ເພງຂອງໂຊໂລໂມນ 6:1-13
6 “ຜູ້ຍິງທີ່ງາມທີ່ສຸດເອີ້ຍ!ຄົນຮັກຂອງເຈົ້າໄປໃສ?
ລາວໄປທາງໃດ?
ພວກເຮົາຊິໄປຊອກລາວນຳເຈົ້າ.”
2 “ຄົນຮັກຂອງຂ້ອຍລົງໄປສວນຂອງລາວ.ລາວໄປໜານຕົ້ນເຄື່ອງເທດໄປລ້ຽງສັດຢູ່ທົ່ງຫຍ້າທີ່ງາມໆແລະໄປເກັບດອກລິນລີ້.+
3 ຄົນຮັກຂອງຂ້ອຍເປັນຂອງຂ້ອຍແລະຂ້ອຍກໍເປັນຂອງລາວ.+
ລາວກຳລັງລ້ຽງແກະຢູ່ທ່າມກາງດອກລິນລີ້.”+
4 “ທີ່ຮັກຂອງຂ້ອຍ+ ເຈົ້າງາມຄືກັບເມືອງຕີຣະຊາ*+ເຈົ້າໜ້າຮັກຄືກັບເມືອງເຢຣູຊາເລັມ+ແລະເຈົ້າເປັນຕາງຶດຄືກັບກອງທັບໃຫຍ່ອະລັງການທີ່ຖືທຸງ.+
5 ເຊົາແນມເບິ່ງຂ້ອຍແມ້+ຍ້ອນວ່າມັນເຮັດໃຫ້ໃຈຂ້ອຍສັ່ນ.
ຜົມຂອງເຈົ້າຄືກັບຝູງແບ້ທີ່ລົງມາຈາກເນີນພູຕ່າງໆຂອງເມືອງກິລຽດ.+
6 ແຂ້ວເຈົ້າຂາວແລະງາມຄືກັບຝູງແກະຄືກັບຝູງແກະທີ່ຫາກໍອາບນ້ຳແລ້ວ.ແຂ້ວຂອງເຈົ້າທຸກເຫຼັ້ມລຽນເປັນລະບຽບແລະຊື່ກັນດີມັນຢູ່ຄົບທຸກເຫຼັ້ມ.
7 ແກ້ມຂອງເຈົ້າທີ່ຢູ່ທາງໃນຜ້າປົກໜ້າຄືກັບໝາກພິລາຜ່າເຄິ່ງ.
8 ເຖິງຂ້ອຍຈະມີລາຊີນີຫົກສິບຄົນເມຍນ້ອຍ*ແປດສິບຄົນແລະມີຜູ້ສາວອີກບັກຫຼາຍໆ+
9 ແຕ່ມີຜູ້ດຽວເທົ່ານັ້ນທີ່ເປັນຄືກັບນົກເຂົາຂອງຂ້ອຍ+ ລາວບໍ່ມີບ່ອນຕິເລີຍ.
ລາວເປັນລູກສາວຜູ້ດຽວຂອງແມ່
ແລະເປັນລູກທີ່ແມ່ຮັກຫຼາຍ.
ພວກຜູ້ສາວທີ່ເຫັນລາວກໍຊົມເຊີຍລາວ.ພວກລາຊີນີກັບພວກເມຍນ້ອຍທີ່ເຫັນລາວກໍຍ້ອງລາວ.
10 ‘ຜູ້ຍິງທີ່ເປັນຄືກັບແສງຕອນໃກ້ຊິແຈ້ງແມ່ນໃຜນໍ?ລາວງາມຄືກັບເດືອນເຕັມດວງບໍລິສຸດຄືກັບແສງຕາເວັນ.ລາວເປັນຕາງຶດຄືກັບກອງທັບໃຫຍ່ອະລັງການທີ່ຖືທຸງ.’”+
11 “ຂ້ອຍໄດ້ລົງໄປສວນທີ່ມີຕົ້ນໝາກຖົ່ວ*+ເພື່ອໄປເບິ່ງດອກຈູມທີ່ຫາກໍອອກໃນຮ່ອມພູ*ເພື່ອໄປເບິ່ງວ່າເຄືອໝາກລະແຊັງແຕກກິ່ງແລ້ວບໍ່ແລະເບິ່ງວ່າຕົ້ນໝາກພິລາມີດອກບານແລ້ວບໍ່.
12 ກ່ອນຂ້ອຍຈະຮູ້ໂຕຄວາມຕ້ອງການຢາກເຫັນສິ່ງເຫຼົ່ານີ້ກໍເຮັດໃຫ້ຂ້ອຍໄປເຈິກັບລົດມ້າຂອງຄົນຂອງຂ້ອຍທີ່ມີຕຳແໜ່ງສູງ.”*
13 ສາວເມືອງຊູເລມເອີ້ຍ! ກັບມາ ກັບມາແມ້!
ກັບມາ ກັບມາແມ້!ເພື່ອພວກເຮົາຈະໄດ້ເຫັນຄວາມງາມຂອງເຈົ້າອີກ.”
“ເປັນຫຍັງພວກເຈົ້າຈຶ່ງຢາກເຫັນສາວເມືອງຊູເລມ?”+
“ຍ້ອນລາວເປັນຄືກັບຄົນສອງກຸ່ມທີ່ກຳລັງຟ້ອນນຳກັນ.”*
ຂໍ ຄວາມ ໄຂ ເງື່ອນ
^ ຫຼື “ເມືອງທີ່ເປັນຕາຢູ່”
^ ເບິ່ງສ່ວນອະທິບາຍຄຳສັບ
^ ຕົ້ນຄ້າຍຄືກັບຕົ້ນໝາກມ່ວງຫິມະພານທີ່ເກີດຢູ່ປະເທດອິດສະຣາເອນ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ ຫຼື “ຄົນຂອງຂ້ອຍທີ່ເຕັມໃຈຮັບໃຊ້ຂ້ອຍ”
^ ຫຼື “ການຟ້ອນຂອງມາຫານາຢິມ”