ເພງສັນລະເສີນ 33:1-22
33 ພວກເຈົ້າທີ່ເຮັດສິ່ງທີ່ຖືກຕ້ອງ ໃຫ້ໂຫ່ຮ້ອງດ້ວຍຄວາມມ່ວນຊື່ນຍ້ອນສິ່ງດີໆທີ່ພະເຢໂຫວາເຮັດ.+
ຄົນທີ່ສັດຊື່ຄວນຈະສັນລະເສີນເພິ່ນ.
2 ໃຫ້ດີດພິນຂອບໃຈພະເຢໂຫວາ.ໃຫ້ຫຼິ້ນເຄື່ອງດົນຕີທີ່ມີ 10 ສາຍແລະຮ້ອງເພງ*ສັນລະເສີນເພິ່ນ.
3 ໃຫ້ຮ້ອງເພງໃໝ່ໃຫ້ເພິ່ນ.+ໃຫ້ຫຼິ້ນເຄື່ອງດົນຕີທີ່ມີສາຍຢ່າງສຸດຄວາມສາມາດແລະຮ້ອງເພງດ້ວຍຄວາມມ່ວນຊື່ນ.
4 ສິ່ງທີ່ພະເຢໂຫວາເວົ້າເປັນຄວາມຈິງ+ແລະທຸກສິ່ງທີ່ເພິ່ນເຮັດກໍໄວ້ໃຈໄດ້.
5 ເພິ່ນຮັກຄວາມຖືກຕ້ອງແລະຮັກຄວາມຍຸຕິທຳ.+
ຄວາມຮັກທີ່ໝັ້ນຄົງຂອງພະເຢໂຫວາເຫັນໄດ້ຈາກທຸກສິ່ງໃນໂລກນີ້.+
6 ສະຫວັນຖືກສ້າງຂຶ້ນຕາມຄຳສັ່ງຂອງພະເຢໂຫວາ+ແລະສິ່ງຕ່າງໆທີ່ຢູ່ໃຕ້ຟ້າກໍຖືກສ້າງຂຶ້ນດ້ວຍລົມຈາກປາກຂອງເພິ່ນ.
7 ເພິ່ນເອົານ້ຳທະເລມາລວມກັນຄືກັບເກັບໄວ້ໃນເຂື່ອນ.+ເພິ່ນເອົານ້ຳທີ່ໄຫຼແຮງມາເກັບໄວ້ໃນຄັງ.
8 ໃຫ້ທຸກຄົນໃນໂລກນັບຖື*ພະເຢໂຫວາ.+
ໃຫ້ທຸກຄົນທີ່ຢູ່ໃນແຜ່ນດິນຢ້ານແລະນັບຖືເພິ່ນ.
9 ສິ່ງຕ່າງໆຖືກສ້າງຂຶ້ນຕາມທີ່ເພິ່ນເວົ້າ.+ເພິ່ນສັ່ງຫຍັງ ມັນກໍເປັນໄປຕາມນັ້ນ.+
10 ພະເຢໂຫວາທຳລາຍແຜນຊົ່ວ*ຂອງຊາດຕ່າງໆ.+ເພິ່ນຂັດຂວາງແຜນການ*ຂອງປະເທດຕ່າງໆ.+
11 ແຕ່ຄຳແນະນຳ*ຂອງພະເຢໂຫວາຈະໃຊ້ໄດ້ຕະຫຼອດໄປ.+ບໍ່ວ່າຈະຜ່ານໄປຈັກຍຸກຈັກສະໄໝ ຄວາມຄິດໃນໃຈຂອງເພິ່ນກໍບໍ່ປ່ຽນ.
12 ຊາດໃດທີ່ມີພະເຢໂຫວາເປັນພະເຈົ້າກໍມີຄວາມສຸກ.+ປະຊາຊົນທີ່ເພິ່ນເລືອກໃຫ້ເປັນຊັບສົມບັດຂອງເພິ່ນກໍມີຄວາມສຸກ.+
13 ພະເຢໂຫວາແນມລົງມາຈາກສະຫວັນເພິ່ນເຫັນມະນຸດທຸກຄົນ.+
14 ເພິ່ນແນມລົງມາເບິ່ງຄົນຢູ່ໂລກຈາກບ່ອນຢູ່ຂອງເພິ່ນ.
15 ເພິ່ນເປັນຜູ້ທີ່ສ້າງຫົວໃຈຂອງທຸກຄົນ.ເພິ່ນກວດສອບທຸກສິ່ງທີ່ເຂົາເຈົ້າເຮັດ.+
16 ເຖິງວ່າກະສັດຈະມີກອງທັບໃຫຍ່ ກໍບໍ່ໄດ້ໝາຍຄວາມວ່າລາວຈະລອດ.+ເຖິງວ່າທະຫານທີ່ເກັ່ງໆຈະມີເຫື່ອແຮງຫຼາຍ ກໍບໍ່ໄດ້ໝາຍຄວາມວ່າລາວຈະບໍ່ຕາຍ.+
17 ເຖິງວ່າຈະມີມ້າ ກໍບໍ່ໄດ້ຮັບປະກັນວ່າຈະລອດໄປໄດ້.*+ເຖິງວ່າມັນຈະມີແຮງຫຼາຍ ກໍບໍ່ໄດ້ຮັບປະກັນວ່າຈະປອດໄພ.
18 ພະເຢໂຫວາເຝົ້າເບິ່ງຄົນທີ່ນັບຖືເພິ່ນ+ແລະຄົນທີ່ລໍຖ້າຄວາມຮັກທີ່ໝັ້ນຄົງຂອງເພິ່ນ
19 ເພື່ອຊ່ວຍເຂົາເຈົ້າໃຫ້ລອດຈາກຄວາມຕາຍແລະເພື່ອຊ່ວຍເຂົາເຈົ້າໃຫ້ມີຊີວິດຢູ່ຕໍ່ໄປໃນຕອນທີ່ມີຄວາມອຶດຢາກ.+
20 ພວກເຮົາຫວັງໃຫ້ພະເຢໂຫວາຊ່ວຍພວກເຮົາ.
ເພິ່ນເປັນຜູ້ຊ່ວຍແລະເປັນໂລ້ຂອງພວກເຮົາ.+
21 ພວກເຮົາດີໃຈຍ້ອນເພິ່ນ.ພວກເຮົາໄວ້ໃຈໃນຊື່ທີ່ບໍລິສຸດຂອງເພິ່ນ.+
22 ພະເຢໂຫວາເອີ້ຍ ຂໍໃຫ້ຄວາມຮັກທີ່ໝັ້ນຄົງຂອງພະອົງຢູ່ກັບພວກເຮົາ+ຕະຫຼອດໄລຍະເວລາທີ່ພວກເຮົາລໍຖ້າພະອົງ.+
ຂໍ
^ ຫຼື “ຫຼິ້ນດົນຕີ”
^ ແປຕາມໂຕວ່າ “ຢ້ານຢຳ”
^ ຫຼື “ຄວາມຄິດ”
^ ຫຼື “ຄຳແນະນຳ”
^ ຫຼື “ການຕັດສິນໃຈ”
^ ຫຼື “ຈະຊະນະ”
