ເພງຂອງໂຊໂລໂມນ 7:1-13
7 “ຜູ້ຍິງທີ່ມີຄ່າເອີ້ຍ!ຕີນເຈົ້າທີ່ໃສ່ເກີບຢູ່ນັ້ນງາມຫຼາຍ.
ສະໂພກຂອງເຈົ້າໂຄ້ງຄືກັບເຄື່ອງປະດັບທີ່ເປັນຜົນງານຂອງຊ່າງທີ່ມີສີມື.
2 ສາຍບືຂອງເຈົ້າຄືກັບຈອກທີ່ມົນໆ.
ຂໍໃຫ້ຈອກນີ້ມີເຫຼົ້າແວງຢູ່ຕະຫຼອດ.
ໜ້າທ້ອງຂອງເຈົ້າຄືກັບກອງເຂົ້າວີດ*ທີ່ມີດອກລິນລີ້ອ້ອມໄວ້.
3 ໜ້າເອິກຂອງເຈົ້າຄືກັບກວາງນ້ອຍສອງໂຕເປັນກວາງນ້ອຍຝາແຝດ.+
4 ຄໍຂອງເຈົ້າ+ຄືກັບປ້ອມສູງໆທີ່ເປັນງາຊ້າງ.+
ຕາຂອງເຈົ້າ+ຄືກັບສະຢູ່ເມືອງເຮັດຊະໂບນ+ທີ່ຢູ່ໃກ້ປະຕູບາດຣາບບີມ.
ດັງຂອງເຈົ້າຄືກັບຫໍຄອຍຢູ່ເລບານອນທີ່ປິ່ນໄປທາງເມືອງດາມາເຊ.
5 ຫົວຂອງເຈົ້າງາມຄືກັບພູກາເມນ+ແລະຜົມຂອງເຈົ້າ+ຄືກັບດ້າຍຂົນແກະທີ່ຍ້ອມສີມ່ວງ.+
ກະສັດຫຼົງໄຫຼຜົມທີ່ຍາວໆງາມໆຂອງເຈົ້າ.
6 ທີ່ຮັກຂອງຂ້ອຍ ເຈົ້າງາມຫຼາຍແທ້ໆ ເຈົ້າງາມທັງກາຍແລະໃຈແລະບໍ່ມີສິ່ງໃດງາມສ່ຳເຈົ້າ.
7 ຮູບຮ່າງຂອງເຈົ້າສະຫງ່າງາມຄືກັບຕົ້ນປາມແລະໜ້າເອິກຂອງເຈົ້າຄືກັບພວງໝາກອິນທະຜາລຳ.+
8 ຂ້ອຍເວົ້າວ່າ ‘ຂ້ອຍຈະປີນຂຶ້ນໄປຕົ້ນປາມເພື່ອຈັບເອົາງ່າທີ່ມີໝາກ.’
ຂໍໃຫ້ໜ້າເອິກຂອງເຈົ້າເປັນຄືກັບພວງໝາກລະແຊັງຂໍໃຫ້ລົມຫາຍໃຈຂອງເຈົ້າຫອມຄືກັບໝາກແອັບເປິ້ນ
9 ແລະຂໍໃຫ້ປາກ*ຂອງເຈົ້າເປັນຄືກັບເຫຼົ້າແວງທີ່ດີທີ່ສຸດ.”
“ຂໍໃຫ້ເຫຼົ້າແວງນີ້ມ່ອນຄໍທີ່ຮັກຂອງຂ້ອຍແລະໃຫ້ມັນຄ່ອຍໆໄຫຼຢູ່ເທິງປາກເພື່ອໃຫ້ຄົນນອນຫຼັບສະບາຍ.
10 ຂ້ອຍເປັນຂອງຄົນຮັກຂອງຂ້ອຍ+ແລະລາວກໍຕ້ອງການຂ້ອຍ.
11 ທີ່ຮັກຂອງນ້ອງເອີ້ຍ! ມາແມ້!ໃຫ້ພວກເຮົາອອກໄປທົ່ງຫຍ້ານຳກັນໃຫ້ພວກເຮົາໄປຢູ່ທ່າມກາງພືດທີ່ມີກິ່ນຫອມ.*+
12 ໃຫ້ພວກເຮົາຕື່ນແຕ່ເຊົ້າແລະໄປສວນໝາກລະແຊັງນຳກັນເພື່ອໄປເບິ່ງວ່າເຄືອໝາກລະແຊັງແຕກກິ່ງແລະມີດອກບານແລ້ວບໍ່+ແລະເພື່ອໄປເບິ່ງວ່າຕົ້ນໝາກພິລາມີດອກແລ້ວບໍ່.+
ຢູ່ຫັ້ນນ້ອງຈະເຮັດໃຫ້ອ້າຍເຫັນວ່ານ້ອງຮັກອ້າຍຫຼາຍສ່ຳໃດ.+
13 ພວກເຮົາໄດ້ກິ່ນຫອມຂອງໝາກດູດາອິມ.*+ຢູ່ປະຕູເຮືອນຂອງພວກເຮົາມີໝາກໄມ້ດີໆທຸກຊະນິດ+
ມີທັງໝາກໄມ້ສົດແລະໝາກໄມ້ແຫ້ງ.*ທີ່ຮັກຂອງນ້ອງ ນ້ອງເກັບໝາກໄມ້ເຫຼົ່ານີ້ໄວ້ໃຫ້ອ້າຍ.”
ຂໍ
^ ເຂົ້າຊະນິດໜຶ່ງທີ່ໃຊ້ເຮັດເຂົ້າຈີ່ໄດ້
^ ແປຕາມໂຕວ່າ “ເພດານປາກ”
^ ພືດຊະນິດໜຶ່ງທີ່ມີດອກຫອມແລະໃບຂອງມັນໃຊ້ເຮັດສີຍ້ອມສີນ້ຳຕານແດງ
^ ສະໝຸນໄພຊະນິດໜຶ່ງທີ່ມີໝາກເຊິ່ງຢູ່ຕະກູນດຽວກັບມັນຝຣັ່ງ
^ ແປຕາມໂຕວ່າ “ໝາກໄມ້ເກົ່າ”
