ເນເຮມີຢາ 12:1-47
12 ນີ້ແມ່ນລາຍຊື່ຂອງພວກປະໂລຫິດແລະພວກເລວີທີ່ກັບມາຈາກບາບີໂລນພ້ອມກັບເຊຣູບາເບນ+ລູກຊາຍຂອງເຊອານຕີເອນ+ແລະເຢຊູອາ.+ ພວກປະໂລຫິດມີ: ເສຣາຢາ ເຢເຣມີຢາ ເອັດຊະຣາ
2 ອາມາຣີຢາ ມັນລຸກ ຮັດຕຸຊະ
3 ເຊການີອາ ເຣຮູມ ເມເຣໂມດ
4 ອິດໂດ ກິນເນທອຍ ອາບີຢາ
5 ມິຢາມິນ ມາອາດີຢາ ບິນກາ
6 ເຊມາຢາ ໂຢຢາຣິບ ເຢດາຢາ
7 ສັນລູ ອາໂມກ ຮິນກີຢາ ແລະເຢດາຢາ. ທັງໝົດນີ້ເປັນຫົວໜ້າຂອງພວກປະໂລຫິດແລະເປັນຫົວໜ້າພວກພີ່ນ້ອງຂອງເຂົາເຈົ້າໃນສະໄໝຂອງເຢຊູອາ.
8 ພວກເລວີມີ: ເຢຊູອາ ບິນນຸຍ ກັດມີເອນ+ ເຊເຣບີຢາ ຢູດາ ມັດຕານີຢາ+ທີ່ເປັນຜູ້ນຳໃນການຮ້ອງເພງຂອບໃຈພະເຈົ້ານຳກັນກັບພວກພີ່ນ້ອງຂອງລາວ
9 ແລະບັກບຸກີຢາກັບອຸນນີທີ່ເປັນພີ່ນ້ອງຂອງເຂົາເຈົ້າແລະຢືນຢູ່ກົງກັນຂ້າມກັບເຂົາເຈົ້າເພື່ອຍາມວິຫານ.*
10 ເຢຊູອາເປັນພໍ່ຂອງໂຢຢາກີມ ໂຢຢາກີມເປັນພໍ່ຂອງເອລີຢາຊິບ+ ເອລີຢາຊິບເປັນພໍ່ຂອງໂຢຢາດາ+
11 ໂຢຢາດາເປັນພໍ່ຂອງໂຢນາທານ ໂຢນາທານເປັນພໍ່ຂອງຢັດດູອາ.
12 ພວກປະໂລຫິດແລະພວກຫົວໜ້າໃນຈຸ້ມເຈື້ອຕ່າງໆໃນສະໄໝຂອງໂຢຢາກີມມີ: ເມຣາຢາຈາກຄອບຄົວເສຣາຢາ+ ຮານານີຢາຈາກຄອບຄົວເຢເຣມີຢາ
13 ເມຊຸນລຳຈາກຄອບຄົວເອັດຊະຣາ+ ເຢໂຮຮານັນຈາກຄອບຄົວອາມາຣີຢາ
14 ໂຢນາທານຈາກຄອບຄົວມັນລຸກີ ໂຢເຊັບຈາກຄອບຄົວເຊບານີຢາ
15 ອັດນາຈາກຄອບຄົວຮາຣີມ+ ເຮນກາຍຈາກຄອບຄົວເມຣາໂຢດ
16 ເຊຄາຣີຢາຈາກຄອບຄົວອິດໂດ ເມຊຸນລຳຈາກຄອບຄົວກິນເນໂທນ
17 ຊິກຣີຈາກຄອບຄົວອາບີຢາ+ . . .*ຈາກຄອບຄົວມິນຢາມິນ ປິນຕາຍຈາກຄອບຄົວໂມອາດີຢາ
18 ຊາມມູອາຈາກຄອບຄົວບິນກາ+ ເຢໂຮນາທານຈາກຄອບຄົວເຊມາຢາ
19 ມັດເຕນາຍຈາກຄອບຄົວໂຢຢາຣິບ ອຸດຊີຈາກຄອບຄົວເຢດາຢາ+
20 ການລາຍຈາກຄອບຄົວຊັນລາຍ ເຮເບຈາກຄອບຄົວອາໂມກ
21 ຮາຊາບີຢາຈາກຄອບຄົວຮິນກີຢາ ເນທາເນນຈາກຄອບຄົວເຢດາຢາ.
22 ລາຍຊື່ຂອງພວກເລວີກັບພວກປະໂລຫິດທີ່ເປັນຫົວໜ້າໃນຈຸ້ມເຈື້ອຕ່າງໆໃນສະໄໝຂອງເອລີຢາຊິບ ໂຢຢາດາ ໂຢຮານານ ແລະຢັດດູອາ+ໄດ້ຂຽນໄວ້ຮອດແຕ່ສະໄໝຂອງດາຣິອຸດ*ກະສັດຂອງເປີເຊຍ.
23 ລາຍຊື່ຂອງພວກເລວີທີ່ເປັນຫົວໜ້າໃນຈຸ້ມເຈື້ອຕ່າງໆຖືກຂຽນໄວ້ໃນປຶ້ມປະຫວັດສາດຮອດແຕ່ສະໄໝຂອງໂຢຮານານລູກຊາຍຂອງເອລີຢາຊິບ.
24 ຫົວໜ້າພວກເລວີມີ: ຮາຊາບີຢາ ເຊເຣບີຢາ ເຢຊູອາ+ລູກຊາຍຂອງກັດມີເອນ+ ແລະພວກພີ່ນ້ອງຂອງເຂົາເຈົ້າທີ່ເປັນຄົນຍາມເຊິ່ງຢືນເປັນກຸ່ມຢູ່ກົງກັນຂ້າມກັບເຂົາເຈົ້າເພື່ອສັນລະເສີນແລະຂອບໃຈພະເຈົ້າຕາມທີ່ດາວິດຜູ້ຮັບໃຊ້ຂອງພະເຈົ້າທ່ຽງແທ້ໄດ້ສັ່ງໄວ້.+
25 ນອກຈາກນັ້ນກໍຍັງມີມັດຕານີຢາ+ ບັກບຸກີຢາ ໂອບາດີຢາ ເມຊຸນລຳ ຕັນໂມນ ແລະອັກກຸບ.+ ເຂົາເຈົ້າຍາມຢູ່ໜ້າຫ້ອງມ້ຽນເຄື່ອງໃກ້ກັບປະຕູວິຫານ.+
26 ຄົນເຫຼົ່ານີ້ຮັບໃຊ້ໃນສະໄໝຂອງໂຢຢາກີມລູກຊາຍຂອງເຢຊູອາ+ຫຼານຂອງໂຢດຊາດັກ ແລະໃນສະໄໝທີ່ເນເຮມີຢາເປັນເຈົ້າແຂວງແລະໃນສະໄໝຂອງປະໂລຫິດເອັດຊະຣາເຊິ່ງເປັນ+ຜູ້ທີ່ຊຳນານໃນການຄັດລອກພະຄຳພີ.
27 ເມື່ອໃກ້ຊິຮອດມື້ອຸທິດກຳແພງເມືອງເຢຣູຊາເລັມ ເຂົາເຈົ້າກໍໄປຊອກພວກເລວີຈາກທຸກບ່ອນໃຫ້ມາເມືອງເຢຣູຊາເລັມເພື່ອສະຫຼອງການອຸທິດກຳແພງ ມາມ່ວນຊື່ນນຳກັນ ມາຮ້ອງເພງຂອບໃຈພະເຈົ້າ+ ມາຕີແສ່ງ ມາຫຼິ້ນເຄື່ອງດົນຕີທີ່ມີສາຍແລະດີດພິນ.
28 ລູກຫຼານຂອງພວກນັກຮ້ອງ*ໄດ້ມາລວມກັນ. ເຂົາເຈົ້າມາຈາກເຂດທີ່ຢູ່ໃກ້ໆ* ຈາກແຖວທີ່ຢູ່ອ້ອມແອ້ມເມືອງເຢຣູຊາເລັມ ຈາກເມືອງນ້ອຍໆທີ່ພວກເນໂຕຟາຢູ່+
29 ຈາກເມືອງເບັດກິນການ+ ຈາກເຂດເມືອງເຄບາ+ ແລະເຂດເມືອງອາຊະມາເວດ.+ ພວກນັກຮ້ອງເຫຼົ່ານີ້ອາໄສຢູ່ອ້ອມແອ້ມເມືອງເຢຣູຊາເລັມ.
30 ພວກປະໂລຫິດແລະພວກເລວີໄດ້ເຮັດໃຫ້ໂຕເອງບໍລິສຸດ ແລະເຂົາເຈົ້າໄດ້ເຮັດໃຫ້ປະຊາຊົນ+ ປະຕູເມືອງ+ ແລະກຳແພງເມືອງ+ບໍລິສຸດ.
31 ຈາກນັ້ນ ຂ້ອຍກໍພາພວກເຈົ້ານາຍຂອງຢູດາຂຶ້ນໄປເທິງກຳແພງ. ຂ້ອຍຍັງໄດ້ແບ່ງພວກນັກຮ້ອງທີ່ຮ້ອງເພງຂອບໃຈພະເຈົ້າອອກເປັນ 2 ກຸ່ມໃຫຍ່ ແລະແຕ່ລະກຸ່ມມີຄົນແຫ່ນຳຫຼັງເຂົາເຈົ້າໄປ. ກຸ່ມທີ 1 ຍ່າງໄປເບື້ອງຂວາຂອງກຳແພງໄປທາງປະຕູກອງຂີ້ເທົ່າ.+
32 ພວກທີ່ຍ່າງນຳຫຼັງເຂົາເຈົ້າແມ່ນໂຮຊາອີຢາ ພວກເຈົ້ານາຍຂອງຢູດາເຄິ່ງໜຶ່ງ
33 ອາຊາຣີຢາ ເອັດຊະຣາ ເມຊຸນລຳ
34 ຢູດາ ເບັນຢາມິນ ເຊມາຢາ ແລະເຢເຣມີຢາ.
35 ມີປະໂລຫິດບາງຄົນຖືແກ+ແລະຍ່າງນຳຫຼັງເຂົາເຈົ້າ. ຜູ້ໜຶ່ງໃນນັ້ນແມ່ນເຊຄາຣີຢາລູກຊາຍຂອງໂຢນາທານ. ໂຢນາທານເປັນລູກຊາຍຂອງເຊມາຢາ ເຊມາຢາເປັນລູກຊາຍຂອງມັດຕານີຢາ ມັດຕານີຢາເປັນລູກຊາຍຂອງມີກາຢາ ມີກາຢາເປັນລູກຊາຍຂອງຊາກູເຣ ຊາກູເຣເປັນລູກຊາຍຂອງອາສັບ.+
36 ນອກຈາກນັ້ນຍັງມີພວກພີ່ນ້ອງຂອງລາວທີ່ຊື່ເຊມາຢາ ອັດຊາເຣນ ມິລາລາຍ ກິລາລາຍ ມາອາຍ ເນທາເນນ ຢູດາ ແລະຮານານີ. ເຂົາເຈົ້າຖືເຄື່ອງດົນຕີທີ່ຄ້າຍຄືກັບເຄື່ອງດົນຕີທີ່ດາວິດ+ຜູ້ຮັບໃຊ້ຂອງພະເຈົ້າທ່ຽງແທ້ໄດ້ເຮັດ. ເອັດຊະຣາ+ຜູ້ທີ່ຊຳນານໃນການຄັດລອກພະຄຳພີເປັນຜູ້ຍ່າງອອກໜ້າເຂົາເຈົ້າ.
37 ເມື່ອມາຮອດປະຕູນ້ຳພຸ+ ເຂົາເຈົ້າຍ່າງໄປທາງຂັ້ນໄດ+ທີ່ຂຶ້ນໄປເມືອງຂອງດາວິດ.+ ແລ້ວເຂົາເຈົ້າກໍຍ່າງຢູ່ເທິງກຳແພງແລະກາຍວັງຂອງດາວິດໄປທາງປະຕູນ້ຳ+ທີ່ຢູ່ທາງທິດຕາເວັນອອກ.
38 ກຸ່ມນັກຮ້ອງທີ່ຮ້ອງເພງຂອບໃຈພະເຈົ້າອີກກຸ່ມໜຶ່ງກໍຍ່າງໄປອີກທາງໜຶ່ງ. ຂ້ອຍກັບຄົນອີກເຄິ່ງໜຶ່ງຍ່າງນຳຫຼັງເຂົາເຈົ້າ. ພວກເຮົາຍ່າງຢູ່ເທິງກຳແພງກາຍປ້ອມເຕົາອົບ+ໄປຫາກຳແພງທີ່ຊື່ວ່າກຳແພງກວ້າງ.+
39 ແລ້ວພວກເຮົາກໍຍ່າງໄປທາງປະຕູເອຟຣາຢິມ+ ປະຕູເມືອງເກົ່າ+ ປະຕູປາ+ ປ້ອມຮານາເນນ+ ປ້ອມເມອາ ປະຕູແກະ+ ແລະພວກເຮົາຢຸດຢູ່ປະຕູທີ່ຊື່ວ່າປະຕູຄົນຍາມ.
40 ໃນທີ່ສຸດ ກຸ່ມນັກຮ້ອງທີ່ຮ້ອງເພງຂອບໃຈພະເຈົ້າທັງ 2 ກຸ່ມກໍມາຮອດໜ້າວິຫານຂອງພະເຈົ້າທ່ຽງແທ້. ຂ້ອຍກັບພວກຜູ້ປົກຄອງເຄິ່ງໜຶ່ງທີ່ຢູ່ນຳຂ້ອຍກໍຢືນຢູ່ຫັ້ນນຳເຂົາເຈົ້າຄືກັນ
41 ແລະຍັງມີພວກປະໂລຫິດທີ່ຖືແກທີ່ຊື່ເອລີຢາກີມ ມາອາເສຢາ ມິນຢາມິນ ມີກາຢາ ເອລີໂອນາຍ ເຊຄາຣີຢາ ແລະຮານານີຢາ.
42 ນອກຈາກນັ້ນ ຄົນທີ່ຢູ່ນຳຂ້ອຍຍັງມີ: ມາອາເສຢາ ເຊມາຢາ ເອເລອາຊາ ອຸດຊີ ເຢໂຮຮານັນ ມັນກີຢາ ເອລາມ ແລະເອເຊ. ພວກນັກຮ້ອງໄດ້ຮ້ອງເພງສຽງດັງ ແລະອິດຊະຣາຢາເປັນຜູ້ນຳເຂົາເຈົ້າ.
43 ໃນມື້ນັ້ນ ເຂົາເຈົ້າເຜົາເຄື່ອງບູຊາຫຼາຍແທ້ຫຼາຍວ່າຢ່າງມີຄວາມສຸກ+ ຍ້ອນພະເຈົ້າທ່ຽງແທ້ໄດ້ເຮັດໃຫ້ເຂົາເຈົ້າມີຄວາມສຸກຫຼາຍ. ພວກຜູ້ຍິງກັບເດັກນ້ອຍກໍມີຄວາມສຸກຄືກັນ.+ ໃນເມືອງເຢຣູຊາເລັມມີຄວາມມ່ວນຊື່ນຫຼາຍ ຂະໜາດຄົນທີ່ຢູ່ບັກໄກໆກໍຍັງໄດ້ຍິນສຽງເຂົາເຈົ້າ.+
44 ໃນມື້ນັ້ນມີບາງຄົນຖືກແຕ່ງຕັ້ງໃຫ້ເບິ່ງແຍງຫ້ອງຕ່າງໆ+ທີ່ໃຊ້ສຳລັບມ້ຽນເຄື່ອງບໍລິຈາກ+ ຜົນລະປູກຊຸດທຳອິດ+ ແລະເຄື່ອງທີ່ເປັນ 1 ສ່ວນ 10.+ ເຂົາເຈົ້າຕ້ອງໄປລວບລວມເອົາຜົນລະປູກຈາກໄຮ່ຈາກສວນຂອງເມືອງຕ່າງໆມາໄວ້ຢູ່ຫ້ອງເຫຼົ່ານີ້ຕາມທີ່ກົດໝາຍກຳນົດໄວ້+ ເພື່ອເປັນສ່ວນແບ່ງສຳລັບພວກປະໂລຫິດແລະພວກເລວີ.+ ປະຊາຊົນໃນຢູດາບໍລິຈາກໃຫ້ແບບນີ້ຍ້ອນເຂົາເຈົ້າດີໃຈຫຼາຍທີ່ມີພວກປະໂລຫິດແລະພວກເລວີເຮັດວຽກຮັບໃຊ້ຢູ່ວິຫານ.
45 ພວກປະໂລຫິດແລະພວກເລວີເລີ່ມເຮັດໜ້າທີ່ຂອງໂຕເອງຕາມທີ່ພະເຈົ້າມອບໝາຍໃຫ້ແລະເຮັດໃຫ້ທຸກສິ່ງບໍລິສຸດ. ພວກນັກຮ້ອງແລະພວກຄົນຍາມປະຕູກໍເຮັດໜ້າທີ່ຂອງໂຕເອງຕາມທີ່ດາວິດແລະໂຊໂລໂມນລູກຊາຍຂອງລາວໄດ້ສັ່ງໄວ້.
46 ໃນສະໄໝຂອງດາວິດແລະອາສັບມີພວກຫົວໜ້າທີ່ເບິ່ງແຍງພວກນັກຮ້ອງແລະເບິ່ງແຍງເລື່ອງເພງສຳລັບສັນລະເສີນແລະຂອບໃຈພະເຈົ້າ.+
47 ໃນສະໄໝຂອງເຊຣູບາເບນ+ແລະໃນສະໄໝຂອງເນເຮມີຢາ ພວກອິດສະຣາເອນທຸກຄົນຕ້ອງໄດ້ແບ່ງບາງສ່ວນໃຫ້ພວກນັກຮ້ອງ+ແລະພວກຄົນຍາມປະຕູ+ຕາມທີ່ເຂົາເຈົ້າຈຳເປັນຕ້ອງໄດ້ຮັບໃນແຕ່ລະມື້. ນອກຈາກນັ້ນ ພວກອິດສະຣາເອນຍັງຕ້ອງເອົາ 1 ສ່ວນ 10 ໃຫ້ພວກເລວີ+ ແລະພວກເລວີຕ້ອງເອົາ 1 ສ່ວນ 10 ຈາກສິ່ງທີ່ເຂົາເຈົ້າໄດ້ຮັບໃຫ້ພວກລູກຫຼານຂອງອາໂຣນ.
ຂໍ
^ ຫຼືອາດແປວ່າ “ຢືນຢູ່ກົງກັນຂ້າມກັນຕອນທີ່ຮ້ອງເພງ”
^ ເບິ່ງຄືວ່າໃນສຳເນົາເກົ່າແກ່ຂອງພະຄຳພີພາກພາສາເຮັບເຣີບໍ່ມີຊື່ຢູ່ບ່ອນນີ້
^ ອາດໝາຍເຖິງກະສັດດາຣິອຸດທີ 2
^ ຫຼື “ພວກນັກຮ້ອງທີ່ຖືກຝຶກມາຢ່າງດີ”
^ ໝາຍເຖິງເຂດທີ່ຢູ່ອ້ອມແອ້ມແມ່ນ້ຳຈໍແດນ
