ເອຊາຢາ 47:1-15
47 ລູກສາວຂອງບາບີໂລນທີ່ເປັນສາວບໍລິສຸດໃຫ້ລົງມານັ່ງຢູ່ດິນ.+
ລູກສາວຂອງພວກການເດອາໃຫ້ລົງມານັ່ງຢູ່ພື້ນທີ່ບໍ່ມີບັນລັງ+ຍ້ອນຈະບໍ່ມີໃຜເອົາໃຈເຈົ້າແລະເອີ້ນເຈົ້າວ່າເຈົ້າຍິງອີກຕໍ່ໄປ.
2 ໃຫ້ເອົາຫີນໂມ້ມາບົດແປ້ງ
ເອົາຜ້າປົກໜ້າອອກ
ຈ້ອນກະໂປ່ງຂຶ້ນໃຫ້ເຫັນຂາ
ແລະຍ່າງຂ້າມແມ່ນ້ຳ.
3 ຄົນຈະເຫັນເຈົ້າປະໂປ້
ແລະເຈົ້າຈະຕ້ອງອັບອາຍ.
ເຮົາຈະແກ້ແຄ້ນເຈົ້າ+ແລະຈະບໍ່ມີໃຜມາຂວາງທາງເຮົາໄດ້.*
4 “ພະເຢໂຫວາຜູ້ບັນຊາການກອງທັບແມ່ນຊື່ຂອງເພິ່ນ.ເພິ່ນເປັນຜູ້ໄຖ່ພວກເຮົາຄືນມາ.ເພິ່ນເປັນພະເຈົ້າອົງບໍລິສຸດຂອງອິດສະຣາເອນ.”+
5 ລູກສາວຂອງພວກການເດອາໃຫ້ໄປນັ່ງມິດໆຢູ່ບ່ອນທີ່ມືດໆ.+ຈະບໍ່ມີໃຜເອີ້ນເຈົ້າວ່າລາຊີນີ*ຂອງຊາດຕ່າງໆອີກຕໍ່ໄປ.+
6 ເຮົາໃຈຮ້າຍໃຫ້ປະຊາຊົນຂອງເຮົາຫຼາຍ.+
ເຮົາຍອມໃຫ້ປະຊາຊົນຂອງເຮົາເສຍກຽດແລະເສຍຊື່ສຽງ+ແລະຍອມໃຫ້ເຈົ້າຈັບເຂົາເຈົ້າໄປ.+
ແຕ່ເຈົ້າບໍ່ໄດ້ອີ່ຕົນເຂົາເຈົ້າ.+
ແມ່ນແຕ່ຜູ້ເຖົ້າ ເຈົ້າກໍໃຫ້ແບກແອກທີ່ໜັກໆ.+
7 ເຈົ້າເຄີຍເວົ້າວ່າ: “ຂ້ອຍຈະເປັນລາຊີນີຕະຫຼອດໄປ.”+
ເຈົ້າບໍ່ໄດ້ສຳນຶກເລີຍວ່າໂຕເອງກຳລັງເຮັດຫຍັງແລະບໍ່ໄດ້ຄິດເຖິງຜົນທີ່ຈະເກີດຂຶ້ນຊ້ຳ.
8 ເຈົ້າທີ່ເປັນຜູ້ຍິງມັກຫຼິ້ນມັກກິນ+ທີ່ຄິດວ່າໂຕເອງນັ່ງຢູ່ບ່ອນທີ່ປອດໄພແລະຄິດໃນໃຈວ່າ:
“ຂ້ອຍໃຫຍ່ສຸດ ບໍ່ມີໃຜໃຫຍ່ກວ່າຂ້ອຍອີກແລ້ວ.+
ຂ້ອຍຈະບໍ່ມີທາງເປັນແມ່ໝ້າຍ
ແລະຈະບໍ່ມີທາງໄດ້ໂສກເສົ້າຍ້ອນລູກຕາຍປະ.”+
9 ຕອນນີ້ໃຫ້ເຈົ້າຟັງສິ່ງທີ່ເຮົາເວົ້າ. ເຈົ້າຈະເປັນໝ້າຍແລະລູກເຈົ້າຈະຕາຍປະ.
ສອງເລື່ອງນີ້ຈະເກີດຂຶ້ນກັບເຈົ້າແບບກະທັນຫັນພາຍໃນມື້ດຽວ.+
ສິ່ງທີ່ເຈັບປວດທັງໝົດນີ້ຈະເກີດຂຶ້ນກັບເຈົ້າ+ຍ້ອນ*ເຈົ້າຫຼິ້ນມົນແລະຄາຖາອາຄົມຫຼາຍຢ່າງ.+
10 ເຈົ້າເຮັດຊົ່ວ ແຕ່ບໍ່ໄດ້ຄິດວ່າແນວຊົ່ວຈະເກີດຂຶ້ນກັບໂຕເອງ.
ເຈົ້າຈຶ່ງເວົ້າວ່າ: “ບໍ່ມີໃຜເຫັນດອກວ່າຂ້ອຍເຮັດຫຍັງ.”
ຄວາມຮູ້ແລະສະຕິປັນຍາຂອງເຈົ້າພາເຈົ້າໄປຜິດທາງແລະເຈົ້າຄິດໃນໃຈວ່າ: “ຂ້ອຍໃຫຍ່ສຸດ ບໍ່ມີໃຜໃຫຍ່ກວ່າຂ້ອຍອີກແລ້ວ.”
11 ແຕ່ຄວາມຈິບຫາຍຈະເກີດຂຶ້ນກັບເຈົ້າແລະບໍ່ມີຄາຖາອາຄົມອັນໃດຂອງເຈົ້າຈະຢຸດມັນໄດ້.
ເຈົ້າຈະເຈິຄວາມລຳບາກທີ່ບໍ່ມີທາງຫຼີກລ່ຽງໄດ້.
ຄວາມຈິບຫາຍທີ່ເຈົ້າບໍ່ເຄີຍເຈິຈະເກີດຂຶ້ນກັບເຈົ້າແບບກະທັນຫັນ.+
12 ມົນກັບຄາຖາອາຄົມຫຼາຍຢ່າງ+ທີ່ເຈົ້າຫຼິ້ນຕັ້ງແຕ່ຕອນເປັນສາວເອົາອອກມາໃຊ້ແມ້.
ບາງເທື່ອມັນອາດຈະຊ່ວຍເຈົ້າໄດ້ແລະບາງເທື່ອມັນອາດຈະເຮັດໃຫ້ຄົນຢ້ານກະໄດ້.
13 ພວກທີ່ປຶກສາຫຼາຍຄົນທີ່ເຈົ້າຊອກຫາຈົນເມື່ອຍ
ໃຫ້ເຂົາເຈົ້າອອກມາຊ່ວຍເຈົ້າໃຫ້ລອດແມ້.ພວກທີ່ນະມັດສະການສິ່ງຕ່າງໆທີ່ຢູ່ໃນທ້ອງຟ້າ*ກັບພວກທີ່ທຳນາຍໂດຍເບິ່ງດວງດາວ+ແລະພວກທີ່ທຳນາຍໃນມື້ເດືອນອອກໃໝ່ກ່ຽວກັບສິ່ງທີ່ຈະເກີດຂຶ້ນກັບເຈົ້າ ໃຫ້ເຂົາເຈົ້າມາຊ່ວຍເຈົ້າຄືກັນແມ້.
14 ເຂົາເຈົ້າຈະເປັນຄືກັບເຟືອງ
ແລະຈະຖືກໄຟຈູດ.
ເຂົາເຈົ້າຊ່ວຍໂຕເອງໃຫ້ລອດຈາກແປວໄຟທີ່ລຸກແຮງໆກໍບໍ່ໄດ້.
ໄຟນີ້ບໍ່ແມ່ນຖ່ານທີ່ຈະເຮັດໃຫ້ອຸ່ນແລະບໍ່ແມ່ນໄຟສຳລັບໃຊ້ຝີງ.
15 ພວກໝໍຄາຖາອາຄົມທີ່ເຈົ້າເພິ່ງຕັ້ງແຕ່ຕອນເປັນສາວກໍຈະຕ້ອງເຈິແບບນີ້ແຫຼະ.
ເຂົາເຈົ້າຈະແຕກຊະແຕກຊາຍໄປທາງໃຜທາງມັນ
ແລະຈະບໍ່ມີໃຜຊ່ວຍເຈົ້າໄດ້ເລີຍ.+
ຂໍ
^ ຫຼືອາດແປວ່າ “ເຮົາຈະບໍ່ອີ່ຕົນໃຜ”
^ ຫຼື “ນາງພະຍາ”
^ ຫຼືອາດແປວ່າ “ທັງໆທີ່”
^ ຫຼືອາດແປວ່າ “ພວກທີ່ແບ່ງທ້ອງຟ້າ”
