງ ແລະບົກລົງ.+
6 ‘ເພິ່ນເປັນຜູ້ສ້າງຂັ້ນໄດຂຶ້ນໄປເທິງສະຫວັນແລະຕັ້ງຫຼັງຄາ*ຂອງເພິ່ນໄວ້ຢູ່ເໜືອໂລກ.ເພິ່ນເປັນຜູ້ເອີ້ນນ້ຳໃນທະເລມາລວມກັນແລ້ວກໍເທພວກມັນໄປຕາມພື້ນດິນ+ຊື່ຂອງເພິ່ນແມ່ນເຢໂຫວາ.’+
7 ພະເຢໂຫວາເວົ້າວ່າ ‘ພວກອິດສະຣາເອນເອີ້ຍ ສຳລັບເຮົາພວກເຈົ້າກໍເປັນຄືກັບລູກຫຼານກູເຊ.
ເຮົາພາພວກເຈົ້າອອກມາຈາກແຜ່ນດິນເອຢິບ+ພາພວກຟີລິດສະຕີນອອກມາຈາກເກາະກະເຣເຕ+ ແລະພາພວກຊີເຣຍອອກມາຈາກກີເຣບໍ່ແມ່ນບໍ?’+
8 ພະເຢໂຫວາເວົ້າວ່າ ‘ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດໄດ້ເບິ່ງແຜ່ນດິນທີ່ເຮັດຜິດແລະເຮົາຈະທຳລາຍແຜ່ນດິນນັ້ນໃຫ້ໝົດໄປ+
ແຕ່ເຮົາຈະບໍ່ທຳລາຍລູກຫຼານຂອງຢາໂຄບຈົນໝົດ.+
9 ເຮົາກຳລັງໃຫ້ຄຳສັ່ງແລະເຮົາຈະເຮັດໃຫ້ລູກຫຼານຂອງອິດສະຣາເອນກະຈັດກະຈາຍໄປຕາມປະເທດຕ່າງໆ+ຄືກັບຜູ້ໜຶ່ງໃຊ້ແນວຮ່ອນຮ່ອນເຂົ້າແລະຈະບໍ່ມີກ້ອນຫີນນ້ອຍໆລອດລົງໄດ້ແມ່ນແຕ່ກ້ອນດຽວ.
10 ຄົນຂອງເຮົາທຸກຄົນທີ່ເຮັດຜິດຈະຕາຍດ້ວຍດາບ.ຄົນເຫຼົ່ານັ້ນແມ່ນຄົນທີ່ເວົ້າວ່າ “ພວກເຮົາຈະບໍ່ເຈິຄວາມຈິບຫາຍດອກ.”
11 ໃນມື້ນັ້ນ ເຮົາຈະສ້າງເຮືອນ*ຂອງດາວິດ+ຄືນໃໝ່.ເຮົາຈະໂບກຮອຍແຕກຢູ່ບ່ອນຕ່າງໆ.ເຮົາຈະສ້ອມແປງບ່ອນທີ່ມັນເປ່ເພ.ເຮົາຈະສ້າງມັນຂຶ້ນໃໝ່ໃຫ້ຄືກັບສະໄໝແຕ່ກີ້+
12 ເພື່ອຄົນຂອງເຮົາຈະໄດ້ເອົາຊະນະພວກເອໂດມທີ່ຍັງມີຊີວິດຢູ່+ແລະຄວບຄຸມຊາດຕ່າງໆທີ່ເຄີຍເອີ້ນຊື່ຂອງເຮົາ.’ ພະເຢໂຫວາຜູ້ທີ່ກຳລັງເຮັດສິ່ງເຫຼົ່ານີ້ເວົ້າໄວ້ແນວນີ້.
13 ພະເຢໂຫວາເວົ້າວ່າ ‘ໃນອະນາຄົດກ່ອນທີ່ຄົນຂອງເຮົາຈະເກັບກ່ຽວຜົນລະປູກໝົດ ເຂົາເຈົ້າຈະຕ້ອງເລີ່ມໄຖດິນແລະກ່ອນທີ່ຈະຢຽບໝາກລະແຊັງແລ້ວໆ ເຂົາເຈົ້າກໍຈະຕ້ອງເລີ່ມຫວ່ານແນວປູກໃໝ່.+ເຫຼົ້າແວງຫວານໆຈະຍ້ອຍຈາກພູຕ່າງໆ+ແລະຈະໄຫຼຢູ່ເທິງໂນນພູຕ່າງໆ.+
14 ເຮົາຈະລວບລວມຄົນອິດສະຣາເອນທີ່ຖືກຈັບໄປເປັນຊະເລີຍໃຫ້ກັບຄືນມາ.+ເຂົາເຈົ້າຈະສ້າງເມືອງຕ່າງໆທີ່ຮ້າງເປົ່າຄືນໃໝ່ແລະອາໄສຢູ່ໃນເມືອງເຫຼົ່ານັ້ນ.+ເຂົາເຈົ້າຈະເຮັດສວນໝາກລະແຊັງແລະໄດ້ກິນເຫຼົ້າແວງ.+ເຂົາເຈົ້າຈະເຮັດສວນແລະໄດ້ກິນໝາກໄມ້ຈາກສວນຂອງເຂົາເຈົ້າ.+
15 ເຮົາຈະປູກເຂົາເຈົ້າໄວ້ໃນແຜ່ນດິນຂອງເຂົາເຈົ້າແລະເຂົາເຈົ້າຈະບໍ່ຖືກຫຼົກອອກໄປຈາກແຜ່ນດິນທີ່ເຮົາເອົາໃຫ້ເຂົາເຈົ້າອີກ.’+ພະເຢໂຫວາພະເຈົ້າຂອງພວກເຈົ້າເວົ້າໄວ້ແນວນີ້.”
