ເອຊາຢາ 11:1-16
11 ກິ່ງໜຶ່ງ+ຈະປົ່ງອອກມາຈາກຕໍຂອງເຢຊີ+ແລະໜໍ່ໜຶ່ງທີ່ປົ່ງອອກມາ+ຈາກຮາກຂອງລາວຈະເກີດໝາກ.
2 ພະລັງຂອງພະເຢໂຫວາຈະຢູ່ນຳລາວ.+ພະລັງນີ້ຈະເຮັດໃຫ້ລາວສະຫຼາດ+ແລະມີຄວາມເຂົ້າໃຈ.ລາວຈະແຂງແຮງແລະສາມາດໃຫ້ຄຳແນະນຳທີ່ດີ.+ລາວຈະມີຄວາມຮູ້ຫຼາຍແລະຢ້ານຢຳພະເຢໂຫວາ.
3 ລາວຈະມີຄວາມສຸກທີ່ໄດ້ຢ້ານຢຳພະເຢໂຫວາ.+
ລາວຈະບໍ່ຕັດສິນຕາມສິ່ງທີ່ເຫັນແລະຈະບໍ່ຕັກເຕືອນຕາມສິ່ງທີ່ໄດ້ຍິນ.+
4 ລາວຈະຕັດສິນຄົນຕ່ຳຕ້ອຍແບບຍຸຕິທຳແລະລາວຈະເຮັດສິ່ງທີ່ຖືກຕ້ອງເພື່ອປົກປ້ອງຄົນຖ່ອມ.
ຄຳເວົ້າຂອງລາວຈະເປັນຄືກັບໄມ້ແສ້ທີ່ລາວໃຊ້ເພື່ອຟາດໂລກນີ້+ແລະລາວຈະໃຊ້ຄຳເວົ້າຂອງລາວ*ເພື່ອຂ້າຄົນຊົ່ວ.+
5 ຄວາມຍຸຕິທຳຈະເປັນຄືກັບສາຍແອວຂອງລາວແລະຄວາມສັດຊື່ຈະເປັນຄືກັບສາຍຮັດແອວທີ່ລາວມັດໄວ້.+
6 ໝາປ່າກັບແກະນ້ອຍຈະຢູ່ນຳກັນ+ແລະເສືອດາວກັບແບ້ນ້ອຍຈະນອນຢູ່ນຳກັນ.ສິງກັບງົວນ້ອຍແລະສັດທີ່ຕຸ້ຍໆຈະຍ່າງໄປນຳກັນ*+ແລະເດັກນ້ອຍຈະເປັນຜູ້ພາພວກມັນໄປ.
7 ງົວກັບໝີຈະຢູ່ນຳກັນແລະກິນນຳກັນແລະລູກຂອງພວກມັນຈະນອນຢູ່ນຳກັນ.
ສິງຈະກິນເຟືອງຄືກັບງົວ.+
8 ເດັກນ້ອຍທີ່ຍັງກິນນົມແມ່ຈະຫຼິ້ນຢູ່ໃກ້ໆບ່ອນທີ່ງູເຫົ່າຢູ່.ເດັກນ້ອຍທີ່ເຊົານົມແລ້ວຈະເອົາມືວາງໄວ້ເທິງຮູງູພິດ.
9 ສັດເຫຼົ່ານີ້ຈະບໍ່ເປັນອັນຕະລາຍ+ແລະຈະບໍ່ທຳລາຍຫຍັງຢູ່ພູບໍລິສຸດຂອງເຮົາ+ຍ້ອນຄວາມຮູ້ກ່ຽວກັບພະເຢໂຫວາຈະມີຢູ່ເຕັມໂລກນີ້ຄືກັບນ້ຳທີ່ມີຢູ່ເຕັມທະເລ.+
10 ໃນມື້ນັ້ນ ຜູ້ທີ່ເປັນຮາກຂອງເຢຊີ+ຈະຖືກຕັ້ງຂຶ້ນຄືກັບທຸງ*ເພື່ອໃຫ້ປະເທດຕ່າງໆເຫັນ.+
ຄົນຈາກປະເທດເຫຼົ່ານັ້ນຈະມາຂໍການຊີ້ນຳຈາກລາວ*+ແລະບ່ອນຢູ່ຂອງລາວຈະຍິ່ງໃຫຍ່.
11 ໃນມື້ນັ້ນ ພະເຢໂຫວາຈະເຮັດໃຫ້ເຫັນລິດເດດຂອງເພິ່ນ* ເພື່ອຊ່ວຍປະຊາຊົນຂອງເພິ່ນເປັນເທື່ອທີ 2. ເພິ່ນຈະພາຄົນທີ່ເຫຼືອກັບມາຈາກອັດຊີເຣຍ+ ເອຢິບ+ ປັດໂຣດ+ ກູເຊ*+ ເອລາມ+ ຊີນາ* ຮາມັດ ແລະຈາກເກາະຕ່າງໆໃນທະເລ.+
12 ເພິ່ນຈະປັກທຸງເພື່ອໃຫ້ປະເທດຕ່າງໆເຫັນ. ເພິ່ນຈະລວບລວມພວກອິດສະຣາເອນ+ກັບພວກຢູດາທີ່ກະຈັດກະຈາຍຢູ່ທົ່ວໂລກ.*+
13 ເອຟຣາຢິມຈະບໍ່ອິດສາອີກຕໍ່ໄປ+ແລະຈະບໍ່ມີໃຜໃນເຂົາເຈົ້າເຮັດບໍ່ດີຕໍ່ຢູດາ.
ເອຟຣາຢິມຈະບໍ່ອິດສາຢູດາແລະຢູດາກໍຈະເຊົາເຮັດສິ່ງທີ່ບໍ່ດີຕໍ່ເອຟຣາຢິມ.+
14 ເຂົາເຈົ້າຈະແລ່ນລົງເນີນພູທີ່ຢູ່ທາງທິດຕາເວັນຕົກເພື່ອໄປຕໍ່ສູ້ກັບພວກຟີລິດສະຕີນແລະຈະພາກັນໄປປຸ້ນເອົາເຄື່ອງຂອງຄົນທີ່ຢູ່ທາງທິດຕາເວັນອອກ.
ເຂົາເຈົ້າຈະຕໍ່ສູ້ຊະນະພວກເອໂດມ+ກັບພວກໂມອາບ+ແລະເຂົາເຈົ້າຈະປົກຄອງພວກອຳໂມນ.+
15 ພະເຢໂຫວາຈະແຍກ*ອ່າວໃນທະເລທີ່ຢູ່ເອຢິບ+ແລະເດ່ມືໄປທາງແມ່ນ້ຳເອິຟາຣາດ.+
ເພິ່ນຈະເປົ່າລົມຮ້ອນທີ່ເປັນໄຟເພື່ອເຮັດໃຫ້ແມ່ນ້ຳທີ່ມີ 7 ສາຍແຫ້ງແລະຄົນຈະຍ່າງຂ້າມໄປໄດ້.
16 ເພິ່ນຈະເຮັດຫົນທາງ+ໃຫ້ຄົນທີ່ເຫຼືອຢູ່ຍ່າງອອກມາຈາກອັດຊີເຣຍໄດ້+ຄືກັບທີ່ເພິ່ນໄດ້ເຮັດເພື່ອພວກອິດສະຣາເອນຕອນທີ່ເຂົາເຈົ້າອອກມາຈາກເອຢິບ.
ຂໍ
^ ຫຼື “ລົມຫາຍໃຈຈາກປາກຂອງລາວ”
^ ຫຼືອາດແປວ່າ “ງົວນ້ອຍກັບສິງຈະຫາກິນນຳກັນ”
^ ຫຼື “ປະເທດຕ່າງໆຈະຊອກຫາລາວ”
^ ຫຼື “ເສົາໃຫ້ສັນຍານ”
^ ແປຕາມໂຕວ່າ “ເດ່ມືເຂົ້າມາຊ່ວຍ”
^ ຫຼື “ເອທິໂອເປຍ”
^ ໝາຍເຖິງບາບີໂລນ
^ ຫຼື “4 ແຈຂອງໂລກ”
^ ຫຼືອາດແປວ່າ “ເຮັດໃຫ້ແຫ້ງ”
