ເອຊາຢາ 50:1-11
50 ພະເຢໂຫວາບອກວ່າ:
“ຕອນທີ່ເຮົາໄລ່ແມ່ພວກເຈົ້າໜີ ເຮົາໄດ້ເຮັດໃບຢ່າຮ້າງ+ໃຫ້ລາວບໍ?
ເຮົາຂາຍພວກເຈົ້າເພື່ອໄຊ້ໜີ້ໃຫ້ເຮົາບໍ?
ທີ່ຈິງແລ້ວພວກເຈົ້າຖືກຂາຍກໍຍ້ອນຄວາມຜິດຂອງພວກເຈົ້າເອງ+ແລະແມ່ຂອງພວກເຈົ້າຖືກໄລ່ໜີກໍຍ້ອນຄວາມຜິດຂອງພວກເຈົ້າຄືກັນ.+
2 ເປັນຫຍັງຄືບໍ່ມີໃຜຢູ່ ຕອນທີ່ເຮົາມາ?
ເປັນຫຍັງຄືບໍ່ມີໃຜຕອບ ຕອນທີ່ເຮົາເອີ້ນ?+
ເຮົາບໍ່ມີຄວາມສາມາດໄຖ່ພວກເຈົ້າບໍ?ເຮົາບໍ່ມີລິດເດດຫຼາຍພໍທີ່ຈະຊ່ວຍພວກເຈົ້າບໍ?+
ເມື່ອເຮົາສັ່ງ ນ້ຳທະເລກໍແຫ້ງ+ແລະແມ່ນ້ຳກໍກາຍເປັນທະເລຊາຍ.+
ປາຢູ່ຫັ້ນກໍຕາຍຍ້ອນບໍ່ມີນ້ຳແລະມັນເນົ່າໝົດ.
3 ເຮົາເອົາຄວາມມືດມາຫົ່ມທ້ອງຟ້າ+ແລະເອົາຜ້າເນື້ອຫຍາບມາປົກໄວ້.”
4 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດສອນຂ້ອຍໃຫ້ຮູ້ວ່າຄວນເວົ້າແນວໃດ+ເພື່ອຂ້ອຍຈະຮູ້ໃຊ້ຄຳເວົ້າທີ່ຖືກຕ້ອງກັບຄົນທີ່ທໍ້ໃຈ.+
ເພິ່ນປຸກຂ້ອຍທຸກໆເຊົ້າ.ເພິ່ນເຮັດໃຫ້ຂ້ອຍພ້ອມທີ່ຈະຟັງ* ຄືກັບນັກຮຽນທີ່ຕັ້ງໃຈຟັງ.+
5 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດໃຫ້ຂ້ອຍມີຄວາມເຂົ້າໃຈ.ຂ້ອຍເຊື່ອຟັງເພິ່ນ+
ແລະບໍ່ໄດ້ເຮັດຂັດກັບສິ່ງທີ່ເພິ່ນສອນ.+
6 ຂ້ອຍຍອມປິ່ນຫຼັງເພື່ອໃຫ້ຄົນເອົາໄມ້ແສ້ຟາດຂ້ອຍແລະຍອມປິ່ນແກ້ມໃຫ້ຄົນທີ່ຈະຫຼົກໜວດຂ້ອຍ.
ຂ້ອຍບໍ່ໄດ້ປິ່ນໜ້າໜີຈາກຄົນທີ່ດູຖູກຂ້ອຍແລະຖົ່ມນ້ຳລາຍໃສ່ຂ້ອຍ.+
7 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈະຊ່ວຍຂ້ອຍ+
ຂ້ອຍຈຶ່ງບໍ່ຮູ້ສຶກອາຍ
ແລະຂ້ອຍກໍຕັ້ງໃຈທີ່ຈະເປັນຄົນເຂັ້ມແຂງ*ເພື່ອຈະຕ້ານທານເຂົາເຈົ້າໄດ້.+ຂ້ອຍຮູ້ວ່າຂ້ອຍຈະບໍ່ຕ້ອງອັບອາຍ.
8 ພະເຈົ້າທີ່ບອກວ່າຂ້ອຍເປັນຄົນດີບໍ່ມີບ່ອນຕິກໍຢູ່ໃກ້ຂ້ອຍ.
ໃຜຈະກ່າວຫາ*ຂ້ອຍໄດ້?+
ໃຫ້ພວກເຮົາມາເຈິກັນໂລດ.
ໃຜມີຄະດີທີ່ຈະຟ້ອງຂ້ອຍ?
ໃຫ້ລາວເຂົ້າມາຫາຂ້ອຍແມ້.
9 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈະຊ່ວຍຂ້ອຍ.
ໃຜຈະເວົ້າວ່າຂ້ອຍມີຄວາມຜິດ?
ເຂົາເຈົ້າຈະເປັນຄືກັບເຄື່ອງນຸ່ງທີ່ໂດກແລ້ວ
ແລະຖືກໂຕແມງກິນ.
10 ໃນພວກເຈົ້າມີໃຜຢ້ານຢຳພະເຢໂຫວາແລະຟັງສິ່ງທີ່ຜູ້ຮັບໃຊ້ຂອງເພິ່ນເວົ້າບໍ?+
ມີໃຜເຄີຍຍ່າງຢູ່ບ່ອນມືດໆທີ່ບໍ່ມີແສງສະຫວ່າງບໍ?
ໃຫ້ລາວໄວ້ວາງໃຈໃນຊື່ຂອງພະເຢໂຫວາແລະໝັ້ນໃຈວ່າເພິ່ນຈະຊ່ວຍລາວ.*
11 ພະເຈົ້າເວົ້າວ່າ:“ພວກເຈົ້າທຸກຄົນທີ່ດັງໄຟແລະເຮັດໃຫ້ໝັດໄຟຟົ້ງອອກມາໃຫ້ພວກເຈົ້າຍ່າງໄປຕາມແສງໄຟນັ້ນຕາມໝັດໄຟທີ່ພວກເຈົ້າເຮັດໃຫ້ເກີດຂຶ້ນ.
ພວກເຈົ້າຈະຖືກເຮົາລົງໂທດແນວນີ້.
ພວກເຈົ້າຈະຕ້ອງນອນລົງຢ່າງເຈັບປວດທໍລະມານ.”
ຂໍ ຄວາມ ໄຂ ເງື່ອນ
^ ແປຕາມໂຕວ່າ “ເພິ່ນປຸກຫູຂ້ອຍໃຫ້ຕື່ນຂຶ້ນມາຟັງ”
^ ແປຕາມໂຕວ່າ “ເຮັດໃຫ້ໜ້າຂ້ອຍເປັນຄືກັບຫີນ.” ຫີນຊະນິດນີ້ແຂງກວ່າເຫຼັກ. ຖ້າເອົາ 2 ກ້ອນມາຂີດໃສ່ກັນມັນຈະເກີດເປັນປະກາຍໄຟແລະໃຊ້ດັງໄຟໄດ້.
^ ຫຼື “ຕໍ່ສູ້”
^ ຫຼື “ເພິ່ງເພິ່ນ”