ເພງສັນລະເສີນ 97:1-12
97 ພະເຢໂຫວາເປັນກະສັດແລ້ວ.+
ຂໍໃຫ້ໂລກມີຄວາມຍິນດີ.+
ຂໍໃຫ້ເກາະຕ່າງໆດີໃຈ.+
2 ຂີ້ເຝື້ອແລະຄວາມມືດຄຶ້ມກໍຢູ່ອ້ອມຂ້າງເພິ່ນ.+ຄວາມຖືກຕ້ອງແລະຄວາມຍຸຕິທຳກໍເປັນຮາກຖານບັນລັງຂອງເພິ່ນ.+
3 ມີໄຟອອກໜ້າກ່ອນເພິ່ນ+ແລະໄຟນັ້ນກໍໄໝ້ສັດຕູທີ່ຢູ່ອ້ອມຂ້າງເພິ່ນ.+
4 ສາຍຟ້າຂອງເພິ່ນເຮັດໃຫ້ແຜ່ນດິນແຈ້ງສະຫວ່າງ.ເມື່ອໂລກເຫັນສາຍຟ້ານັ້ນ ມັນກໍສັ່ນສະເທືອນ.+
5 ພູຕ່າງໆກໍເປື່ອຍໄປຄືກັບຂີ້ເຜີ້ງຕໍ່ໜ້າພະເຢໂຫວາ+ຕໍ່ໜ້າພະເຈົ້າຜູ້ປົກຄອງໂລກນີ້ທັງໝົດ.
6 ສະຫວັນປະກາດຄວາມຍຸຕິທຳຂອງເພິ່ນແລະທຸກຊາດກໍໄດ້ເຫັນຄວາມຍິ່ງໃຫຍ່ຂອງເພິ່ນ.+
7 ຂໍໃຫ້ທຸກຄົນທີ່ນະມັດສະການຮູບບູຊາແລະຄົນທີ່ເວົ້າອວດກ່ຽວກັບພະເຈົ້າທີ່ບໍ່ມີຄ່າຂອງໂຕເອງ+ອັບອາຍຂາຍໜ້າ.+
ພະເຈົ້າທັງໝົດເອີ້ຍ ໃຫ້ມາໝູບລົງຕໍ່ໜ້າ*ເພິ່ນ.+
8 ພະເຢໂຫວາເອີ້ຍ ຊີໂອນໄດ້ຍິນກ່ຽວກັບການຕັດສິນຂອງພະອົງແລະດີໃຈຫຼາຍ.+ເມືອງຕ່າງໆ*ຂອງຢູດາກໍມີຄວາມສຸກຫຼາຍຍ້ອນການຕັດສິນຂອງພະອົງ.+
9 ພະເຢໂຫວາເອີ້ຍ ພະອົງເປັນພະເຈົ້າສູງສຸດທີ່ປົກຄອງທົ່ວໂລກ.ພະອົງຖືກຍົກຍ້ອງໃຫ້ສູງຫຼາຍກວ່າພະເຈົ້າອື່ນໆທັງໝົດ.+
10 ພວກເຈົ້າຜູ້ທີ່ຮັກພະເຢໂຫວາເອີ້ຍ ຂໍໃຫ້ຊັງສິ່ງຊົ່ວ.+
ເພິ່ນປົກປ້ອງຊີວິດຂອງຄົນທີ່ສັດຊື່ຕໍ່ເພິ່ນ.+ເພິ່ນຊ່ວຍເຂົາເຈົ້າໃຫ້ລອດຈາກອຳນາດ*ຂອງຄົນຊົ່ວ.+
11 ແສງສະຫວ່າງສ່ອງມາໃສ່ຄົນທີ່ເຮັດສິ່ງທີ່ຖືກຕ້ອງ+ແລະຄວາມສຸກກໍເກີດຂຶ້ນກັບຄົນທີ່ມີໃຈສັດຊື່.
12 ພວກເຈົ້າທີ່ເປັນຄົນທີ່ເຮັດສິ່ງທີ່ຖືກຕ້ອງເອີ້ຍ ໃຫ້ພວກເຈົ້າມີຄວາມສຸກຍ້ອນພະເຢໂຫວາແລະໃຫ້ສັນລະເສີນຊື່*ທີ່ບໍລິສຸດຂອງເພິ່ນ.
ຂໍ
^ ຫຼື “ນະມັດສະການ”
^ ແປຕາມໂຕວ່າ “ພວກລູກສາວ”
^ ຫຼື “ມື”
^ ແປຕາມໂຕວ່າ “ສິ່ງທີ່ລະນຶກ”
