ເອຊາຢາ 27:1-13
27 ໃນຕອນນັ້ນ ພະເຢໂຫວາຈະໃຊ້ດາບຂອງເພິ່ນທີ່ໃຫຍ່ໆຄົມໆແລະແຂງແຮງ+ເພື່ອລົງໂທດໂຕເລວີອາທານ* ງູທີ່ເລືອໄວໆໂຕເລວີອາທານ ແລະງູທີ່ກ້ຽວໂຕເອງຢູ່.ເພິ່ນຈະຂ້າງູໃຫຍ່ໂຕນີ້ທີ່ຢູ່ໃນທະເລ.
2 ໃນຕອນນັ້ນຈະມີການຮ້ອງເພງວ່າ:
“ເຈົ້າ*ເປັນຄືກັບສວນໝາກລະແຊັງທີ່ເຮັດເຫຼົ້າແວງໄດ້ຫຼາຍ.+
3 ເຮົາເຢໂຫວາເປັນຜູ້ເບິ່ງແຍງເຈົ້າ.+
ເຮົາຫົດນ້ຳເຈົ້າຕະຫຼອດ.+
ເຮົາເບິ່ງແຍງເຈົ້າທັງກາງເວັນແລະກາງຄືນເພື່ອບໍ່ໃຫ້ໃຜມາທຳຮ້າຍເຈົ້າ.+
4 ເຮົາເຊົາໃຈຮ້າຍໃຫ້ເຈົ້າແລ້ວ.+
ຖ້າສັດຕູເອົາຟຸ່ມໜາມກັບຫຍ້າມາວາງຂວາງທາງເຮົາ
ເຮົາຈະຕໍ່ສູ້ລາວແລະເຮົາຈະຢຽບຟຸ່ມໜາມກັບຫຍ້າ ແລ້ວຈູດມັນຖິ້ມ.
5 ແຕ່ແທນທີ່ຈະເຮັດແບບນັ້ນ ໃຫ້ລາວຊອກຫາການປົກປ້ອງຈາກເຮົາ.
ໃຫ້ລາວມາເປັນໝູ່ກັບເຮົາແລະສ້າງຄວາມສະຫງົບສຸກກັບເຮົາ.”
6 ໃນມື້ໜຶ່ງ ຢາໂຄບຈະຢັ່ງຮາກລົງເລິກອິດສະຣາເອນຈະອອກດອກແລະແຕກກິ່ງ+ແລະເປັນໝາກດົກເຕັມແຜ່ນດິນ.+
7 ລາວຕ້ອງຖືກຕີແຮງຂະໜາດນີ້ບໍ?
ລາວຕ້ອງຖືກຂ້າຢ່າງໂຫດຮ້າຍແບບນີ້ບໍ?
8 ເພິ່ນຈະລົງໂທດເຈົ້າຕອນທີ່ໄລ່ເຈົ້າໜີໄປໄກໆ. ເພິ່ນຈະຮ້ອງສຽງເປັນຕາຢ້ານໃສ່ເຈົ້າ.
ເພິ່ນຈະໄລ່ເຈົ້າໜີດ້ວຍຄວາມໃຈຮ້າຍ ຄືກັບລົມທີ່ພັດແຮງໆຈາກທິດຕາເວັນອອກ.+
9 ໂດຍວິທີນີ້ ຄວາມຜິດຂອງພວກລູກຫຼານຂອງຢາໂຄບຈະຖືກລົບລ້າງ+ແລະເມື່ອຄວາມຜິດຂອງເຂົາເຈົ້າຖືກລົບລ້າງແລ້ວ ຜົນກໍຈະເປັນແບບນີ້:
ຫີນທຸກກ້ອນທີ່ເອົາມາສ້າງເປັນແທ່ນບູຊາຈະເປັນຄືກັບສໍຂາວທີ່ຖືກບົດຈົນມຸ່ນແລະເສົາໄມ້ສັກສິດ*ກັບແທ່ນເຜົາເຄື່ອງຫອມກໍຈະບໍ່ມີອີກຕໍ່ໄປ.+
10 ເມືອງທີ່ມີກຳແພງອ້ອມຈະຖືກປະຖິ້ມໃຫ້ຮ້າງເປົ່າແລະທົ່ງຫຍ້າກໍຈະຖືກປະຖິ້ມໃຫ້ເປັນຄືກັບບ່ອນກັນດານ.+
ງົວນ້ອຍຈະໄປກິນຫຍ້າຢູ່ຫັ້ນ ນອນຢູ່ຫັ້ນແລະກິນກິ່ງໄມ້ອ່ອນໆຢູ່ຫັ້ນ.+
11 ເມື່ອກິ່ງໄມ້ແຫ້ງພວກຜູ້ຍິງກໍຈະໄປຫັກເອົາແລະເອົາມາດັງໄຟ.
ຍ້ອນຄົນຊາດນີ້ບໍ່ມີຄວາມເຂົ້າໃຈ+
ຜູ້ທີ່ສ້າງເຂົາເຈົ້າຈຶ່ງບໍ່ອີ່ຕົນເຂົາເຈົ້າຜູ້ທີ່ປັ້ນເຂົາເຈົ້າຈຶ່ງບໍ່ມັກເຂົາເຈົ້າອີກຕໍ່ໄປ.+
12 ພວກອິດສະຣາເອນເອີ້ຍ ໃນມື້ນັ້ນ ພະເຢໂຫວາຈະລວບລວມພວກເຈົ້າທີ່ກະຈັດກະຈາຍໄປຕັ້ງແຕ່ແມ່ນ້ຳເອິຟາຣາດຈົນຮອດຮ່ອມພູ*ຂອງເອຢິບ+ໃຫ້ມາຢູ່ນຳກັນ+ ຄືກັບຄົນສັ່ນຕົ້ນໄມ້ໃຫ້ໝາກມັນຫຼົ່ນລົງມາ ແລ້ວເກັບເອົາເທື່ອລະໜ່ວຍມາໄວ້ນຳກັນ.
13 ໃນມື້ນັ້ນຈະມີການເປົ່າແກເຂົາສັດດັງໆ.+ ຄົນທີ່ກຳລັງຈະຕາຍຢູ່ອັດຊີເຣຍ+ ແລະຄົນທີ່ກະຈັດກະຈາຍຢູ່ເອຢິບ+ຈະມານະມັດສະການພະເຢໂຫວາຢູ່ພູບໍລິສຸດໃນເມືອງເຢຣູຊາເລັມ.+
ຂໍ
^ ເບິ່ງສ່ວນອະທິບາຍຄຳສັບ
^ ໝາຍເຖິງປະເທດອິດສະຣາເອນ
^ ເບິ່ງສ່ວນອະທິບາຍຄຳສັບ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
