ເນເຮມີຢາ 3:1-32
-
ແປງກຳແພງຄືນໃໝ່ (1-32)
3 ປະໂລຫິດໃຫຍ່ເອລີຢາຊິບ+ກັບພວກປະໂລຫິດຄົນອື່ນໆທີ່ເປັນພີ່ນ້ອງຂອງລາວໄດ້ເຮັດປະຕູແກະ.+ ເຂົາເຈົ້າອຸທິດປະຕູນີ້+ໃຫ້ພະເຈົ້າ ແລ້ວກໍເອົາບານປະຕູມາໃສ່. ເຂົາເຈົ້າອຸທິດຕັ້ງແຕ່ປະຕູແກະຈົນຮອດປ້ອມເມອາ+ແລະປ້ອມຮານາເນນ.+
2 ພວກທີ່ແປງກຳແພງຢູ່ທາງຂ້າງເຂົາເຈົ້າແມ່ນຄົນເມືອງເຢຣິໂກ.+ ພວກທີ່ແປງກຳແພງຢູ່ທາງຂ້າງຄົນເມືອງເຢຣິໂກແມ່ນຊາກູເຣລູກຊາຍຂອງອິມຣີ.
3 ລູກຫຼານຂອງຮັດເສນາອາໄດ້ເຮັດປະຕູປາ.+ ເຂົາເຈົ້າຕັ້ງວົງກົບທີ່ເປັນໄມ້+ ແລ້ວເອົາບານປະຕູ ລ໋ອກ ແລະກອນປະຕູມາໃສ່.
4 ພວກທີ່ແປງກຳແພງຢູ່ທາງຂ້າງເຂົາເຈົ້າແມ່ນເມເຣໂມດ+ລູກຊາຍຂອງອຸຣີຢາຫຼານຊາຍຂອງຮັກກົດ. ພວກທີ່ແປງກຳແພງຢູ່ທາງຂ້າງລາວແມ່ນເມຊຸນລຳ+ລູກຊາຍຂອງເບເຣກີຢາຫຼານຊາຍຂອງເມເຊດຊາເບນ. ພວກທີ່ແປງກຳແພງຢູ່ທາງຂ້າງລາວແມ່ນຊາໂດກລູກຊາຍຂອງບາອານາ.
5 ພວກທີ່ແປງກຳແພງຢູ່ທາງຂ້າງລາວແມ່ນຄົນເຕໂກອາ.+ ແຕ່ພວກທີ່ມີຕຳແໜ່ງສູງບໍ່ຍອມເຮັດວຽກຕາມທີ່ຜູ້ເບິ່ງແຍງວຽກສັ່ງ.
6 ໂຢຢາດາລູກຊາຍຂອງປາເສອາແລະເມຊຸນລຳລູກຊາຍຂອງເບໂສເດຢາໄດ້ແປງປະຕູເມືອງເກົ່າ.+ ເຂົາເຈົ້າຕັ້ງວົງກົບທີ່ເປັນໄມ້ ແລ້ວເອົາບານປະຕູ ລ໋ອກ ແລະກອນປະຕູມາໃສ່.
7 ພວກທີ່ແປງກຳແພງຢູ່ທາງຂ້າງເຂົາເຈົ້າແມ່ນເມລາຕີຢາທີ່ມາຈາກກິເບໂອນ+ແລະຢາໂດນທີ່ມາຈາກເມໂຣໂນດ. ສອງຄົນນີ້ເປັນຄົນກິເບໂອນແລະເປັນຄົນມິດຊະປາ+ທີ່ຢູ່ໃຕ້ການປົກຄອງຂອງເຈົ້າແຂວງໃນເຂດທີ່ຢູ່ທາງທິດຕາເວັນຕົກຂອງແມ່ນ້ຳເອິຟາຣາດ.+
8 ຜູ້ທີ່ແປງກຳແພງຢູ່ທາງຂ້າງເຂົາເຈົ້າແມ່ນອຸດຊີເອນທີ່ເປັນຊ່າງຕີຄຳແລະເປັນລູກຊາຍຂອງຮາຮາຢາ. ຜູ້ທີ່ແປງກຳແພງຢູ່ທາງຂ້າງລາວແມ່ນຮານານີຢາທີ່ເປັນຊ່າງປຸງນ້ຳມັນຫອມ. ສອງຄົນນີ້ກັບພວກຄົນທີ່ເຮັດວຽກນຳເຂົາເຈົ້າໄດ້ເອົາຫີນກ້ອນໃຫຍ່ໆມາປູພື້ນບ່ອນໜຶ່ງຂອງເມືອງເຢຣູຊາເລັມໄປຈົນຮອດກຳແພງທີ່ຊື່ວ່າກຳແພງກວ້າງ.+
9 ຜູ້ທີ່ແປງກຳແພງຢູ່ທາງຂ້າງລາວແມ່ນເຣຟາຢາ. ລາວເປັນລູກຊາຍຂອງຮູເຣແລະລາວປົກຄອງເຄິ່ງໜຶ່ງຂອງເຂດທີ່ຊື່ເຢຣູຊາເລັມ.
10 ຜູ້ທີ່ແປງກຳແພງຢູ່ທາງຂ້າງລາວແມ່ນເຢດາຢາລູກຊາຍຂອງຮາຣຸມັບ. ເຢດາຢາແປງກຳແພງສ່ວນທີ່ຢູ່ຕໍ່ໜ້າເຮືອນຂອງລາວ. ຜູ້ທີ່ແປງກຳແພງຢູ່ທາງຂ້າງລາວແມ່ນຮັດຕຸຊະລູກຊາຍຂອງຮາຊັບເນຢາ.
11 ມັນກີຢາລູກຊາຍຂອງຮາຣີມ+ແລະຮັດຊຸບລູກຊາຍຂອງປາຮາດໂມອາບ+ແປງກຳແພງອີກສ່ວນໜຶ່ງກັບແປງປ້ອມເຕົາອົບ.+
12 ຜູ້ທີ່ແປງກຳແພງຢູ່ທາງຂ້າງເຂົາເຈົ້າແມ່ນຊາລຶມ. ລາວເປັນລູກຊາຍຂອງຮັນໂລແລະລາວປົກຄອງອີກເຄິ່ງໜຶ່ງຂອງເຂດທີ່ຊື່ເຢຣູຊາເລັມ. ພວກລູກສາວຂອງລາວກໍຊ່ວຍລາວເຮັດວຽກ.
13 ຮານຸນກັບຄົນໃນເມືອງຊາໂນອາ+ແປງປະຕູຮ່ອມພູ.+ ເຂົາເຈົ້າເອົາບານປະຕູ ລ໋ອກ ແລະກອນປະຕູມາໃສ່. ເຂົາເຈົ້າແປງກຳແພງຈົນຮອດປະຕູກອງຂີ້ເທົ່າ. ກຳແພງສ່ວນທີ່ເຂົາເຈົ້າແປງນັ້ນຍາວ 1.000 ສອກ.*+
14 ມັນກີຢາແປງປະຕູກອງຂີ້ເທົ່າ ແລ້ວເອົາບານປະຕູ ລ໋ອກ ແລະກອນປະຕູມາໃສ່. ລາວເປັນລູກຊາຍຂອງເຣກາບແລະລາວປົກຄອງເຂດເບັດຮັກເຄເຣັມ.+
15 ຊັນລູນແປງປະຕູນ້ຳພຸ.+ ລາວເປັນລູກຊາຍຂອງໂກນໂຮເຊແລະລາວປົກຄອງເຂດມິດຊະປາ.+ ລາວເຮັດຫຼັງຄາໃສ່ເທິງປະຕູ ແລ້ວເອົາບານປະຕູ ລ໋ອກ ແລະກອນປະຕູມາໃສ່. ລາວຍັງໄດ້ແປງກຳແພງທີ່ຢູ່ໃກ້ສະນ້ຳເຊລາ*+ໄປຈົນຮອດສວນຂອງກະສັດ+ ແລະຈົນຮອດຕີນຂັ້ນໄດ+ທີ່ຂຶ້ນໄປເມືອງຂອງດາວິດ.+
16 ຜູ້ທີ່ແປງກຳແພງຢູ່ທາງຂ້າງລາວແມ່ນເນເຮມີຢາ. ລາວເປັນລູກຊາຍຂອງອັດຊະບຸກແລະລາວປົກຄອງເຄິ່ງໜຶ່ງຂອງເຂດທີ່ຊື່ເບັດຊູຣາ.+ ເນເຮມີຢາແປງກຳແພງຕັ້ງແຕ່ບ່ອນຝັງສົບຂອງດາວິດ+ໄປຈົນຮອດສະນ້ຳ+ທີ່ຂຸດເອົາແລະໄປຈົນຮອດເຮືອນພວກນັກຮົບ.
17 ພວກທີ່ແປງກຳແພງຢູ່ທາງຂ້າງລາວແມ່ນພວກເລວີ. ເຣຮູມລູກຊາຍຂອງບານີເປັນຜູ້ເບິ່ງແຍງເຂົາເຈົ້າ. ຜູ້ທີ່ແປງກຳແພງຢູ່ທາງຂ້າງເຣຮູມແມ່ນຮາຊາບີຢາ. ລາວປົກຄອງເຄິ່ງໜຶ່ງຂອງເຂດທີ່ຊື່ເກອີລາ+ ແລະລາວເປັນຕົວແທນຈາກເຂດນັ້ນເພື່ອມາເຮັດວຽກນີ້.
18 ພວກທີ່ແປງກຳແພງຢູ່ທາງຂ້າງລາວແມ່ນພວກພີ່ນ້ອງຂອງເຂົາເຈົ້າ. ບາວາຍເປັນຜູ້ເບິ່ງແຍງຄົນເຫຼົ່ານັ້ນ. ລາວເປັນລູກຊາຍຂອງເຮນາດາດແລະລາວປົກຄອງອີກເຄິ່ງໜຶ່ງຂອງເຂດທີ່ຊື່ເກອີລາ.
19 ຜູ້ທີ່ແປງກຳແພງຢູ່ທາງຂ້າງລາວແມ່ນເອເຊ. ລາວເປັນລູກຊາຍຂອງເຢຊູອາ+ແລະລາວປົກຄອງເມືອງມິດຊະປາ. ເອເຊແປງກຳແພງສ່ວນທີ່ຢູ່ຕໍ່ໜ້າທາງຂຶ້ນໄປບ່ອນມ້ຽນອາວຸດທີ່ຢູ່ແນວຄ້ຳກຳແພງ.+
20 ຜູ້ທີ່ແປງກຳແພງຢູ່ທາງຂ້າງລາວແມ່ນບາຣຸກລູກຊາຍຂອງຊັບບາຍ.+ ລາວເຮັດວຽກຢ່າງຫ້າວຫັນ. ບາຣຸກແປງຕັ້ງແຕ່ສ່ວນທີ່ເປັນແນວຄ້ຳກຳແພງໄປຈົນຮອດທາງເຂົ້າເຮືອນຂອງປະໂລຫິດໃຫຍ່ເອລີຢາຊິບ.+
21 ຜູ້ທີ່ແປງກຳແພງຢູ່ທາງຂ້າງລາວແມ່ນເມເຣໂມດ+ລູກຊາຍຂອງອຸຣີຢາຫຼານຊາຍຂອງຮັກກົດ. ລາວແປງກຳແພງຕັ້ງແຕ່ສ່ວນທີ່ຢູ່ທາງເຂົ້າເຮືອນຂອງເອລີຢາຊິບໄປຈົນສຸດເຮືອນ.
22 ພວກທີ່ແປງກຳແພງຢູ່ທາງຂ້າງລາວແມ່ນພວກປະໂລຫິດທີ່ຢູ່ເຂດແມ່ນ້ຳຈໍແດນ.*+
23 ພວກທີ່ແປງກຳແພງຢູ່ທາງຂ້າງເຂົາເຈົ້າແມ່ນເບັນຢາມິນແລະຮັດຊຸບ. ເຂົາເຈົ້າແປງສ່ວນທີ່ຢູ່ຕໍ່ໜ້າເຮືອນຂອງໂຕເອງ. ຜູ້ທີ່ແປງກຳແພງຢູ່ທາງຂ້າງເຂົາເຈົ້າແມ່ນອາຊາຣີຢາລູກຊາຍຂອງມາອາເສຢາຫຼານຊາຍຂອງອານານີຢາ. ລາວແປງສ່ວນທີ່ຢູ່ໃກ້ເຮືອນຂອງລາວ.
24 ຜູ້ທີ່ແປງກຳແພງຢູ່ທາງຂ້າງອາຊາຣີຢາແມ່ນບິນນຸຍລູກຊາຍຂອງເຮນາດາດ. ລາວແປງຕັ້ງແຕ່ເຮືອນຂອງອາຊາຣີຢາໄປຈົນຮອດແນວຄ້ຳກຳແພງ+ແລະຈົນຮອດແຈກຳແພງ.
25 ຜູ້ທີ່ແປງກຳແພງຢູ່ທາງຂ້າງບິນນຸຍແມ່ນປາລານລູກຊາຍຂອງອູຊາຍ. ລາວແປງສ່ວນທີ່ຢູ່ຕໍ່ໜ້າແນວຄ້ຳກຳແພງແລະປ້ອມທີ່ຕິດຢູ່ກັບວັງກະສັດ+ເຊິ່ງເປັນສ່ວນໜຶ່ງຂອງເດີ່ນທະຫານປ້ອງກັນໂຕກະສັດ.+ ຜູ້ທີ່ແປງກຳແພງຢູ່ທາງຂ້າງປາລານແມ່ນເປດາຢາລູກຊາຍຂອງປາຣົດ.+
26 ພວກທີ່ແປງກຳແພງຢູ່ທາງຂ້າງເປດາຢາແມ່ນຄົນຮັບໃຊ້ໃນວິຫານ*+ທີ່ອາໄສຢູ່ໂອເຟນ.+ ເຂົາເຈົ້າແປງໄປຈົນຮອດທາງໜ້າຂອງປະຕູນ້ຳ+ທີ່ຢູ່ທາງທິດຕາເວັນອອກແລະຈົນຮອດປ້ອມທີ່ກາຍກຳແພງອອກມາ.
27 ພວກທີ່ແປງກຳແພງຢູ່ທາງຂ້າງເຂົາເຈົ້າແມ່ນພວກເຕໂກອາ.+ ເຂົາເຈົ້າແປງຕັ້ງແຕ່ປ້ອມໃຫຍ່ທີ່ກາຍກຳແພງອອກມາໄປຈົນຮອດກຳແພງໂອເຟນ.
28 ພວກປະໂລຫິດແປງກຳແພງທີ່ຢູ່ເທິງປະຕູມ້າ+ ແລະແຕ່ລະຄົນກໍແປງສ່ວນທີ່ຢູ່ຕໍ່ໜ້າເຮືອນຂອງໂຕເອງນຳ.
29 ຜູ້ທີ່ແປງກຳແພງຢູ່ທາງຂ້າງເຂົາເຈົ້າແມ່ນຊາໂດກ+ລູກຊາຍຂອງອິມເມ. ລາວແປງສ່ວນທີ່ຢູ່ໜ້າເຮືອນຂອງໂຕເອງ.
ຜູ້ທີ່ແປງກຳແພງຢູ່ທາງຂ້າງຊາໂດກແມ່ນເຊມາຢາ. ລາວເປັນລູກຊາຍຂອງເຊການີອາແລະເປັນຄົນຍາມປະຕູທີ່ຢູ່ທາງທິດຕາເວັນອອກ.+
30 ພວກທີ່ແປງກຳແພງຢູ່ທາງຂ້າງເຊມາຢາແມ່ນຮານານີຢາລູກຊາຍຂອງເຊເລມີຢາ ແລະຮານຸນລູກຊາຍຜູ້ທີ 6 ຂອງຊາລາບ.
ຜູ້ທີ່ແປງກຳແພງຢູ່ທາງຂ້າງຮານຸນແມ່ນເມຊຸນລຳ+ລູກຊາຍຂອງເບເຣກີຢາ. ລາວແປງສ່ວນທີ່ຢູ່ຕໍ່ໜ້າເຮືອນ*ຂອງໂຕເອງ.
31 ຜູ້ທີ່ແປງກຳແພງຢູ່ທາງຂ້າງເມຊຸນລຳແມ່ນມັນກີຢາທີ່ເປັນຊ່າງຕີຄຳ. ລາວແປງຈົນຮອດໜ້າເຮືອນຂອງຄົນຮັບໃຊ້ໃນວິຫານ+ ຮອດໜ້າເຮືອນຂອງພວກພໍ່ຄ້າ ຮອດໜ້າປະຕູກວດກາ ແລະຈົນຮອດຫ້ອງທີ່ຢູ່ເທິງແຈກຳແພງ.
32 ພວກຊ່າງຕີຄຳກັບພວກພໍ່ຄ້າແປງກຳແພງຕັ້ງແຕ່ຫ້ອງທີ່ຢູ່ເທິງແຈກຳແພງຈົນຮອດປະຕູແກະ.+
ຂໍ ຄວາມ ໄຂ ເງື່ອນ
^ 445 ແມັດ. ເບິ່ງພາກຜະໜວກ ຂ14.
^ ແປວ່າ “ຮ່ອງ.” ນ້ຳໃນສະນີ້ໄຫຼມາຈາກຮ່ອງ.
^ ຫຼືອາດແປວ່າ “ທີ່ຢູ່ເຂດໃກ້ໆ”
^ ຫຼື “ພວກເນທິນິມ.” ແປຕາມໂຕວ່າ “ຜູ້ທີ່ຖືກມອບໄວ້.”
^ ຫຼື “ຢູ່ຕໍ່ໜ້າຫ້ອງ”