ເພງສັນລະເສີນ 59:1-17
ເຖິງຜູ້ຄວບຄຸມດົນຕີ ເພງນີ້ຕັ້ງຕາມເພງ “ຢ່າທຳລາຍ.”* ມິກທາມ*ຂອງດາວິດ.ຕອນທີ່ຊາອູນສົ່ງຄົນໄປຈອບເບິ່ງເຮືອນຂອງດາວິດເພື່ອຈະຂ້າລາວ.+
59 ພະເຈົ້າເອີ້ຍ ຂໍພະອົງຊ່ວຍລູກໃຫ້ລອດຈາກພວກສັດຕູ.+ຂໍພະອົງປົກປ້ອງລູກຈາກຄົນທີ່ມາຕໍ່ສູ້ລູກ.+
2 ຂໍພະອົງຊ່ວຍລູກໃຫ້ລອດຈາກຄົນທີ່ເຮັດຊົ່ວແລະຊ່ວຍລູກໃຫ້ລອດຈາກຄົນຮຸນແຮງ.*
3 ພະເຢໂຫວາເອີ້ຍ ເຂົາເຈົ້າມາຊຸ້ມທຳຮ້າຍລູກ.+ຄົນທີ່ແຂງແຮງກໍມາໂຈມຕີລູກທັງໆທີ່ລູກບໍ່ໄດ້ກະບົດແລະບໍ່ໄດ້ເຮັດຜິດຫຍັງເລີຍ.+
4 ເຖິງວ່າລູກບໍ່ໄດ້ເຮັດຜິດຫຍັງ ເຂົາເຈົ້າກໍຍັງຟ້າວກຽມໂຕມາໂຈມຕີລູກ.
ຕອນທີ່ລູກຮ້ອງຫາພະອົງ ຂໍພະອົງມາຊ່ວຍລູກແລະເບິ່ງສິ່ງທີ່ເຂົາເຈົ້າເຮັດ.
5 ພະເຢໂຫວາພະເຈົ້າຜູ້ບັນຊາການກອງທັບ ພະອົງເປັນພະເຈົ້າຂອງອິດສະຣາເອນ.+
ຂໍພະອົງມາແລະກວດເບິ່ງສິ່ງທີ່ຊາດຕ່າງໆກຳລັງເຮັດ.
ຂໍພະອົງຢ່າເມດຕາພວກຄົນທໍລະຍົດ.+ (ເຊລາ)*
6 ເຂົາເຈົ້າກັບມາທຸກໆຕອນແລງ.+ເຂົາເຈົ້າເຮັດສຽງຂູ່*ຄືກັບໝາ+ແລະຍ່າງໄປທົ່ວເມືອງ.+
7 ເຂົາເຈົ້າເວົ້າແຕ່ແນວຊົ່ວໆ.ປາກຂອງເຂົາເຈົ້າເປັນຄືກັບດາບ.+ເຂົາເຈົ້າພາກັນເວົ້າວ່າ: “ບໍ່ມີໃຜຮູ້ດອກ!”+
8 ແຕ່ພະເຢໂຫວາ ພະອົງຈະຫົວຂວັນໃສ່ເຂົາເຈົ້າ.+ພະອົງຈະເຍາະເຍີ້ຍທຸກຊາດ.+
9 ພະເຈົ້າຜູ້ເປັນກຳລັງຂອງລູກເອີ້ຍ ລູກຈະເບິ່ງໄປທີ່ພະອົງສະເໝີ+ຍ້ອນພະອົງເປັນບ່ອນລີ້ທີ່ປອດໄພ*ຂອງລູກ.+
10 ພະເຈົ້າຜູ້ທີ່ຮັກລູກຢ່າງໝັ້ນຄົງຈະມາຊ່ວຍລູກ.+ພະເຈົ້າຈະເຮັດໃຫ້ລູກເອົາຊະນະສັດຕູຂອງລູກໄດ້.+
11 ຂໍພະອົງຢ່າຂ້າເຂົາເຈົ້າ ແຕ່ຂໍເຮັດໃຫ້ເຂົາເຈົ້າແຕກຊະແຕກຊາຍກັນໄປ
ເພື່ອຄົນຊາດດຽວກັນກັບລູກຈະບໍ່ລືມເລື່ອງນີ້.ພະເຢໂຫວາຜູ້ເປັນໂລ້ຂອງພວກເຮົາເອີ້ຍ+ ຂໍພະອົງຍຶດເອົາອຳນາດຂອງເຂົາເຈົ້າໄປ.
12 ຍ້ອນເຂົາເຈົ້າເວົ້າສິ່ງທີ່ເປັນບາບແລະຍ້ອນເຂົາເຈົ້າມັກສາບແຊ່ງແລະມັກຕົວະຄົນອື່ນຂໍໃຫ້ເຂົາເຈົ້າຕິດກັບດັກຄວາມຍິ່ງຂອງໂຕເອງ.+
13 ຂໍພະອົງກຳຈັດເຂົາເຈົ້າດ້ວຍຄວາມໃຈຮ້າຍ.+ຂໍພະອົງທຳລາຍເຂົາເຈົ້າໃຫ້ໝົດໄປແລະເຮັດໃຫ້ເຂົາເຈົ້າຮູ້ວ່າພະເຈົ້າກຳລັງປົກຄອງລູກຫຼານຂອງຢາໂຄບແລະປົກຄອງທົ່ວໂລກ.+ (ເຊລາ)
14 ຂໍພະອົງປ່ອຍໃຫ້ເຂົາເຈົ້າກັບມາທຸກໆຕອນແລງ.ຂໍພະອົງປ່ອຍໃຫ້ເຂົາເຈົ້າເຮັດສຽງຂູ່ຄືກັບໝາແລະຍ່າງໄປທົ່ວເມືອງ.+
15 ຂໍພະອົງເຮັດໃຫ້ເຂົາເຈົ້າຕ້ອງໄປເລາະຊອກຫາແນວກິນ.+ຂໍຢ່າໃຫ້ເຂົາເຈົ້າໄດ້ກິນອີ່ມຫຼືຢ່າໃຫ້ມີບ່ອນພັກຄ້າງຄືນ.
16 ແຕ່ສຳລັບລູກ ລູກຈະຮ້ອງເພງກ່ຽວກັບລິດເດດຂອງພະອົງ.+ໃນຕອນເຊົ້າ ລູກຈະເວົ້າກ່ຽວກັບຄວາມຮັກທີ່ໝັ້ນຄົງຂອງພະອົງຢ່າງມີຄວາມສຸກ.
ພະອົງເປັນບ່ອນລີ້ທີ່ປອດໄພຂອງລູກ+ແລະເປັນບ່ອນທີ່ລູກໜີໄປລີ້ໄດ້ໃນຍາມທີ່ຍາກລຳບາກ.+
17 ພະເຈົ້າຜູ້ເປັນກຳລັງຂອງລູກເອີ້ຍ ລູກຈະຮ້ອງເພງ*ສັນລະເສີນພະອົງ+ຍ້ອນພະອົງເປັນບ່ອນລີ້ທີ່ປອດໄພຂອງລູກແລະເປັນພະເຈົ້າທີ່ຮັກລູກຢ່າງໝັ້ນຄົງ.+
ຂໍ
^ ອາດເປັນທຳນອງຫຼືຮູບແບບເພງ
^ ເບິ່ງສ່ວນອະທິບາຍຄຳສັບ
^ ຫຼື “ຄົນທີ່ຂ້າຄົນ”
^ ເບິ່ງສ່ວນອະທິບາຍຄຳສັບ
^ ຫຼື “ເຫົ່າ”
^ ຫຼື “ບ່ອນສູງທີ່ປອດໄພ”
^ ຫຼື “ຫຼິ້ນດົນຕີ”
