ເອຊາຢາ 15:1-9
-
ຄຳຕັດສິນຕໍ່ໂມອາບ (1-9)
15 ຕໍ່ໄປນີ້ແມ່ນຄຳຕັດສິນຕໍ່ໂມອາບ.+
ເມືອງອາຣະ+ທີ່ຢູ່ໂມອາບຈະຖືກເຮັດໃຫ້ມິດງຽບຍ້ອນມັນຈະຖືກທຳລາຍພາຍໃນຄືນດຽວ.
ເມືອງກີເຣ+ທີ່ຢູ່ໂມອາບຈະຖືກເຮັດໃຫ້ມິດງຽບຍ້ອນມັນຈະຖືກທຳລາຍພາຍໃນຄືນດຽວ.
2 ຄົນຈະຂຶ້ນໄປວິຫານຂອງພະເຈົ້າຕ່າງໆ ໄປເມືອງດີໂບນ+ແລະໄປບ່ອນນະມັດສະການຕ່າງໆເພື່ອຮ້ອງໄຫ້.
ໂມອາບຈະຮ້ອງໄຫ້ເສຍໃຈໃຫ້ເມືອງເນໂບ+ແລະເມືອງເມເດບາ.+
ທຸກຄົນຈະແຖຫົວ+ແລະແຖໜວດແຖເຄົາ.+
3 ເຂົາເຈົ້າຈະນຸ່ງຜ້າເນື້ອຫຍາບແລະຢູ່ຕາມຫົນທາງ.
ເຂົາເຈົ້າຈະຮ້ອງໄຫ້ຢູ່ເທິງດາດຟ້າແລະຢູ່ເດີ່ນຂອງເມືອງ.ເຂົາເຈົ້າຈະເສຍໃຈຫຼາຍຈົນນອນໄຫ້ຢູ່ພື້ນ.+
4 ເຮັດຊະໂບນແລະເອເລອາເລ+ຈະຮ້ອງໄຫ້ແລະສຽງນັ້ນກໍດັງໄປໄກຈົນຮອດຢາຮາດ.+
ພວກທະຫານຂອງໂມອາບຮ້ອງແລ້ວຮ້ອງອີກ.
ເຂົາເຈົ້າຢ້ານຫຼາຍຈົນໂຕສັ່ນ.
5 ຂ້ອຍຮ້ອງໄຫ້ສຽງດັງໃຫ້ໂມອາບ.
ເຂົາເຈົ້າໜີໄປໄກຈົນຮອດໂຊອາ+ແລະເອັກລາດເຊລີຊີຢາ.+
ຕອນທີ່ຂຶ້ນໄປລູຮິດ ເຂົາເຈົ້າທັງຍ່າງທັງໄຫ້.ຕອນທີ່ໄປໂຮໂຣນາຢິມ ເຂົາເຈົ້າຮ້ອງໄຫ້ສຽງດັງຍ້ອນຄວາມຈິບຫາຍທີ່ເກີດຂຶ້ນ.+
6 ນ້ຳຫ້ວຍນິມຣີມຈະແຫ້ງແລະຫຍ້າທີ່ຂຽວໆກໍຈະຫ່ຽວ.ຫຍ້າຈະຕາຍໝົດແລະບໍ່ມີສີຂຽວເຫຼືອເລີຍ.
7 ເຂົາເຈົ້າຈຶ່ງຂົນເອົາແນວຢູ່ແນວກິນກັບຊັບສົມບັດທີ່ຍັງເຫຼືອຢູ່ໄປແລ້ວຂ້າມຮ່ອມພູ*ຕົ້ນໄມ້.*
8 ສຽງຮ້ອງໄຫ້ດັງໄປທົ່ວແຜ່ນດິນໂມອາບ.+
ສຽງນັ້ນດັງໄປໄກຮອດເອັກລາຢິມແລະດັງໄປຈົນຮອດເບເອເອລີມ.
9 ນ້ຳຫ້ວຍດີໂມນຈະມີແຕ່ເລືອດ.ພະເຈົ້າຈະເພີ່ມຄວາມລຳບາກໃຫ້ດີໂມນອີກ.
ເພິ່ນຈະໃຫ້ສິງໂຕໜຶ່ງມາກັດກິນພວກໂມອາບທີ່ໜີໄປແລະກັດກິນພວກທີ່ຍັງເຫຼືອຢູ່ໃນແຜ່ນດິນ.+
ຂໍ ຄວາມ ໄຂ ເງື່ອນ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ ໃນພາສາເຮັບເຣີໝາຍເຖິງຕົ້ນໄມ້ທີ່ພົບເຫັນໄດ້ທົ່ວໄປຢູ່ແຄມແມ່ນ້ຳ. ໃນພາສາອັງກິດແມ່ນພ໋ອບລາ.