ເອຊາຢາ 43:1-28
43 ຢາໂຄບເອີ້ຍ ພະເຢໂຫວາຜູ້ທີ່ສ້າງເຈົ້າອິດສະຣາເອນເອີ້ຍ ພະເຈົ້າຜູ້ທີ່ກໍ່ຕັ້ງເຈົ້າເວົ້າວ່າ:+
“ບໍ່ຕ້ອງຢ້ານ ຍ້ອນເຮົາໄດ້ໄຖ່ເຈົ້າກັບຄືນມາແລ້ວ.+
ເຮົາໄດ້ເອີ້ນຊື່ເຈົ້າ
ແລະເຈົ້າກໍເປັນຂອງເຮົາ.
2 ເມື່ອເຈົ້າຍ່າງຂ້າມນ້ຳ ເຮົາຈະຢູ່ນຳເຈົ້າ+ແລະນ້ຳໃນແມ່ນ້ຳຈະບໍ່ໄຫຼຖ້ວມເຈົ້າ.+
ເມື່ອເຈົ້າຍ່າງລຸຍໄຟ ໄຟກໍຈະບໍ່ໄໝ້ເຈົ້າແລະຈະບໍ່ເຜົາເຈົ້າ.
3 ເຮົາແມ່ນເຢໂຫວາພະເຈົ້າຂອງເຈົ້າ.ພະເຈົ້າອົງບໍລິສຸດຂອງອິດສະຣາເອນຜູ້ຊ່ວຍເຈົ້າໃຫ້ລອດ.
ເຮົາໄດ້ເອົາເອຢິບໄປໄຖ່ເຈົ້າແລະໄດ້ເອົາເອທິໂອເປຍກັບເສບາໄປແລກເອົາເຈົ້າມາ.
4 ເຈົ້າມີຄ່າຕໍ່ເຮົາຫຼາຍ.+ເຮົາຮັກແລະໃຫ້ກຽດເຈົ້າ+
ເຮົາຈຶ່ງເອົາຄົນແລະຊາດຕ່າງໆໄປແລກກັບຊີວິດເຈົ້າ.
5 ບໍ່ຕ້ອງຢ້ານ ຍ້ອນເຮົາຢູ່ນຳເຈົ້າ.+
ເຮົາຈະພາລູກຫຼານຂອງເຈົ້າມາຈາກທິດຕາເວັນອອກແລະລວບລວມພວກເຈົ້າມາຈາກທິດຕາເວັນຕົກ.+
6 ເຮົາຈະບອກທິດເໜືອວ່າ ‘ປ່ອຍເຂົາເຈົ້າມາ’+
ແລະບອກທິດໃຕ້ວ່າ ‘ບໍ່ຕ້ອງກັກເຂົາເຈົ້າໄວ້.
ໃຫ້ພາພວກລູກຊາຍຂອງເຮົາມາຈາກບ່ອນທີ່ຢູ່ໄກໆແລະພາພວກລູກສາວຂອງເຮົາມາຈາກສຸດຂອບໂລກ.+
7 ເຂົາເຈົ້າທຸກຄົນຖືກເອີ້ນຕາມຊື່ຂອງເຮົາ+ແລະເປັນຜູ້ທີ່ເຮົາໄດ້ສ້າງຂຶ້ນມາຢ່າງດີ+ເພື່ອເຮົາຈະໄດ້ຮັບກຽດ.’
8 ໃຫ້ພາປະຊາຊົນອອກມາ. ເຂົາເຈົ້າມີຕາ ແຕ່ເບິ່ງບໍ່ເຫັນ.ເຂົາເຈົ້າມີຫູ ແຕ່ບໍ່ໄດ້ຍິນ.+
9 ໃຫ້ທຸກປະເທດມາລວມກັນຢູ່ບ່ອນດຽວແລະໃຫ້ທຸກຊາດມາຢູ່ນຳກັນ.+
ບອກເຮົາມາດຸ ມີພະເຈົ້າອົງໃດບໍທີ່ບອກເລື່ອງນີ້ໄດ້
ຫຼືບອກສິ່ງທີ່ຈະເກີດຂຶ້ນໃນອະນາຄົດໃກ້ໆນີ້ໄດ້?+
ໃຫ້ເຂົາເຈົ້າເອົາພະຍານມາພິສູດວ່າເຂົາເຈົ້າເວົ້າຖືກຫຼືໃຫ້ຄົນອື່ນມາຟັງແລະເວົ້າວ່າມັນແມ່ນຄວາມຈິງ.’”+
10 ພະເຢໂຫວາບອກວ່າ:“ເຈົ້າເປັນພະຍານຂອງເຮົາ.+ເຈົ້າເປັນຜູ້ຮັບໃຊ້ທີ່ເຮົາໄດ້ເລືອກ+ເພື່ອເຈົ້າຈະຮູ້ຈັກເຮົາ ເຊື່ອໃນເຮົາ*
ແລະເຂົ້າໃຈວ່າເຮົາແມ່ນພະເຈົ້າທີ່ບໍ່ປ່ຽນແປງ.+ກ່ອນໜ້າເຮົາບໍ່ມີພະເຈົ້າອື່ນແລະຫຼັງຈາກເຮົາກໍຈະບໍ່ມີຄືກັນ.+
11 ເຮົາແມ່ນເຢໂຫວາ.+ ເຮົາຜູ້ດຽວເທົ່ານັ້ນທີ່ເປັນຜູ້ຊ່ວຍໃຫ້ລອດ.”+
12 ພະເຢໂຫວາບອກວ່າ: “ຕອນທີ່ພວກເຈົ້າບໍ່ມີພະເຈົ້າອື່ນ+ເຮົາເປັນຜູ້ບອກໃຫ້ຮູ້ວ່າຈະຊ່ວຍພວກເຈົ້າແນວໃດ ເປັນຜູ້ຊ່ວຍພວກເຈົ້າໃຫ້ລອດ ແລະເປັນຜູ້ທີ່ເຮັດໃຫ້ຄົນອື່ນຮູ້ເລື່ອງນັ້ນ.
ພວກເຈົ້າເປັນພະຍານຂອງເຮົາແລະເຮົາເປັນພະເຈົ້າທ່ຽງແທ້.+
13 ເຮົາເປັນພະເຈົ້າທີ່ບໍ່ປ່ຽນແປງ.+ບໍ່ມີໃຜຍາດເອົາຫຍັງຈາກມືເຮົາໄດ້.+
ເມື່ອເຮົາລົງມືເຮັດກໍບໍ່ມີໃຜຂັດຂວາງເຮົາໄດ້.”+
14 ພະເຢໂຫວາທີ່ເປັນຜູ້ໄຖ່ເຈົ້າຄືນມາ+ ແລະເປັນພະເຈົ້າອົງບໍລິສຸດຂອງອິດສະຣາເອນເວົ້າວ່າ:+
“ເພື່ອເຫັນແກ່ເຈົ້າ ເຮົາຈະສົ່ງທະຫານກອງໜຶ່ງໄປບາບີໂລນ. ເຂົາເຈົ້າຈະທຳລາຍກອນປະຕູເມືອງທັງໝົດ.+ພວກການເດອາທີ່ຢູ່ໃນເຮືອຈະຮ້ອງໄຫ້ເສຍໃຈ.+
15 ເຮົາແມ່ນເຢໂຫວາ ເຮົາເປັນພະເຈົ້າທີ່ບໍລິສຸດ+ ເປັນຜູ້ສ້າງອິດສະຣາເອນ+ ແລະເປັນກະສັດຂອງພວກເຈົ້າ.”+
16 ພະເຢໂຫວາຜູ້ທີ່ເຮັດທາງຜ່ານທະເລແລະເຮັດທາງຜ່ານແມ່ນ້ຳທີ່ປັ່ນປ່ວນ+
17 ຜູ້ທີ່ເອົາລົດຮົບກັບມ້າ+ແລະກອງທັບກັບທະຫານທີ່ເກັ່ງໆອອກມາ ເວົ້າວ່າ:
“ເຂົາເຈົ້າຈະລົ້ມລົງແລະລຸກຂຶ້ນບໍ່ໄດ້.+
ເຂົາເຈົ້າຈະຖືກທຳລາຍຄືກັບໄສ້ຕະກຽງທີ່ໄໝ້ແລ້ວ.”
18 “ໃຫ້ລືມສິ່ງທີ່ເຄີຍເກີດຂຶ້ນແລະບໍ່ຕ້ອງຄິດເຖິງເລື່ອງໃນອະດີດ.
19 ເບິ່ງແມ້ ເຮົາກຳລັງເຮັດສິ່ງໃໝ່.+ມັນເລີ່ມເກີດຂຶ້ນແລ້ວຕອນນີ້.
ພວກເຈົ້າຈະເຫັນແນ່ນອນ.
ເຮົາຈະເຮັດທາງຜ່ານບ່ອນກັນດານ+ແລະຈະໃຫ້ມີແມ່ນ້ຳໄຫຼຜ່ານທະເລຊາຍ.+
20 ສັດປ່າ ໝາໄນ ແລະນົກກະຈອກເທດຈະສັນລະເສີນເຮົາຍ້ອນເຮົາໃຫ້ມີນ້ຳຢູ່ບ່ອນກັນດານແລະໃຫ້ມີແມ່ນ້ຳຢູ່ທະເລຊາຍ+ເພື່ອປະຊາຊົນທີ່ເຮົາໄດ້ເລືອກ+ຈະມີນ້ຳກິນ.
21 ເຮົາສ້າງປະຊາຊົນເຫຼົ່ານີ້ໃຫ້ເປັນຂອງເຮົາເພື່ອເຂົາເຈົ້າຈະສັນລະເສີນເຮົາ.+
22 ແຕ່ຢາໂຄບເອີ້ຍ ເຈົ້າບໍ່ໄດ້ເອີ້ນຫາເຮົາ.+ອິດສະຣາເອນເອີ້ຍ ເຈົ້າເບື່ອໜ່າຍເຮົາ.+
23 ເຈົ້າບໍ່ໄດ້ເອົາແກະມາເຜົາເປັນເຄື່ອງບູຊາເຜົາໃຫ້ເຮົາແລະບໍ່ໄດ້ໃຫ້ກຽດເຮົາດ້ວຍເຄື່ອງບູຊາຕ່າງໆ.
ເຮົາບໍ່ໄດ້ບັງຄັບເຈົ້າໃຫ້ເອົາເຄື່ອງບູຊາມາໃຫ້ເຮົາແລະເຮົາກໍບໍ່ໄດ້ເຮັດໃຫ້ເຈົ້າເບື່ອໜ່າຍໂດຍຮຽກຮ້ອງໃຫ້ເຈົ້າເອົາກຳຍານ*ມາໃຫ້ເຮົາ.+
24 ເຈົ້າບໍ່ໄດ້ເອົາເງິນຂອງເຈົ້າຊື້ໄມ້ອໍ້ຫອມໃຫ້ເຮົາແລະນ້ຳມັນສັດທີ່ເຈົ້າເອົາມາເປັນເຄື່ອງບູຊາໃຫ້ເຮົາ ເຮົາກໍບໍ່ພໍໃຈ.+
ແຕ່ເຈົ້າເຮັດໃຫ້ເຮົາໜັກໃຈແລະເບື່ອໜ່າຍ ຍ້ອນຄວາມຜິດຂອງເຈົ້າ.+
25 ເຮົາເປັນຜູ້ລົບລ້າງຄວາມຜິດ*ຂອງເຈົ້າ+ຍ້ອນເຫັນແກ່ຊື່ຂອງເຮົາ+ແລະເຮົາຈະບໍ່ຈື່ຄວາມຜິດຂອງເຈົ້າອີກ.+
26 ໃຫ້ເຮົາມາສູ້ຄະດີກັນ ຖ້າມີບາງຢ່າງທີ່ເຮົາລືມເຮັດກໍເວົ້າມາໂລດ.ເຈົ້າມີຫຍັງກໍເວົ້າມາແລະພິສູດໃຫ້ເຫັນວ່າເຈົ້າເປັນຝ່າຍຖືກ.
27 ປູ່ຍ່າຕານາຍຜູ້ທຳອິດຂອງເຈົ້າ*ໄດ້ເຮັດຜິດຕໍ່ເຮົາແລະພວກຜູ້ນຳ*ຂອງເຈົ້າໄດ້ກະບົດຕໍ່ເຮົາ.+
28 ຍ້ອນແນວນີ້ ພວກຫົວໜ້າ*ທີ່ຢູ່ວິຫານຈະເປັນຄົນບໍ່ສະອາດສຳລັບເຮົາ.ເຮົາຈະທຳລາຍຢາໂຄບແລະຈະເຮັດໃຫ້ອິດສະຣາເອນຖືກເຍາະເຍີ້ຍ.”+
ຂໍ
^ ຫຼື “ໄວ້ວາງໃຈເຮົາ”
^ ເບິ່ງສ່ວນອະທິບາຍຄຳສັບ
^ ຫຼື “ການກະບົດ”
^ ໝາຍເຖິງອາດາມ
^ ອາດໝາຍເຖິງພວກຄູສອນກົດໝາຍ
^ ອາດໝາຍເຖິງພວກປະໂລຫິດຢູ່ວິຫານທີ່ເຮັດໂຕຄືກັບວ່າເປັນຫົວໜ້າ
