ເຊຄາຣີຢາ 10:1-12
10 “ໃຫ້ຂໍຝົນຈາກພະເຢໂຫວາໃນລະດູໃບໄມ້ປົ່ງ.
ພະເຢໂຫວາເປັນຜູ້ເຮັດໃຫ້ມີຂີ້ເຝື້ອມືດຄຶ້ມເຮັດໃຫ້ຝົນຕົກ+ແລະເຮັດໃຫ້ແຕ່ລະຄົນໄດ້ຮັບຜົນລະປູກຈາກໄຮ່ຈາກສວນຂອງໂຕເອງ.
2 ຮູບພະເທຣາຟີມ*ເວົ້າຫຼອກລວງ*ແລະພວກໝໍມໍກໍເຫັນນິມິດປອມ.
ເຂົາເຈົ້າມັກເລົ່າຄວາມຝັນທີ່ບໍ່ມີປະໂຫຍດແລະເຂົາເຈົ້າພະຍາຍາມປອບໃຈຄົນອື່ນ ແຕ່ກໍບໍ່ມີໃຜໄດ້ກຳລັງໃຈເລີຍ.
ຍ້ອນແນວນີ້ ຜູ້ຄົນຈະຫຼົງທາງຄືກັບແກະທີ່ຫຼົງທາງ.
ເຂົາເຈົ້າຈະຕົກທຸກໄດ້ຍາກຍ້ອນບໍ່ມີຜູ້ລ້ຽງ.
3 ‘ເຮົາໃຈຮ້າຍໃຫ້ພວກຜູ້ລ້ຽງແກະຫຼາຍແລະເຮົາຈະລົງໂທດພວກຜູ້ນຳທີ່ກົດຂີ່.’*ພະເຢໂຫວາຜູ້ບັນຊາການກອງທັບຈະກັບມາສົນໃຈພວກຢູດາເຊິ່ງເປັນແກະຂອງເພິ່ນ+ແລະເພິ່ນຈະເຮັດໃຫ້ເຂົາເຈົ້າເປັນຄືກັບມ້າທີ່ສະຫງ່າງາມໃນສະໜາມຮົບ.
4 ຈະມີຜູ້ນຳ*ຄົນໜຶ່ງມາຈາກເຂົາເຈົ້າຜູ້ປົກຄອງທີ່ສະໜັບສະໜູນ*ຈະມາຈາກເຂົາເຈົ້າທະນູຂອງທະຫານຈະມາຈາກເຂົາເຈົ້າແລະພວກຜູ້ເບິ່ງແຍງ*ຈະມາຈາກເຂົາເຈົ້າຄືກັນ. ທັງໝົດນີ້ຈະອອກມາຈາກເຂົາເຈົ້າ.
5 ເຂົາເຈົ້າຈະເປັນຄືກັບທະຫານທີ່ແລ່ນຜ່ານຂີ້ຕົມໃນສະໜາມຮົບ.
ເຂົາເຈົ້າຈະໄປສູ້ຮົບຍ້ອນພະເຢໂຫວາຢູ່ນຳເຂົາເຈົ້າ+ແລະທະຫານມ້າຂອງສັດຕູຈະຕ້ອງອັບອາຍ.+
6 ‘ເຮົາຈະເຮັດໃຫ້ພວກຢູດາຍິ່ງໃຫຍ່ແລະເຮົາຈະຊ່ວຍລູກຫຼານຂອງໂຢເຊັບໃຫ້ລອດ.+
ເຮົາຈະໃຫ້ເຂົາເຈົ້າກັບມາຢູ່ແຜ່ນດິນຂອງເຂົາເຈົ້າ.ເຮົາຈະເມດຕາເຂົາເຈົ້າ.+ມັນຈະເປັນຄືກັບວ່າເຮົາບໍ່ເຄີຍຖິ້ມເຂົາເຈົ້າເລີຍ+ຍ້ອນເຮົາເຢໂຫວາເປັນພະເຈົ້າຂອງເຂົາເຈົ້າ ແລະເຮົາຈະຕອບຄຳອະທິດຖານຂອງເຂົາເຈົ້າ.’
7 ຄົນເອຟຣາຢິມຈະເປັນຄືກັບທະຫານທີ່ເກັ່ງໆແລະເຂົາເຈົ້າຈະມີຄວາມສຸກຄືກັບຄົນທີ່ໄດ້ກິນເຫຼົ້າແວງ.+
ລູກຂອງເຂົາເຈົ້າຈະເຫັນເຫດການນີ້ແລະຈະດີໃຈຄືກັນ.ເຂົາເຈົ້າຈະມີຄວາມຍິນດີຍ້ອນພະເຢໂຫວາ.+
8 ‘ເຮົາຈະຫວີດປາກເອີ້ນເຂົາເຈົ້າມາແລະໃຫ້ເຂົາເຈົ້າມາລວມໂຕກັນຍ້ອນເຮົາຈະໄຖ່ເຂົາເຈົ້າ.+ ເຂົາເຈົ້າຈະມີຫຼາຍຂຶ້ນແລະຫຼາຍຂຶ້ນເລື້ອຍໆ.
9 ເຖິງວ່າເຮົາຈະເຮັດໃຫ້ເຂົາເຈົ້າກະຈັດກະຈາຍກັນຢູ່ຕາມຊາດຕ່າງໆຄືກັບຫວ່ານແນວປູກແຕ່ເຂົາເຈົ້າຈະຄິດເຖິງເຮົາຕອນທີ່ເຂົາເຈົ້າຢູ່ໃນບ່ອນຫ່າງໄກເຫຼົ່ານັ້ນ.ເຂົາເຈົ້າກັບລູກຫຼານຂອງເຂົາເຈົ້າຈະມີເຫື່ອແຮງອີກເທື່ອໜຶ່ງແລະຈະກັບມາຫາເຮົາ.
10 ເຮົາຈະພາເຂົາເຈົ້າກັບມາຈາກແຜ່ນດິນເອຢິບແລະເຮົາຈະລວບລວມເຂົາເຈົ້າມາຈາກອັດຊີເຣຍ.+ເຮົາຈະພາເຂົາເຈົ້າໄປຢູ່ແຜ່ນດິນກິລຽດ+ແລະເລບານອນຈົນບໍ່ມີບ່ອນພໍທີ່ຈະໃຫ້ເຂົາເຈົ້າຢູ່.+
11 ຕອນທີ່ທະເລຂວາງທາງເຂົາເຈົ້າເຮົາກໍຈະຜ່ານມັນໄປແລະຟາດຄື້ນຂອງມັນ.+ຕອນທີ່ແມ່ນ້ຳນິນຂວາງທາງເຂົາເຈົ້າ ເຮົາກໍຈະເຮັດໃຫ້ນ້ຳນັ້ນແຫ້ງໄປ.
ເຮົາຈະເຮັດໃຫ້ອັດຊີເຣຍທີ່ຍິ່ງຈອງຫອງອັບອາຍຂາຍໜ້າແລະຈະເຮັດໃຫ້ການປົກຄອງຂອງເອຢິບເຖິງຈຸດຈົບ.+
12 ເຮົາເຢໂຫວາຈະເຮັດໃຫ້ເຂົາເຈົ້າຍິ່ງໃຫຍ່+ແລະເຂົາເຈົ້າຈະໃຊ້ຊີວິດໃນແບບທີ່ນັບຖືຊື່ຂອງເຮົາ.’+ ພະເຢໂຫວາເວົ້າໄວ້ແນວນີ້.”
ຂໍ ຄວາມ ໄຂ ເງື່ອນ
^ ຫຼື “ຮູບພະປະຈຳເຮືອນ; ຮູບປັ້ນ”
^ ຫຼື “ເວົ້າເລື່ອງເລິກລັບ”
^ ແປຕາມໂຕວ່າ “ແບ້ໂຕຜູ້”
^ ແປຕາມໂຕວ່າ “ປ້ອມທີ່ຢູ່ແຈ” ເຊິ່ງເຮັດໃຫ້ຄິດເຖິງຜູ້ຊາຍທີ່ເປັນຄົນສຳຄັນຫຼືຫົວໜ້າ
^ ແປຕາມໂຕວ່າ “ຕະປູ” ເຊິ່ງເຮັດໃຫ້ຄິດເຖິງຄົນທີ່ສະໜັບສະໜູນຫຼືຜູ້ປົກຄອງ
^ ຫຼື “ພວກຫົວໜ້າ”