ເອຊາຢາ 17:1-14
17 ຕໍ່ໄປນີ້ແມ່ນຄຳຕັດສິນຕໍ່ເມືອງດາມາເຊ.+
“ຖ້າເບິ່ງເດີ້! ເມືອງດາມາເຊຈະບໍ່ມີອີກຕໍ່ໄປແລະເມືອງນີ້ຈະກາຍເປັນຊາກຫັກພັງ.+
2 ເມືອງຕ່າງໆໃນອາໂຣເອ+ຈະຖືກປະຖິ້ມໃຫ້ຮ້າງເປົ່າ.ຝູງສັດຈະໄປນອນຢູ່ໃນເມືອງເຫຼົ່ານັ້ນແລະຈະບໍ່ມີໃຜເຮັດໃຫ້ພວກມັນຢ້ານ.
3 ເມືອງຕ່າງໆທີ່ມີກຳແພງອ້ອມໃນເອຟຣາຢິມຈະບໍ່ມີອີກຕໍ່ໄປ+ແລະດາມາເຊຈະສູນເສຍອຳນາດໃນການປົກຄອງ.+ຄົນທີ່ຍັງເຫຼືອຢູ່ຊີເຣຍຈະສູນເສຍກຽດຕິຍົດຄືກັບທີ່ພວກອິດສະຣາເອນສູນເສຍ.” ພະເຢໂຫວາຜູ້ບັນຊາການກອງທັບບອກໄວ້ແບບນີ້.
4 “ໃນມື້ນັ້ນ ກຽດຕິຍົດຂອງຢາໂຄບຈະຫຼຸດໜ້ອຍລົງແລະຮ່າງກາຍທີ່ແຂງແຮງຂອງລາວກໍຈະຈ່ອຍໆ.
5 ຢາໂຄບຈະເປັນຄືກັບທົ່ງນາໃນຮ່ອມພູເຣຟາຢິມ+ຫຼັງຈາກທີ່ກ່ຽວແລ້ວແລະຈະມີຮວງເຂົ້າເຫຼືອໃຫ້ເກັບແຕ່ໜ້ອຍດຽວ.
6 ສິ່ງທີ່ເຮ່ຍຈະມີແຕ່ໜ້ອຍດຽວຄືກັບຕອນທີ່ຕົ້ນໝາກກອກຖືກສັ່ນ.
ຈະມີໝາກກອກສອງສາມໜ່ວຍເຫຼືອຢູ່ປາຍແລະມີແຕ່ສີ່ຫ້າໜ່ວຍເຫຼືອຢູ່ງ່າທີ່ເປັນໝາກດົກໆ.”+ ພະເຢໂຫວາພະເຈົ້າຂອງອິດສະຣາເອນເວົ້າແບບນີ້.
7 ໃນມື້ນັ້ນ ມະນຸດຈະຊອກຫາຄວາມຊ່ວຍເຫຼືອຈາກຜູ້ທີ່ສ້າງລາວ ແລະລາວຈະຝາກຄວາມຫວັງໄວ້ກັບພະເຈົ້າອົງບໍລິສຸດຂອງອິດສະຣາເອນ.
8 ລາວຈະບໍ່ຝາກຄວາມຫວັງໄວ້ກັບແທ່ນບູຊາຕ່າງໆ+ທີ່ລາວໄດ້ເຮັດຂຶ້ນມາເອງ+ ແລະລາວຈະບໍ່ຝາກຄວາມຫວັງໄວ້ນຳສິ່ງຕ່າງໆທີ່ລາວໄດ້ເຮັດ ບໍ່ວ່າຈະເປັນເສົາໄມ້ສັກສິດ*ຫຼືແທ່ນເຜົາເຄື່ອງຫອມ.
9 ໃນມື້ນັ້ນ ເມືອງຕ່າງໆຂອງລາວທີ່ມີກຳແພງອ້ອມຈະເປັນຄືກັບບ່ອນຮ້າງທີ່ຖືກປະຖິ້ມໄວ້ໃນປ່າ.+ມັນຈະກາຍເປັນບ່ອນທີ່ຮ້າງເປົ່າແລະເປັນຄືກັບງ່າໄມ້ທີ່ຖືກຖິ້ມຕໍ່ໜ້າພວກອິດສະຣາເອນ.
10 ເຈົ້າ*ໄດ້ລືມພະເຈົ້າ+ທີ່ຊ່ວຍເຈົ້າໃຫ້ລອດແລະເຈົ້າໄດ້ລືມຜູ້ທີ່ເປັນຫີນຜາ+ທີ່ປົກປ້ອງເຈົ້າ.
ຍ້ອນແນວນີ້ເຈົ້າຈຶ່ງເຮັດສວນທີ່ງາມໆແລະເອົາຕົ້ນໄມ້ຂອງຄົນແປກໜ້າ*ມາປູກໃສ່.
11 ຕອນກາງເວັນ ເຈົ້າໄດ້ເຮັດຮົ້ວອ້ອມສວນນັ້ນໄວ້ແລະໃນຕອນເຊົ້າ ແນວທີ່ເຈົ້າປູກກໍຈະປົ່ງຂຶ້ນແຕ່ຜົນຜະລິດຂອງເຈົ້າຈະຫາຍໄປໃນຕອນທີ່ເຈົ້າບໍ່ສະບາຍແຮງແລະປົວບໍ່ໄດ້.+
12 ຟັງແມ້! ມີສຽງຮ້ອງສັບສົນວຸ່ນວາຍຂອງຫຼາຍໆຄົນ.ສຽງເຂົາເຈົ້າດັງສ່ຳກັບສຽງທະເລທີ່ປັ່ນປ່ວນ.
ມີສຽງດັງອຶກກະທຶກຂອງຊາດຕ່າງໆ.ສຽງເຂົາເຈົ້າດັງຄືກັບສຽງຂອງຄື້ນທີ່ໃຫຍ່ໆ.
13 ຊາດຕ່າງໆຈະເຮັດສຽງດັງຄືກັບສຽງຄື້ນທີ່ຊັດແຮງໆ.
ພະເຈົ້າຈະຕັກເຕືອນເຂົາເຈົ້າແລະເຂົາເຈົ້າຈະໜີໄປໄກໆ.ເຂົາເຈົ້າຈະໜີໄປໄກໆຄືກັບຂີ້ແກບຢູ່ເທິງພູທີ່ຖືກລົມພັດໄປໄກໆແລະຄືກັບຕົ້ນໜາມ*ທີ່ຖືກລົມພັດໄປໄກໆ.
14 ໃນຕອນແລງຈະມີສິ່ງທີ່ເປັນຕາຢ້ານເກີດຂຶ້ນ
ແຕ່ກ່ອນຈະຮອດຕອນເຊົ້າມັນຈະໝົດໄປ.
ນີ້ແມ່ນສິ່ງທີ່ຈະເກີດຂຶ້ນກັບຄົນທີ່ຈະມາຍຶດເອົາເຄື່ອງຂອງພວກເຮົາແລະຄົນທີ່ມາປຸ້ນເອົາເຄື່ອງຂອງພວກເຮົາກໍຈະເຈິແບບນີ້ຄືກັນ.
ຂໍ
^ ເບິ່ງສ່ວນອະທິບາຍຄຳສັບ
^ ໝາຍເຖິງເມືອງທີ່ນະມັດສະການພະເຈົ້າ
^ ຫຼື “ເອົາຕົ້ນໄມ້ຂອງພະເຈົ້າຂອງຄົນຕ່າງຊາດ”
^ ໝາຍເຖິງງ່າຂອງຕົ້ນໜາມທີ່ພັນກັນເປັນປຸ້ມ
