ເພງສັນລະເສີນ 65:1-13
ເຖິງຜູ້ຄວບຄຸມດົນຕີ. ເພງຂອງດາວິດ. ເພງສັນລະເສີນ.
65 ພະເຈົ້າເອີ້ຍ ພະອົງຈະໄດ້ຮັບການສັນລະເສີນຢູ່ພູຊີໂອນ.+ພວກເຮົາຈະເຮັດຕາມທີ່ໄດ້ສາບານໄວ້ກັບພະອົງ.+
2 ພະອົງທີ່ເປັນຜູ້ຟັງຄຳອະທິດຖານເອີ້ຍ ຄົນທຸກປະເພດຈະມາຫາພະອົງ.+
3 ຄວາມຜິດຂອງລູກມີຫຼາຍໂພດຈົນລູກແບກບໍ່ໄຫວ+ແຕ່ພະອົງຍົກໂທດຄວາມຜິດທັງໝົດໃຫ້ພວກເຮົາ.+
4 ຄົນທີ່ມີຄວາມສຸກແມ່ນຄົນທີ່ພະອົງເລືອກແລະຊວນໃຫ້ມາຢູ່ໃກ້ພະອົງເພື່ອໃຫ້ມາຢູ່ເດີ່ນວິຫານຂອງພະອົງ.+
ພວກເຮົາຈະອີ່ມໃຈພໍໃຈກັບສິ່ງດີໆທີ່ພວກເຮົາໄດ້ຮັບ+ຢູ່ວິຫານ*ຂອງພະອົງ.+
5 ພະເຈົ້າຜູ້ຊ່ວຍໃຫ້ລອດຂອງພວກເຮົາເອີ້ຍພະອົງຈະຕອບຄຳອະທິດຖານຂອງພວກເຮົາໂດຍເຮັດສິ່ງທີ່ຖືກຕ້ອງແລະເຮັດສິ່ງທີ່ເປັນຕາງຶດຫຼາຍ.+ທຸກຄົນທີ່ຢູ່ທົ່ວໂລກໄວ້ໃຈພະອົງ+ລວມທັງຄົນທີ່ຢູ່ໄກໆອີກຟາກໜຶ່ງຂອງທະເລ.
6 ພະອົງຕັ້ງພູຕ່າງໆດ້ວຍລິດເດດຂອງພະອົງ.ພະອົງເປັນພະເຈົ້າທີ່ຍິ່ງໃຫຍ່ຫຼາຍ.+
7 ພະອົງເຮັດໃຫ້ທະເລທີ່ປັ່ນປ່ວນແລະຄື້ນທີ່ຊັດແຮງໆສະຫງົບລົງ.+ພະອົງເຮັດໃຫ້ຄວາມວຸ່ນວາຍໃນຊາດຕ່າງໆໝົດໄປ.+
8 ຄົນທີ່ຢູ່ໄກໆຈະຮູ້ສຶກງຶດຫຼາຍຍ້ອນສິ່ງທີ່ພະອົງເຮັດ.+ພະອົງຈະເຮັດໃຫ້ທຸກຄົນທີ່ຢູ່ທາງທິດຕາເວັນອອກຈົນຮອດທິດຕາເວັນຕົກໂຫ່ຮ້ອງດີໃຈ.
9 ພະອົງເບິ່ງແຍງໂລກ.ພະອົງເຮັດໃຫ້ໂລກອຸດົມສົມບູນແລະເກີດດອກອອກໝາກ.*+
ພະອົງເຮັດໃຫ້ແມ່ນ້ຳເຕັມຕະຫຼອດແລະໃຫ້ຕົ້ນເຂົ້າປົ່ງຂຶ້ນ.+ນີ້ແມ່ນວິທີທີ່ພະອົງກຽມໂລກນີ້ໄວ້.
10 ພະອົງເຮັດໃຫ້ຮອຍໄຖນາປຽກຊຸ່ມແລະເຮັດໃຫ້ມັນພຽງກັນ.ພະອົງເຮັດໃຫ້ຝົນຕົກໃສ່ດິນຈົນດິນອ່ອນແລະອວຍພອນໃຫ້ດິນນັ້ນມີຜົນລະປູກເຕີບໃຫຍ່ຂຶ້ນມາ.+
11 ພະອົງອວຍພອນທຸກໆປີ.ບໍ່ວ່າພະອົງຈະໄປບ່ອນໃດ ບ່ອນນັ້ນກໍຈະມີແຕ່ສິ່ງດີໆຫຼາຍຢ່າງ.*+
12 ທົ່ງຫຍ້າຢູ່ບ່ອນກັນດານຈະມີຫຍ້າຂຽວໆຢູ່ຕະຫຼອດ+ແລະຢູ່ທົ່ວໂນນພູຕ່າງໆກໍມີແຕ່ຄວາມຍິນດີ.+
13 ທົ່ງຫຍ້າຕ່າງໆເຕັມໄປດ້ວຍຝູງສັດແລະຢູ່ຕາມຮ່ອມພູກໍມີເຂົ້າຢູ່ເຕັມ.+
ທຸກສິ່ງຢູ່ໃນແຜ່ນດິນພາກັນຮ້ອງເພງແລະຮ້ອງດ້ວຍຄວາມດີໃຈ.+
ຂໍ
^ ຫຼື “ບ່ອນບໍລິສຸດ”
^ ແປຕາມໂຕວ່າ “ເຮັດໃຫ້ມັນລົ້ນ”
^ ແປຕາມໂຕວ່າ “ມີນ້ຳມັນສັດຍ້ອຍ”
