ເຊຄາຣີຢາ 9:1-17
9 ຕໍ່ໄປນີ້ແມ່ນຄຳປະກາດຂອງພະເຈົ້າ.
“ຍ້ອນພະເຢໂຫວາເຝົ້າເບິ່ງມະນຸດ+ແລະເຝົ້າເບິ່ງອິດສະຣາເອນທຸກຕະກູນພະເຢໂຫວາຈຶ່ງສົ່ງຂ່າວເລື່ອງການຕັດສິນຕໍ່ແຜ່ນດິນຮັດຣັກແລະດາມາເຊ+
2 ຕໍ່ຮາມັດ+ທີ່ມີຊາຍແດນຕິດກັບແຜ່ນດິນນັ້ນ*ຕໍ່ຕີເຣ+ແລະຊີໂດນ+ທີ່ຄິດວ່າໂຕເອງສະຫຼາດຫຼາຍ.+
3 ຕີເຣສ້າງກຳແພງ*ເພື່ອປົກປ້ອງໂຕເອງ.
ເຂົາເຈົ້າສະສົມເງິນໄວ້ບັກຫຼາຍໆຄືກັບຂີ້ຝຸ່ນແລະລວບລວມຄຳໄວ້ຫຼາຍແທ້ຫຼາຍວ່າຄືກັບຂີ້ດິນຢູ່ຕາມຫົນທາງ.+
4 ພະເຢໂຫວາຈະຍຶດເອົາຊັບສົມບັດຂອງເຂົາເຈົ້າໄປ.ເພິ່ນຈະທຳລາຍກອງທັບຂອງເຂົາເຈົ້າຢູ່ທະເລ+ແລະເມືອງນີ້ຈະຖືກຈູດຖິ້ມ.+
5 ອາຊະກາໂລນຈະເຫັນເຫດການນີ້ແລະຈະຢ້ານຫຼາຍ.ຄາຊາຈະເຈັບປວດໃຈຫຼາຍ.ເອັກໂຣນກໍຈະເຈັບປວດໃຈຫຼາຍຄືກັນ ຍ້ອນຜູ້ທີ່ລາວໝາຍເພິ່ງຖືກເຮັດໃຫ້ອັບອາຍຂາຍໜ້າ.
ກະສັດຂອງຄາຊາຈະຕາຍແລະຈະບໍ່ມີໃຜອາໄສຢູ່ອາຊະກາໂລນຈັກຄົນ.+
6 ຄົນຕ່າງຊາດຈະມາອາໄສຢູ່ອາຊະໂດດແລະເຮົາຈະກຳຈັດຄວາມຍິ່ງຂອງຟີລິດສະຕີນ.+
7 ເຮົາຈະເອົາສິ່ງທີ່ເປື້ອນເລືອດອອກຈາກປາກເຂົາເຈົ້າແລະເອົາສິ່ງທີ່ເປັນຕາຂີ້ດຽດທີ່ເຂົາເຈົ້າຄາບຢູ່ອອກມາ.ຄົນຂອງເຂົາເຈົ້າທີ່ຍັງເຫຼືອຢູ່ຈະເປັນຂອງພະເຈົ້າ.ເຂົາເຈົ້າຈະເປັນຄືກັບຫົວໜ້າເຜົ່າໃນຢູດາ.+ຄົນເອັກໂຣນຈະເປັນຄືກັບຄົນເຢບຸດ.+
8 ເຮົາຈະຕັ້ງຄ້າຍໃຫ້ເປັນຄືກັບຄົນຍາມ*ປົກປ້ອງວິຫານຂອງເຮົາ+ເພື່ອຈະບໍ່ໃຫ້ໃຜເຂົ້າຫຼືອອກໄດ້ແລະບໍ່ໃຫ້ພວກທີ່ຕໍ່ຕ້ານເຂົ້າມາໄດ້ອີກ+ຍ້ອນຕອນນີ້ເຮົາເຫັນແລ້ວວ່າເກີດຫຍັງຂຶ້ນແດ່.*
9 ຄົນຊີໂອນເອີ້ຍ ໃຫ້ດີໃຈເຕັມທີໂລດ.
ຄົນເຢຣູຊາເລັມເອີ້ຍ ໃຫ້ໂຫ່ຮ້ອງດ້ວຍຄວາມດີໃຈ.
ກະສັດຂອງພວກເຈົ້າກຳລັງມາ.+
ລາວເປັນຄົນຍຸຕິທຳ ເປັນຜູ້ຊ່ວຍໃຫ້ລອດ*ເປັນຄົນຖ່ອມ+ ແລະລາວກຳລັງນັ່ງຢູ່ເທິງຫຼັງລາເຊິ່ງເປັນລານ້ອຍໂຕຜູ້.+
10 ເຮົາຈະຍຶດເອົາລົດຮົບຂອງເອຟຣາຢິມຈະຍຶດເອົາມ້າຂອງເຢຣູຊາເລັມ
ແລະຈະຍຶດເອົາທະນູຂອງພວກທະຫານ.
ກະສັດຂອງພວກເຈົ້າຈະປະກາດເລື່ອງສັນຕິສຸກຕໍ່ຊາດຕ່າງໆ.+ລາວຈະປົກຄອງຈາກທະເລຟາກນີ້ໄປຈົນຮອດທະເລຟາກນັ້ນແລະຈາກແມ່ນ້ຳເອິຟາຣາດໄປຈົນຮອດສຸດຂອບໂລກ.+
11 ຊີໂອນ*ເອີ້ຍ ເຮົາຈະໃຊ້ສັນຍາທີ່ຖືກເຮັດໃຫ້ມີຜົນບັງຄັບໃຊ້ດ້ວຍເລືອດເຊິ່ງເຮົາໄດ້ເຮັດກັບເຈົ້າເພື່ອຊ່ວຍນັກໂທດຂອງເຈົ້າໃຫ້ອອກມາຈາກຂຸມທີ່ບໍ່ມີນ້ຳ.+
12 ພວກນັກໂທດທີ່ມີຄວາມຫວັງເອີ້ຍ ໃຫ້ພວກເຈົ້າກັບໄປປ້ອມທີ່ແຂງແຮງ.+
ມື້ນີ້ເຮົາຈະບອກພວກເຈົ້າວ່າ‘ເຮົາຈະຕອບແທນ ພວກເຈົ້າສອງເທົ່າ.+
13 ເຮົາຈະໃຊ້ຢູດາເປັນຄັນທະນູຂອງເຮົາ.
ເຮົາຈະໃຫ້ເອຟຣາຢິມເປັນລູກທະນູທີ່ວາງໃສ່ຄັນທະນູຂອງເຮົາ.ຊີໂອນເອີ້ຍ ເຮົາຈະປຸກພວກລູກຂອງເຈົ້າເພື່ອຕໍ່ສູ້ກັບພວກລູກຂອງກຣີກແລະເຮົາຈະເຮັດໃຫ້ເຈົ້າເປັນຄືກັບດາບຂອງທະຫານ.’
14 ພະເຢໂຫວາຈະສະແດງໃຫ້ເຫັນຢ່າງຈະແຈ້ງວ່າເພິ່ນຢູ່ກັບປະຊາຊົນຂອງເພິ່ນແລະທະນູຂອງເພິ່ນຈະຍິງອອກໄປຄືກັບສາຍຟ້າ.
ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈະເປົ່າແກ.+ເພິ່ນຈະບຸກໂຈມຕີສັດຕູຄືກັບລົມພາຍຸທີ່ພັດມາຈາກທາງທິດໃຕ້.
15 ພະເຢໂຫວາຜູ້ບັນຊາການກອງທັບຈະປົກປ້ອງປະຊາຊົນຂອງເພິ່ນ.ສັດຕູຈະໃຊ້ເຊືອກແກວ່ງກ້ອນຫີນໂຈມຕີເຂົາເຈົ້າ ແຕ່ເຂົາເຈົ້າຈະຈັດການສັດຕູໄດ້.+
ເຂົາເຈົ້າຈະມ່ວນຊື່ນແລະເຂົາເຈົ້າຈະພາກັນໂຫ່ຮ້ອງຄືກັບໄດ້ກິນເຫຼົ້າແວງ.ເຂົາເຈົ້າຈະເປັນຄືກັບຖ້ວຍທີ່ມີເຫຼົ້າແວງຢູ່ເຕັມແລະເປັນຄືກັບແຈຂອງແທ່ນບູຊາທີ່ມີແຕ່ເລືອດຕິດຢູ່.+
16 ໃນມື້ນັ້ນ ພະເຢໂຫວາພະເຈົ້າຂອງເຂົາເຈົ້າຈະຊ່ວຍເຂົາເຈົ້າໃຫ້ລອດຄືກັບຜູ້ລ້ຽງແກະທີ່ຊ່ວຍຝູງແກະຂອງເພິ່ນ.+ເຂົາເຈົ້າຈະເປັນຄືກັບເພັດຢູ່ມົງກຸດທີ່ເຫຼື້ອມມາບໆໄປທົ່ວແຜ່ນດິນຂອງເພິ່ນ.+
17 ເພິ່ນດີແທ້ໆ.+ເພິ່ນສະຫງ່າງາມອີ່ຫຼີ.
ເຂົ້າແລະເຫຼົ້າແວງໃໝ່ຈະເຮັດໃຫ້ຄົນໜຸ່ມແລະຜູ້ຍິງບໍລິສຸດແຂງແຮງ.”+
ຂໍ
^ ອາດໝາຍເຖິງແຜ່ນດິນຮັດຣັກຫຼືດາມາເຊ
^ ຫຼື “ປ້ອມ”
^ ອາດໝາຍເຖິງຄວາມທຸກຂອງປະຊາຊົນຂອງເພິ່ນ
^ ຫຼື “ກອງທະຫານ”
^ ຫຼື “ຜູ້ໄດ້ໄຊຊະນະ; ຜູ້ຊ່ວຍເຫຼືອ”
^ ຫຼືອາດແປວ່າ “ເຢຣູຊາເລັມ.” ແປຕາມໂຕວ່າ “ເຈົ້າ.”
