ເອຊາຢາ 35:1-10
35 ບ່ອນກັນດານຈະໂຫ່ຮ້ອງດີໃຈ.+ບ່ອນແຫ້ງແລ້ງຈະມີຄວາມສຸກແລະມີດອກໄມ້ບັກຫຼາຍໆ.+
2 ຢູ່ຫັ້ນຕົ້ນໄມ້ຈະເກີດດອກອອກໝາກແນ່ນອນ.+ແຜ່ນດິນຈະມີຄວາມສຸກແລະຮ້ອງດ້ວຍຄວາມມ່ວນຊື່ນ.
ເລບານອນຈະໄດ້ຮັບກຽດ.+ກາເມນ+ແລະຊາໂຣນຈະງົດງາມ.+
ບ່ອນເຫຼົ່ານີ້ຈະເຫັນແສງລັດສະໝີຂອງພະເຢໂຫວາແລະເຫັນຄວາມຍິ່ງໃຫຍ່ຂອງພະເຈົ້າຂອງພວກເຮົາ.
3 ໃຫ້ຊ່ວຍຄົນທີ່ອ່ອນແອໃຫ້ມີກຳລັງແລະຊ່ວຍຄົນທີ່ຂາ*ສັ່ນໃຫ້ເຂັ້ມແຂງ.+
4 ໃຫ້ເວົ້າກັບຄົນທີ່ອຸກໃຈວ່າ:
“ໃຫ້ເຂັ້ມແຂງແລະບໍ່ຕ້ອງຢ້ານ.
ພະເຈົ້າຂອງພວກເຈົ້າຈະມາແກ້ແຄ້ນສັດຕູຂອງພວກເຈົ້າ.ເພິ່ນຈະມາລົງໂທດສັດຕູ+
ແລະຊ່ວຍພວກເຈົ້າໃຫ້ລອດ.”+
5 ໃນຕອນນັ້ນ ຄົນຕາບອດຈະເຫັນຮຸ່ງ+ແລະຄົນຫູໜວກຈະໄດ້ຍິນ.+
6 ໃນຕອນນັ້ນ ຄົນເປັນລ່ອຍຈະໂດດໄດ້ຄືກວາງ+ແລະຄົນປາກກືກຈະຮ້ອງຢ່າງມີຄວາມສຸກ.+
ບ່ອນກັນດານຈະມີນ້ຳໄຫຼອອກມາແລະມີແມ່ນ້ຳຫຼາຍສາຍ.
7 ດິນທີ່ແຕກແຫງຈະກາຍເປັນໜອງທີ່ມີຕົ້ນອໍ້ຂຶ້ນຫຼາຍໆແລະດິນທີ່ແຫ້ງແລ້ງຈະມີນ້ຳໄຫຼອອກມາ.+
ບ່ອນທີ່ໝາໄນເຄີຍຢູ່+ຈະມີຫຍ້າຂຽວແລະມີຕົ້ນອໍ້ກັບຕົ້ນພາໄພຣັດ.*
8 ຢູ່ແຜ່ນດິນນັ້ນຈະມີທາງຫຼັກເສັ້ນໜຶ່ງ.+ທາງເສັ້ນນັ້ນຈະຖືກເອີ້ນວ່າທາງບໍລິສຸດ.
ຄົນທີ່ບໍ່ສະອາດຈະທຽວທາງນັ້ນບໍ່ໄດ້.+
ມີແຕ່ຄົນທີ່ຍ່າງຢູ່ທາງນັ້ນຈຶ່ງຈະໃຊ້ໄດ້ແລະຈະບໍ່ມີຄົນໂງ່ຫຼົງໄປທຽວທາງນັ້ນ.
9 ທາງເສັ້ນນັ້ນຈະບໍ່ມີໂຕສິງແລະບໍ່ມີສັດປ່າທີ່ດຸຮ້າຍ.
ພວກມັນຈະບໍ່ຢູ່ຫັ້ນ.+ທຸກຄົນທີ່ຍ່າງຢູ່ທາງເສັ້ນນັ້ນເປັນຄົນທີ່ພະເຈົ້າໄດ້ໄຖ່ແລ້ວ.+
10 ຄົນທີ່ພະເຢໂຫວາໄຖ່ແລ້ວຈະກັບມາ+ເມືອງຊີໂອນແລະຮ້ອງຢ່າງມີຄວາມສຸກ.+
ຄວາມສຸກຕະຫຼອດໄປຈະເປັນມົງກຸດຢູ່ຫົວເຂົາເຈົ້າ.+
ເຂົາເຈົ້າຈະມີຄວາມຍິນດີແລະຄວາມມ່ວນຊື່ນ.ເຂົາເຈົ້າຈະບໍ່ຕ້ອງຮ້ອງໄຫ້ເສຍໃຈແລະຖອນຫາຍໃຈ.+
ຂໍ
^ ແປຕາມໂຕວ່າ “ຫົວເຂົ່າ”
^ ພືດຊະນິດໜຶ່ງທີ່ຄ້າຍຄືກັບຕົ້ນຜື. ເບິ່ງສ່ວນອະທິບາຍຄຳສັບ.
