ເພງສັນລະເສີນ 115:1-18
115 ພະເຢໂຫວາເອີ້ຍ ພວກເຮົາບໍ່ສົມຄວນໄດ້ຮັບຫຍັງ ພວກເຮົາບໍ່ສົມຄວນໄດ້ຮັບຫຍັງເລີຍ.*ແຕ່ຊື່ຂອງພະອົງສົມຄວນໄດ້ຮັບກຽດແລະການຍົກຍ້ອງ+ຍ້ອນພະອົງສັດຊື່ແລະມີຄວາມຮັກທີ່ໝັ້ນຄົງ.+
2 ເປັນຫຍັງພະອົງຈຶ່ງປ່ອຍໃຫ້ຊາດຕ່າງໆເວົ້າວ່າ:
“ຢູ່ໃສພະເຈົ້າຂອງເຂົາເຈົ້າ?”+
3 ພະເຈົ້າຂອງພວກເຮົາຢູ່ເທິງສະຫວັນ.ເພິ່ນເຮັດທຸກສິ່ງທຸກຢ່າງຕາມທີ່ເພິ່ນພໍໃຈ.
4 ຮູບບູຊາຂອງເຂົາເຈົ້າເຮັດຈາກເງິນຈາກຄຳແລະເປັນສິ່ງທີ່ມະນຸດເຮັດຂຶ້ນມາ.+
5 ຮູບບູຊາເຫຼົ່ານັ້ນມີປາກແຕ່ເວົ້າບໍ່ໄດ້+ມີຕາແຕ່ເບິ່ງບໍ່ເຫັນ
6 ມີຫູແຕ່ບໍ່ໄດ້ຍິນມີດັງແຕ່ດົມກິ່ນບໍ່ໄດ້
7 ມີມືແຕ່ຈັບຫຍັງບໍ່ໄດ້ມີຕີນແຕ່ຍ່າງບໍ່ໄດ້+ແລະບໍ່ມີສຽງອອກຈາກລຳຄໍເລີຍ.+
8 ຄົນທີ່ເຮັດພວກມັນຂຶ້ນມາແລະຄົນທີ່ໄວ້ວາງໃຈພວກມັນກໍຈະເປັນຄືກັບພວກມັນຫັ້ນແຫຼະ.+
9 ພວກອິດສະຣາເອນເອີ້ຍ ໃຫ້ໄວ້ໃຈພະເຢໂຫວາ.+ເພິ່ນເປັນຜູ້ຊ່ວຍແລະເປັນໂລ້ຂອງພວກເຈົ້າ.+
10 ລູກຫຼານຂອງອາໂຣນເອີ້ຍ+ ໃຫ້ໄວ້ໃຈພະເຢໂຫວາ.ເພິ່ນເປັນຜູ້ຊ່ວຍແລະເປັນໂລ້ຂອງພວກເຈົ້າ.
11 ພວກເຈົ້າທີ່ນັບຖື*ພະເຢໂຫວາ ໃຫ້ໄວ້ໃຈພະເຢໂຫວາ.+ເພິ່ນເປັນຜູ້ຊ່ວຍແລະເປັນໂລ້ຂອງພວກເຈົ້າ.+
12 ພະເຢໂຫວາບໍ່ລືມພວກເຮົາແລະຈະອວຍພອນພວກເຮົາ.ເພິ່ນຈະອວຍພອນລູກຫຼານຂອງອິດສະຣາເອນ.+ເພິ່ນຈະອວຍພອນລູກຫຼານຂອງຂອງອາໂຣນ.
13 ເພິ່ນຈະອວຍພອນຄົນທີ່ນັບຖືພະເຢໂຫວາທັງຄົນທີ່ສຳຄັນແລະຄົນທີ່ບໍ່ສຳຄັນ.
14 ພະເຢໂຫວາຈະໃຫ້ເຈົ້າມີລູກຫຼານຫຼາຍໆທັງເຈົ້າແລະລູກ*ຂອງເຈົ້າ.+
15 ຂໍໃຫ້ເຈົ້າໄດ້ຮັບພອນຈາກພະເຢໂຫວາ+ຜູ້ສ້າງຟ້າແລະໂລກ.+
16 ສະຫວັນເປັນຂອງພະເຢໂຫວາ+ແຕ່ເພິ່ນເອົາໂລກໃຫ້ມະນຸດຢູ່.+
17 ຄົນຕາຍສັນລະເສີນພະເຢໂຫວາ*ບໍ່ໄດ້+ແລະຄົນທີ່ລົງໄປຂຸມຝັງສົບກໍສັນລະເສີນເພິ່ນບໍ່ໄດ້ຄືກັນ.+
18 ແຕ່ພວກເຮົາຈະສັນລະເສີນພະເຢໂຫວາ*ຕັ້ງແຕ່ຕອນນີ້ຈົນຕະຫຼອດໄປ.
ໃຫ້ສັນລະເສີນພະເຢໂຫວາ.*
ຂໍ
^ ຫຼື “ພະເຢໂຫວາເອີ້ຍ ບໍ່ມີຫຍັງເປັນຂອງພວກເຮົາ ບໍ່ມີຫຍັງເປັນຂອງພວກເຮົາເລີຍ”
^ ແປຕາມໂຕວ່າ “ຢ້ານຢຳ”
^ ແປຕາມໂຕວ່າ “ພວກລູກຊາຍ”
^ ແປຕາມໂຕວ່າ “ຢາ” ເຊິ່ງເປັນຊື່ຫຍໍ້ຂອງພະເຢໂຫວາ
^ ແປຕາມໂຕວ່າ “ຢາ” ເຊິ່ງເປັນຊື່ຫຍໍ້ຂອງພະເຢໂຫວາ
^ ແປຕາມໂຕວ່າ “ໃຫ້ສັນລະເສີນຢາ.” ຫຼື “ອາເລລູຢາ.” ຄຳວ່າ ຢາ ແມ່ນຊື່ຫຍໍ້ຂອງພະເຢໂຫວາ.
