ເພງສັນລະເສີນ 90:1-17
ເພງນີ້ແມ່ນຄຳອະທິດຖານຂອງໂມເຊຄົນຂອງພະເຈົ້າທ່ຽງແທ້.+
90 ພະເຢໂຫວາເອີ້ຍ ພະອົງເປັນບ່ອນທີ່ປອດໄພສຳລັບພວກເຮົາ*+ຕະຫຼອດທຸກຍຸກທຸກສະໄໝ.
2 ກ່ອນທີ່ຈະມີພູຕ່າງໆກ່ອນທີ່ພະອົງຈະສ້າງໂລກແລະແຜ່ນດິນທີ່ອຸດົມສົມບູນ+ພະອົງກໍເປັນພະເຈົ້າຕະຫຼອດມາແລະຕະຫຼອດໄປ.*+
3 ພະອົງເຮັດໃຫ້ມະນຸດກັບໄປເປັນດິນ.ພະອົງເວົ້າວ່າ: “ພວກລູກມະນຸດເອີ້ຍ ໃຫ້ກັບໄປເປັນດິນ.”+
4 ໜຶ່ງພັນປີສຳລັບພະອົງເປັນຄືກັບມື້ດຽວທີ່ຜ່ານໄປໄວໆ+ແລະເປັນຄືກັບບໍ່ເທົ່າໃດຊົ່ວໂມງໃນຕອນກາງຄືນ.
5 ພະອົງກວາດມະນຸດໄປ.+ ເຂົາເຈົ້າຫາຍໄປຄືກັບຄວາມຝັນ.ໃນຕອນເຊົ້າ ເຂົາເຈົ້າເປັນຄືກັບຫຍ້າທີ່ປົ່ງຂຶ້ນມາ.+
6 ຕອນເຊົ້າ ມັນໃຫຍ່ຂຶ້ນແລະອອກດອກແຕ່ເມື່ອຮອດຕອນແລງ ມັນກໍຫ່ຽວແຫ້ງໄປ.+
7 ຄວາມໃຈຮ້າຍຂອງພະອົງໄດ້ເຜົາໄໝ້ພວກເຮົາ+ແລະຄວາມໃຈຮ້າຍຂອງພະອົງເຮັດໃຫ້ພວກເຮົາຢ້ານຫຼາຍ.
8 ພະອົງຮູ້ຄວາມຜິດຂອງພວກເຮົາ.*+ເຖິງວ່າພວກເຮົາຈະລັກເຮັດສິ່ງທີ່ບໍ່ດີ ແຕ່ພະອົງກໍເຫັນຢ່າງຈະແຈ້ງ.+
9 ຊີວິດຂອງພວກເຮົາກຳລັງຈະເຖິງຈຸດຈົບຍ້ອນພະອົງໃຈຮ້າຍ.ພວກເຮົາຕາຍໄປບັກໄວໆຄືກັບລົມຫາຍໃຈ*ບາດດຽວ.
10 ຊີວິດຂອງພວກເຮົາມີແຕ່ 70 ປີເທົ່ານັ້ນ.ຖ້າແຂງແຮງແດ່ກໍຢູ່ໄດ້ 80 ປີ.+
ແຕ່ຊີວິດຂອງພວກເຮົາມີແຕ່ຄວາມທຸກຍາກແລະເຈັບປວດໃຈ.ມັນຜ່ານໄປໄວຫຼາຍແລະພວກເຮົາກໍບໍ່ຢູ່ແລ້ວ.+
11 ໃຜຈະເຂົ້າໃຈໄດ້ວ່າຄວາມໃຈຮ້າຍຂອງພະອົງມີພະລັງຫຼາຍສ່ຳໃດ?
ຄວາມໃຈຮ້າຍຂອງພະອົງມີພະລັງຫຼາຍ ແລະພະອົງກໍສົມຄວນໄດ້ຮັບຄວາມຢ້ານຢຳຈາກພວກເຮົາຫຼາຍຄືກັນ.+
12 ຂໍພະອົງສອນພວກເຮົາໃຫ້ໃຊ້ຊີວິດແບບມີປະໂຫຍດ*+ເພື່ອພວກເຮົາຈະເປັນຄົນສະຫຼາດ.
13 ພະເຢໂຫວາເອີ້ຍ ມັນຈະເປັນແບບນີ້ອີກດົນປານໃດ?+ ຂໍພະອົງເມດຕາພວກເຮົາອີກເທື່ອໜຶ່ງແດ່.+
ຂໍພະອົງອີ່ຕົນຜູ້ຮັບໃຊ້ຂອງພະອົງ.+
14 ຂໍພະອົງສະແດງຄວາມຮັກທີ່ໝັ້ນຄົງຕໍ່ພວກເຮົາ+ໃນຕອນເຊົ້າເພື່ອພວກເຮົາຈະໄດ້ໂຫ່ຮ້ອງດ້ວຍຄວາມສຸກຄວາມຍິນດີ+ຕະຫຼອດຊີວິດຂອງພວກເຮົາ.
15 ພະອົງເຄີຍເຮັດໃຫ້ພວກເຮົາມີຄວາມທຸກລຳບາກດົນສ່ຳໃດ ກໍຂໍເຮັດໃຫ້ພວກເຮົາມີຄວາມສຸກດົນສ່ຳນັ້ນ+ແລະຂໍໃຫ້ດົນສ່ຳກັບເວລາທີ່ພວກເຮົາເຈິຄວາມຈິບຫາຍ.+
16 ຂໍໃຫ້ຜູ້ຮັບໃຊ້ຂອງພະອົງເຫັນສິ່ງດີໆທີ່ພະອົງເຮັດແລະຂໍໃຫ້ພວກລູກຊາຍຂອງເຂົາເຈົ້າເຫັນລິດເດດທີ່ຍິ່ງໃຫຍ່ຂອງພະອົງ.+
17 ຂໍໃຫ້ພະເຢໂຫວາພະເຈົ້າຂອງພວກເຮົາອວຍພອນພວກເຮົາ.ຂໍພະອົງເຮັດໃຫ້ສິ່ງທີ່ພວກເຮົາເຮັດໝັ້ນຄົງ.*
ຂໍພະອົງເຮັດໃຫ້ສິ່ງທີ່ພວກເຮົາເຮັດໝັ້ນຄົງ.+
ຂໍ
^ ຫຼື “ບ່ອນຢູ່ຂອງພວກເຮົາ”
^ ຫຼື “ຈາກຕະຫຼອດໄປເຖິງຕະຫຼອດໄປ”
^ ຫຼື “ພະອົງເອົາຄວາມຜິດຂອງພວກເຮົາມາຕັ້ງໄວ້ຢູ່ຕໍ່ໜ້າພະອົງ”
^ ຫຼື “ສຽງຊິ່ມ”
^ ຫຼື “ສອນພວກເຮົາໃຫ້ຮູ້ນັບມື້ຂອງພວກເຮົາ”
^ ຫຼື “ຕັ້ງສິ່ງທີ່ພວກເຮົາເຮັດໄວ້ຢ່າງໝັ້ນຄົງ”
