ເອຊາຢາ 24:1-23
24 ຖ້າເບິ່ງເດີ້ ພະເຢໂຫວາຈະກຳຈັດທຸກຄົນອອກຈາກແຜ່ນດິນນີ້*ແລະເຮັດໃຫ້ມັນຮ້າງເປົ່າ.+
ເພິ່ນຈະຂວ້ຳແຜ່ນດິນນີ້*+ແລະເຮັດໃຫ້ຄົນທີ່ອາໄສຢູ່ກະຈັດກະຈາຍໄປ.+
2 ທຸກຄົນຈະເຈິແບບດຽວກັນໝົດ
ທັງປະຊາຊົນແລະປະໂລຫິດຄົນໃຊ້ແລະເຈົ້ານາຍສາວໃຊ້ແລະເຈົ້ານາຍຜູ້ຍິງຜູ້ຊື້ແລະຜູ້ຂາຍຜູ້ໃຫ້ຢືມແລະຜູ້ຂໍຢືມເຈົ້າໜີ້ແລະລູກໜີ້.+
3 ແຜ່ນດິນນີ້ຈະຮ້າງເປົ່າແລະຈະຖືກປຸ້ນຈົນບໍ່ເຫຼືອຫຍັງ+ຍ້ອນພະເຢໂຫວາໄດ້ບອກໄວ້ແນວນີ້.
4 ແຜ່ນດິນກໍໂສກເສົ້າ*+ແລະຖືກທຳລາຍ.
ແຜ່ນດິນທີ່ເຄີຍອຸດົມສົມບູນກໍຈະແຫ້ງແລ້ງໄປເລື້ອຍໆແລະຮ້າງເປົ່າ.
ຄົນທີ່ມີຖານະດີກໍຈະຕົກຕ່ຳ.
5 ແຜ່ນດິນນີ້ເປື້ອນຍ້ອນຄົນທີ່ອາໄສຢູ່ຫັ້ນ.+ເຂົາເຈົ້າຫຼີກລ່ຽງບໍ່ເຮັດຕາມກົດໝາຍ+ປ່ຽນແປງຄຳສັ່ງ+ແລະບໍ່ເຮັດຕາມສັນຍາທີ່ມີຕັ້ງແຕ່ສະໄໝບູຮານ.*+
6 ຍ້ອນແນວນີ້ ແຜ່ນດິນຈຶ່ງຖືກສາບແຊ່ງ+ແລະຄົນທີ່ອາໄສຢູ່ຫັ້ນກໍມີຄວາມຜິດ.
ເຂົາເຈົ້າຈຶ່ງມີຈຳນວນໜ້ອຍລົງແລະເຫຼືອບໍ່ເທົ່າໃດຄົນ.+
7 ເຫຼົ້າແວງໃໝ່ກໍແຫ້ງ+ແລະຄົນອາລົມດີກໍຖອນຫາຍໃຈ.+
8 ສຽງມ່ວນໆຂອງກອງແທມບູຣິນ*ກໍງຽບສຽງຟົດນັນຂອງຄົນທີ່ມັກມ່ວນກໍມິດແລະສຽງດີດພິນທີ່ມ່ວນໆກໍບໍ່ມີອີກແລ້ວ.+
9 ເຂົາເຈົ້າກິນເຫຼົ້າແວງ ແຕ່ບໍ່ມີຄົນຮ້ອງເພງໃຫ້ຟັງແລະເຫຼົ້າກໍຂົມສຳລັບຄົນທີ່ມັກກິນເຫຼົ້າ.
10 ເມືອງທີ່ຮ້າງກໍເປ່ເພ+ແລະເຮືອນທຸກຫຼັງກໍຖືກປິດປະຕູໄວ້ເພື່ອບໍ່ໃຫ້ໃຜເຂົ້າໄປ.
11 ຈະມີຄົນຮ້ອງຢາກກິນເຫຼົ້າແວງຕາມຫົນທາງ
ແຕ່ຄວາມມ່ວນຊື່ນທຸກຢ່າງໄດ້ຈົບແລ້ວແລະບໍ່ມີຄວາມສຸກອີກຕໍ່ໄປ.+
12 ເມືອງນັ້ນເຫຼືອແຕ່ຊາກຫັກພັງແລະປະຕູເມືອງກໍຖືກທຳລາຍຈົນບໍ່ເຫຼືອຫຍັງ.+
13 ແຕ່ປະຊາຊົນຂອງເຮົາທີ່ຢູ່ໃນແຜ່ນດິນທ່າມກາງຄົນຈາກຊາດຕ່າງໆ
ຈະເປັນຄືກັບໝາກກອກທີ່ເຫຼືອຢູ່ເທິງຕົ້ນ+ແລະເປັນຄືກັບໝາກລະແຊັງທີ່ເຫຼືອຢູ່ເຄືອຫຼັງຈາກທີ່ຫວິດລະດູເກັບກ່ຽວແລ້ວ.+
14 ເຂົາເຈົ້າຈະຮ້ອງສຽງດັງແລະຮ້ອງດ້ວຍຄວາມດີໃຈ.
ເຂົາເຈົ້າຈະປະກາດເຖິງຄວາມຍິ່ງໃຫຍ່ຂອງພະເຢໂຫວາຈາກທະເລ.*+
15 ເຂົາເຈົ້າຈະສັນລະເສີນພະເຢໂຫວາຢູ່ທາງທິດຕາເວັນອອກ*+ແລະເຂົາເຈົ້າຈະສັນລະເສີນຊື່ຂອງພະເຢໂຫວາພະເຈົ້າຂອງອິດສະຣາເອນຢູ່ຕາມເກາະຕ່າງໆໃນທະເລ.+
16 ພວກເຮົາໄດ້ຍິນສຽງເພງດັງມາຈາກສຸດຂອບໂລກວ່າ:
“ໃຫ້ຍົກຍ້ອງພະເຈົ້າຜູ້ທີ່ເຮັດສິ່ງທີ່ຖືກຕ້ອງສະເໝີ.”+
ແຕ່ຂ້ອຍບອກວ່າ: “ຂ້ອຍເມື່ອຍແລ້ວ ຂ້ອຍບໍ່ມີແຮງແລ້ວຍ້ອນວ່າໂສກເສົ້າຫຼາຍ.
ຂ້ອຍຕ້ອງຈິບຫາຍແທ້ໆ.ຄົນຊົ່ວເຮັດແຕ່ແນວຊົ່ວໆ ແລະເຂົາເຈົ້າກໍບໍ່ເຊົາເຮັດຊົ່ວ.”+
17 ຄວາມຢ້ານ ບ້ວງແຮ້ວ ແລະກັບດັກກຳລັງຖ້າພວກເຈົ້າທີ່ອາໄສຢູ່ແຜ່ນດິນນີ້.+
18 ຜູ້ທີ່ໜີມາຈາກສຽງຮ້ອງທີ່ເປັນຕາຢ້ານຈະຕົກລົງໄປໃນບ້ວງແຮ້ວແລະຜູ້ທີ່ຂຶ້ນມາຈາກບ້ວງແຮ້ວໄດ້ກໍຈະຖືກກັບດັກ.+
ປະຕູນ້ຳທີ່ຢູ່ເທິງຟ້າຈະເປີດອອກແລະແຜ່ນດິນຈະສັ່ນສະເທືອນ.
19 ແຜ່ນດິນໄດ້ແຍກອອກຈາກກັນ.ມັນຖືກສັ່ນແລະສັ່ນບັກແຮງໆ.+
20 ແຜ່ນດິນເຊໄປເຊມາຄືຄົນເມົາເຫຼົ້າແລະໄກວໄປໄກວມາຄືຕູບທີ່ຖືກລົມພັດ.
ແຜ່ນດິນນີ້ຮູ້ສຶກໜັກໃຈຍ້ອນວ່າເຮັດຜິດ.+ມັນຈະລົ້ມລົງແລະລຸກຂຶ້ນບໍ່ໄດ້ອີກ.
21 ໃນຕອນນັ້ນ ພະເຢໂຫວາຈະຕັດສິນກອງທັບທີ່ຢູ່ໃນສະຫວັນແລະພວກກະສັດທີ່ຢູ່ໃນໂລກ.
22 ເຂົາເຈົ້າຈະຖືກຈັບໄວ້ນຳກັນຄືກັບພວກນັກໂທດທີ່ຖືກຂັງໄວ້ຢູ່ໃນຂຸມໃຫຍ່.ເຂົາເຈົ້າຈະຖືກຂັງຢູ່ໃນຄຸກໃຕ້ດິນແລະຫຼາຍມື້ຕໍ່ມາເຂົາເຈົ້າຈະຖືກລົງໂທດ.
23 ພະເຢໂຫວາຜູ້ບັນຊາການກອງທັບໄດ້ເປັນກະສັດ+ຢູ່ເທິງພູຊີໂອນ+ແລະໃນເມືອງເຢຣູຊາເລັມແລ້ວ.ເພິ່ນຈະປົກຄອງຢ່າງມີສະຫງ່າລາສີຕໍ່ໜ້າພວກຜູ້ນຳ*ປະຊາຊົນຂອງເພິ່ນ.+ສະຫງ່າລາສີນີ້ຈະເຮັດໃຫ້ເດືອນທີ່ເຕັມດວງມືດແລະເຮັດໃຫ້ຕາເວັນທີ່ແຈ້ງໆມົວ.+
ຂໍ
^ ຫຼື “ເພິ່ນຈະບິດແຜ່ນດິນນີ້”
^ ອາດໝາຍເຖິງຢູດາແລະເຢຣູຊາເລັມ
^ ຫຼືອາດແປວ່າ “ແຫ້ງແລ້ງ”
^ ຫຼື “ສັນຍາທີ່ຢູ່ຕະຫຼອດໄປ”
^ ກອງນ້ອຍທີ່ມີແສ່ງຕິດນຳ
^ ຫຼື “ທິດຕາເວັນຕົກ”
^ ແປຕາມໂຕວ່າ “ດິນແດນທີ່ມີແສງສະຫວ່າງ”
^ ແປຕາມໂຕວ່າ “ພວກຜູ້ຊາຍທີ່ເຖົ້າແລ້ວ”
