ເພງສັນລະເສີນ 37:1-40
-
ຄົນທີ່ວາງໃຈພະເຢໂຫວາຈະຈະເລີນກ້າວໜ້າ
ເພງຂອງດາວິດ.
א [ອາເລບ]*
37 ຢ່າໃຈຮ້າຍຍ້ອນຄົນເຮັດຊົ່ວແລະຢ່າອິດສາຄົນທີ່ເຮັດຜິດ.+
2 ເຂົາເຈົ້າເປັນຄືກັບຫຍ້າທີ່ບຶດດຽວກໍຫ່ຽວແຫ້ງ+ແລະເປັນຄືກັບຫຍ້າຂຽວທີ່ຫ່ຽວແຫ້ງຕາຍ.
ב [ເບດ]
3 ໃຫ້ວາງໃຈພະເຢໂຫວາແລະເຮັດແຕ່ແນວດີໆ.+ໃຫ້ຢູ່ໃນແຜ່ນດິນ*ຂອງເຈົ້າຢ່າງສະຫງົບສຸກແລະເປັນຄົນສັດຊື່.+
4 ເຈົ້າຈະມີຄວາມຍິນດີຍ້ອນພະເຢໂຫວາແລະເພິ່ນຈະໃຫ້ທຸກສິ່ງຕາມທີ່ເຈົ້າຕ້ອງການ.
ג [ກີເມວ]
5 ໃຫ້ພະເຢໂຫວາຊີ້ທາງໃຫ້ເຈົ້າ.+ໃຫ້ວາງໃຈເພິ່ນແລະເພິ່ນຈະຊ່ວຍເຈົ້າ.+
6 ເພິ່ນຈະເຮັດໃຫ້ຄວາມຖືກຕ້ອງຂອງເຈົ້າສ່ອງແສງຄືກັບຕາເວັນໃນຕອນເຊົ້າແລະເພິ່ນຈະເຮັດໃຫ້ຄວາມຍຸຕິທຳຂອງເຈົ້າແຈ້ງຄືກັບແດດໃນຕອນທ່ຽງ.
ד [ດາເລດ]
7 ໃຫ້ມິດໆຢູ່ຕໍ່ໜ້າພະເຢໂຫວາ+ແລະອົດທົນລໍຖ້າເພິ່ນ.
ຢ່າໃຈຮ້າຍໃຫ້ຜູ້ໃດກໍຕາມທີ່ເຮັດຕາມແຜນຊົ່ວຂອງລາວໄດ້.+
ה [ເຮ]
8 ໃຫ້ເຊົາໃຈຮ້າຍແລະເຊົາຄຽດໃຫ້ຄົນອື່ນ.+ຢ່າໃຈຮ້າຍແລະໄປເຮັດຊົ່ວ
9 ເພາະຄົນຊົ່ວຈະຖືກກຳຈັດໃຫ້ໝົດໄປ.+ແຕ່ຄົນທີ່ວາງໃຈພະເຢໂຫວາຈະໄດ້ຮັບແຜ່ນດິນເປັນມໍລະດົກ.+
ו [ວາວ]
10 ອີກຈັກໜ້ອຍກໍຈະບໍ່ມີຄົນຊົ່ວແລ້ວ.+ເຈົ້າຈະແນມເບິ່ງບ່ອນທີ່ເຂົາເຈົ້າຢູ່ແຕ່ເຈົ້າຈະບໍ່ເຫັນເຂົາເຈົ້າ.+
11 ແຕ່ຄົນທີ່ຖ່ອມໂຕຈະໄດ້ຮັບແຜ່ນດິນເປັນມໍລະດົກ.+ເຂົາເຈົ້າຈະມີຄວາມຍິນດີຫຼາຍ ຍ້ອນຄວາມສະຫງົບສຸກຈະມີຢູ່ຕະຫຼອດໄປ.+
ז [ຊາຢິນ]
12 ຄົນຊົ່ວຈະວາງແຜນທຳຮ້າຍຄົນທີ່ເຮັດສິ່ງທີ່ຖືກຕ້ອງ.+ລາວຈະກັດແຂ້ວໃສ່ຄົນນັ້ນ.
13 ແຕ່ພະເຢໂຫວາຈະຫົວຂວັນໃສ່ຄົນຊົ່ວຍ້ອນເພິ່ນຮູ້ວ່າມີມື້ໜຶ່ງເຂົາເຈົ້າຈະຖືກທຳລາຍ.+
ח [ເຮດ]
14 ຄົນຊົ່ວຈະຖອດດາບແລະຫ້າງທະນູເພື່ອທຳຮ້າຍຄົນທີ່ຖືກກົດຂີ່ກັບຄົນທຸກແລະເພື່ອຈະຂ້າຄົນທີ່ເຮັດສິ່ງທີ່ຖືກຕ້ອງ.
15 ແຕ່ດາບຂອງເຂົາເຈົ້າຈະແທງຫົວໃຈຂອງເຂົາເຈົ້າເອງ+ແລະຄັນທະນູຂອງເຂົາເຈົ້າຈະຖືກຫັກຖິ້ມ.
ט [ເທດ]
16 ຄົນດີມີຊັບສົມບັດແຕ່ໜ້ອຍດຽວກໍຍັງດີກວ່າຄົນຊົ່ວທີ່ມີຊັບສົມບັດລົ້ນຟ້າ.+
17 ຄົນຊົ່ວຈະຖືກເຮັດໃຫ້ໝົດແຮງ*ແຕ່ພະເຢໂຫວາຈະຊ່ວຍເຫຼືອຄົນທີ່ເຮັດສິ່ງທີ່ຖືກຕ້ອງ.
י [ໂຢດ]
18 ພະເຢໂຫວາຮູ້ວ່າຄົນທີ່ບໍ່ມີບ່ອນຕິຕ້ອງເຈິກັບຫຍັງແດ່ແລະມໍລະດົກຂອງເຂົາເຈົ້າຈະມີຢູ່ຕະຫຼອດໄປ.+
19 ຕອນທີ່ມີຄວາມຈິບຫາຍ ເຂົາເຈົ້າຈະບໍ່ອັບອາຍ.ຕອນທີ່ມີຄວາມອຶດຢາກ ເຂົາເຈົ້າກໍຈະມີຢູ່ມີກິນ.
כ [ຄາບ]
20 ແຕ່ຄົນຊົ່ວຈະຕ້ອງຕາຍ.+ສັດຕູຂອງພະເຢໂຫວາຈະຫາຍໄປຄືກັບຫຍ້າຂຽວໆທີ່ຫ່ຽວແຫ້ງງ່າຍໆ.ເຂົາເຈົ້າຈະຫາຍໄປຄືກັບຄວັນ.
ל [ລາເມດ]
21 ຄົນຊົ່ວຢືມແລ້ວບໍ່ສົ່ງຄືນແຕ່ຄົນດີເປັນຄົນເອື້ອເຟື້ອແລະມັກໃຫ້.+
22 ຄົນທີ່ພະເຈົ້າອວຍພອນຈະໄດ້ຮັບແຜ່ນດິນເປັນມໍລະດົກແຕ່ຄົນທີ່ເພິ່ນສາບແຊ່ງຈະຖືກທຳລາຍ.+
מ [ເມັມ]
23 ເມື່ອພະເຢໂຫວາພໍໃຈສິ່ງທີ່ມະນຸດເຮັດ+ເພິ່ນກໍຈະບອກລາວວ່າຄວນໃຊ້ຊີວິດແນວໃດ.+
24 ເຖິງວ່າລາວຈະລົ້ມ ແຕ່ໜ້າຂອງລາວຈະບໍ່ຟຸບໃສ່ດິນ+ເພາະພະເຢໂຫວາຈະເອົາມືຂອງເພິ່ນໂຈມລາວໄວ້.+
נ [ນູນ]
25 ຕັ້ງແຕ່ຂ້ອຍຍັງໜຸ່ມຈົນຮອດຕອນນີ້ທີ່ຂ້ອຍເຖົ້າແລ້ວຂ້ອຍຍັງບໍ່ເຄີຍເຫັນຄົນທີ່ເຮັດສິ່ງທີ່ຖືກຕ້ອງຖືກປະຖິ້ມຈັກເທື່ອ+ແລະບໍ່ເຄີຍເຫັນລູກຫຼານຂອງລາວຕ້ອງໄປເປັນຂໍທານ.+
26 ລາວເຕັມໃຈໃຫ້ຢືມຕະຫຼອດ+ແລະລູກຫຼານຂອງລາວຈະໄດ້ຮັບພອນຈາກພະເຈົ້າ.
ס [ຊາເມກ]
27 ໃຫ້ເຊົາເຮັດຊົ່ວແລະມາເຮັດດີ+ແລ້ວເຈົ້າຈະມີຊີວິດຢູ່ຕະຫຼອດໄປ.
28 ພະເຢໂຫວາຮັກຄວາມຍຸຕິທຳແລະເພິ່ນຈະບໍ່ປະຖິ້ມຄົນທີ່ສັດຊື່ຕໍ່ເພິ່ນ.+
ע [ອາຢິນ]
ເພິ່ນຈະປົກປ້ອງເຂົາເຈົ້າສະເໝີ.+ແຕ່ລູກຫຼານຂອງຄົນຊົ່ວຈະຖືກກຳຈັດໃຫ້ໝົດໄປ.+
29 ຄົນທີ່ເຮັດສິ່ງທີ່ຖືກຕ້ອງຈະໄດ້ຮັບແຜ່ນດິນເປັນມໍລະດົກ+ແລະເຂົາເຈົ້າຈະໄດ້ຢູ່ຫັ້ນຕະຫຼອດໄປ.+
פ [ເພ]
30 ຄຳເວົ້າຂອງຄົນທີ່ເຮັດສິ່ງທີ່ຖືກຕ້ອງຊ່ວຍຄົນອື່ນໃຫ້ສະຫຼາດແລະລາວເວົ້າສິ່ງທີ່ຖືກຕ້ອງ.*+
31 ກົດໝາຍຂອງພະເຈົ້າຢູ່ໃນໃຈຂອງລາວ.+ລາວຈະເຮັດຕາມກົດໝາຍຂອງເພິ່ນສະເໝີ.+
צ [ຊາເດ]
32 ຄົນຊົ່ວຈອບເບິ່ງຄົນທີ່ເຮັດສິ່ງທີ່ຖືກຕ້ອງແລະຫາວິທີຂ້າລາວ.
33 ແຕ່ພະເຢໂຫວາຈະບໍ່ປ່ອຍໃຫ້ຄົນຊົ່ວຂ້າຄົນທີ່ເຮັດສິ່ງທີ່ຖືກຕ້ອງ+ແລະຈະບໍ່ປ່ອຍໃຫ້ຄົນທີ່ເຮັດສິ່ງທີ່ຖືກຕ້ອງຖືກຕັດສິນວ່າມີຄວາມຜິດ.+
ק [ໂຄບ]
34 ໃຫ້ໄວ້ໃຈພະເຢໂຫວາແລະເຮັດຕາມແນວທາງຂອງເພິ່ນແລ້ວເພິ່ນຈະໃຫ້ກຽດເຈົ້າແລະໃຫ້ເຈົ້າໄດ້ຮັບແຜ່ນດິນເປັນມໍລະດົກ.
ເຈົ້າຈະໄດ້ເຫັນ+ຕອນທີ່ຄົນຊົ່ວຖືກກຳຈັດໃຫ້ໝົດໄປ.+
ר [ເຣດ]
35 ຂ້ອຍເຫັນຄົນຊົ່ວຈະເລີນຮຸ່ງເຮືອງຄືກັບຕົ້ນໄມ້ໃຫຍ່ທີ່ງາມໆຢູ່ໃນດິນທີ່ດີໆ.+
36 ແຕ່ລາວຈະຖືກກຳຈັດແບບບໍ່ທັນຕັ້ງໂຕ.+ຂ້ອຍຊອກຫາລາວ ແຕ່ກໍບໍ່ເຫັນລາວ.+
ש [ຊິນ]
37 ໃຫ້ຕັ້ງໃຈເບິ່ງຄົນທີ່ບໍ່ມີບ່ອນຕິແລະເບິ່ງຄົນທີ່ສັດຊື່ສະເໝີ+ເພາະໃນອະນາຄົດຄົນແບບນີ້ແຫຼະຈະມີຄວາມສະຫງົບສຸກ.+
38 ແຕ່ທຸກຄົນທີ່ເຮັດຜິດຈະຖືກທຳລາຍແລະຄົນຊົ່ວຈະຖືກກຳຈັດໃຫ້ໝົດໄປ.+
ת [ເທົາ]
39 ພະເຢໂຫວາຈະຊ່ວຍຄົນທີ່ເຮັດສິ່ງທີ່ຖືກຕ້ອງໃຫ້ລອດ.+ເພິ່ນເປັນບ່ອນລີ້ໄພໃຫ້ເຂົາເຈົ້າໃນຍາມທີ່ທຸກລຳບາກ.+
40 ພະເຢໂຫວາຈະຊ່ວຍເຂົາເຈົ້າໃຫ້ລອດ.+
ເພິ່ນຈະປົກປ້ອງແລະຊ່ວຍເຂົາເຈົ້າຈາກຄົນຊົ່ວຍ້ອນເຂົາເຈົ້າໄວ້ໃຈວ່າເພິ່ນຈະປົກປ້ອງເຂົາເຈົ້າ.+
ຂໍ
^ ເພງນີ້ແຕ່ງແບບລຽງລຳດັບຕາມໂຕອັກສອນໃນພາສາເຮັບເຣີ. ເບິ່ງຄຳວ່າ “ລຽງລຳດັບຕາມໂຕອັກສອນ” ໃນສ່ວນອະທິບາຍຄຳສັບ.
^ ຫຼື “ໂລກ”
^ ແປຕາມໂຕວ່າ “ຖືກຫັກແຂນ”
^ ຫຼື “ຍຸຕິທຳ”
