ເນເຮມີຢາ 1:1-11
1 ຕໍ່ໄປນີ້ແມ່ນຄຳເວົ້າຂອງເນເຮມີຢາ*+ລູກຊາຍຂອງຮາກາລີຢາ. ໃນເດືອນກິດສະເລັບ* ປີທີ 20* ຂ້ອຍຢູ່ໃນວັງທີ່ຢູ່ເມືອງຊູຊາ.+
2 ຕອນນັ້ນ ອ້າຍນ້ອງຜູ້ໜຶ່ງຂອງຂ້ອຍຊື່ຮານານີ+ກັບຄົນອື່ນໆທີ່ຢູ່ຢູດາໄດ້ມາຫາຂ້ອຍ ຂ້ອຍຈຶ່ງຖາມເຂົາເຈົ້າວ່າ: “ພວກຢິວທີ່ກັບມາຈາກການເປັນຊະເລີຍເປັນແນວໃດ?+ ເມືອງເຢຣູຊາເລັມເດເປັນຈັ່ງໃດ?”
3 ເຂົາເຈົ້າຕອບວ່າ: “ພວກຢິວທີ່ກັບມາຈາກບາບີໂລນຢູ່ໃນສະພາບທີ່ເປັນຕາອີ່ຕົນແລະເປັນຕາອາຍຫຼາຍ.+ ກຳແພງເມືອງທີ່ເພ+ແລະປະຕູເມືອງທີ່ຖືກຈູດກໍຍັງເປັນຄືເກົ່າ.”+
4 ເມື່ອໄດ້ຍິນແນວນັ້ນ ຂ້ອຍກໍນັ່ງລົງແລະຮ້ອງໄຫ້. ຍ້ອນຂ້ອຍເສົ້າໃຈຫຼາຍ ຂ້ອຍຈຶ່ງອົດເຂົ້າ+ແລະອະທິດຖານຫຼາຍມື້ຫາພະເຈົ້າທີ່ຢູ່ໃນສະຫວັນ.
5 ຂ້ອຍອະທິດຖານວ່າ: “ພະເຢໂຫວາພະເຈົ້າທີ່ຢູ່ໃນສະຫວັນ ພະອົງຍິ່ງໃຫຍ່ແລະສົມຄວນໄດ້ຮັບຄວາມນັບຖື. ພະອົງເຮັດຕາມສັນຍາສະເໝີ ພະອົງມີຄວາມຮັກທີ່ໝັ້ນຄົງຕໍ່ຄົນທີ່ຮັກພະອົງແລະເຮັດຕາມຄຳສັ່ງຂອງພະອົງ.+
6 ຂໍພະອົງຕັ້ງໃຈຟັງແລະສົນໃຈຄຳອະທິດຖານຂອງລູກທີ່ເປັນຜູ້ຮັບໃຊ້ຂອງພະອົງທີ່ອະທິດຖານຫາພະອົງໃນມື້ນີ້. ລູກອະທິດຖານຫາພະອົງໝົດມື້ໝົດຄືນ+ເລື່ອງພວກອິດສະຣາເອນທີ່ເປັນຜູ້ຮັບໃຊ້ຂອງພະອົງ ແລະລູກຂໍສາລະພາບຄວາມຜິດທີ່ເຂົາເຈົ້າໄດ້ເຮັດຕໍ່ພະອົງ ທັງລູກແລະຄົນຂອງລູກ*ໄດ້ເຮັດຜິດຕໍ່ພະອົງ.+
7 ພວກເຮົາເຮັດຊົ່ວຕໍ່ພະອົງ+ໂດຍບໍ່ເຮັດຕາມກົດໝາຍ ຂໍ້ກຳນົດ ແລະການຕັດສິນທີ່ພະອົງໃຫ້ໄວ້ຜ່ານທາງໂມເຊທີ່ເປັນຜູ້ຮັບໃຊ້ຂອງພະອົງ.+
8 ຂໍພະອົງຄິດເຖິງສິ່ງທີ່ພະອົງເຄີຍເຕືອນໂມເຊຜູ້ຮັບໃຊ້ຂອງພະອົງວ່າ ‘ຖ້າພວກເຈົ້າບໍ່ສັດຊື່ ເຮົາຈະເຮັດໃຫ້ພວກເຈົ້າກະຈັດກະຈາຍໄປຢູ່ນຳຊາດຕ່າງໆ.+
9 ແຕ່ຖ້າພວກເຈົ້າກັບມາຫາເຮົາ ແລ້ວເຊື່ອຟັງແລະເຮັດຕາມກົດໝາຍຂອງເຮົາ ເຖິງວ່າພວກເຈົ້າກະຈັດກະຈາຍໄປຢູ່ບ່ອນທີ່ໄກໆ ເຮົາກໍຈະລວບລວມພວກເຈົ້າ+ໃຫ້ກັບມາຢູ່ບ່ອນທີ່ເຮົາໄດ້ເລືອກໄວ້ສຳລັບຊື່ຂອງເຮົາ.’+
10 ເຂົາເຈົ້າເປັນຜູ້ຮັບໃຊ້ແລະເປັນປະຊາຊົນຂອງພະອົງ ພະອົງໄດ້ໃຊ້ລິດເດດທີ່ຍິ່ງໃຫຍ່ຂອງພະອົງເພື່ອຊ່ວຍເຂົາເຈົ້າໃຫ້ລອດ.*+
11 ພະເຢໂຫວາ ຂໍພະອົງຕັ້ງໃຈຟັງຄຳອະທິດຖານຂອງລູກທີ່ເປັນຜູ້ຮັບໃຊ້ຂອງພະອົງ ແລະຟັງຄຳອະທິດຖານຂອງຜູ້ຮັບໃຊ້ຄົນອື່ນໆທີ່ນັບຖື*ຊື່ຂອງພະອົງຈາກໃຈ. ຂໍໃຫ້ກະສັດອີ່ຕົນລູກແລະອະນຸຍາດໃຫ້ລູກເຮັດຕາມສິ່ງທີ່ລູກຂໍໃນມື້ນີ້.”+
ຕອນນັ້ນ ຂ້ອຍເຮັດວຽກເປັນຄົນເຫຍັ້ນເຄື່ອງດື່ມໃຫ້ກະສັດ.+
ຂໍ
^ ແປວ່າ “ພະເຢໂຫວາປອບໃຈ.” ໃນພາສາຕົ້ນສະບັບໃຊ້ຊື່ຫຍໍ້ຂອງພະເຈົ້າວ່າ “ຢາ.”
^ ເບິ່ງພາກຜະໜວກ ຂ15
^ ໝາຍເຖິງປີທີ 20 ທີ່ກະສັດອາຕາເຊເຊັດທີ 1 ປົກຄອງ
^ ແປຕາມໂຕວ່າ “ຄອບຄົວພໍ່ຂອງລູກ”
^ ແປຕາມໂຕວ່າ “ໄຖ່”
^ ແປຕາມໂຕວ່າ “ຢ້ານຢຳ”
