ເພງຂອງໂຊໂລໂມນ 5:1-16
5 “ທີ່ຮັກຂອງອ້າຍ ເຈົ້າສາວຂອງອ້າຍເອີ້ຍ!ອ້າຍເຂົ້າມາໃນສວນຂອງອ້າຍແລ້ວ.+
ອ້າຍໄດ້ເກັບມົດຍອບ*ແລະເຄື່ອງເທດ+
ອ້າຍໄດ້ກິນຮັງເຜີ້ງກັບນ້ຳເຜີ້ງອ້າຍໄດ້ກິນເຫຼົ້າແວງແລະນ້ຳນົມແລ້ວ.”+
“ພວກເຈົ້າສອງຄົນພາກັນກິນໂລດ
ໃຫ້ພວກເຈົ້າດື່ມແລະເມົາໃນຄວາມຮັກ.”+
2 ຂ້ອຍນອນຫຼັບ ແຕ່ໃຈຍັງຕື່ນຢູ່.+
ຂ້ອຍໄດ້ຍິນສຽງຄົນຮັກຂອງຂ້ອຍເຄາະປະຕູແລະເວົ້າວ່າ:
“ນ້ອງສາວຂອງອ້າຍ ທີ່ຮັກຂອງອ້າຍ ເປີດປະຕູໃຫ້ອ້າຍແດ່.ນົກເຂົາຂອງອ້າຍ ນ້ອງບໍ່ມີບ່ອນຕິເລີຍ.
ຫົວຂອງອ້າຍປຽກນ້ຳຄ້າງແລະຜົມຂອງອ້າຍປຽກຍ້ອນຄວາມຊຸ່ມຕອນກາງຄືນ.”+
3 ຂ້ອຍແກ້ເສື້ອຄຸມອອກແລ້ວ
ຊິໃຫ້ຂ້ອຍໃສ່ຄືນອີກບໍ?
ຂ້ອຍລ້າງຕີນແລ້ວ
ຊິໃຫ້ມັນເປື້ອນຂີ້ດິນອີກບໍ?
4 ທີ່ຮັກຂອງຂ້ອຍເອົາມືອອກຈາກປ່ອງທີ່ຢູ່ປະຕູແລ້ວແລະໃຈຂອງຂ້ອຍເຕັ້ນແຮງ ຍ້ອນຢາກເຈິລາວຫຼາຍ.
5 ຂ້ອຍລຸກໄປເປີດປະຕູໃຫ້ຄົນຮັກຂອງຂ້ອຍ.ນ້ຳມັນຈາກມົດຍອບທີ່ຢູ່ມືແລະນິ້ວມືຂອງຂ້ອຍກໍຍ້ອຍລົງໃສ່ກອນປະຕູ.
6 ຂ້ອຍເປີດປະຕູໃຫ້ຄົນຮັກຂອງຂ້ອຍແຕ່ລາວບໍ່ຢູ່ແລ້ວ ລາວໄປແລ້ວ.
ໃຈຂ້ອຍເກືອບຂາດທີ່ລາວໄປແລ້ວ.*
ຂ້ອຍຊອກຫາລາວ ແຕ່ກໍບໍ່ເຫັນ.+
ຂ້ອຍຮ້ອງຫາລາວ ແຕ່ລາວກໍບໍ່ຕອບ.
7 ເມື່ອພວກຄົນຍາມທີ່ຍ່າງກວດຢູ່ອ້ອມເມືອງເຫັນຂ້ອຍ
ເຂົາເຈົ້າກໍຕີຂ້ອຍຈົນເປັນບາດ.
ພວກທີ່ຍາມກຳແພງເມືອງເອົາຜ້າປົກຫົວຂອງຂ້ອຍໄປ.
8 ຜູ້ຍິງເມືອງເຢຣູຊາເລັມເອີ້ຍ ຂ້ອຍຂໍໃຫ້ພວກເຈົ້າສາບານວ່າ
ຖ້າພວກເຈົ້າເຫັນຄົນຮັກຂອງຂ້ອຍພວກເຈົ້າຈະບອກລາວວ່າຂ້ອຍເປັນໄຂ້ໃຈ.”
9 “ຜູ້ຍິງທີ່ງາມທີ່ສຸດເອີ້ຍຄົນຮັກຂອງເຈົ້າດີກວ່າຜູ້ຊາຍຄົນອື່ນແນວໃດ?
ລາວດີກວ່າຜູ້ຊາຍຄົນອື່ນບ່ອນໃດເຈົ້າຈຶ່ງໃຫ້ພວກເຮົາສາບານແບບນີ້?”
10 “ຄົນຮັກຂອງຂ້ອຍຫຼໍ່ແລະແຂງແຮງ.*ລາວເດັ່ນທີ່ສຸດໃນພວກຜູ້ຊາຍສິບພັນຄົນ.
11 ຫົວຂອງລາວເປັນຄືກັບຄຳເຊິ່ງເປັນຄຳທີ່ດີທີ່ສຸດ.
ຜົມຂອງລາວເປັນຄືກັບໃບປາມ*ທີ່ປິວໄປປິວມາແລະດຳຄືກັບຂົນກາ.
12 ຕາຂອງລາວເປັນຄືກັບນົກເຂົາທີ່ຢູ່ແຄມຫ້ວຍເປັນຄືກັບນົກເຂົາທີ່ອາບນ້ຳນົມຢູ່ແລະນັ່ງຢູ່ແຄມສະທີ່ມີນ້ຳເຕັມ.*
13 ແກ້ມຂອງລາວເປັນຄືກັບໜານຕົ້ນເຄື່ອງເທດ+ແລະເປັນຄືກັບໂນນທີ່ປູກສະໝຸນໄພຫອມໆ.
ປາກຂອງລາວເປັນຄືກັບດອກລິນລີ້ທີ່ມີນ້ຳມັນມົດຍອບຍ້ອຍລົງມາ.+
14 ນິ້ວມືຂອງລາວເປັນຄືກັບຄຳ ແລະເລັບມືຂອງລາວເປັນຄືກັບແກ້ວຄຣິດໂຊໄລທ໌.
ທ້ອງຂອງລາວເປັນຄືກັບງາຊ້າງທີ່ຂັດເປັນເງົາແລະຕົກແຕ່ງດ້ວຍແກ້ວໄພລິນ.
15 ຂາຂອງລາວເປັນຄືກັບເສົາຫີນອ່ອນເຊິ່ງຕັ້ງຢູ່ຖານຮອງທີ່ເຮັດຈາກຄຳທີ່ດີທີ່ສຸດ.
ຮູບຮ່າງໜ້າຕາຂອງລາວງາມຄືກັບແຜ່ນດິນເລບານອນແລະເປັນຄືກັບຕົ້ນຊີດ້າ*ທີ່ບໍ່ມີຫຍັງທຽບໄດ້.+
16 ປາກ*ຂອງລາວຫວານຫຼາຍ.ຂ້ອຍມັກທຸກສິ່ງທຸກຢ່າງກ່ຽວກັບລາວ.+
ຜູ້ຍິງເມືອງເຢຣູຊາເລັມເອີ້ຍ ຄົນຮັກຂອງຂ້ອຍ ສຸດທີ່ຮັກຂອງຂ້ອຍເປັນແບບນີ້ແຫຼະ.”
ຂໍ
^ ເບິ່ງສ່ວນອະທິບາຍຄຳສັບ
^ ຫຼືອາດແປວ່າ “ຕອນທີ່ລາວເວົ້າ”
^ ຫຼື “ສຸຂະພາບດີ”
^ ຫຼືອາດແປວ່າ “ຄືກັບພວງໝາກອິນທະຜາລຳ”
^ ຫຼືອາດແປວ່າ “ແຄມນ້ຳພຸ”
^ ຕົ້ນແປກຊະນິດໜຶ່ງ
^ ແປຕາມໂຕວ່າ “ເພດານປາກ”
