ເພງສັນລະເສີນ 18:1-50
ເຖິງຜູ້ຄວບຄຸມດົນຕີ. ເພງຂອງດາວິດຜູ້ຮັບໃຊ້ຂອງພະເຢໂຫວາ. ລາວຮ້ອງເພງນີ້ໃຫ້ພະເຢໂຫວາໃນມື້ທີ່ພະເຢໂຫວາຊ່ວຍລາວໃຫ້ລອດຈາກສັດຕູທັງໝົດແລະຈາກຊາອູນ. ລາວຮ້ອງວ່າ:+
18 ພະເຢໂຫວາເອີ້ຍ ພະອົງເປັນກຳລັງຂອງລູກ.+ ລູກຮັກພະອົງຫຼາຍ.
2 ພະເຢໂຫວາເປັນຫີນຜາ ເປັນປ້ອມທີ່ແຂງແຮງຂອງລູກ ແລະເປັນຜູ້ຊ່ວຍລູກໃຫ້ລອດ.+
ພະເຈົ້າຂອງລູກເປັນຫີນຜາ+ທີ່ບັງລູກໄດ້.ພະອົງເປັນໂລ້ ເປັນຜູ້ຊ່ວຍຊີວິດທີ່ມີລິດເດດ* ແລະເປັນບ່ອນລີ້ທີ່ປອດໄພ.*+
3 ລູກຮ້ອງຫາພະເຢໂຫວາຜູ້ທີ່ສົມຄວນໄດ້ຮັບການສັນລະເສີນແລະພະອົງຈະປົກປ້ອງລູກຈາກພວກສັດຕູ.+
4 ຄວາມຕາຍເປັນຄືກັບເຊືອກທີ່ມັດລູກໄວ້ບັກແໜ້ນໆ.+ຄົນຊົ່ວເຮັດໃຫ້ລູກຢ້ານຄືກັບນ້ຳໄຫຼຊັດມາຖ້ວມ.+
5 ບ່ອນຝັງສົບ*ມັດລູກໄວ້ຄືກັບເຊືອກ.ຄວາມຕາຍເປັນກັບດັກຢູ່ຕໍ່ໜ້າລູກ.+
6 ເມື່ອລູກທຸກໃຈ ລູກເອີ້ນຫາພະເຢໂຫວາ.ລູກຮ້ອງຂໍຄວາມຊ່ວຍເຫຼືອຈາກພະເຈົ້າຂອງລູກຕະຫຼອດ.
ພະອົງໄດ້ຍິນສຽງລູກຈາກວິຫານຂອງພະອົງ+ແລະສຽງຮ້ອງຂໍຄວາມຊ່ວຍເຫຼືອຂອງລູກໄປຮອດພະອົງ.+
7 ແຜ່ນດິນເລີ່ມສັ່ນໄປສັ່ນມາ+ຮາກຖານຂອງພູສັ່ນສະເທືອນແລະໄກວໄປໄກວມາຍ້ອນວ່າພະອົງໃຈຮ້າຍ.+
8 ຄວັນອອກມາຈາກຮູດັງຂອງພະອົງແປວໄຟອອກມາຈາກປາກຂອງພະອົງ+ແລະຖ່ານໄຟລຸກຍ້ອນພະອົງ.
9 ຕອນທີ່ພະອົງລົງມາ ພະອົງຢຽບຂີ້ເຝື້ອໃຫ້ຕ່ຳລົງ+ແລະກ້ອນຂີ້ເຝື້ອທີ່ໜາໆກໍຢູ່ກ້ອງຕີນຂອງພະອົງ.+
10 ພະອົງຂີ່ທູດສະຫວັນ*ແລະບິນມາ.+
ພະອົງຢູ່ເທິງປີກຂອງທູດສະຫວັນທີ່ບິນເຈີດລົງມາ.+
11 ພະອົງເອົາຄວາມມືດມາບັງອ້ອມພະອົງໄວ້+ແລະເອົານ້ຳກັບກ້ອນຂີ້ເຝື້ອດຳໆອ້ອມພະອົງອີກ.+
12 ມີແສງສະຫວ່າງມາຈາກພະອົງແລະໝາກເຫັບກັບຖ່ານໄຟທີ່ລຸກແຮງກໍແຕກຟົ້ງຜ່ານຂີ້ເຝື້ອອອກມາ.
13 ແລ້ວພະເຢໂຫວາກໍໃຫ້ມີຟ້າຜ່າຈາກສະຫວັນ.+ພະເຈົ້າສູງສຸດຮ້ອງສຽງດັງອອກມາ+ແລະໝາກເຫັບກັບຖ່ານໄຟທີ່ລຸກແຮງກໍຕົກລົງມາ.
14 ພະອົງຍິງທະນູແລະເຮັດໃຫ້ພວກສັດຕູແຕກໜີໄປ.+ເມື່ອພະອົງເຮັດໃຫ້ຟ້າແມບ ພວກສັດຕູກໍຢ້ານແລະບໍ່ຮູ້ວ່າຈະເຮັດແນວໃດ.+
15 ເມື່ອພະເຢໂຫວາຮ້າຍແລະມີລົມອອກມາຈາກຮູດັງຂອງພະອົງ+ລົມນັ້ນແຮງຫຼາຍຈົນແມ່ນ້ຳແຫ້ງແລະເຫັນພື້ນ+ແລະໄດ້ກວາດເອົາທຸກສິ່ງທີ່ຢູ່ພື້ນດິນຈົນເຫັນຮາກຖານຂອງໂລກ.
16 ພະອົງເດ່ມືລົງມາຈາກບ່ອນທີ່ສູງໆແລະດຶງລູກຂຶ້ນມາຈາກນ້ຳເລິກ.+
17 ພະອົງຊ່ວຍລູກໃຫ້ລອດຈາກສັດຕູທີ່ແຂງແຮງ+ຈາກຄົນທີ່ຊັງລູກທີ່ແຂງແຮງກວ່າລູກ.+
18 ເຂົາເຈົ້າມາໂຈມຕີລູກຕອນທີ່ລູກລຳບາກຫຼາຍ+ແຕ່ພະເຢໂຫວາຊ່ວຍລູກຕະຫຼອດ.
19 ພະອົງເອົາລູກອອກມາແລະພາລູກໄປຢູ່ໃນບ່ອນທີ່ປອດໄພ.*ພະອົງຊ່ວຍຊີວິດລູກ ຍ້ອນພະອົງພໍໃຈລູກຫຼາຍ.+
20 ພະເຢໂຫວາໃຫ້ລາງວັນລູກ ຍ້ອນລູກເຮັດດີ.+ພະອົງຕອບແທນລູກ ຍ້ອນມືຂອງລູກບໍ່ໄດ້ເຮັດຜິດ.+
21 ລູກເຮັດຕາມສິ່ງທີ່ພະເຢໂຫວາຕ້ອງການສະເໝີແລະລູກບໍ່ໄດ້ເຮັດຊົ່ວໂດຍຖິ້ມພະເຈົ້າຂອງລູກ.
22 ລູກຈື່ຄຳສັ່ງທຸກຂໍ້ຂອງພະອົງ.ລູກຈະເຮັດຕາມກົດໝາຍຂອງພະອົງຕະຫຼອດໄປ.
23 ລູກຈະເຮັດສິ່ງທີ່ຖືກຕ້ອງສະເໝີຕໍ່ໜ້າພະອົງ+ແລະລູກຈະບໍ່ເຮັດຜິດເລີຍ.+
24 ຂໍພະເຢໂຫວາໃຫ້ລາງວັນລູກ ຍ້ອນລູກເຮັດດີ+ແລະຍ້ອນພະອົງເຫັນວ່າລູກເຮັດສິ່ງທີ່ຖືກຕ້ອງ.+
25 ພະອົງສັດຊື່ຕໍ່ຜູ້ທີ່ສັດຊື່.+ພະອົງຍຸຕິທຳຕໍ່ຜູ້ທີ່ບໍ່ມີຄວາມຜິດ.+
26 ພະອົງຈິງໃຈຕໍ່ຜູ້ທີ່ຈິງໃຈ+ແລະຜູ້ທີ່ມີເລ່ລ່ຽມຕົວະພະອົງບໍ່ໄດ້.+
27 ພະອົງຊ່ວຍຊີວິດຄົນທີ່ຕ່ຳຕ້ອຍ*+ແຕ່ພະອົງເຮັດໃຫ້ຄົນຍິ່ງຕົກຕ່ຳ.+
28 ພະເຢໂຫວາເອີ້ຍ ພະອົງເປັນຜູ້ໄຕ້ຕະກຽງໃຫ້ລູກ.ລູກຢູ່ໃນບ່ອນມືດ ແຕ່ພະອົງເຮັດໃຫ້ມີແສງສະຫວ່າງ.+
29 ຍ້ອນພະອົງຊ່ວຍ ລູກຈຶ່ງຕໍ່ສູ້ກັບພວກກຸ່ມໂຈນໄດ້.+ຍ້ອນພະເຈົ້າໃຫ້ກຳລັງ ລູກຈຶ່ງປີນຂ້າມກຳແພງໄດ້.+
30 ທຸກຢ່າງທີ່ພະເຈົ້າທ່ຽງແທ້ເຮັດແມ່ນດີທີ່ສຸດ.+ທຸກສິ່ງທີ່ພະເຢໂຫວາເວົ້າແມ່ນບໍລິສຸດ.*+
ພະອົງເປັນໂລ້ສຳລັບທຸກຄົນທີ່ໄປລີ້ໄພຢູ່ນຳພະອົງ.+
31 ບໍ່ມີພະເຈົ້າອື່ນນອກຈາກພະເຢໂຫວາ+
ແລະພະເຈົ້າຂອງພວກເຮົາເປັນຄືກັບຫີນຜາ.+
32 ພະເຈົ້າທ່ຽງແທ້ເປັນຜູ້ເຮັດໃຫ້ລູກມີກຳລັງ+ແລະພະອົງຈະເຮັດໃຫ້ທາງຂອງລູກກ້ຽງ.+
33 ພະອົງເຮັດໃຫ້ລູກໂດດໄດ້ຄືກວາງ.ພະອົງເຮັດໃຫ້ລູກຢືນຢູ່ບ່ອນທີ່ສູງຊັນໄດ້.+
34 ພະອົງຝຶກລູກໃຫ້ເຮັດສົງຄາມລູກຈຶ່ງກົ່ງຄັນທະນູທອງແດງໄດ້.
35 ພະອົງເອົາໂລ້ໃຫ້ລູກເພື່ອຊ່ວຍຊີວິດລູກ.+ມືຂວາຂອງພະອົງໄດ້ໂຈມລູກໄວ້ແລະຄວາມຖ່ອມຂອງພະອົງເຮັດໃຫ້ລູກຍິ່ງໃຫຍ່.+
36 ພະອົງເຮັດໃຫ້ທາງຍ່າງຂອງລູກກວ້າງອອກລູກຈຶ່ງບໍ່ມື່ນ.+
37 ລູກຈະໄລ່ລ່າພວກສັດຕູແລະນຳທັນເຂົາເຈົ້າ.ລູກຈະບໍ່ກັບມາຈົນກວ່າຈະຂ້າເຂົາເຈົ້າໄດ້ໝົດ.
38 ລູກຈະຈັດການເຂົາເຈົ້າຈົນເຂົາເຈົ້າລຸກຂຶ້ນມາບໍ່ໄດ້.+ເຂົາເຈົ້າຈະລົ້ມລົງແລະລູກຈະເອົາຕີນຢຽບ.
39 ພະອົງຈະຊ່ວຍລູກໃຫ້ມີແຮງຕໍ່ສູ້.ພະອົງຈະເຮັດໃຫ້ພວກສັດຕູລົ້ມລົງຕໍ່ໜ້າລູກ.+
40 ພະອົງຈະເຮັດໃຫ້ພວກສັດຕູຖອຍໜີໄປຈາກລູກ.*ລູກຈະທຳລາຍຄົນທີ່ຊັງລູກ.*+
41 ເຂົາເຈົ້າຈະຮ້ອງຂໍຄວາມຊ່ວຍເຫຼືອ ແຕ່ຈະບໍ່ມີໃຜຊ່ວຍ.ເຖິງວ່າເຂົາເຈົ້າຈະຂໍໃຫ້ພະເຢໂຫວາຊ່ວຍ ແຕ່ພະອົງກໍຈະບໍ່ຟັງ.
42 ລູກຈະຕຳເຂົາເຈົ້າຈົນມຸ່ນຄືກັບຂີ້ຝຸ່ນທີ່ຖືກລົມພັດໄປ.ລູກຈະໂຍນເຂົາເຈົ້າຖິ້ມຄືກັບຂີ້ຕົມຢູ່ຫົນທາງ.
43 ເຖິງວ່າຄົນຈະຈັບຜິດລູກ ພະອົງກໍຈະຊ່ວຍຊີວິດລູກ.+
ພະອົງຈະແຕ່ງຕັ້ງລູກໃຫ້ເປັນຜູ້ນຳຂອງຊາດຕ່າງໆ.+
ຊາດອື່ນທີ່ລູກບໍ່ຮູ້ຈັກກໍຈະມາຮັບໃຊ້ລູກ.+
44 ພຽງແຕ່ໄດ້ຍິນເລື່ອງຂອງລູກ ເຂົາເຈົ້າກໍຈະເຊື່ອຟັງລູກ.ຄົນຕ່າງຊາດຈະຢ້ານລູກຈົນໝູບຢູ່.+
45 ຄົນຕ່າງຊາດຈະບໍ່ກ້າຫານແລ້ວ.ເຂົາເຈົ້າຈະຍ່າງແບບສັ່ນໆອອກມາຈາກປ້ອມຂອງເຂົາເຈົ້າ.
46 ພະເຢໂຫວາຜູ້ມີຊີວິດຢູ່ ພະອົງເປັນຫີນຜາຂອງລູກ. ລູກຂໍສັນລະເສີນພະອົງ.+
ພະເຈົ້າທີ່ຊ່ວຍຊີວິດລູກໃຫ້ລອດ ຂໍໃຫ້ພະອົງໄດ້ຮັບການຍົກຍ້ອງ.+
47 ພະເຈົ້າທ່ຽງແທ້ແກ້ແຄ້ນແທນລູກ.+ພະອົງໃຫ້ພວກສັດຕູຢູ່ພາຍໃຕ້ອຳນາດລູກ.
48 ພະອົງຊ່ວຍລູກໃຫ້ລອດຈາກພວກສັດຕູທີ່ໃຈຮ້າຍ.ພະອົງຍົກລູກໃຫ້ສູງຂຶ້ນຈົນຜູ້ທີ່ມາໂຈມຕີລູກຢື້ບໍ່ເຖິງ.+ພະອົງປົກປ້ອງລູກຈາກຄົນທີ່ຮຸນແຮງ.
49 ພະເຢໂຫວາ ຍ້ອນແນວນີ້ລູກຈະຍົກຍ້ອງພະອົງຕໍ່ໜ້າຊາດຕ່າງໆ.+ແລະລູກຈະຮ້ອງເພງ*ສັນລະເສີນຊື່ຂອງພະອົງ.+
50 ພະອົງເຮັດໃຫ້ກະສັດຂອງພະອົງໄດ້ຮັບໄຊຊະນະທີ່ຍິ່ງໃຫຍ່ຫຼາຍເທື່ອ.+ພະອົງສະແດງຄວາມຮັກທີ່ໝັ້ນຄົງຕະຫຼອດໄປ+ຕໍ່ດາວິດແລະລູກຫຼານຂອງລາວທີ່ພະອົງໄດ້ເລືອກ.+
ຂໍ
^ ແປຕາມໂຕວ່າ “ເຂົາສັດແຫ່ງຄວາມລອດ.” ເບິ່ງຄຳວ່າ “ເຂົາສັດ” ໃນສ່ວນອະທິບາຍຄຳສັບ.
^ ຫຼື “ບ່ອນສູງທີ່ປອດໄພ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ເຄຣູບ”
^ ຫຼື “ບ່ອນກວ້າງໆ”
^ ຫຼື “ຄົນທຸກຍາກ”
^ ຄຳພາສາເຮັບເຣີທີ່ແປຕາມໂຕໝາຍເຖິງການຫຼອມເຫຼັກໃຫ້ບໍລິສຸດ
^ ຫຼື “ພະອົງຈະເຮັດໃຫ້ພວກສັດຕູປິ່ນຫຼັງໃສ່ລູກ”
^ ແປຕາມໂຕວ່າ “ລູກຈະເຮັດໃຫ້ຄົນທີ່ຊັງລູກມິດງຽບ”
^ ຫຼື “ຫຼິ້ນດົນຕີ”
