ເພງຂອງໂຊໂລໂມນ 4:1-16
4 “ທີ່ຮັກຂອງອ້າຍເອີ້ຍ ນ້ອງເປັນຄົນງາມຫຼາຍ.
ນ້ອງງາມແທ້ໆ.
ຕາຂອງນ້ອງທີ່ຢູ່ທາງໃນຜ້າປົກໜ້າຄືກັບຕາຂອງນົກເຂົາ.
ຜົມຂອງນ້ອງຄືກັບຝູງແບ້ທີ່ລົງມາຈາກພູຕ່າງໆຂອງເມືອງກິລຽດ.+
2 ແຂ້ວນ້ອງຂາວແລະງາມຄືກັບຝູງແກະທີ່ຫາກໍຕັດຂົນຄືກັບຝູງແກະທີ່ຫາກໍອາບນ້ຳແລ້ວ.ແຂ້ວຂອງນ້ອງທຸກເຫຼັ້ມລຽນເປັນລະບຽບແລະຊື່ກັນດີມັນຢູ່ຄົບທຸກເຫຼັ້ມ.
3 ສົບຂອງນ້ອງແດງຄືກັບດ້າຍສີແດງສົດແລະຄຳເວົ້າຂອງນ້ອງກໍມ່ວນຫຼາຍ.
ແກ້ມຂອງນ້ອງທີ່ຢູ່ທາງໃນຜ້າປົກໜ້າຄືກັບໝາກພິລາຜ່າເຄິ່ງ.
4 ຄໍຂອງນ້ອງ+ຄືກັບປ້ອມທີ່ສູງໆຂອງດາວິດ+ທີ່ສ້າງດ້ວຍຫີນທີ່ຢອງກັນຂຶ້ນຢ່າງເປັນລະບຽບແລະມີໂລ້ມົນໆໜຶ່ງພັນອັນຫ້ອຍໃສ່ເຊິ່ງທັງໝົດເປັນໂລ້ຂອງພວກທະຫານທີ່ເກັ່ງໆ.+
5 ໜ້າເອິກຂອງນ້ອງຄືກັບກວາງນ້ອຍສອງໂຕເປັນກວາງນ້ອຍຝາແຝດ+ທີ່ກິນຫຍ້າຢູ່ທ່າມກາງຕົ້ນດອກລິນລີ້.
6 “ຕອນທີ່ຍັງມີລົມພັດຄ່ອຍໆແລະຍັງບໍ່ທັນແຈ້ງຂ້ອຍຈະໄປໂນນພູມົດຍອບແລະຈະໄປໂນນພູກຳຍານ.”+
7 “ທີ່ຮັກຂອງອ້າຍ ນ້ອງງາມຫຼາຍແທ້ໆ.+ນ້ອງງາມບໍ່ມີບ່ອນຕິເລີຍ.
8 ເຈົ້າສາວຂອງອ້າຍ ອອກມາຈາກເລບານອນ+ນຳອ້າຍອອກມາຈາກເລບານອນນຳອ້າຍແມ້.
ລົງມາຈາກຈອມພູອາມານາ*ຈອມພູເສນີແລະຈອມພູເຮີໂມນ.+ອອກມາຈາກຖ້ຳທີ່ສິງຢູ່ແລະອອກມາຈາກພູທີ່ເສືອດາວຢູ່.
9 ທີ່ຮັກຂອງອ້າຍ ເຈົ້າສາວຂອງອ້າຍເອີ້ຍ! ນ້ອງໄດ້ປຸ້ນເອົາຫົວໃຈຂອງອ້າຍໄປແລ້ວ.+ນ້ອງປຸ້ນເອົາຫົວໃຈຂອງອ້າຍໄປດ້ວຍສາຍຕາພຽງແວັບດຽວເທົ່ານັ້ນ.ພຽງແຕ່ເຫັນກີ້ສາຍຂໍຂອງນ້ອງ ຫົວໃຈອ້າຍກໍເຕັ້ນແຮງແລ້ວ.
10 ທີ່ຮັກຂອງອ້າຍ ເຈົ້າສາວຂອງອ້າຍເອີ້ຍ! ຄວາມຮັກຂອງນ້ອງເຮັດໃຫ້ອ້າຍສົດຊື່ນແທ້ໆ.+
ຄວາມຮັກຂອງນ້ອງເຮັດໃຫ້ອ້າຍສົດຊື່ນຫຼາຍກວ່າເຫຼົ້າແວງອີກ+ແລະກິ່ນນ້ຳຫອມຂອງນ້ອງກໍຫອມກວ່າເຄື່ອງເທດທຸກຊະນິດ.+
11 ທີ່ຮັກຂອງອ້າຍ ປາກຂອງນ້ອງຫວານຄືກັບນ້ຳເຜີ້ງທີ່ຍ້ອຍຈາກຮັງ.+
ລີ້ນຂອງນ້ອງຫວານຄືກັບນົມແລະນ້ຳເຜີ້ງ.+ເຄື່ອງນຸ່ງຂອງນ້ອງຫອມຄືກັບກິ່ນຫອມຈາກປ່າເລບານອນ.
12 ທີ່ຮັກຂອງອ້າຍ ເຈົ້າສາວຂອງອ້າຍເອີ້ຍ! ນ້ອງເປັນຄືກັບສວນທີ່ມີຮົ້ວອ້ອມໄວ້.ນ້ອງເປັນຄືກັບສວນທີ່ມີຮົ້ວອ້ອມໄວ້ແລະເປັນຄືກັບນ້ຳອອກບໍ່ທີ່ສະຫງວນໄວ້.
13 ນ້ອງ*ເປັນຄືກັບສວນທີ່ມີຕົ້ນໝາກພິລາທີ່ເປັນໝາກດົກແລະແຊບມີຕົ້ນເຮນນາ* ມີພືດທີ່ມີກິ່ນຫອມ*
14 ມີດອກໄມ້ທີ່ຫອມ*+ ຕົ້ນອໍ້ຫອມ+ ຕົ້ນອົບເຊີຍ*+ຕົ້ນກຳຍານ*ທຸກຊະນິດ ຕົ້ນມົດຍອບ* ຕົ້ນເກດສະໜາ+ແລະຍັງມີຕົ້ນພືດຕ່າງໆທີ່ມີກິ່ນຫອມທີ່ສຸດ.+
15 ນ້ອງເປັນຄືກັບນ້ຳອອກບໍ່ທີ່ຢູ່ໃນສວນ ເປັນຄືກັບນ້ຳສ້າງທີ່ສະອາດແລະເປັນຄືກັບແມ່ນ້ຳທີ່ໄຫຼມາຈາກເລບານອນ.+
16 ລົມຈາກທິດເໜືອເອີ້ຍ ຕື່ນແມ້!ລົມຈາກທິດໃຕ້ເອີ້ຍ ມາແມ້!
ໃຫ້ພັດຄ່ອຍໆມາສວນຂອງຂ້ອຍ
ໃຫ້ກິ່ນຫອມໆທີ່ຢູ່ສວນລອຍໄປ.”
“ຂ້ອຍຢາກໃຫ້ຄົນຮັກຂອງຂ້ອຍເຂົ້າມາໃນສວນຂອງລາວແລະກິນໝາກໄມ້ທີ່ແຊບທີ່ສຸດ.”
ຂໍ
^ ຫຼື “ແອນຕິເລບານອນ”
^ ຫຼືອາດແປວ່າ “ຜິວຂອງນ້ອງ”
^ ພືດຊະນິດໜຶ່ງທີ່ມີດອກຫອມແລະໃບຂອງມັນໃຊ້ເຮັດສີຍ້ອມສີນ້ຳຕານແດງ
^ ຕົ້ນໄມ້ທີ່ໃຊ້ເຮັດນ້ຳມັນຫອມນາຣະດາ. ເບິ່ງຄຳວ່າ “ນາຣະດາ” ໃນສ່ວນອະທິບາຍຄຳສັບ.
^ ແປຕາມໂຕວ່າ “ດອກແຊັບຟ໋ອນ”
^ ຕົ້ນໄມ້ຊະນິດໜຶ່ງທີ່ເປືອກມີກິ່ນຫອມແລະໃຊ້ແຕ່ງກິນໄດ້
^ ເບິ່ງສ່ວນອະທິບາຍຄຳສັບ
^ ເບິ່ງສ່ວນອະທິບາຍຄຳສັບ
