ເພງຂອງໂຊໂລໂມນ 8:1-14
-
ສາວເມືອງຊູເລມ (1-4)
-
“ນ້ອງຢາກໃຫ້ອ້າຍເປັນຄືກັບອ້າຍຄີງໆ” (1)
-
-
ພວກອ້າຍຂອງສາວເມືອງຊູເລມ (5ກ)
-
‘ຜູ້ຍິງທີ່ອີງຄົນຮັກຢູ່ ລາວແມ່ນໃຜ?’
-
-
ສາວເມືອງຊູເລມ (5ຂ-7)
-
“ຄວາມຮັກມີອຳນາດຄືກັບຄວາມຕາຍ” (6)
-
-
ພວກອ້າຍຂອງສາວເມືອງຊູເລມ (8, 9)
-
“ຖ້າລາວເປັນກຳແພງ . . . ແຕ່ຖ້າລາວເປັນປະຕູ . . . ” (9)
-
-
ສາວເມືອງຊູເລມ (10-12)
-
“ຂ້ອຍເປັນຄືກັບກຳແພງ” (10)
-
-
ຄົນລ້ຽງແກະ (13)
-
“ຂໍໃຫ້ອ້າຍໄດ້ຟັງສຽງຂອງນ້ອງ”
-
-
ສາວເມືອງຊູເລມ (14)
-
‘ໃຫ້ຟ້າວມາໄວໆຄືກັບໂຕກວາງ’
-
8 “ນ້ອງຢາກໃຫ້ອ້າຍເປັນຄືກັບອ້າຍຄີງໆທີ່ເຄີຍກິນນົມແມ່ຂອງນ້ອງ.
ຖ້ານ້ອງເຈິອ້າຍຢູ່ທາງນອກ ນ້ອງກໍຈະຈູບອ້າຍໄດ້+ແລະຈະບໍ່ມີໃຜເວົ້າໃຫ້ນ້ອງ.
2 ນ້ອງຈະນຳທາງອ້າຍ.ນ້ອງຈະພາອ້າຍໄປເຮືອນແມ່ຂອງນ້ອງ+ຜູ້ທີ່ສອນນ້ອງ.
ນ້ອງຈະເອົາເຫຼົ້າແວງທີ່ແຊບໆແລະນ້ຳໝາກພິລາສົດໃຫ້ອ້າຍກິນ.
3 ລາວເອົາແຂນເບື້ອງຊ້າຍໃຫ້ຂ້ອຍໝູນແລະເອົາແຂນເບື້ອງຂວາກອດຂ້ອຍໄວ້.+
4 ຜູ້ຍິງເມືອງເຢຣູຊາເລັມເອີ້ຍ ຂ້ອຍຂໍໃຫ້ພວກເຈົ້າສາບານວ່າ
ພວກເຈົ້າຈະບໍ່ຍົວະຂ້ອຍໃຫ້ຮັກຜູ້ໃດຜູ້ໜຶ່ງ ແຕ່ປ່ອຍໃຫ້ຄວາມຮັກເກີດຂຶ້ນເອງ.”+
5 “ຜູ້ຍິງທີ່ຂຶ້ນມາຈາກບ່ອນກັນດານແລະອີງຄົນຮັກຂອງລາວຢູ່ ລາວແມ່ນໃຜ?”
“ນ້ອງໄດ້ປຸກອ້າຍຢູ່ກ້ອງຕົ້ນໝາກແອັບເປິ້ນ.
ຢູ່ຫັ້ນແມ່ອ້າຍໄດ້ເຈັບທ້ອງເກີດອ້າຍ
ແລະເພິ່ນໄດ້ເກີດອ້າຍດ້ວຍຄວາມເຈັບປວດ.
6 ນ້ອງເປັນກາຈ້ຳຢູ່ຫົວໃຈຂອງອ້າຍແລະເປັນກາຈ້ຳຢູ່ແຂນຂອງອ້າຍ.ຄວາມຮັກມີອຳນາດຄືກັບຄວາມຕາຍ+ແລະຄວາມຮັກກໍໝັ້ນຄົງຄືກັບບ່ອນຝັງສົບ.*
ຄວາມຮັກລຸກໄໝ້ແຮງຄືກັບແປວໄຟ ນັ້ນແມ່ນແປວໄຟຂອງເຢໂຫວາ.*+
7 ນ້ຳທີ່ໄຫຼແຮງໆບໍ່ສາມາດມອດໄຟຂອງຄວາມຮັກໄດ້+ແລະແມ່ນ້ຳຕ່າງໆກໍບໍ່ສາມາດພັດເອົາຄວາມຮັກໄປໄດ້ຄືກັນ.+
ຖ້າຜູ້ໃດເອົາຊັບສົມບັດທັງໝົດຂອງໂຕເອງໄປແລກກັບຄວາມຮັກຄົນກໍຈະຊັງຊັບສົມບັດເຫຼົ່ານັ້ນ*ແນ່ນອນ.”
8 “ພວກເຮົາມີນ້ອງສາວຜູ້ໜຶ່ງ+ລາວຍັງບໍ່ທັນມີໜ້າເອິກຊ້ຳ.
ໃນມື້ທີ່ມີຄົນມາຂໍລາວໄປເປັນເມຍພວກເຮົາຈະເຮັດແນວໃດ?”
9 “ຖ້າລາວເປັນກຳແພງພວກເຮົາຈະສ້າງປ້ອມທີ່ເປັນເງິນຢູ່ເທິງລາວແຕ່ຖ້າລາວເປັນປະຕູພວກເຮົາຈະເອົາໄມ້ແປ້ນທີ່ເປັນໄມ້ຊີດ້າ*ມາອັດໄວ້.”
10 “ຂ້ອຍເປັນຄືກັບກຳແພງແລະໜ້າເອິກຂອງຂ້ອຍເປັນຄືກັບປ້ອມສູງໆ.
ໃນສາຍຕາຄົນຮັກຂອງຂ້ອຍຂ້ອຍເປັນຄົນທີ່ມີຄວາມສະຫງົບສຸກ.
11 ໂຊໂລໂມນມີສວນໝາກລະແຊັງ+ຢູ່ບາອານຮາໂມນ
ລາວຝາກສວນນີ້ໄວ້ໃຫ້ຄົນເບິ່ງແຍງ.
ແຕ່ລະຄົນຈະເອົາເງິນໜຶ່ງພັນເຊເກນ*ມາໃຫ້ເພື່ອເປັນຄ່າໝາກລະແຊັງໃນສວນນັ້ນ.
12 ໂຊໂລໂມນເອີ້ຍ ເງິນໜຶ່ງພັນເຊເກນ*ເປັນຂອງທ່ານ
ແລະເງິນສອງຮ້ອຍເຊເກນ*ເປັນຂອງຜູ້ເບິ່ງແຍງສວນໝາກລະແຊັງ.ແຕ່ສຳລັບຂ້ອຍ ຂ້ອຍຢາກເບິ່ງແຍງສວນໝາກລະແຊັງຂອງໂຕເອງ.”
13 “ທີ່ຮັກຂອງອ້າຍທີ່ກຳລັງນັ່ງຢູ່ໃນສວນ+ພວກໝູ່ຂອງອ້າຍ*ຖ້າຟັງສຽງຂອງນ້ອງຢູ່.
ຂໍໃຫ້ອ້າຍໄດ້ຟັງສຽງຂອງນ້ອງນຳແດ່.”+
14 “ທີ່ຮັກຂອງນ້ອງ ໃຫ້ຟ້າວມາຫານ້ອງໄວໆ.ມາໄວໆຄືກັບໂຕກວາງ+ຄືກັບກວາງນ້ອຍທີ່ຢູ່ເທິງພູທີ່ມີຕົ້ນພືດຫອມໆ.”
ຂໍ
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ຢາ” ເຊິ່ງເປັນຊື່ຫຍໍ້ຂອງພະເຢໂຫວາ
^ ຫຼືອາດແປວ່າ “ລາວ”
^ ໄມ້ແປກຊະນິດໜຶ່ງ
^ 11,4 ກິໂລກຣາມ. ເບິ່ງພາກຜະໜວກ ຂ14.
^ 11,4 ກິໂລກຣາມ
^ 2,28 ກິໂລກຣາມ
^ ຫຼືອາດແປວ່າ “ພວກໝູ່ຂອງນ້ອງ”
