ເອຊາຢາ 45:1-25
45 ຕໍ່ໄປນີ້ແມ່ນສິ່ງທີ່ພະເຢໂຫວາເວົ້າກັບໄຊຣັດຜູ້ທີ່ເພິ່ນໄດ້ເລືອກ.+ເພິ່ນຈັບມືຂວາຂອງລາວໄວ້+ເພື່ອໃຫ້ປາບຊາດຕ່າງໆທີ່ຢູ່ຕໍ່ໜ້າລາວ.+ເພິ່ນໃຫ້ລາວປົດອາວຸດຂອງພວກກະສັດໃຫ້ລາວເປີດປະຕູທີ່ມີສອງບານທີ່ຢູ່ຕໍ່ໜ້າລາວເພື່ອປະຕູເມືອງນັ້ນຈະບໍ່ປິດ. ເພິ່ນເວົ້າກັບລາວວ່າ:
2 “ເຮົາຈະນຳໜ້າເຈົ້າໄປ.+ເຮົາຈະເຮັດໃຫ້ໂນນພູຕ່າງໆພຽງ.
ເຮົາຈະທຳລາຍປະຕູທອງແດງໃຫ້ຂາດເປັນປ່ຽງແລະເຮົາຈະຕັດກອນປະຕູເຫຼັກໃຫ້ຂາດ.+
3 ເຮົາຈະເອົາຊັບສົມບັດທີ່ຢູ່ໃນບ່ອນມືດກັບຊັບສົມບັດທີ່ເຊື່ອງໄວ້ໃນບ່ອນລັບລີ້ໃຫ້ເຈົ້າ+ເພື່ອເຈົ້າຈະຮູ້ວ່າເຮົາແມ່ນເຢໂຫວາພະເຈົ້າຂອງອິດສະຣາເອນຜູ້ທີ່ເອີ້ນຊື່ຂອງເຈົ້າ.+
4 ຍ້ອນເຫັນແກ່ຢາໂຄບຜູ້ຮັບໃຊ້ຂອງເຮົາແລະອິດສະຣາເອນຜູ້ທີ່ເຮົາໄດ້ເລືອກເຮົາຈຶ່ງເອີ້ນຊື່ເຈົ້າ.
ເຮົາຈະເຮັດໃຫ້ຊື່ຂອງເຈົ້າໄດ້ຮັບກຽດ ເຖິງວ່າເຈົ້າບໍ່ຮູ້ຈັກເຮົາ.
5 ເຮົາແມ່ນເຢໂຫວາ. ບໍ່ມີພະເຈົ້າອື່ນນອກຈາກເຮົາ.
ມີແຕ່ເຮົາຜູ້ດຽວເທົ່ານັ້ນທີ່ເປັນພະເຈົ້າ.+
ເຮົາຈະໃຫ້ເຈົ້າມີກຳລັງ ເຖິງວ່າເຈົ້າບໍ່ຮູ້ຈັກເຮົາ.
6 ທຸກຄົນຕັ້ງແຕ່ທິດຕາເວັນອອກຈົນຮອດທິດຕາເວັນຕົກຈະຮູ້ວ່າບໍ່ມີພະເຈົ້າອື່ນນອກຈາກເຮົາ.+ເຮົາແມ່ນເຢໂຫວາແລະມີແຕ່ເຮົາເທົ່ານັ້ນທີ່ເປັນພະເຈົ້າ.+
7 ເຮົາເປັນຜູ້ທີ່ເຮັດໃຫ້ມີແສງສະຫວ່າງ+ແລະຄວາມມືດ.+ເຮົາເຮັດໃຫ້ມີຄວາມສະຫງົບສຸກ+ແລະຄວາມຈິບຫາຍ.+ເຮົາເຢໂຫວາເປັນຜູ້ເຮັດສິ່ງເຫຼົ່ານີ້ທັງໝົດ.
8 ຄືກັບດິນທີ່ໄດ້ຝົນຫຼາຍໆຈາກຟ້າ+ແລະເກີດດອກອອກໝາກຢ່າງອຸດົມສົມບູນ
ປະຊາຊົນຂອງເຮົາກໍຈະໄດ້ຮັບການຊ່ວຍໃຫ້ລອດແລະຊີວິດຂອງເຂົາເຈົ້າຈະມີແຕ່ສິ່ງດີໆ.+
ເຮົາເຢໂຫວາເປັນຜູ້ເຮັດສິ່ງເຫຼົ່ານີ້.”
9 ຜູ້ໃດທີ່ເວົ້າໃຫ້*ຜູ້ທີ່ສ້າງ*ລາວຂຶ້ນມາ ຜູ້ນັ້ນຈະຕ້ອງຈິບຫາຍຍ້ອນລາວເປັນແຕ່ເສດໝໍ້ດິນທີ່ແຕກແລ້ວ.ລາວເປັນພຽງເສດດຽວໃນກອງເສດໝໍ້ແຕກທີ່ຖືກຖິ້ມໄວ້.
ດິນດາກຈະຖາມຊ່າງປັ້ນບໍວ່າ: “ເຈົ້າປັ້ນຫຍັງ?”+
ຫຼືຈະເວົ້າໃຫ້ຊ່າງປັ້ນບໍວ່າ: “ເຈົ້ານິ ບໍ່ມີສີມື”?*
10 ຜູ້ທີ່ເວົ້າກັບພໍ່ວ່າ: “ເປັນຫຍັງເຈົ້າຕ້ອງໃຫ້ຂ້ອຍເກີດມາ?” ຈະຕ້ອງຈິບຫາຍ
ແລະຜູ້ທີ່ເວົ້າກັບແມ່ວ່າ: “ເຈົ້າເກີດຂ້ອຍມາເຮັດຫຍັງ?” ກໍຈະຕ້ອງຈິບຫາຍຄືກັນ.
11 ພະເຢໂຫວາພະເຈົ້າອົງບໍລິສຸດຜູ້ທີ່ກໍ່ຕັ້ງອິດສະຣາເອນ+ເວົ້າວ່າ:
“ເປັນຫຍັງເຈົ້າຄືກ້າສົງໄສໃນສິ່ງທີ່ຂ້ອຍຈະເຮັດໃນອະນາຄົດແລະກ້າສັ່ງຂ້ອຍວ່າຄວນເຮັດແນວໃດກັບພວກລູກຂອງຂ້ອຍ+ແລະສິ່ງທີ່ຂ້ອຍໄດ້ສ້າງ?
12 ເຮົາເປັນຜູ້ສ້າງໂລກ+ແລະຄົນທີ່ຢູ່ໃນໂລກ.+
ເຮົາເປັນຜູ້ພືທ້ອງຟ້າອອກ+ແລະຄວບຄຸມດາວທຸກດວງ.”*+
13 ພະເຢໂຫວາຜູ້ບັນຊາການກອງທັບເວົ້າວ່າ: “ຍ້ອນເຮົາເປັນພະເຈົ້າທີ່ຍຸຕິທຳ ເຮົາຈຶ່ງໄດ້ກຽມຜູ້ໜຶ່ງໄວ້ແລ້ວ.+ເຮົາຈະບໍ່ໃຫ້ມີຫຍັງມາຂວາງທາງລາວ.
ລາວຈະເປັນຜູ້ທີ່ສ້າງເມືອງຂອງເຮົາຄືນໃໝ່+ແລະປົດປ່ອຍປະຊາຊົນຂອງເຮົາທີ່ເປັນຊະເລີຍໃຫ້ເປັນອິດສະຫຼະ+ໂດຍບໍ່ເອົາຄ່າຈ້າງຫຼືຮັບສິນບົນ.”+
14 ພະເຢໂຫວາເວົ້າວ່າ:
“ກຳໄລ*ຂອງເອຢິບ ສິນຄ້າ*ຂອງເອທິໂອເປຍ ແລະຄົນຊາເບເອນທີ່ໂຕສູງໆຈະມາເປັນຂອງເຈົ້າ.ເຂົາເຈົ້າຈະຍ່າງນຳຫຼັງເຈົ້າ
ເຖິງວ່າຖືກໂສ້ລ່າມໄວ້.
ເຂົາເຈົ້າຈະມາຫາເຈົ້າແລະກົ້ມກາບເຈົ້າ.+
ເຂົາເຈົ້າຈະເວົ້າກັບເຈົ້າດ້ວຍຄວາມນັບຖືວ່າ ‘ພະເຈົ້າຢູ່ກັບເຈົ້າແທ້ໆ.+ມີແຕ່ເພິ່ນຜູ້ດຽວເທົ່ານັ້ນທີ່ເປັນພະເຈົ້າ ແລະບໍ່ມີພະເຈົ້າອື່ນ.’”
15 ພະເຈົ້າຂອງອິດສະຣາເອນເປັນຜູ້ຊ່ວຍໃຫ້ລອດ.+ເພິ່ນບໍ່ໄດ້ເປີດເຜີຍໃຫ້ຮູ້ຈັກເທື່ອວ່າເພິ່ນກຳລັງເຮັດຫຍັງຢູ່.
16 ຄົນທີ່ເຮັດຮູບບູຊາຈະເສຍໜ້າ.ເຂົາເຈົ້າຈະຕ້ອງອັບອາຍຂາຍໜ້າ.+
17 ແຕ່ພະເຢໂຫວາຈະຊ່ວຍອິດສະຣາເອນໃຫ້ລອດສະເໝີ.+
ເຈົ້າຈະບໍ່ຕ້ອງອັບອາຍຂາຍໜ້າຕະຫຼອດໄປ.+
18 ພະເຢໂຫວາເປັນຜູ້ສ້າງຟ້າ.+ເພິ່ນເປັນພະເຈົ້າທ່ຽງແທ້.ເພິ່ນເປັນຜູ້ສ້າງໂລກແລະເຮັດໃຫ້ໂລກຕັ້ງຢູ່ຢ່າງໝັ້ນຄົງ.+ເພິ່ນບໍ່ໄດ້ສ້າງໂລກໄວ້ຊື່ໆ* ແຕ່ສ້າງເພື່ອໃຫ້ຄົນອາໄສຢູ່.+
ເພິ່ນເວົ້າວ່າ: “ເຮົາແມ່ນເຢໂຫວາ. ບໍ່ມີພະເຈົ້າອື່ນນອກຈາກເຮົາ.
19 ເຮົາບໍ່ໄດ້ເວົ້າໃນບ່ອນທີ່ລັບລີ້+ຫຼືໃນບ່ອນທີ່ມືດໆ.ເຮົາບໍ່ໄດ້ບອກລູກຫຼານຂອງຢາໂຄບວ່າ‘ໃຫ້ພວກເຈົ້າຊອກຫາເຮົາ ແຕ່ຄວາມພະຍາຍາມຂອງພວກເຈົ້າຈະບໍ່ມີປະໂຫຍດຫຍັງ.’
ເຮົາແມ່ນເຢໂຫວາ. ເຮົາເວົ້າແຕ່ສິ່ງທີ່ຖືກຕ້ອງແລະບອກແຕ່ສິ່ງທີ່ເປັນຄວາມຈິງ.+
20 ພວກເຈົ້າທີ່ຖືກປົດປ່ອຍຈາກຊາດຕ່າງໆ
ໃຫ້ມາລວມກັນແລະມາຫາເຮົາ.+
ຄົນທີ່ຫາມຮູບບູຊາແລະອະທິດຖານຫາພະເຈົ້າທີ່ຊ່ວຍເຂົາເຈົ້າບໍ່ໄດ້ນັ້ນເປັນຄົນໂງ່ແທ້ໆ.+
21 ໃຫ້ພວກເຈົ້າລາຍງານແລະເອົາຫຼັກຖານມາຢັ້ງຢືນ.
ໃຫ້ພວກເຈົ້າປຶກສາກັນ.
ໃຜເປັນຜູ້ບອກລ່ວງໜ້າມາດົນແລ້ວໃນສິ່ງທີ່ຈະເກີດຂຶ້ນ?ແລະໃຜເປັນຜູ້ບອກເລື່ອງນີ້ໃນອະດີດ?
ກໍແມ່ນເຮົາເຢໂຫວາ
ບໍ່ມີພະເຈົ້າອື່ນນອກຈາກເຮົາ.ເຮົາເປັນພະເຈົ້າທີ່ຍຸຕິທຳແລະເປັນຜູ້ຊ່ວຍໃຫ້ລອດ.+ ບໍ່ມີພະເຈົ້າອື່ນນອກຈາກເຮົາ.+
22 ທຸກຄົນທີ່ຢູ່ໃນໂລກ ໃຫ້ມາຫາເຮົາແລະເຮົາຈະຊ່ວຍພວກເຈົ້າໃຫ້ລອດ+ຍ້ອນວ່າເຮົາເປັນພະເຈົ້າ ແລະບໍ່ມີພະເຈົ້າອື່ນນອກຈາກເຮົາ.+
23 ເຮົາໄດ້ສາບານດ້ວຍຊື່ຂອງເຮົາ.ຄຳເວົ້າທີ່ອອກຈາກປາກຂອງເຮົາເປັນຄວາມຈິງແລະເຮົາຈະບໍ່ມີທາງປີ້ນຄວາມ.+
ທຸກຄົນຈະມາຄູ້ເຂົ່າລົງຕໍ່ໜ້າເຮົາແລະສາບານວ່າຈະສັດຊື່ຕໍ່ເຮົາ.+
24 ເຂົາເຈົ້າເວົ້າວ່າ ‘ພະເຢໂຫວາເຮັດສິ່ງທີ່ຖືກຕ້ອງສະເໝີແລະເພິ່ນມີລິດເດດຫຼາຍ.
ທຸກຄົນທີ່ໃຈຮ້າຍໃຫ້ເພິ່ນຈະຕ້ອງມາຫາເພິ່ນດ້ວຍຄວາມອັບອາຍ.
25 ພວກລູກຫຼານຂອງອິດສະຣາເອນຈະເຫັນວ່າເຂົາເຈົ້າເຮັດຖືກແລ້ວທີ່ຮັບໃຊ້ພະເຢໂຫວາ+ແລະເຂົາເຈົ້າຈະອວດໃນສິ່ງທີ່ເພິ່ນໄດ້ເຮັດເພື່ອເຂົາເຈົ້າ.’”
ຂໍ ຄວາມ ໄຂ ເງື່ອນ
^ ຫຼື “ຖຽງ”
^ ຫຼື “ປັ້ນ”
^ ຫຼືອາດແປວ່າ “ຫຼືດິນດາກຈະເວົ້າບໍວ່າ ‘ໝໍ້ທີ່ເຈົ້າປັ້ນບໍ່ມີຫູຈັບ’?”
^ ແປຕາມໂຕວ່າ “ກອງທັບທີ່ຢູ່ໃນທ້ອງຟ້າ”
^ ຫຼືອາດແປວ່າ “ພວກພໍ່ຄ້າ”
^ ຫຼືອາດແປວ່າ “ພວກກຳມະກອນ”
^ ຫຼືອາດແປວ່າ “ສ້າງໄວ້ໃຫ້ຫວ່າງເປົ່າ”