ເນເຮມີຢາ 10:1-39
10 ເນເຮມີຢາທີ່ເປັນເຈົ້າແຂວງ*ແລະເປັນລູກຊາຍຂອງຮາກາລີຢາໄດ້ຈ້ຳກາ+ໃສ່ຄຳສັນຍານັ້ນ.
ນອກຈາກນັ້ນ ຜູ້ທີ່ໄດ້ຈ້ຳກາຍັງມີ:ເຊເດກີຢາ
2 ເສຣາຢາ ອາຊາຣີຢາ ເຢເຣມີຢາ
3 ປັດຊູ ອາມາຣີຢາ ມັນກີຢາ
4 ຮັດຕຸຊະ ເຊບານີຢາ ມັນລຸກ
5 ຮາຣີມ+ ເມເຣໂມດ ໂອບາດີຢາ
6 ດານີເອນ+ ກິນເນໂທນ ບາຣຸກ
7 ເມຊຸນລຳ ອາບີຢາ ມິຢາມິນ
8 ມາອາຊີຢາ ບິນກາຍ ແລະເຊມາຢາ. ທັງໝົດນີ້ແມ່ນພວກປະໂລຫິດ.
9 ພວກເລວີທີ່ໄດ້ຈ້ຳກາມີ: ເຢຊູອາລູກຊາຍຂອງອາຊານີຢາ ບິນນຸຍທີ່ເປັນລູກຫຼານເຮນາດາດ ກັດມີເອນ+
10 ເຊບານີຢາ ໂຮດີຢາ ເກລີຕາ ເປລາຢາ ຮານານ
11 ມິກາ ເຣໂຮບ ຮາຊາບີຢາ
12 ຊາກູເຣ ເຊເຣບີຢາ+ ເຊບານີຢາ
13 ໂຮດີຢາ ບານີ ແລະເບນີນູ.
14 ພວກຫົວໜ້າປະຊາຊົນທີ່ໄດ້ຈ້ຳກາມີ: ປາຣົດ ປາຮາດໂມອາບ+ ເອລາມ ຊັດຕຸ ບານີ
15 ບຸນນີ ອາຊາກາດ ເບບາຍ
16 ອາໂດນີຢາ ບິກວາຍ ອາດິນ
17 ອາເຕ ເຮເຊກີຢາ ອັດຊູເຣ
18 ໂຮດີຢາ ຮາຊຸມ ເບຊາຍ
19 ຮາຣິບ ອານາໂທດ ເນບາຍ
20 ມັກປຽດ ເມຊຸນລຳ ເຮຊີ
21 ເມເຊດຊາເບນ ຊາໂດກ ຢັດດູອາ
22 ເປລາຕີຢາ ຮານານ ອານາຢາ
23 ໂຮເຊຢາ ຮານານີຢາ ຮັດຊຸບ
24 ຮັນໂລເຮັດ ປິນຮາ ໂຊເບັກ
25 ເຣຮູມ ຮາຊັບນາ ມາອາເສຢາ
26 ອາຮີຢາ ຮານານ ອານານ
27 ມັນລຸກ ຮາຣີມ ແລະບາອານ້າ.
28 ຄົນອື່ນໆທີ່ຮ່ວມເຮັດສັນຍານີ້ມີ: ພວກປະໂລຫິດ ພວກເລວີ ພວກຄົນຍາມປະຕູ ພວກນັກຮ້ອງ ພວກຄົນຮັບໃຊ້ໃນວິຫານ* ແລະທຸກຄົນທີ່ເຊົາພົວພັນກັບຊາດຕ່າງໆທີ່ຢູ່ອ້ອມຂ້າງເພື່ອເຮັດຕາມກົດໝາຍຂອງພະເຈົ້າທ່ຽງແທ້+ພ້ອມກັບລູກກັບເມຍຂອງເຂົາເຈົ້າ ແລະທຸກຄົນທີ່ເຂົ້າໃຈຄຳສັນຍາ*ນັ້ນໄດ້.
29 ຄົນເຫຼົ່ານີ້ໄດ້ມາລວມກັບພີ່ນ້ອງຂອງເຂົາເຈົ້າທີ່ເປັນຄົນສຳຄັນແລະສັນຍາວ່າຈະເຮັດຕາມກົດໝາຍຂອງພະເຈົ້າທ່ຽງແທ້ ແລະຖ້າບໍ່ເຮັດຕາມກໍຈະຍອມໃຫ້ພະເຈົ້າລົງໂທດ. ເຂົາເຈົ້າຕົກລົງທີ່ຈະເຮັດຕາມກົດໝາຍທີ່ພະເຈົ້າທ່ຽງແທ້ໃຫ້ຜ່ານທາງໂມເຊຜູ້ຮັບໃຊ້ຂອງເພິ່ນ. ເຂົາເຈົ້າສັນຍາວ່າຈະເຮັດຕາມຄຳສັ່ງ ການຕັດສິນ ແລະຂໍ້ກຳນົດທຸກຢ່າງຂອງພະເຢໂຫວາພະເຈົ້າ.
30 ເຂົາເຈົ້າສາບານວ່າ: “ພວກເຮົາຈະບໍ່ຍົກລູກສາວໃຫ້ໄປເປັນເມຍຂອງຄົນຕ່າງຊາດແລະຈະບໍ່ເອົາລູກສາວຂອງຄົນຕ່າງຊາດມາເປັນລູກໃພ້ຂອງພວກເຮົາ.+
31 ຖ້າຄົນຕ່າງຊາດເອົາເຄື່ອງຫຼືເຂົ້າມາຂາຍໃຫ້ພວກເຮົາໃນວັນຊະບາໂຕ+ຫຼືວັນສັກສິດອື່ນໆ+ ພວກເຮົາຈະບໍ່ຊື້ເດັດຂາດ. ທຸກໆປີທີ 7+ ພວກເຮົາກໍຈະບໍ່ປູກແລະບໍ່ເກັບກ່ຽວຫຍັງ ແລະຈະຍົກໜີ້ທັງໝົດໃຫ້ຄົນທີ່ຕິດໜີ້ພວກເຮົາ.+
32 ພວກເຮົາສັນຍາວ່າແຕ່ລະຄົນຈະເອົາເງິນໜັກ 1 ສ່ວນ 3 ເຊເກນ*ມາໃຫ້ວິຫານຂອງພະເຈົ້າຂອງພວກເຮົາທຸກໆປີ+
33 ເພື່ອເປັນຄ່າໃຊ້ຈ່າຍສຳລັບສິ່ງຕໍ່ໄປນີ້: ເຂົ້າຈີ່ທີ່ວາງຊ້ອນກັນ*+ ເຄື່ອງບູຊາທີ່ເຮັດຈາກເມັດເຂົ້າ+ ເຄື່ອງບູຊາເຜົາສຳລັບວັນຊະບາໂຕ+ແລະສຳລັບມື້ເດືອນອອກໃໝ່+ ງານສະຫຼອງທີ່ກຳນົດໄວ້+ ສິ່ງທີ່ບໍລິສຸດຕ່າງໆ ເຄື່ອງບູຊາໄຖ່ບາບ+ເພື່ອໄຖ່ຄວາມຜິດໃຫ້ຄົນອິດສະຣາເອນ ແລະວຽກທຸກຢ່າງໃນວິຫານຂອງພະເຈົ້າຂອງພວກເຮົາ.
34 ນອກຈາກນັ້ນ ພວກເຮົາຍັງໄດ້ຈົກສະຫຼາກເພື່ອຈັດຕາຕະລາງໃຫ້ພວກປະໂລຫິດ ພວກເລວີ ແລະພວກປະຊາຊົນຕາມຈຸ້ມເຈື້ອຂອງເຂົາເຈົ້າ. ເຂົາເຈົ້າມີໜ້າທີ່ໄປຊອກຟືນຕາມເວລາທີ່ກຳນົດໄວ້ຂອງທຸກໆປີ ເພື່ອໃຊ້ສຳລັບແທ່ນບູຊາຂອງພະເຢໂຫວາພະເຈົ້າຂອງພວກເຮົາຕາມທີ່ກົດໝາຍກຳນົດໄວ້.+
35 ທຸກໆປີ ພວກເຮົາຈະເອົາຜົນລະປູກຊຸດທຳອິດຈາກໄຮ່ຈາກສວນຂອງພວກເຮົາແລະໝາກໄມ້ຊຸດທຳອິດທຸກຊະນິດໄປໃຫ້ວິຫານຂອງພະເຢໂຫວາ.+
36 ພວກເຮົາຈະເອົາລູກຊາຍຄົນທຳອິດກັບລູກໂຕຜູ້ໂຕທຳອິດ+ຈາກຝູງງົວ ຝູງແກະ ແລະຝູງແບ້ຂອງພວກເຮົາໄປໃຫ້ພວກປະໂລຫິດທີ່ເຮັດວຽກຮັບໃຊ້ຢູ່ວິຫານຂອງພະເຈົ້າຂອງພວກເຮົາຕາມທີ່ຂຽນໄວ້ໃນກົດໝາຍ.+
37 ພວກເຮົາຈະເອົາແປ້ງທີ່ບົດບໍ່ລະອຽດຈາກຜົນລະປູກຊຸດທຳອິດ+ ເຂົ້າຕ່າງໆ ໝາກໄມ້ທຸກຊະນິດ+ ເຫຼົ້າແວງໃໝ່ແລະນ້ຳມັນໝາກກອກ+ໄປໃຫ້ພວກປະໂລຫິດມ້ຽນໄວ້ຢູ່ຫ້ອງມ້ຽນເຄື່ອງ*ໃນວິຫານຂອງພະເຈົ້າ+ ແລະພວກເຮົາຍັງຈະເອົາ 1 ສ່ວນ 10 ຈາກໄຮ່ຈາກສວນຂອງພວກເຮົາໄປໃຫ້ພວກເລວີ+ ຍ້ອນພວກເລວີຕ້ອງໄດ້ 1 ສ່ວນ 10 ຈາກເມືອງຕ່າງໆທີ່ພວກເຮົາປູກຝັງລ້ຽງສັດ.
38 ຕອນທີ່ພວກເລວີຮັບເອົາ 1 ສ່ວນ 10 ຕ້ອງມີປະໂລຫິດຄົນໜຶ່ງທີ່ເປັນລູກຫຼານຂອງອາໂຣນຢູ່ນຳ. ພວກເລວີຕ້ອງເອົາ 1 ສ່ວນ 10 ຈາກ 1 ສ່ວນ 10 ທີ່ເຂົາເຈົ້າໄດ້ຮັບນັ້ນໄປໄວ້ຢູ່ຫ້ອງມ້ຽນເຄື່ອງໃນວິຫານພະເຈົ້າຂອງພວກເຮົາ.+
39 ພວກອິດສະຣາເອນແລະລູກຫຼານຂອງພວກເລວີຈະຕ້ອງເອົາເຄື່ອງບໍລິຈາກ+ທີ່ເປັນເຂົ້າ ເຫຼົ້າແວງໃໝ່ແລະນ້ຳມັນໝາກກອກ+ໄປໄວ້ຢູ່ຫ້ອງມ້ຽນເຄື່ອງ ເຊິ່ງເປັນບ່ອນມ້ຽນເຄື່ອງໃຊ້ຕ່າງໆຂອງວິຫານ. ພວກປະໂລຫິດທີ່ເຮັດວຽກຮັບໃຊ້ ພວກຄົນຍາມປະຕູແລະພວກນັກຮ້ອງກໍຢູ່ຫັ້ນຄືກັນ. ພວກເຮົາຈະບໍ່ປະບໍ່ຖິ້ມວິຫານຂອງພະເຈົ້າຂອງພວກເຮົາ.”+
ຂໍ
^ ຫຼື “ທີຊາທາ.” ນີ້ແມ່ນຕຳແໜ່ງເຈົ້າແຂວງຂອງເປີເຊຍ.
^ ຫຼື “ພວກເນທິນິມ.” ແປຕາມໂຕວ່າ “ຜູ້ທີ່ຖືກມອບໄວ້.”
^ ຫຼືອາດແປວ່າ “ຄົນທີ່ໃຫຍ່ພໍທີ່ຈະເຂົ້າໃຈໄດ້”
^ 3,8 ກຣາມ. ເບິ່ງພາກຜະໜວກ ຂ14.
^ ໝາຍເຖິງເຂົ້າຈີ່ທີ່ຕັ້ງໄວ້. ເບິ່ງສ່ວນອະທິບາຍຄຳສັບ.
^ ຫຼື “ຫ້ອງກິນເຂົ້າ”
