ເພງສັນລະເສີນ 44:1-26
ເຖິງຜູ້ຄວບຄຸມດົນຕີ. ມັດຄິວ*ຂອງລູກຫຼານໂກຣາ.+
44 ພະເຈົ້າເອີ້ຍ ພວກເຮົາໄດ້ຍິນກັບຫູຂອງພວກເຮົາແລ້ວ.ປູ່ຍ່າຕານາຍຂອງພວກເຮົາໄດ້ເລົ່າໃຫ້ຟັງ+ກ່ຽວກັບສິ່ງທີ່ພະອົງເຮັດໃນສະໄໝຂອງເຂົາເຈົ້າເມື່ອດົນນານມາແລ້ວ.
2 ພະອົງໄລ່ຊາດຕ່າງໆດ້ວຍມືຂອງພະອົງ+ແລະໃຫ້ປູ່ຍ່າຕານາຍຂອງພວກເຮົາມາອາໄສຢູ່ນີ້.+
ພະອົງໄດ້ເອົາຊະນະຊາດຕ່າງໆແລະໄລ່ເຂົາເຈົ້າໜີ.+
3 ປູ່ຍ່າຕານາຍຂອງພວກເຮົາຍຶດເອົາແຜ່ນດິນນັ້ນໄດ້+ ບໍ່ແມ່ນຍ້ອນດາບຂອງເຂົາເຈົ້າແລະເຂົາເຈົ້າເອົາຊະນະໄດ້ ບໍ່ແມ່ນຍ້ອນກຳລັງຂອງເຂົາເຈົ້າເອງ+
ແຕ່ແມ່ນຍ້ອນມືຂວາແລະແຂນຂອງພະອົງ+ ຍ້ອນຄວາມພໍໃຈຂອງພະອົງ*ແລະຍ້ອນພະອົງຮັກເຂົາເຈົ້າ.+
4 ພະເຈົ້າເອີ້ຍ ພະອົງເປັນກະສັດຂອງພວກເຮົາ.+ຂໍພະອົງຊ່ວຍຢາໂຄບໃຫ້ໄດ້ໄຊຊະນະ.*
5 ພວກເຮົາຈະໄລ່ພວກສັດຕູໃຫ້ຖອຍໜີໄປດ້ວຍຄວາມຊ່ວຍເຫຼືອຈາກພະອົງ.+ພວກເຮົາຈະຢຽບຄົນທີ່ມາຕໍ່ສູ້ພວກເຮົາດ້ວຍຄວາມໝັ້ນໃຈໃນຊື່ຂອງພະອົງ.+
6 ຂ້ອຍບໍ່ໄດ້ໄວ້ໃຈທະນູຂອງຂ້ອຍແລະດາບຂອງຂ້ອຍກໍຊ່ວຍຂ້ອຍໃຫ້ລອດບໍ່ໄດ້.+
7 ແຕ່ພະອົງນີ້ແຫຼະເປັນຜູ້ຊ່ວຍພວກເຮົາໃຫ້ລອດຈາກສັດຕູ.+ພະອົງເຮັດໃຫ້ຜູ້ທີ່ຊັງພວກເຮົາອັບອາຍຂາຍໜ້າ.
8 ພວກເຮົາຈະສັນລະເສີນພະເຈົ້າໝົດມື້ໝົດເວັນແລະພວກເຮົາຈະຍົກຍ້ອງຊື່ຂອງພະອົງຕະຫຼອດໄປ. (ເຊລາ)*
9 ແຕ່ຕອນນີ້ ພະອົງພັດຖິ້ມພວກເຮົາແລະເຮັດໃຫ້ພວກເຮົາອັບອາຍຂາຍໜ້າ.ພະອົງບໍ່ໄດ້ໄປກັບກອງທັບຂອງພວກເຮົາແລ້ວ.
10 ພະອົງເຮັດໃຫ້ພວກເຮົາຕ້ອງຖອຍໜີຈາກສັດຕູເທື່ອແລ້ວເທື່ອອີກ+ແລະປ່ອຍໃຫ້ຄົນທີ່ຊັງພວກເຮົາຍຶດເອົາເຄື່ອງຂອງພວກເຮົາໄປຕາມໃຈ.
11 ພະອົງໃຫ້ສັດຕູຂອງພວກເຮົາຂ້າພວກເຮົາຄືກັບແກະ.ພະອົງເຮັດໃຫ້ພວກເຮົາກະຈັດກະຈາຍໄປຢູ່ປະເທດຕ່າງໆ.+
12 ພະອົງຂາຍປະຊາຊົນຂອງພະອົງຖືກໆປານໃຫ້ລ້າ.+ພະອົງບໍ່ໄດ້ກຳໄລຫຍັງເລີຍ.
13 ພະອົງເຮັດໃຫ້ເພື່ອນບ້ານຕຳໜິພວກເຮົາ.ເຂົາເຈົ້າເຍາະເຍີ້ຍແລະດູຖູກພວກເຮົາ.
14 ພະອົງເຮັດໃຫ້ພວກເຮົາຖືກຊາດຕ່າງໆເຍາະເຍີ້ຍ.+ເຂົາເຈົ້າແນມເບິ່ງພວກເຮົາແລະແກວ່ງຫົວໃສ່.
15 ຂ້ອຍຮູ້ສຶກອັບອາຍໝົດມື້ແລະຂ້ອຍກໍບໍ່ກ້າໄປສູ້ໜ້າໃຜ
16 ຍ້ອນເຂົາເຈົ້າເຍາະເຍີ້ຍແລະດູຖູກພວກເຮົາບໍ່ເຊົາແລະຍ້ອນພວກສັດຕູມາແກ້ແຄ້ນພວກເຮົາ.
17 ເຖິງວ່າພວກເຮົາຈະເຈິເລື່ອງທັງໝົດນີ້ ແຕ່ພວກເຮົາກໍບໍ່ໄດ້ລືມພະອົງແລະພວກເຮົາບໍ່ໄດ້ເຮັດຜິດສັນຍາທີ່ເຮັດໄວ້ກັບພະອົງ.+
18 ໃຈຂອງພວກເຮົາບໍ່ໄດ້ປ່ຽນໄປແລະພວກເຮົາກໍບໍ່ໄດ້ຍ່າງເຈີດອອກຈາກທາງຂອງພະອົງ.
19 ແຕ່ພະອົງປ່ອຍໃຫ້ສັດຕູຊະນະພວກເຮົາແລະປະພວກເຮົາໄວ້ໃຫ້ສັດປ່າ.ພະອົງໃຫ້ພວກເຮົາຢູ່ບ່ອນທີ່ມືດໆ.
20 ຖ້າພວກເຮົາລືມຊື່ພະເຈົ້າຂອງພວກເຮົາຫຼືຖ້າພວກເຮົາຍົກມືຂຶ້ນອະທິດຖານເຖິງພະເຈົ້າຂອງຄົນຕ່າງຊາດ
21 ພະເຈົ້າຈະບໍ່ຮູ້ບໍ?
ເພິ່ນຮູ້ຄວາມລັບທຸກຢ່າງທີ່ຢູ່ໃນໃຈຂອງພວກເຮົາໄດ໋.+
22 ຍ້ອນພວກເຮົາເປັນຄົນຂອງພະອົງ ພວກເຮົາຈຶ່ງຖືກຂ້າທຸກມື້.ສັດຕູເບິ່ງວ່າພວກເຮົາເປັນຄືກັບແກະທີ່ຈະຖືກເອົາໄປຂ້າ.+
23 ພະເຢໂຫວາເອີ້ຍ ເປັນຫຍັງພະອົງເຮັດຄືກັບວ່າພະອົງຫຼັບຢູ່?+
ຂໍພະອົງຕື່ນຂຶ້ນມາຊ່ວຍພວກເຮົາ. ຂໍພະອົງຢ່າປະຖິ້ມພວກເຮົາຕະຫຼອດໄປ.+
24 ເປັນຫຍັງພະອົງປິ່ນໜ້າໜີຈາກພວກເຮົາ?
ເປັນຫຍັງພະອົງຈຶ່ງລືມຄວາມທຸກແລະການຂົ່ມເຫງທີ່ພວກເຮົາເຈິ?
25 ພວກເຮົາຕົກຕ່ຳລົງຈົນເປັນຄືກັບຂີ້ດິນ.ພວກເຮົາໄດ້ແຕ່ນອນຢູ່ພື້ນແລະເຮັດຫຍັງບໍ່ໄດ້ເລີຍ.+
26 ຂໍພະອົງລຸກຂຶ້ນມາຊ່ວຍພວກເຮົາແດ່.+
ຂໍພະອົງຊ່ວຍພວກເຮົາໃຫ້ລອດ*ຍ້ອນພະອົງມີຄວາມຮັກທີ່ໝັ້ນຄົງ.+
ຂໍ
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ແສງຈາກໜ້າຂອງພະອົງ”
^ ຫຼື “ຄວາມລອດທີ່ຍິ່ງໃຫຍ່”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ໄຖ່”
