ເພງຂອງໂຊໂລໂມນ 1:1-17
-
ເພງທີ່ມ່ວນທີ່ສຸດ (1)
-
ສາວເມືອງຊູເລມ (2-7)
-
ຜູ້ຍິງເມືອງເຢຣູຊາເລັມ (8)
-
ກະສັດ (9-11)
-
‘ພວກເຮົາຈະເຮັດຜ້າມັດຫົວທີ່ເປັນຄຳໃຫ້ເຈົ້າ’ (11)
-
-
ສາວເມືອງຊູເລມ (12-14)
-
“ຄົນຮັກຂອງຂ້ອຍເປັນຄືກັບຖົງມົດຍອບທີ່ຫອມໆ” (13)
-
-
ຄົນລ້ຽງແກະ (15)
-
“ທີ່ຮັກຂອງອ້າຍ ນ້ອງເປັນຄົນງາມຫຼາຍ”
-
-
ສາວເມືອງຊູເລມ (16, 17)
-
‘ທີ່ຮັກຂອງນ້ອງ ອ້າຍເປັນຄົນຫຼໍ່ຫຼາຍ’ (16)
-
1 ນີ້ແມ່ນເພງທີ່ມ່ວນທີ່ສຸດທີ່ໂຊໂລໂມນແຕ່ງ.+
2 “ຈູບນ້ອງແມ້ ເອົາປາກຂອງອ້າຍມາຈູບນ້ອງແມ້.ຄວາມຮັກທີ່ອ້າຍມີຕໍ່ນ້ອງນັ້ນດີກວ່າເຫຼົ້າແວງອີກ.+
3 ກິ່ນນ້ຳມັນຫອມຂອງອ້າຍເຮັດໃຫ້ສົດຊື່ນ.+
ຊື່ຂອງອ້າຍເປັນຄືກັບນ້ຳມັນຫອມທີ່ຖືກເທໃສ່ຫົວ.+
ສົມພໍພວກຜູ້ສາວຈຶ່ງມັກອ້າຍຫຼາຍ.
4 ກະສັດໄດ້ພານ້ອງເຂົ້າໄປໃນຫ້ອງຂອງລາວແລ້ວ.
ໃຫ້ອ້າຍມາພານ້ອງໜີໄປ.
ໃຫ້ພວກເຮົາໄປມີຄວາມສຸກນຳກັນ
ແລະເວົ້າເຖິງຄວາມຮັກທີ່ອ້າຍມີຕໍ່ນ້ອງເຊິ່ງເຮັດໃຫ້ສົດຊື່ນຫຼາຍກວ່າໄດ້ກິນເຫຼົ້າແວງ.
ຍ້ອນແນວນີ້ ພວກຜູ້ສາວຈຶ່ງມັກອ້າຍຫຼາຍ.
5 ຜູ້ຍິງເມືອງເຢຣູຊາເລັມເອີ້ຍ ເຖິງວ່າຂ້ອຍຈະດຳແຕ່ຂ້ອຍກໍງາມ.ຂ້ອຍງາມຄືກັບເຕັ້ນຂອງຄົນເກດາ+ແລະງາມຄືກັບຜ້າເຕັ້ນ+ຂອງໂຊໂລໂມນ.
6 ຢ່າແນມເບິ່ງຂ້ອຍຍ້ອນວ່າຂ້ອຍດຳ.ຂ້ອຍດຳກໍຍ້ອນຕາກແດດ.
ພວກອ້າຍຂອງຂ້ອຍໃຈຮ້າຍໃຫ້ຂ້ອຍເຂົາເຈົ້າຈຶ່ງໃຫ້ຂ້ອຍໄປເບິ່ງແຍງສວນໝາກລະແຊັງແຕ່ສວນໝາກລະແຊັງຂອງຂ້ອຍ ຂ້ອຍພັດບໍ່ໄດ້ເບິ່ງແຍງ.
7 ສຸດທີ່ຮັກຂອງນ້ອງ ບອກນ້ອງແດ່ວ່າອ້າຍພາຝູງແກະໄປກິນຫຍ້າຢູ່ໃສ?+ຕອນສວາຍອ້າຍໃຫ້ພວກມັນໄປນອນຢູ່ໃສ?
ເປັນຫຍັງນ້ອງຕ້ອງເປັນຄືກັບຜູ້ຍິງທີ່ເອົາຜ້າປົກໜ້າ*ທີ່ຍ່າງຢູ່ທ່າມກາງຝູງແກະຂອງໝູ່ອ້າຍ?”
8 “ຜູ້ຍິງທີ່ງາມທີ່ສຸດເອີ້ຍຖ້າເຈົ້າບໍ່ຮູ້ ໃຫ້ເຈົ້າຍ່າງນຳຮອຍຕີນຝູງແກະໄປແລະເອົາແບ້ນ້ອຍຂອງເຈົ້າໄປກິນຫຍ້າຢູ່ໃກ້ໆເຕັ້ນຂອງຄົນລ້ຽງແກະແມ້.”
9 “ທີ່ຮັກຂອງຂ້ອຍ ເຈົ້າເປັນຄືກັບມ້າງາມໆໃນທ່າມກາງມ້າທີ່ແກ່ລົດຮົບຂອງຟາໂຣ.*+
10 ແກ້ມຂອງເຈົ້າງາມດ້ວຍເຄື່ອງປະດັບ*ແລະຄໍຂອງເຈົ້າງາມດ້ວຍສາຍຄໍໝາກຕຸ້ມ.
11 ພວກເຮົາຈະເຮັດຜ້າມັດຫົວທີ່ເປັນຄຳເຊິ່ງປະດັບດ້ວຍໝາກຕຸ້ມເງິນໃຫ້ເຈົ້າ.”
12 “ເຖິງວ່າຂ້ອຍຈະນັ່ງຢູ່ໂຕະນຳກະສັດແຕ່ກິ່ນນ້ຳຫອມຂອງຂ້ອຍ+ກໍແມ່ນສຳລັບຄົນທີ່ຂ້ອຍຮັກ.
13 ຄົນຮັກຂອງຂ້ອຍເປັນຄືກັບຖົງມົດຍອບ*ທີ່ຫອມໆ+ທີ່ວາງໄວ້ຢູ່ເທິງເອິກຂ້ອຍໝົດຄືນ.
14 ຄົນຮັກຂອງຂ້ອຍຫອມຄືກັບຕົ້ນເຮນນາ*+ເຊິ່ງຢູ່ກາງສວນໝາກລະແຊັງໃນເມືອງເອັນເກດີ.”+
15 “ທີ່ຮັກຂອງອ້າຍ ນ້ອງເປັນຄົນງາມຫຼາຍ.
ນ້ອງງາມແທ້ໆ ຕາຂອງນ້ອງຄືກັບຕາຂອງນົກເຂົາ.”+
16 “ທີ່ຮັກຂອງນ້ອງ ອ້າຍເປັນຄົນຫຼໍ່ແລະມີສະເໜ່ຫຼາຍ.+
ຫຍ້າສີຂຽວເປັນບ່ອນນອນຂອງພວກເຮົາ.
17 ໄມ້ຊີດ້າ*ເປັນຄືເຮືອນຂອງພວກເຮົາແລະໄມ້ຈູນິເປີ້*ເປັນເພດານເຮືອນຂອງພວກເຮົາ.”
ຂໍ
^ ຫຼື “ເອົາຜ້າປົກໜ້າໄວ້ທຸກມາໃສ່”
^ ນີ້ແມ່ນຕຳແໜ່ງກະສັດຂອງເອຢິບ
^ ຫຼືອາດແປວ່າ “ທ່າມກາງຜົມທີ່ເປຍ”
^ ເບິ່ງສ່ວນອະທິບາຍຄຳສັບ
^ ພືດຊະນິດໜຶ່ງທີ່ມີດອກຫອມແລະໃບຂອງມັນໃຊ້ເຮັດສີຍ້ອມສີນ້ຳຕານແດງ
^ ໄມ້ແປກຊະນິດໜຶ່ງ
^ ໄມ້ແປກຊະນິດໜຶ່ງ
