ເອຊາຢາ 61:1-11
61 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເອົາພະລັງຂອງເພິ່ນໃຫ້ຂ້ອຍ.+ພະເຢໂຫວາແຕ່ງຕັ້ງຂ້ອຍໃຫ້ປະກາດຂ່າວດີກັບຄົນຖ່ອມ.+
ເພິ່ນໃຫ້ຂ້ອຍປິ່ນປົວຄົນທີ່ຫົວໃຈແຕກສະຫຼາຍໃຫ້ປະກາດເລື່ອງການປົດປ່ອຍກັບພວກຊະເລີຍແລະໃຫ້ປະກາດວ່າພວກນັກໂທດຈະເຫັນຮຸ່ງອີກເທື່ອໜຶ່ງ.+
2 ເພິ່ນໃຫ້ຂ້ອຍປະກາດວ່າເວລາທີ່ພະເຢໂຫວາຈະສະແດງຄວາມເມດຕາ*ຕໍ່ຄົນຖ່ອມແລະເວລາທີ່ພະເຈົ້າຈະແກ້ແຄ້ນສັດຕູຂອງເພິ່ນມາຮອດແລ້ວ.+ເພິ່ນໃຫ້ຂ້ອຍປອບໂຍນຄົນທີ່ໂສກເສົ້າ+
3 ແລະໃຫ້ເບິ່ງແຍງຄົນທີ່ໂສກເສົ້າເສຍໃຈໃນສິ່ງທີ່ເກີດຂຶ້ນກັບຊີໂອນ.ເພິ່ນໃຫ້ຂ້ອຍເອົາຄວາມສຸກທີ່ເປັນຄືກັບຜ້າຄຽນຫົວມາແທນຂີ້ເທົ່າໃຫ້ເອົາຄວາມຍິນດີທີ່ເປັນຄືກັບນ້ຳມັນມາແທນຄວາມໂສກເສົ້າແລະໃຫ້ເອົາຄຳຊົມເຊີຍທີ່ເປັນຄືກັບເຄື່ອງນຸ່ງມາແທນຄວາມທໍ້ໃຈ.
ເຂົາເຈົ້າຈະຖືກເອີ້ນວ່າຕົ້ນໄມ້ໃຫຍ່ທີ່ດີເປັນຕົ້ນໄມ້ທີ່ພະເຢໂຫວາປູກເພື່ອໃຫ້ເພິ່ນໄດ້ຮັບກຽດ.*+
4 ເຂົາເຈົ້າຈະສ້າງເມືອງທີ່ເປັນຊາກຫັກພັງເກົ່າແກ່ຄືນໃໝ່.ເຂົາເຈົ້າຈະສ້າງບ່ອນທີ່ຮ້າງໆແຕ່ກີ້ຄືນອີກ+ແລະຟື້ນຟູເມືອງຕ່າງໆທີ່ຖືກທຳລາຍ.+ບ່ອນເຫຼົ່ານີ້ຖືກປະຖິ້ມໄວ້ໃຫ້ຮ້າງດົນແລ້ວ.+
5 “ຄົນຕ່າງຖິ່ນຈະລ້ຽງຝູງແກະໃຫ້ເຈົ້າແລະຄົນຕ່າງຊາດ+ຈະເຮັດໄຮ່ເຮັດນາແລະເຮັດສວນໝາກລະແຊັງໃຫ້ເຈົ້າ.+
6 ຄົນຈະເອີ້ນເຈົ້າວ່າປະໂລຫິດຂອງພະເຢໂຫວາ+ແລະຈະເອີ້ນເຈົ້າວ່າຜູ້ຮັບໃຊ້ຂອງພະເຈົ້ານຳ.
ເຈົ້າຈະໃຊ້ຊັບສົມບັດຂອງຊາດຕ່າງໆ+ແລະອວດກ່ຽວກັບຄວາມຮັ່ງມີຂອງເຂົາເຈົ້າ.
7 ປະຊາຊົນຂອງເຮົາເຄີຍອັບອາຍ ແຕ່ຕອນນີ້ເຂົາເຈົ້າຈະໄດ້ສ່ວນແບ່ງ 2 ເທົ່າແລະແທນທີ່ຈະຂາຍໜ້າ ເຂົາເຈົ້າຈະຮ້ອງຢ່າງມີຄວາມສຸກທີ່ໄດ້ສ່ວນແບ່ງນັ້ນ.
ເຂົາເຈົ້າຈະໄດ້ສ່ວນແບ່ງ 2 ເທົ່າໃນແຜ່ນດິນຂອງໂຕເອງ+
ແລະເຂົາເຈົ້າຈະມີຄວາມສຸກຕະຫຼອດໄປ.+
8 ເຮົາເຢໂຫວາຮັກຄວາມຍຸຕິທຳ.+ເຮົາຊັງການລັກແລະຄວາມຊົ່ວ.+
ເຮົາຈະຕອບແທນເຂົາເຈົ້າຢ່າງຍຸຕິທຳແລະຈະເຮັດສັນຍາທີ່ຢູ່ຕະຫຼອດໄປກັບເຂົາເຈົ້າ.+
9 ຊາດຕ່າງໆຈະຮູ້ຈັກລູກຫຼານຂອງເຂົາເຈົ້າ+ແລະທຸກຄົນກໍຈະຮູ້ເລື່ອງລູກຫຼານຂອງເຂົາເຈົ້າ.
ໃຜກໍຕາມທີ່ເຫັນເຂົາເຈົ້າກໍຈະຈື່ໄດ້ວ່າເຂົາເຈົ້າເປັນລູກຫຼານທີ່ພະເຢໂຫວາອວຍພອນ.”+
10 ຂ້ອຍຈະຮ້ອງດ້ວຍຄວາມຍິນດີໃນສິ່ງທີ່ພະເຢໂຫວາໄດ້ເຮັດ.
ຂ້ອຍຈະມີຄວາມສຸກຫຼາຍຍ້ອນພະເຈົ້າຂອງຂ້ອຍ.+
ເພິ່ນເອົາຄວາມລອດທີ່ເປັນຄືກັບເຄື່ອງນຸ່ງມານຸ່ງໃຫ້ຂ້ອຍ+ແລະເອົາຄວາມຍຸຕິທຳທີ່ເປັນຄືກັບເສື້ອຄຸມມາໃສ່ໃຫ້ຂ້ອຍ.ຂ້ອຍເປັນຄືກັບເຈົ້າບ່າວທີ່ໃສ່ຜ້າຄຽນຫົວຄືກັບທີ່ປະໂລຫິດໃສ່+ແລະເປັນຄືກັບເຈົ້າສາວທີ່ໃສ່ເຄື່ອງປະດັບງາມໆ.
11 ຄືກັບທີ່ດິນເຮັດໃຫ້ເມັດພືດປົ່ງຂຶ້ນແລະສວນທີ່ອຸດົມສົມບູນກໍເຮັດໃຫ້ເມັດພືດທີ່ຫວ່ານປົ່ງຂຶ້ນພະເຢໂຫວາພະເຈົ້າຜູ້ຍິ່ງໃຫຍ່ສູງສຸດກໍຈະເຮັດໃຫ້ຄວາມຍຸຕິທຳປົ່ງຂຶ້ນ+ຕໍ່ໜ້າທຸກຊາດ ແລະເພິ່ນຈະເຮັດໃຫ້ຄົນສັນລະເສີນເພິ່ນ.+
