ເພງຂອງໂຊໂລໂມນ 3:1-11
3 “ຂ້ອຍນອນຄິດຮອດຄົນຮັກຂອງຂ້ອຍໝົດຄືນ.ຂ້ອຍຢາກເຈິຄົນຮັກຂອງຂ້ອຍ.+
ຂ້ອຍຢາກພົບລາວ ແຕ່ຊອກຫາລາວບໍ່ເຫັນ.+
2 ຂ້ອຍຈະລຸກຂຶ້ນແລະໄປທົ່ວເມືອງໄປຕາມຫົນທາງແລະຕາມເດີ່ນຂອງເມືອງ.ຂ້ອຍຈະຊອກຫາຄົນຮັກຂອງຂ້ອຍ.
ຂ້ອຍຢາກພົບລາວ ແຕ່ຊອກຫາລາວບໍ່ເຫັນ.
3 ພວກຄົນຍາມທີ່ຍ່າງກວດເບິ່ງຢູ່ອ້ອມເມືອງເຫັນຂ້ອຍ+ ຂ້ອຍຈຶ່ງຖາມເຂົາເຈົ້າວ່າ:
‘ພວກເຈົ້າເຫັນຄົນຮັກຂອງຂ້ອຍບໍ່?’
4 ເມື່ອຍ່າງກາຍເຂົາເຈົ້າໄປໄດ້ໜ້ອຍໜຶ່ງຂ້ອຍກໍເຈິຄົນຮັກຂອງຂ້ອຍ.
ຂ້ອຍກອດລາວໄວ້ແລະບໍ່ປ່ອຍລາວໄປໃສຈົນກວ່າຂ້ອຍຈະພາລາວໄປເຮືອນແມ່ຂອງຂ້ອຍ+ແລະເຂົ້າໄປໃນຫ້ອງຂອງຜູ້ທີ່ໄດ້ເກີດຂ້ອຍ.
5 ຜູ້ຍິງເມືອງເຢຣູຊາເລັມເອີ້ຍຂ້ອຍຂໍໃຫ້ພວກເຈົ້າສາບານໂດຍອ້າງກວາງໂຕແມ່ໃນທົ່ງຫຍ້າວ່າ
ພວກເຈົ້າຈະບໍ່ຍົວະຂ້ອຍໃຫ້ຮັກຜູ້ໃດຜູ້ໜຶ່ງ ແຕ່ປ່ອຍໃຫ້ຄວາມຮັກເກີດຂຶ້ນເອງ.”+
6 “ແມ່ນຫຍັງທີ່ລອຍຂຶ້ນມາຈາກບ່ອນກັນດານທີ່ເປັນຄືກັບຄວັນມັນຫອມຄືກັບມົດຍອບ*ແລະຄືກັບກຳຍານ*ແລະຫອມຄືກັບນ້ຳຫອມທີ່ພວກພໍ່ຄ້າຂາຍ?”+
7 “ເບິ່ງກ້ຽວນັ່ງ*ຂອງໂຊໂລໂມນແມ້!
ມີທະຫານທີ່ເກັ່ງໆຫົກສິບຄົນຢູ່ອ້ອມມັນ.ເຂົາເຈົ້າເປັນທະຫານຂອງອິດສະຣາເອນທີ່ເກັ່ງຫຼາຍ.+
8 ເຂົາເຈົ້າມີດາບເປັນອາວຸດແລະຖືກຝຶກໃຫ້ເຮັດສົງຄາມ.ທຸກຄົນມີດາບເໜັບຢູ່ແອວເພື່ອເອົາໄວ້ປ້ອງກັນໂຕເອງຈາກອັນຕະລາຍໃນຕອນກາງຄືນ.”
9 “ນັ້ນແມ່ນກ້ຽວນັ່ງຂອງກະສັດໂຊໂລໂມນ.ລາວເຮັດຕັ່ງນີ້ສຳລັບໂຕເອງຈາກໄມ້ຢູ່ເລບານອນ.+
10 ຂາຂອງກ້ຽວນັ່ງເປັນເງິນບ່ອນອີງເປັນຄຳ
ບ່ອນນັ່ງເປັນດ້າຍຂົນແກະທີ່ຍ້ອມສີມ່ວງແລະທາງໃນຂອງກ້ຽວນັ່ງນັ້ນຕົກແຕ່ງດ້ວຍຄວາມຮັກໂດຍພວກຜູ້ຍິງເມືອງເຢຣູຊາເລັມ.”
11 “ຜູ້ຍິງເມືອງຊີໂອນເອີ້ຍ ອອກໄປແມ້!ໄປເບິ່ງກະສັດໂຊໂລໂມນ.ລາວໃສ່ມົງກຸດ*ທີ່ແມ່+ເຮັດໃຫ້ໃນມື້ທີ່ລາວແຕ່ງດອງ.ໃນມື້ນັ້ນ ລາວມີຄວາມສຸກຫຼາຍ.”
ຂໍ ຄວາມ ໄຂ ເງື່ອນ
^ ເບິ່ງສ່ວນອະທິບາຍຄຳສັບ
^ ເບິ່ງສ່ວນອະທິບາຍຄຳສັບ
^ ຕັ່ງນັ່ງຫຼືຕຽງນອນທີ່ມີຫຼັງຄາແລະໃຊ້ຄົນຫາມ. ຕັ່ງນີ້ແມ່ນສຳລັບຄົນທີ່ມີຕຳແໜ່ງສູງ.
^ ອາດໝາຍເຖິງມົງກຸດທີ່ເຮັດຈາກດອກໄມ້ຫຼືໃບໄມ້