ເພງສັນລະເສີນ 148:1-14
148 ໃຫ້ສັນລະເສີນພະເຢໂຫວາ.*
ໃຫ້ສັນລະເສີນພະເຢໂຫວາຈາກສະຫວັນ.+ໃຫ້ສັນລະເສີນເພິ່ນຢູ່ບ່ອນທີ່ສູງໆ.
2 ທູດສະຫວັນທັງໝົດຂອງເພິ່ນ ໃຫ້ສັນລະເສີນເພິ່ນ.+
ກອງທັບທັງໝົດຂອງເພິ່ນ ໃຫ້ສັນລະເສີນເພິ່ນ.+
3 ດວງຕາເວັນແລະດວງເດືອນ ໃຫ້ສັນລະເສີນເພິ່ນ.
ດວງດາວທຸກດວງທີ່ສ່ອງແສງ ໃຫ້ສັນລະເສີນເພິ່ນ.+
4 ສະຫວັນທີ່ສູງທີ່ສຸດແລະນ້ຳທີ່ຢູ່ເທິງຟ້າ ໃຫ້ສັນລະເສີນເພິ່ນ.
5 ໃຫ້ທຸກສິ່ງສັນລະເສີນຊື່ຂອງພະເຢໂຫວາຍ້ອນເມື່ອເພິ່ນສັ່ງ ທຸກສິ່ງກໍຖືກສ້າງຂຶ້ນ.+
6 ເພິ່ນໃຫ້ສິ່ງເຫຼົ່ານີ້ມີຢູ່ຕະຫຼອດໄປ.+ເພິ່ນໄດ້ອອກຄຳສັ່ງທີ່ຈະບໍ່ຖືກຍົກເລີກ.+
7 ສັດໃຫຍ່ໃນທະເລແລະນ້ຳເລິກທັງໝົດໃຫ້ສັນລະເສີນພະເຢໂຫວາຈາກໂລກນີ້.
8 ຟ້າແມບຟ້າຜ່າແລະໝາກເຫັບ ຫິມະແລະຂີ້ເຝື້ອທີ່ຕຶບໜາລົມພາຍຸທີ່ເຮັດຕາມຄຳສັ່ງຂອງເພິ່ນ+ ໃຫ້ສັນລະເສີນເພິ່ນ.
9 ພູແລະໂນນພູທັງໝົດ+ຕົ້ນໄມ້ກິນໝາກແລະຕົ້ນຊີດ້າ*ທັງໝົດ+ ໃຫ້ສັນລະເສີນເພິ່ນ.
10 ສັດປ່າ+ແລະສັດບ້ານສັດເລືອຄານແລະນົກ ໃຫ້ສັນລະເສີນເພິ່ນ.
11 ພວກກະສັດໃນໂລກນີ້ແລະຊາດທັງໝົດພວກເຈົ້ານາຍແລະພວກຜູ້ຕັດສິນທັງໝົດໃນໂລກນີ້+ ໃຫ້ສັນລະເສີນເພິ່ນ.
12 ຄົນທີ່ຍັງໜຸ່ມທັງຜູ້ຊາຍແລະຜູ້ຍິງຜູ້ເຖົ້າແລະເດັກນ້ອຍ ໃຫ້ສັນລະເສີນເພິ່ນນຳກັນ.
13 ໃຫ້ທຸກສິ່ງສັນລະເສີນຊື່ຂອງພະເຢໂຫວາຍ້ອນຊື່ຂອງເພິ່ນຜູ້ດຽວສູງທີ່ສຸດ.+
ຄວາມຍິ່ງໃຫຍ່ຂອງເພິ່ນສູງກວ່າໂລກແລະສະຫວັນ.+
14 ເພິ່ນຈະໃຫ້ປະຊາຊົນຂອງເພິ່ນມີເຫື່ອແຮງຫຼາຍຂຶ້ນ.*ເພິ່ນຈະເຮັດໃຫ້ຄົນທີ່ສັດຊື່ຕໍ່ເພິ່ນໄດ້ຮັບການຍ້ອງຍໍເຊິ່ງກໍຄືລູກຫຼານຂອງອິດສະຣາເອນທີ່ໃກ້ຊິດກັບເພິ່ນ.
ໃຫ້ສັນລະເສີນພະເຢໂຫວາ.*
ຂໍ
^ ແປຕາມໂຕວ່າ “ໃຫ້ສັນລະເສີນຢາ.” ຫຼື “ອາເລລູຢາ.” ຄຳວ່າ ຢາ ແມ່ນຊື່ຫຍໍ້ຂອງພະເຢໂຫວາ.
^ ຕົ້ນແປກຊະນິດໜຶ່ງ
^ ແປຕາມໂຕວ່າ “ຍົກເຂົາຂອງເຂົາເຈົ້າຂຶ້ນ”
^ ແປຕາມໂຕວ່າ “ໃຫ້ສັນລະເສີນຢາ.” ຫຼື “ອາເລລູຢາ.” ຄຳວ່າ ຢາ ແມ່ນຊື່ຫຍໍ້ຂອງພະເຢໂຫວາ.
